၁၄၅
၁ ၽြႃးပဵၼ်ၸဝ်ႈၵဝ်ၶႃႈ၊ ၶုၼ်ႁေႃၶမ်းၵဝ်ၶႃႈတီႈၶႃႈ၊ၶႃႈၸဝ်ႈ တၵ်းယုၵ်ႉယွင်ႈၸဝ်ႈႁဝ်းလႄႈ တၵ်းပၼ်တၢင်းလီတီႈၼႃႇမႃႉၸိုဝ်ႈသဵင်ၸဝ်ႈႁဝ်းယူႇ ၵူႈၵမ်ႇ ၽႃႇသိုပ်ႇသိုပ်ႇတၢမ်ႈတၢမ်ႈတီႈၶႃႈဢေႃႈ။
၂ ၶႃႈၸဝ်ႈတၵ်းယွင်ႈယေႃး ပၼ်တၢင်းလီတီႈၸဝ်ႈႁဝ်းၵူႈဝၼ်းဢမ်ႇထၢတ်ႇလႄႈ တၵ်းယွင်ႈယေႃးၼႃႇမႃႉၸိုဝ်ႈသဵင်ၸဝ်ႈႁဝ်းယူႇ ၵူႈၵမ်ႇၽႃႇသိုပ်ႇသိုပ်ႇတၢမ်ႈတၢမ်ႈတီႈ ၶႃႈဢေႃႈ။
၃ ထႃႇဝရႃႉၽြႃးယႂ်ႇမျၢတ်ႈၼႃႇလႄႈပဵၼ်တီႈဢၼ်လီယွင်ႈယေႃးၼႃႇလူင်လၢင် တီႈၶႃႈဢေႃႈ။ၸႅတ်ႈထၢမ်ၸႅတ်ႈတူၺ်း တၢင်းဢၼ်မၼ်းၸဝ်ႈယႂ်ႇ မျၢတ်ႈၼႃႇၼၼ်ႉဢမ်ႇသဵင်ႈလႆႈ။
၄ ၵူၼ်းမဵဝ်းသိုပ်ႇၼိုင်ႈတၵ်းယွင်ႈယေႃး လွင်ႈတၢင်းဢၼ်ၸဝ်ႈႁဝ်းၸီႇယၢင်ႇႁဵတ်းဝႆႉၸိူဝ်းၼၼ်ႉတီႈ ၵူၼ်းမဵဝ်းသိုပ်ႇၼိုင်ႈလႄႈတၵ်းၽုၺ်ႇဢွၵ်ႇၼႄပျႃး တၼ်းၶူဝ်းၸဝ်ႈႁဝ်းတင်း လၢႆတီႈၶႃႈဢေႃႈ။
၅ ၶႃႈၸဝ်ႈတၵ်းၶုၵ်းၸႂ်လႆႈၶႆႈၸႂ်လူၺ်ႈ လွင်ႈမုၼ်တၼ်းၶူဝ်းဢႃႇၼူႉၽေႃႇၸဝ်ႈႁဝ်းဢိၵ်ႇတင်း လွင်ႈတၢင်းဢၼ်လီဢၢမ်းၸဝ်ႈႁဝ်းၸိူဝ်း ၼၼ်ႉတီႈၶႃႈဢေႃႈ။
၆ ၶဝ်တၵ်းဢွၵ်ႇသူပ်းၶဝ်ဝႃႈလူၺ်ႈလွင်ႈတၼ်းၶူဝ်း ဢၼ်ပႃးတီႈလွင်ႈတၢင်းဢၼ်ရူဝ်ႇသေႇၵူဝ်ယမ်ၸဝ်ႈႁဝ်းၸိူဝ်းၼၼ်ႉလႄႈ ၶႃႈၸဝ်ႈၵေႃႈတၵ်းၽုၺ်ႇဢွၵ်ႇၼႄပျႃး လွင်ႈတၢင်းဢၼ်ၸဝ်ႈႁဝ်း ယႂ်ႇမျၢတ်ႈၼႃႇၼၼ်ႉတီႈၶႃႈဢေႃႈ။
၇ ၶဝ်တၵ်းဢဝ်တီႈဢၼ်တၵ်းၶုၵ်းၸႂ်လႆႈၶႆႈၸႂ်ထူပ်း လွင်ႈတၢင်းဢၼ်ၸဝ်ႈႁဝ်းယႂ်ႇမျၢတ်ႈၼႃႇလူင်လၢင်ၼၼ်ႉ မွၵ်ႇလၢတ်ႈလႄႈ ႁဵတ်းၵႂၢမ်းဢၼ်သႂၢင်ႇဢၼ်သိူဝ်းလူၺ်ႈလွင်ႈတၢင်းဢၼ်ၸဝ်ႈႁဝ်းသိုဝ်ႈတေႃႇၼၼ်ႉ တီႈၶႃႈဢေႃႈ။
၈ထႃႇဝရႃႉၽြႃးတဵမ်ဝႆႉတင်း တၢင်းဢၼ်ႁဵတ်းၵျေးၸူး၊တၢင်းဢၼ်ဢိတ်းလူႁၵ်ႉပႅင်း၊ တၢင်းဢၼ်ယိူၼ်ႉၶၢမ်ႇ၊ဢိၵ်ႇတင်း တၢင်းဢၼ်ၵရူႉၼႃႇလိူင်ႇၼမ်ၼႃႇၼၼ်ႉ ဢေႃႈ။
၉ ထႃႇဝရႃႉၽြႃးမီးၸႂ်ဢၼ်ၶႂ်ႈႁဵတ်းၵျေးၸူးတီႈၵူၼ်းတင်းသဵင်ႈတင်းလူင်လႄႈ ဢိတ်းလူႁၵ်ႉပႅင်းၵႃႈ ဢၼ်မၼ်းၸဝ်ႈႁဵတ်းပဵၼ်ဝႆႉၸိူဝ်းၼၼ်ႉဢေႃႈ။
၁၀ ထႃႇဝရႃႉၽြႃးတီႈၶႃႈ ၵႃႈဢၼ်ၸဝ်ႈႁဝ်းႁဵတ်းပဵၼ်ဝႆႉၸိူဝ်းၼၼ်ႉ ဢွၼ်ၵၼ်ယွင်ႈယေႃးၵျေးၸူးၸဝ်ႈႁဝ်းလႄႈၶဝ်ၸိူဝ်းဢၼ်ၸဝ်ႈႁဝ်းႁၵ်ႉပႅင်းၼၼ်ႉ ဢွၼ်ၵၼ်ပၼ် တၢင်းလီတီႈၸဝ်ႈႁဝ်းတီႈၶႃႈဢေႃႈ။
၁၁ ၶဝ်ဢွၼ်ၵၼ်ဢွၵ်ႇသူပ်းၶဝ်ဝႃႈ လွင်ႈမုၼ်ၽုင်းမိူင်းၸဝ်ႈႁဝ်းလႄႈ မွၵ်ႇလၢတ်ႈလွင်ႈတၼ်းၶူဝ်းၸဝ်ႈႁဝ်း ႁႂ်ႈလႆႈၽုၺ်ႇဢွၵ်ႇၼႄပျႃး
၁၂ လွင်ႈတၢင်းဢၼ်ၸဝ်ႈႁဝ်းပႃးတၼ်းၶူဝ်းသေလႄႈႁဵတ်းၸိူဝ်းၼၼ်ႉ ဢိၵ်ႇတင်းမုၼ်သရေႇမိူင်းၸဝ်ႈႁဝ်းၼၼ်ႉ တီႈလုၵ်ႈၵူၼ်းတင်းလၢႆတီႈၶႃႈ ဢေႃႈ။
၁၃ မိူင်းၸဝ်ႈႁဝ်းပဵၼ်မိူင်းၼိၵ်ႉၸႃႉထႃႇဝရႃႉလႄႈဢႃႇၼႃႇၸဝ်ႈႁဝ်း လႆႈတႄႇယူႇၵူႈၸူဝ်ႈၵူႈပၢၼ် သိုပ်ႇ သိုပ်ႇတၢမ်ႈတၢမ်ႈတီႈၶႃႈဢေႃႈ။
၁၄ ထႃႇဝရႃႉၽြႃးၵမ်ႉထွၵ်ႈၶဝ်ၸိူဝ်းဢၼ်လူမ်ႉၵႃႈမီးၼၼ်ႉလႄႈ ယုၵ်ႉဢဝ်ယွင်ႊဢဝ်ၶဝ်ၸိူဝ်းဢၼ်လႆႈၶၢမ်ႇ တၢင်းဢၼ်ၵူမ်ႈယူႇၵွမ်း ယူႇတင်းသဵင်ႈတင်းလူင်ၼၼ်ႉဢေႃႈ။
၁၅ မၢၵ်ႇတႃၵူၼ်းတင်းသဵင်ႈတင်းလူင် ႁႅၼ်တူၺ်းၸဝ်ႈႁဝ်းယူႇလႄႈၸဝ်ႈႁဝ်းလဵင်ႉပၼ်ဢွႆႇပၼ် တၢင်းၵိၼ်တၢင်းၶူပ်းတီႈၶဝ်မိူဝ်ႈဢၼ်ၶိင်ႇမၼ်းထုၵ်ႇၼၼ်ႉတီႈၶႃႈဢေႃႈ။
၁၆ ၸဝ်ႈႁဝ်း ၵီႈမိုဝ်းၸဝ်ႈႁဝ်းလႄႈ သတ်ႉတဝႃႇဢၼ်ဢသၢၵ်ႈလိပ်းယူႇတင်းသဵင်ႈတင်းလူင် ဢိမ်ႇၸႂ်တႅမ်ၸႂ် တီႈၶႃႈဢေႃႈ။
၁၇ ထႃႇဝရႃႉၽြႃးပဵၼ်ဢၼ်သိုဝ်ႈတေႃႇၼႂ်းသဵၼ်ႈတၢင်းမၼ်းၸဝ်ႈၵႃႈမီးၼၼ်ႉလႄႈ မီးၸႂ်ဢၼ်ႁၵ်ႉပႅင်း ၼႂ်းလွင်ႈတၢင်းဢၼ်မၼ်းၸဝ်ႈႁဵတ်း ဝႆႉတင်းသဵင်ႈတင်းလူင်ၼၼ်ႉဢေႃႈ။
၁၈ ထႃႇဝရႃႉၽြႃးမီးၸမ် ၶဝ်ၸိူဝ်းဢၼ်ႁဵတ်းပထၼႃႇတီႈမၼ်းၸဝ်ႈတင်းသဵင်ႈတင်းလူင်ဢၼ်ဝႃႈ ၶဝ်ၸိူဝ်းဢၼ်ပႃးဢဝ်တင်းသႅတ်ႈၸႃႇ ႁဵတ်းပထၼႃႇတီႈမၼ်းၸဝ်ႈတင်း သဵင်ႈတင်းလူင်ၼၼ်ႉဢေႃႈ။မၼ်းၸဝ်ႈႁႂ်ႈဢလူဝ်ႇၶဝ်ၸိူဝ်းဢၼ် ရူဝ်ႇသေႇၵူဝ်ယမ်မၼ်းၸဝ်ႈၼၼ်ႉတဵမ် ထူၼ်ႈဢေႃႈ။
၁၉ မၼ်းၸဝ်ႈထွမ်ႇဢဝ်သဵင်တၢင်းဢၼ်ၶဝ်ႁွင်ႉသႅၼ်ႇၼၼ်ႉလႄႈ ၵႄႇသႄႇၶျွတ်ႈဢဝ်ၶဝ်ဢေႃႈ။ထႃႇဝရႃႉၽြႃး ပႂ်ႉၸွႆႈပႂ်ႉထႅမ်ၶဝ်ၸိူဝ်းဢၼ်ႁၵ်ႉမၼ်းၸဝ်ႈၵႃႈမီးၼၼ်ႉယူႇဢေႃႈ။
၂၀ ၶဝ်ၸိူဝ်းဢၼ်ဢမ်ႇတြႃးၵႃႈ မီးၼၼ်ႉၸမ်းမၼ်းၸဝ်ႈတၵ်းယႃႉပႅတ်ႈဢေႃႈ။သူပ်းၵဝ်တၵ်းႁဵတ်းတၢင်းဢၼ်ယွင်ႈယေႃး ထႃႇဝရႃႉၽြႃးသေလႄႈမွၵ်ႇလၢတ်ႈဢေႃႈ။
၂၁ ႁႂ်ႈၵူၼ်းတင်းသဵင်ႈတင်းလူင် ပၼ်တၢင်းလီတီႈၼႃႇမႃႉၸိုဝ်ႈသဵင်မၼ်းၸဝ်ႈဢၼ်မူတ်းၸၢင်ႇၼၼ်ႉ ၵူႈၵမ်ႇၽႃႇ သိုပ်ႇသိုပ်ႇတၢမ်ႈတၢမ်ႈသေၵမ်းလူၺ်ႈ။