၁၄၉
၁ ႁႃႇလေႇလုယႃႇ။ဢွၼ်ၵၼ်ႁဵတ်းၵႂၢမ်းဢၼ်မႂ်ႇတီႈထႃႇဝရႃႉၽြႃးလႄႈ ယွင်ႈယေႃးမုၼ်မၼ်းၸဝ်ႈၵႃႈၼႂ်းပရိၵ်ႈသၢတ်ႈၶဝ်ၸိူဝ်းဢၼ်မၼ်းၸဝ်ႈႁၵ်ႉပႅင်း ၼၼ်ႉတႃႉ။
၂ ႁႂ်ႈမဵဝ်းဢိသရေႇလဢွၼ်ၵၼ်ၸူမ်းသိူဝ်းယူႇၼႂ်းၸဝ်ႈ ဢၼ်ႁႂ်ႈၶဝ်ပဵၼ်မႃးၼၼ်ႉသေၵမ်းလူၺ်ႈ။ႁႂ်ႈၵူၼ်းၸိဢုၼ်ႇတင်းလၢႆ ဢွၼ်ၵၼ်သႂၢင်ႇသိူဝ်းယူႇ ၼႂ်းၶုၼ်ႁေႃၶမ်းၶဝ်သေၵမ်းလူၺ်ႈ။
၃ ႁႂ်ႈၶဝ်ဢွၼ်ၵၼ်ၵႃႈဝႅၼ်သေလႄႈ ယွင်ႈယေႃးၼႃႇမႃႉၸိုဝ်ႈသဵင်မၼ်းၸဝ်ႈသေၵမ်းလူၺ်ႈ။ႁႂ်ႈၶဝ်ဢွၼ်ၵၼ်ႁႆႇၵွင်ၶဵတ်ႇလဵတ်းတိင်ႇသေလႄႈ ႁဵတ်းၵႂၢမ်းထေႃးပၼႃႇတီႈမၼ်းၸဝ်ႈ သေၵမ်းလူၺ်ႈ။
၄ လွင်ႈမၼ်းၸမ်းထႃႇဝရႃႉၽြႃးထုၵ်ႇၸႂ်ၵျိူၵ်ႈၸႂ်ၵူၼ်းမၼ်းၸဝ်ႈတင်းလၢႆလႄႈ မၼ်းၸဝ်ႈႁႂ်ႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉ မီးသရေႇဢၼ်ႁၢင်ႊလီႁၢင်ႊငၢမ်း လူၺ်ႈတၢင်းဢၼ်ၵႄႇသႄႇၶျွတ်ႈဢဝ်ၼၼ်ႉဢေႃႈ။
၅ ႁႂ်ႈၶဝ်ၸိူဝ်းဢၼ် မၼ်းၸဝ်ႈႁၵ်ႉပႅင်းၼၼ်ႉ မုၼ်ယႂ်ႇၽုင်းယႂ်ႇလႄႈသႂၢင်ႇသိူဝ်းၸႂ်သေၵမ်းလူၺ်ႈ။ႁႂ်ႈသႂၢင်ႇသိူဝ်းသေလႄႈ ႁဵတ်းၵႂၢမ်းယူႇ ၵႃႈၼိူဝ်တီႈဢိင်တီႈ ၼွၼ်းၶဝ်ၼၼ်ႉသေၵမ်းလူၺ်ႈ။
၆ ႁႂ်ႈတၢင်းယွင်ႈယေႃးမုၼ်ၽြႃးပဵၼ်ၸဝ်ႈၼၼ်ႉ ၸပ်းသူပ်းၸပ်းပၢၵ်ႇၶဝ်ယူႇ သေၵမ်းလူၺ်ႈ။
၇ ႁႂ်ႈလၢပ်ႇသၢၼ်ႇလျၢၵ်ႈဢၼ်မီးၶူမ်းသွင်ၽၢႆႇၼၼ်ႉ မီးယူႇၵႃႈၼႂ်းမိုဝ်းၶဝ် ႁႂ်ႈလႆႈပၼ်ဢပျႅတ်ႈ ၸွမ်းၼင်ႇတြႃးတီႈၵူၼ်းတၢင်ႇၸိူဝ်ႉတၢင်ႇၶိူဝ်း တင်းလၢႆလႄႈ
၈ ပၼ်တၢမ်ႇတီႈမဵဝ်းၵူၼ်းတင်းလၢႆႁႂ်ႈလႆႈဢဝ်ၸိူၵ်ႈလဵၵ်းမတ်ႉၽုၵ်ႇ ၶုၼ်ႁေႃၶမ်းၶဝ်တင်းလၢႆလႄႈ ဢဝ်ဝိၺိၺ်ႇလဵၵ်းသႂ်ႇတီႈမူးမၢတ်ႈၽွင်းမိူင်းၶဝ်ဢိၵ်ႇတင်း ႁႂ်ႈလႆႈႁဵတ်းတၢင်းဢၼ်ၸီႇယၢင်ႇဢပျႅတ်ႈ ဢၼ်တႅမ်ႈမၢႆဝႆႉၼၼ်ႉသေၵမ်းလူၺ်ႈ။
၉ ၶဝ်ၸိူဝ်းဢၼ်မၼ်းၸဝ်ႈႁၵ်ႉပႅင်း တင်းသဵင်ႈတင်းလူင်ၼၼ်ႉၸၢပ်ႈသႅင်ႇၵၼ်တင်းမုၼ်ၽုင်းၸိူဝ်ႉၼင်ႇၼၼ်ဢေႃႈ။ႁႃႇလေႇလုယႃႇ။