၁၃၅
၁ ႁႃႇလေႇလုယႃႇ။ဢွၼ်ၵၼ်ယွင်ႈယေႃးၼႃႇမႃႉၸိုဝ်သဵင်ထႃႇဝရႃႉၽြႃးတႃႉ။ၶႃႈထႃႇဝရႃႉၽြႃးၶဝ်ဢိူၺ်း၊ ဢွၼ်ၵၼ်ယွင်ႈယေႃးတႃႉ။
၂ သူၸိူဝ်းဢၼ်ၸုၵ်းယူႇၵႃႈၼႂ်းႁိူၼ်းထႃႇဝရႃႉၽြႃး ၵႃႈၼႂ်းတမ်ႇတိူင်းႁိူၼ်းၽြႃးပဵၼ်ၸဝ်ႈႁဝ်းၶဝ်ဢိူၺ်း၊ပိူဝ်ႈဢၼ်ထႃႇဝရႃႉၽြႃး၊ပဵၼ်ဢၼ်မျၢတ်ႈလီလႄႈ ဢွၼ်ၵၼ်ယွင်ႈယေႃးထႃႇ ဝရႃႉၽြႃးတႃႉ။
၃ ဢွၼ်ၵၼ်ႁဵတ်းၵႂၢမ်းထေႃးပၼႃႇတီႈၼႃႇမႃႉၸိုဝ်ႈသဵင်မၼ်းၸဝ်ႈတႃႉ။တၢင်းဢၼ်ႁဵတ်း ၸိူဝ်ႉၼင်ႇၼၼ်ၼၼ်ႉႁၢင်ႊလီႁၢင်ႊငၢမ်းဢေႃႈ။
၄ လွင်ႈမၼ်းၸမ်း ထႃႇဝရႃႉၽြႃးလိူၵ်ႈၵဵပ်းဢဝ် မဵဝ်းယႃႇၵုပ်ႉပုၼ်ႈမၼ်းၸဝ်ႈဢိၵ်ႇတင်း မဵဝ်းဢိသရေႇလ ပုၼ်ႈဢၼ်တၵ်းပဵၼ်ၽၼ်ႇတႃႇမၼ်းၸဝ်ႈယဝ်ႉ။
၅ ၵဝ်ႁူႉလွင်ႈဢၼ်ထႃႇဝရႃႉၽြႃးယႂ်ႇၼႃႇၼၼ်ႉ ဢိၵ်ႇတင်း လွင်ႈဢၼ်ၸဝ်ႈၽြႃးႁဝ်းမျၢတ်ႈၼႃႇသေၽြႃး တင်းသဵင်ႈတင်းလူင်ၼၼ်ႉယူႇဢေႃႈ။
၆ ထႃႇဝရႃႉၽြႃးၼၼ်ႉၵႃႈဢၼ်မၼ်းၸဝ်ႈမီးဢလူဝ်ႇၼၼ်ႉ မၼ်းၸဝ်ႈႁဵတ်းၵႃႈတီႈၵၢင်ႁၢဝ်လိၼ်မိူင်း ၼမ်ႉသမ်ႇမုၵ်ႉတြႃႇ တီႈဢၼ်လိုၵ်ႉဢၼ်လမ်ႇၵူႈတီႈၵူႈလႅၼ်ဢေႃႈ။
၇ မၼ်းၸဝ်ႈႁႂ်ႈဢၢႆၼမ်ႉတင်းလၢႆ လုၵ်ႉသေၵႃႈတီႈလႅၼ်သုတ်းလိၼ်မိူင်းၶိုၼ်ႈဢေႃႈ။မၼ်းၸဝ်ႈႁဵတ်းပဵၼ်ၽႃႉမႅပ်ႈဢၼ်ပႃးလူၺ်ႈၵၼ်တင်းၽူၼ်လႄႈ မၼ်းၸဝ်ႈဢဝ်လူမ်းဢွၵ်ႇသေၵႃႈၼႂ်း တိူၵ်ႈၽၼ်ႇတႃႇမၼ်းၸဝ်ႈ ဢေႃႈ။
၈ မၼ်းၸဝ်ႈပၼ်တၢမ်ႇတီႈလုၵ်ႈၸၢႆးတူၼ်ႈၵႃႈၼႂ်းမိူင်းဢေႇၵႅပ်ႉတုၼၼ်ႉၸႃႉၸဵမ်ၵူၼ်းတေႃႇထိုင် ႁွတ်ႈတရိၵ်ႈသၢၼ်ႇဢေႃႈ။
၉ မိူင်းဢေႇၵႅပ်ႉတုဢိူၺ်း၊မၼ်းၸဝ်ႈပွႆႇၸႂ်ႉလၵ်ႈၶၼႃႇသၢၵ်ႈသေႇတင်းလၢႆ ဢိၵ်ႇတင်းလွင်ႈတၢင်းဢၼ်လီဢၢမ်းတင်းလၢႆ ၵႂႃႇၵႃႈၼႂ်းမႂ်းလႄႈ ႁွတ်ႈထိုင်ၵႃႈၼိူဝ်ၶုၼ်ၽႃႇရေႃးဢိၵ်ႇတင်းၶႃႈမၼ်းၵူၼ်းမၼ်း တင်းသဵင်ႈတင်းလူင်ဢေႃႈ။
၁၀ မၼ်းၸဝ်ႈ တိုၵ်းတေႃးယႃႉပႅတ်ႈမဵဝ်းၵူၼ်းၼမ်ၼႃႇလႄႈ ဢဝ်ၶုၼ်ႁေႃၶမ်းဢၼ်မုၼ်ယႂ်ႇၼႃႇဢၼ်ဝႃႈၶုၼ်သိႁူၼ်ႇၶုၼ်ႁေႃၶမ်းဢႃႇမေႃးရိ ဢိၵ်ႇတင်းဢေႃႇၶ
၁၁ ၶုၼ်ႁေႃၶမ်းမိူင်းပႃႇသၢၼ်ႇ ၸိူဝ်းၼၼ်ႉတၢႆလႄႈတိုၵ်းတေႃးယႃႉပႅတ်ႈမိူင်းၶႃႇၼၢၼ်ႇ တင်းသဵင်ႈတင်း လူင်သေယဝ်ႉ
၁၂ ဢဝ်လိၼ်တီႈယူႇၶဝ်ပၼ်ပုၼ်ႈဢမူၺ်ႇဢၼ်ဝႃႈဢမူၺ်ႇတီႈၵူၼ်းမၼ်းၸဝ်ႈ မဵဝ်းဢိသရေႇလ ၸိူဝ်းၼၼ်ႉဢေႃႈ။
၁၃ ထႃႇဝရႃႉၽြႃးတီႈၶႃႈ၊ ၼႃႇမႃႉၸိုဝ်ႈသဵင်ၸဝ်ႈႁဝ်းတႄႇယူႇတႃႇသေႇဢမ်ႇထၢတ်ႇလႄႈ တီႈဢၼ်ၶုၵ်းၸႂ်လႆႈၶႆႈၸႂ်ထူပ်းၸဝ်ႈႁဝ်းၼၼ်ႉ တႄႇယူႇၵူႈၸူဝ်ႈၵူႈပၢၼ်သိုပ်ႇသိုပ်ႇတၢမ်ႈတၢမ်ႈတီႈၶႃႈဢေႃႈ။
၁၄ ထႃႇဝရႃႉၽြႃး ၸီႇယၢင်ႇတြႃးယူႇ ၽၢႆႇၵူၼ်းမၼ်းၸဝ်ႈတင်းလၢႆလႄႈ မီးတၢင်းဢၼ်ၶုၵ်းၸႂ်လႆႈမႆႈၸႂ်ပုၼ်ႈလွင်ႈၶႃႈမၼ်းၸဝ်ႈၸိူဝ်းၼၼ်ႉဢေႃႈ။
၁၅ ရူၵ်ႈထူႉ ဢၼ်ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၵူဝ်းၵႂၢႆႇၸိူဝ်းၼၼ်ႉၸမ်း ပဵၼ်ငိုၼ်းပဵၼ်ၶမ်းဢေႃႈ။ပဵၼ်ၶိူင်ႈပိူင်ဢၼ်ဢဝ်တင်းမိုဝ်းၵူၼ်းႁဵတ်းဢေႃႈ။
၁၆ ၶဝ်မီးသူပ်းသေၵေႃႈဢမ်ႇၸၢင်ႊလၢတ်ႈၵႂၢမ်း။ၶဝ်မီးမၢၵ်ႇတႃႇသေၵေႃႈ ဢမ်ႇၸၢင်ႊတူၺ်းၸၢင်ႊႁၼ်။ၶဝ်မီးႁူသေၵေႃႈဢမ်ႇၸၢင်ႊထွမ်ႇၸၢင်ႊငိၼ်း။
၁၇ ၵႃႈၼႂ်းသူပ်းၶဝ်ၼၼ်ႉ ဢမ်ႇမီးဢသၢၵ်ႈဢၼ်ထူၺ်ႈၸႂ်ဢွၵ်ႇထူၺ်ႈၸႂ်ၶဝ်ႈလူင်ပေႇ။
၁၈ ၶဝ်ၸိူဝ်းဢၼ်ႁဵတ်းၸိူဝ်းၼၼ်ႉၵေႃႈမိူၼ်ၸိူဝ်ႉၼင်ႇၸိူဝ်းၼၼ်ႉလႄႈ ၶဝ်ၸိူဝ်းဢၼ်ဢိင်ပိုင်ႈၸိူဝ်းၼၼ်ႉၵေႃႈ မိူၼ်ၸိူဝ်ႉၼင်ႇၸိူဝ်းၼၼ်ႉလူင်ပေႇ။
၁၉ မဵဝ်းဢိသရေႇလဢိူၺ်း၊ ယွင်ႈယေႃးပၼ်တၢင်းလီတီႈထႃႇဝရႃႉၽြႃးတႃႉ။ၸိူဝ်ႉၶိူဝ်းဢႃႇရုၼ်ႇဢိူၺ်း၊ ယွင်ႈယေႃးပၼ်တၢင်းလီတီႈထႃႇဝရႃႉၽြႃးတႃႉ။
၂၀ ၸိူဝ်ႉၶိူဝ်းလေႇဝိ ဢိူၺ်း၊ယွင်ႈယေႃးပၼ်တၢင်းလီတီႈထႃႇဝရႃႉၽြႃးတႃႉ။သူၸိူဝ်းဢၼ်ရူဝ်ႇသေႇၵူဝ်ယမ်ထႃႇဝရႃႉၽြႃးၶဝ်ဢိူၺ်း၊ ဢွၼ်ၵၼ်ယွင်ႈယေႃး ပၼ်တၢင်းလီတီႈထႃႇဝရႃႉၽြႃးတႃႉ။
၂၁ ႁႂ်ႈထႃႇဝရႃႉၽြႃး ဢၼ်ၵိင်းဝၢပ်ႈယူႇၵႃႈၼႂ်းဝဵင်းယေႇရုသလႅမ်ႇၼၼ်ႉမီးမင်ႇၵလႃႇၵႃႈၼိူဝ်လွႆၸိဢုၼ်ႇ သေၵမ်းလူၺ်ႈ။ႁႃႇလေႇလုယႃႇ။