၁၃၆
၁ ဢွၼ်ၵၼ်ယွင်ႈယေႃး ၵျေးၸူးထႃႇဝရႃႉၽြႃးၵွပ်ႈပိူဝ်ႈဢၼ်မၼ်းၸဝ်ႈ ပဵၼ်ဢၼ်မျၢတ်ႈလီလႄႈ ၵရူႉၼႃႇမၼ်းၸဝ်ႈတႄႇယူႇတႃႇသေႇဢမ်ႇထၢတ်ႇၼၼ်ႉ တႃႉ။
၂ ဢွၼ်ၵၼ်ယွင်ႈယေႃးၵျေးၸူးၽြႃးပဵၼ်ၸဝ်ႈဢၼ်ပဵၼ်ၸဝ်ႈ ၵႃႈၼိူဝ်ၽြႃးတင်းသဵင်ႈတင်းလူင်ၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇယူႇတႃႇသေႇဢမ်ႇထၢတ်ႇၼၼ်ႉတႃႉ။
၃ ဢွၼ်ၵၼ်ယွင်ႈယေႃးၵျေးၸူးၽြႃး ဢၼ်ပဵၼ်ၸဝ်ႈၵႃႈၼိူဝ်ၸဝ်ႈၽြႃးတင်းသဵင်ႈတင်းလူင်ၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇယူႇတႃႇသေႇဢမ်ႇ ထၢတ်ႇၼၼ်ႉတႃႉ။
၄ ဢွၼ်ၵၼ်ယွင်ႈယေႃးၸဝ်ႈဢၼ်ႁဵတ်းလွင်ႈတၢင်းဢၼ်လီဢၢမ်းတင်းလၢႆ သူႇလဵဝ်ပႃးလဵဝ်ၵူၺ်းၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇ ယူႇတႃႇသေႇဢမ်ႇထၢတ်ႇ
၅ ဢၼ်ဢဝ်တင်းပိင်ႇၺႃႇတြႃးႁဵတ်းပဵၼ်ၵၢင်ႁၢဝ်ၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈ တႄႇယူႇတႃႇသေႇဢမ်ႇထၢတ်ႇ
၆ ဢၼ်ၵီႈ ၽႄလိၼ်မိူင်းၵႃႈၼိူဝ်ၼမ်ႉတင်းလၢႆၼၼ်ႉ ၵွပ်ႈပိူဝ်ႈဢၼ် ၵရူႉၼႃႇမၼ်းၸဝ်ႈ တႄႇယူႇတႃႇသေႇဢမ်ႇထၢတ်ႇ
၇ ဢၼ်ႁဵတ်းပဵၼ်ႁိူၼ်းလႅင်းလူင်ၸိူဝ်းၼၼ်ႉၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈ တႄႇယူႇတႃႇသေႇ ဢမ်ႇထၢတ်ႇ
၈ ဢၼ်ႁဵတ်းပဵၼ်ၵၢင်ဝၼ်း ဢၼ်ဢုပ်ႉပိူင်ႇၵႃႈဝၼ်းၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇ ယူႇတႃႇသေႇဢမ်ႇထၢတ်ႇ
၉ ဢၼ်ႁဵတ်းပဵၼ်လိူၼ်ဢိၵ်ႇတင်း လၢဝ်တင်းလၢႆ ဢၼ်ဢုပ်ႉပိူင်ႇၵႃႈၶိုၼ်းၼၼ်ႉၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈ တႄႇယူႇတႃႇ သေႇဢမ်ႇထၢတ်ႇ
၁၀ ဢၼ်ပၼ်တၢမ်ႇတီႈလုၵ်ႈၸၢႆးတူၼ်ႈတင်းလၢႆၵႃႈၼႂ်းမိူင်းဢေႇၵႅပ်ႉတု ၼၼ်ႉၵွပ်ႈပိူဝ်ႈ ဢၼ်ၵရူႉၼႃႇမၼ်းၸဝ်ႈတႄႇယူႇတႃႇသေႇဢမ်ႇထၢတ်ႇ
၁၁ ဢၼ်ၼုၵ်ႈဢဝ်မဵဝ်းဢိသရေႇလ ဢွၵ်ႇသေၵႃႈ ၼႂ်းၶဝ်ၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇယူႇတႃႇသေႇဢမ်ႇထၢတ်ႇ
၁၂ ဢၼ်ဢဝ်တင်းမိုဝ်းဢၼ်ႁႅင်းတၼ်းၶူဝ်းယႂ်ႇၼႃႇ ဢိၵ်ႇတင်းၶႅၼ်ဢၼ်ယဵတ်ႇယိုၼ်းသေလႄႈ ႁဵတ်းၸိူဝ်ႉၼင်ႇၼၼ်ၼၼ်ႉ ၵွပ်ႈပိူဝ်ႈ ဢၼ်ၵရူႉၼႃႇမၼ်းၸဝ်ႈတႄႇယူႇတႃႇသေႇဢမ်ႇထၢတ်ႇ
၁၃ ဢၼ်ၽႃႇၼမ်ႉပၢင်ႇလၢႆႇဢေႇတုင်ႇၶၢတ်ႇပဵၼ်သွင်ၽၢၵ်ႇသွင်ပွတ်းၵႂႃႇၼၼ်ႉ ၵွပ်ႈပိူဝ်ႈဢၼ်ၵရူႉၼႃႇ မၼ်းၸဝ်ႈတႄႇယူႇတႃႇသေႇဢမ်ႇထၢတ်ႇ
၁၄ ဢၼ်မဵဝ်းဢိသရေလ ပႆလတ်းၵႃႈၼႂ်းပၢင်ႇလၢႆႇၵႂႃႇၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇယူႇတႃႇသေႇ ဢမ်ႇထၢတ်ႇ
၁၅ ဢၼ်ဢဝ်ၶုၼ်ၽႃႇရေႃး ဢိၵ်ႇတင်းပူဝ်ႇပႃႇမၼ်းတင်းလၢႆ လူမ်ႉတူၵ်းပႅတ်ႈၵႃႈၼႂ်းပၢင်ႇလၢႆဢေႇတုင်ႇ ၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈ တႄႇယူႇ တႃႇသေႇဢမ်ႇထၢတ်ႇ
၁၆ ဢၼ်ဢဝ်ၵူၼ်းမၼ်းၸဝ်ႈတင်းလၢႆသူင်ႇၵႃႈၼႂ်းထိူၼ်ႇၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈ တႄႇယူႇတႃႇသေႇဢမ်ႇထၢတ်ႇ
၁၇ ဢၼ်တိုၵ်းတေႃးယႃႉပႅတ်ႈၶုၼ်ႁေႃၶမ်းဢၼ်ယႂ်ႇတင်းလၢႆၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇ ယူႇတႃႇသေႇဢမ်ႇထၢတ်ႇ
၁၈ ဢၼ်ဢဝ် ၶုၼ်ႁေႃၶမ်းဢၼ်မုၼ်ယႂ်ႇၼႃႇတင်းလၢႆတၢႆၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈ တႄႇယူႇတႃႇသေႇဢမ်ႇထၢတ်ႇ
၁၉ ဢၼ်ဢဝ် သိႁူၼ်ႇ ၶုၼ်ႁေႃၶမ်းဢႃႇမေႃးရိတၢႆၼၼ်ႉၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈ တႄႇယူႇတႃႇသေႇ ဢမ်ႇထၢတ်ႇ
၂၀ ဢၼ်ဢဝ်ဢေႃႇၶ ၶုၼ်ႁေႃၶမ်းမိူင်းပႃႇသၢၼ်ႇတၢႆၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈ တႄႇယူႇတႃႇဢမ်ႇထၢတ်ႇ
၂၁ ဢၼ်ဢဝ်လိၼ်တီႈယူႇၶဝ်ပၼ်ပုၼ်ႈဢမူၺ်ႇၼၼ်ႉၵွပ်ႈပိူဝ်ႈဢၼ်ၵရူႉၼႃႇ မၼ်းၸဝ်ႈ တႄႇယူႇတႃႇသေႇဢမ်ႇထၢတ်ႇ
၂၂ ဢၼ်ဢဝ်ဢမူၺ်ႇၼၼ်ႉပၼ်တီႈၶႃႈမၼ်းၸဝ်ႈ မဵဝ်းဢိသရေႇလ ၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇ ယူႇတႃႇသေႇဢမ်ႇထၢတ်ႇ
၂၃ ဢၼ်ၶုၵ်းၸႂ်လႆႈၶႆႈၸႂ်ထူပ်းႁဝ်းဢၼ်ယူႇတီႈဢၼ်ၶျႃးတႅမ်ႇယူႇၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇယူႇတႃႇသေႇ ဢမ်ႇထၢတ်ႇ
၂၄ ဢၼ်ၼုၵ်ႈဢဝ်ႁဝ်းဢွၵ်ႇသေၵႃႈၼႂ်းမိုဝ်းရၢၼ်ႇသူႇတင်းလၢႆၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇယူႇတႃႇသေႇဢမ်ႇထၢတ်ႇ
၂၅ ဢၼ်လဵင်ႉပၼ် ဢွႆႇပၼ် တၢင်းၵိၼ်တၢင်းၶူပ်းတီႈသတ်ႉတဝႃႇတင်းသဵင်ႈတင်းလူင်ၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈတႄႇယူႇတႃႇသေႇဢမ်ႇထၢတ်ႇ
၂၆ ယွင်ႈယေႃးၽြႃး ပဵၼ်ၸဝ်ႈၸဝ်ႈၵၢင်ႁၢဝ်ႁဝ်းၼၼ်ႉ ၵွပ်ႈပိူဝ်ႈဢၼ်ၵရူႉၼႃႇမၼ်းၸဝ်ႈ တႄႇယူႇတႃႇသေႇဢမ်ႇထၢတ်ႇၼၼ်ႉတႃႉ။