၁၂၉
၁ ၶဝ်ၼိၵ်ႈၸၢၵ်ႈငႅၼ်းသေးၵဝ်၊ ၸႃႉၸဵမ်မိူဝ်ႈဢၼ်ၵဝ်ယင်းလဵၵ်ႉယင်းဢွၼ်ႇၼၼ်ႉ ဢမ်ႇႁူႉလၢႆၽဝ်ႇလၢႆပွၵ်ႈယဝ်ႉ၊ဝႃႈၼင်ႇၼႆလႄႈ ၵႂၢမ်းဢၼ်မဵဝ်း ဢိသရေႇလ ဝႃႈၸမ်း-
၂ ၶဝ်ၼိၵ်ႈၸၢၵ်ႈငႅၼ်းသေးၵဝ် ၸႃႉၸဵမ်မိူဝ်ႈဢၼ်ၵဝ်ယင်းလဵၵ်ႉယင်းဢွၼ်ႇၼၼ်ႉ ဢမ်ႇႁူႉလၢႆၽဝ်ႇ လၢႆပွၵ်ႈယဝ်ႉယဝ်ႉ။
၃ ၵူၺ်းၵႃႈၶဝ်ဢမ်ႇပႄႉၼႅင်ႇၵဝ်လႆႈ။ၶဝ်ၸိူဝ်းဢၼ်ထႆၼၼ်ႉ ထႆသႂ်ႇၼိူဝ်လင်ၵဝ်လႄႈ ႁႂ်ႈ ပဵၼ်ႁွႆးထႆဢၼ်ယၢဝ်းၼႃႇဢေႃႈ။
၄ ထႃႇဝရႃႉၽြႃးပဵၼ်ဢၼ်သိုဝ်ႈတေႃႇလႄႈ မၼ်းၸဝ်ႈတႅပ်းၸိူၵ်ႈၶဝ်ၸိူဝ်း ဢၼ်ဢမ်ႇတြႃးၼၼ်ႉၶၢတ်ႇပႅတ်ႈဢေႃႈ။
၅ ႁႂ်ႈၶဝ်ၸိူဝ်းဢၼ်ၸင်းဝဵင်းၸိဢုၼ်ႇ တင်းသဵင်ႈတင်းလူင်ၼၼ်ႉလႆႈၶၢမ်ႇတၢင်းဢူၵ်းတၢင်းဢၢႆလႄႈ ပိၼ်ႈတၢၵ်ႇၶိုၼ်း ၵႂႃႇတၢင်းလင်သေၵမ်းလူၺ်ႈ။
၆ ႁႂ်ႈၶဝ်ပဵၼ်ၸိူဝ်ႉၼင်ႇတူၼ်ႈယိူဝ်ႈ ဢၼ်ဢွၵ်ႇၵႃႈၼိူဝ်မုင်းႁိူၼ်းလႄႈႁဵဝ်ႇၸွပ်ႈၵႂႃႇၸဵမ်ႈမိူဝ်ႈ ၸူဝ်ႈဢၼ်ၽူႈ လႂ်ဢမ်ႇပႆႇထူၺ်ႈ မၼ်းပႅတ်ႈၼၼ်ႉလႄႈ
၇ ၵေႃႉဢၼ်ပၢတ်ႇၼၼ်ႉၵေႃႈဢမ်ႇလႆႈသေၵမ်မိုဝ်းၼိုင်ႈ ၵေႃႉဢၼ်မတ်ႉၼၼ်ႉၵေႃႈ ဢမ်ႇလႆႈသေႁွပ်ႈမိုဝ်းၼိုင်ႈၼၼ်ႉသေၵမ်းလူၺ်ႈ။
၈ ယႃႇႁႂ်ႈၶဝ်ၸိူဝ်းဢၼ် တႆႇတၢင်းပႆတၢင်းၵႂႃႇၵႃႈတီႈႁိမ်းၼၼ်ႉလၢတ်ႈဝႃႈ၊-ႁႂ်ႈမင်ႇၵလႃႇထႃႇဝရႃႉၽြႃးႁွတ်ႈထိုင်ၵႃႈၼိူဝ်သူသေၵမ်းလူၺ်ႈ။ႁဝ်းဢိင်ၼႃႇမႃႉၸိုဝ်သဵင်ထႃႇဝရႃႉၽြႃးသေလႄႈပၼ်တၢင်းလီတီႈသူဢေႃႈ၊ဝႃႈၼင်ႇၼႆၼၼ်ႉသေၵမ်းလူၺ်ႈ။