၅၇
၁ ၽြႃးပဵၼ်ၸဝ်ႈတီႈၶႃႈ၊ ၶႅၼ်းတေႃႈဢိတ်းလူၶႃႈၸဝ်ႈသေၵမ်းတီႈၶႃႈ။ဢိတ်းလူသေၵမ်းတီႈၶႃႈ။ဝိၺိၺ်ႇၶႃႈၸဝ်ႈသွၼ်ႈပိုင်ႈၸဝ်ႈႁဝ်းယူႇလႄႈ ၶႃႈၸဝ်ႈသွၼ်ႈပိုင်ႈၵႃႈတႂ်ႈႁူမ်ႊပိၵ်ႇၸဝ်ႈႁဝ်းယူႇတေႃႇထိုင်ႁွတ်ႈထၼ်ႈပေႃးၽေးပူၼ်ႉၵႂႃႇတီႈၶႃႈဢေႃႈ။
၂ ၵဝ်တၵ်းႁွင်ႉသႅၼ်ႇႁွင်ႉႁႃ ၽြႃးပဵၼ်ၸဝ်ႈ ဢၼ်သုင်ၼႃႇသေပိူၼ်ႈ ၽြႃးပဵၼ်ၸဝ်ႈဢၼ်တၵ်းႁႂ်ႈဢမူႉၵဝ် ယဝ်ႉတူဝ်လီငၢမ်းၼၼ်ႉဢေႃႈ။
၃ မၼ်းၸဝ်ႈတၵ်းပွႆႇၸႂ်ႉသေၵႃႈတီႈၵၢင်ႁၢဝ်မႃး ၵႄႇသႄႇၶျွတ်ႈဢဝ်ၵဝ်လႄႈသင်ႇသွၼ်သုင်းမႃႉ ၵေႃႉဢၼ်ထူၺ်ႈၸႂ်သဝ်ႇၸႂ်လူင်လႄႈလိုပ်ႈၸွမ်းၵဝ်ယူႇၼၼ်ႉဢေႃႈ။ၸေႇလႃႇ။
၄ ၽြႃးပဵၼ်ၸဝ်ႈ တၵ်းပွႆႇၸႂ်ႉ ၵရူႉၼႃႇမၼ်းၸဝ်ႈဢိၵ်ႇတင်းသႅတ်ႈၸႃႇမၼ်းၸဝ်ႈမႃးဢေႃႈ။ဝိၺိၺ်ႇၵဝ်လႆႈယူႇၵႃႈၼႂ်းၽုင်သၢင်ႇသီႈလႄႈ ၵဝ်လႆႈၼွၼ်းယူႇၵႃႈၼႂ်းၶဝ်ၸိူဝ်းဢၼ်ၽႆးလုၵ်ႉမႆႈယူႇ ၵႃႈၼႂ်းၵူၼ်းဢၼ်ၶဵဝ်ႈၶဝ်ပဵၼ်ႁွၵ်ႇတင်းပိုၼ်လႄႈ လိၼ်ႉၶဝ်ပဵၼ်လၢပ်ႇပဵၼ်လႅဝ်းဢၼ်ၽၢႆၼၼ်ႉဢေႃႈ။
၅ ၽြႃးပဵၼ်ၸဝ်ႈတီႈၶႃႈ၊ ႁႂ်ႈၸဝ်ႈႁဝ်းမီးတၢင်းဢၼ်သုင်ၼႃႇသေၵၢင်ႁၢဝ်သုင်ၼၼ်ႉ သေၵမ်းလူၺ်ႈတီႈၶႃႈ။ႁႂ်ႈမုၼ်ၽုင်းၸဝ်ႈႁဝ်းမီးယူႇၵႃႈၼိူဝ်လိၼ်မိူင်း တင်းသဵင်ႈတင်းမူတ်းသေၵမ်းလူၺ်ႈတီႈၶႃႈ။
၆ ၶဝ်ၼၼ်ႉမႄးၵၢင်ႇမႄးတူင်ႇႁဵဝ်ႉဝႆႉ ၵႃႈၼႂ်းသဵၼ်ႈတၢင်းဢၼ်ၵဝ်ၵႂႃႇၼၼ်ႉယဝ်ႉ။ဝိၺိၺ်ႇၵဝ်မီးတၢင်းဢၼ်ၶျႃးတူၵ်းတီႈတႅမ်ႇယူႇဢေႃႈ။ၶဝ်ၶုတ်ႉၶုမ်ၶုတ်ႉလုၵ်းဝႆႉၵႃႈတီႈၽၢႆႇၼႃႈၵဝ်သေယဝ်ႉ တူဝ်ၶဝ်တူၵ်းသႂ်ႇၵႃႈၼႂ်းၼၼ်ႉယဝ်ႉ။
၇ ၽြႃးပဵၼ်ၸဝ်ႈတီႈၶႃႈ၊ ႁူဝ်ၸႂ်ၶႃႈၸဝ်ႈတႄႇယူႇတီႈၶႃႈဢေႃႈ။ၶႃႈၸဝ်ႈတၵ်းႁဵတ်းၵႂၢမ်းလႄႈတၵ်းယွင်ႈ ယေႃးႁဵတ်းထေႃးပၼႃႇတီႈၶႃႈဢေႃႈ။
၈ မုၼ်ၽုင်းၵဝ်ဢိူၺ်း၊တိုၼ်ႇမႃးတႃႉ။တရေႃးဢိၵ်ႇတင်းတိင်ႇၶဝ်ဢိူၺ်း၊တိုၼ်ႇမႃးတႃႉ။ၵဝ်ၵေႃႈတၵ်းတိုၼ်ႇမႃးၸဝ်ႉ ၸဝ်ႉၸဵဝ်းၸဵဝ်းဢေႃႈ။
၉ ထႃႇဝရႃႉၽြႃးတီႈၶႃႈ၊ ၶႃႈၸဝ်ႈတၵ်းယွင်ႈယေႃးၸဝ်ႈႁဝ်းၵႃႈၼႂ်းၵၢင်ပရိၵ်ႈသၢတ်ႈတီႈၶႃႈဢေႃႈ။ၶႃႈၸဝ်ႈတၵ်းႁဵတ်းၵႂၢမ်းထေႃးပၼႃႇတီႈၸဝ်ႈႁဝ်း ၼႂ်းမဵဝ်းၵူၼ်းတင်းလၢႆၼၼ်ႉတီႈ ၶႃႈဢေႃႈ။
၁၀ လွင်ႈမၼ်းၸမ်း ၵရူႉၼႃႇၸဝ်ႈႁဝ်းၶိုတ်းထိုင်ၽႃႉၵၢင်ႁၢဝ်လႄႈ သႅတ်ႈၸႃႇၸဝ်ႈႁဝ်းၶိုတ်းထိုင် ၽႃႉၽူၼ်တီႈၶႃႈဢေႃႈ။
၁၁ ၽြႃးပဵၼ်ၸဝ်ႈတီႈၶႃႈ၊ ႁႂ်ႈၸဝ်ႈႁဝ်းမီးတၢင်းဢၼ်သုင်ၼႃႇသေၵၢင်ႁၢဝ်သုင်ၼၼ်ႉသေၵမ်းလူၺ်ႈတီႈၶႃႈ။ႁႂ်ႈမုၼ်ၽုင်းၸဝ်ႈႁဝ်းမီးယူႇၵႃႈၼိူဝ်လိၼ်မိူင်းတင်းသဵင်ႈတင်းမူတ်း သေၵမ်းလူၺ်ႈတီႈၶႃႈ။