၁၄၆
၁ ႁႃႇလေႇလုယႃႇ။ဝိၺိၺ်ႇၵဝ်ဢိူၺ်း၊ယွင်ႈယေႃးထႃႇ ဝရႃႉၽြႃးတႃႉ။
၂ ၸူဝ်ႈဢၼ်ၵဝ်ယင်းတိုၵ်ႉဢသၢၵ်ႈလိပ်းယူႇၼႆႉၸိုင် ၵဝ်တၵ်းယွင်ႈယေႃးထႃႇဝရႃႉၽြႃးဢေႃႈ။ၵဝ်တၵ်းဢဝ်တူႇရီ့ယႃႇ ႁဵတ်းသဵင်ယွင်ႈယေႃးတီႈၽြႃးပဵၼ်ၸဝ်ႈၵဝ် ၸူဝ်ႈဢၼ်ၵဝ် ယင်းတိုၵ်ႉပဵၼ်ယူႇၼႆႉ ဢေႃႈ။
၃ ယႃႇပေဢိင်ပိုင်ႈၶုၼ်တင်းလၢႆဢိၵ်ႇတင်းၵူၼ်းဢၼ်ဢမ်ႇၵႄႇသႄႇၶျွတ်ႈဢဝ်လႆႈၼၼ်ႉ။မၼ်းၼၼ်ႉဢသၢၵ်ႈၸၢင်ႊဢွၵ်ႇသေလႄႈ ၶိုၼ်းၸူးၵႃႈတီႈလိၼ် ဢေႃႈ။
၄ ၼႂ်းဝၼ်းၼၼ်ႉၵမ်းလဵဝ်တၢင်းၵျၢမ်ႇတၢင်းပွင် မၼ်းၸိူဝ်းၼၼ်ႉလူႉလႅဝ်ၵႂႃႇဢေႃႈ။
၅ ၵေႃႉဢၼ်ၽြႃးပဵၼ်ၸဝ်ႈမဵဝ်းယႃႇၵုပ်ႉ ၸွႆႈထႅမ်ယူႇၵေႃႉဢၼ်မုင်ထႃႈမွင်းထႃႈ ထႃႇဝရႃႉၽြႃးၽြႃးပဵၼ်ၸဝ်ႈမၼ်းယူႇၼၼ်ႉ မီးမင်ႇၵလႃႇဢေႃႈ။
၆ မၼ်းၸဝ်ႈၼၼ်ႉႁဵတ်းပဵၼ်ၵၢင်ႁၢဝ်၊လိၼ်မိူင်း၊ ၼမ်ႉသမ်ႇမုၵ်ႉတြႃႇ၊ ဢိၵ်ႇတင်းၵႃႈဢၼ်မီးၼႂ်းမၼ်းၸိူဝ်းၼၼ်ႉလႄႈ ပႂ်ႉသႅတ်ႈၸႃႇယူႇ တႃႇသေႇဢမ်ႇထၢတ်ႇဢေႃႈ။
၇ မၼ်းၸဝ်ႈႁဵတ်းၸွမ်းတြႃး ယူႇၽၢႆႇၶဝ်ၸိူဝ်းဢၼ်လႆႈၶၢမ်ႇ တၢင်းဢၼ်ၼိၵ်ႈၸၢၵ်ႈငႅၼ်းသေးၼၼ်ႉဢေႃႈ။မၼ်းၸဝ်ႈလဵင်ႉလူတၢင်းၵိၼ်တၢင်းၶူပ်း တီႈၶဝ်ၸိူဝ်းဢၼ်ဢိုပ်းယၢၵ်ႈၼၼ်ႉလႄႈထႃႇဝရႃႉၽြႃး ပွႆႇၶဝ်ၸိူဝ်းဢၼ်လႆႈၶၢမ်ႇ တၢင်းဢၼ်ၶျူၵ်ႈဝႆႉၼၼ်ႉလွတ်ႈဢေႃႈ။
၈ ထႃႇဝရႃႉၽြႃးၽုၺ်ႇပိုတ်ႇတႃ ၶဝ်ၸိူဝ်းဢၼ်တႃမွတ်ႇၼၼ်ႉဢေႃႈ။ထႃႇဝရႃႉၽြႃးယုၵ်ႉဢဝ်ယွင်ႊဢဝ် ၶဝ်ၸိူဝ်းဢၼ်လႆႈ ၶၢမ်ႇတၢင်းဢၼ်ၵူမ်ႈဢၼ်ၵွမ်းယူႇၼၼ်ႉဢေႃႈ။
၉ ထႃႇဝရႃႉၽြႃးႁၵ်ႉ ၶဝ်ၸိူဝ်းဢၼ်သိုဝ်ႈတေႃႇၼၼ်ႉဢေႃႈ။ထႃႇဝရႃႉၽြႃးပႂ်ႉၸွႆႈပႂ်ႉထႅမ်ၶဝ်တင်းလၢႆလႄႈ ၵမ်ႉထွၵ်ႈမေႈမုၵ်ႉမေႈမၢႆႈဢိၵ်ႇတင်း ၶဝ်ၸိူဝ်းဢၼ်ၽၢၼ်ပေႃႈၽၢၼ်မေႈၸိူဝ်းၼၼ်ႉဢေႃႈ။သဵၼ်ႈတၢင်းၶဝ်ၸိူဝ်းဢၼ်ဢမ်ႇတြႃးၼၼ်ႉၸမ်း မၼ်းၸဝ်ႈႁႂ်ႈၵူတ်ႉႁႂ်ႈငွၵ်း ဢေႃႈ။
၁၀ ဝဵင်းၸိဢုၼ်ႇဢိူၺ်း၊ၽြႃးပဵၼ်ၸဝ်ႈမႂ်းဢၼ်ဝႃႈထႃႇဝရႃႉၽြႃးၼၼ်ႉ တၵ်းၼင်ႈႁၢင်ႈၼင်ႈႁေႃယူႇတႃႇသေႇဢမ်ႇထၢတ်ႇ ၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈဢေႃႈ။ႁႃႇလေႇလုယႃႇ။