၁၃
၁ ထႃႇဝရႃႉၽြႃးတီႈၶႃႈ၊ ၸဝ်ႈႁဝ်းတၵ်းလူင်ႈတၵ်းလိုမ်းပႅတ်ႈၶႃႈၸဝ်ႈယူႇသေႇသေႇၶိင်ႇၵႃႇလႃႉႁိုင်ၵႃႈႁိုဝ်ၶႃႈ။တၵ်းလပ်ႉၼႃႈၸဝ်ႈႁဝ်းသေၵႃႈတီႈၵဝ်ၶႃႈယူႇၶိင်ႇၵႃႇလႃႉႁိုင်ၵႃႈႁိုဝ်ၶႃႈ။ၶႃႈၸဝ်ႈတၵ်းလႆႈပႃးတၢင်းဢၼ်မႆႈၸႂ်ၶီၸႂ် ၵႃႈၼႂ်းႁူဝ်ၸႂ်ၶႃႈၸဝ်ႈယူႇၵူႈမိူဝ်ႉၵူႈဝၼ်းသေလႄႈ လႆႈၶႆႈၸႂ်ဝူၼ်ႉၸႂ်ၵႃႈၼႂ်းႁူဝ်ၸႂ်ယူႇၶိင်ႇ ၵႃႇလႃႉႁိုင်ၵႃႈႁိုဝ်ၶႃႈ။
၂ ရၢၼ်ႇသူႇၶႃႈၸဝ်ႈၼၼ်ႉတၵ်းလႆႈ ၶၢမ်ႇတၢင်းဢၼ်ယုၵ်ႉယွင်ႈဝႆႉၵႃႈၼိူဝ်ၶႃႈၸဝ်ႈယူႇ ၶိင်ႇၵႃႇလႃႉႁိုင်ၵႃႈႁိုဝ်ၶႃႈ။
၃ ထႃႇဝရႃႉၽြႃးၽြႃးပဵၼ်ၸဝ်ႈၵဝ်ၶႃႈတီႈၶႃႈ။ၶႅၼ်းတေႃႈဝၢႆႇၼႃႈၸူးၶႃႈၸဝ်ႈလႄႈဢိူဝ်ႈၶႃႈၸဝ်ႈသေၵမ်းတီႈၶႃႈ။ႁႂ်ႈမၢၵ်ႇတႃၶႃႈၸဝ်ႈၸိုၼ်ႈလီလႅင်းလီသေၵမ်းတီႈၶႃႈ။ပေႃးဢမ်ႇၼၼ်ၸိုင် ၶႃႈၸဝ်ႈတၵ်းလႆႈႁွတ်ႈထိုင်တၢင်းဢၼ် ၼွၼ်းလပ်းၼႂ်းတၢင်းတၢႆၼၼ်ႉတီႈၶႃႈဢေႃႈ။
၄ ရၢၼ်ႇသူႇၶႃႈၸဝ်ႈတၵ်းလၢတ်ႈလႄႈဝႃႈ၊-ၵဝ်ပႄႉၼႅင်ႇမၼ်းယဝ်ႉဝႃႈၼင်ႇၼႆလႄႈၵေႃႉဢၼ်ယႃႉယူၵ်ႉၶႃႈၸဝ်ႈၼၼ်ႉ တၵ်းသႂၢင်ႇသိူဝ်းၼႂ်းမိူဝ်ႈဢၼ်ၶႃႈၸဝ်ႈသၼ်ႇဝႆယူႇၼၼ်ႉတီႈၶႃႈဢေႃႈ။
၅ ၶႃႈၸဝ်ႈဢိင်ပိုင်ႈၵရူႉၼႃႇၸဝ်ႈႁဝ်းလႄႈႁူဝ်ၸႂ်ၶႃႈၸဝ်ႈသႂၢင်ႇသိူဝ်း ၼႂ်းလွင်ႈတၢင်းဢၼ်ၸဝ်ႈႁဝ်း ၵႄႇသႄႇၶျွတ်ႈဢဝ်ၼၼ်ႉတီႈ ၶႃႈဢေႃႈ။
၆ ၶႃႈၸဝ်ႈတၵ်းႁဵတ်းၵႂၢမ်းထေႃးပၼႃႇတီႈထႃႇဝရႃႉၽြႃးၵွပ်ႈပိူဝ်ႈဢၼ် မၼ်းၸဝ်ႈႁဵတ်းၵျေးၸူးတီႈၶႃႈၸဝ်ႈၼၼ်ႉတီႈၶႃႈဢေႃႈ။