၁၂၇
၁ ႁိူၼ်းၼၼ်ႉ ပေႃးဢမ်ႇၸႂ်ႈ ထႃႇဝရႃႉၽြႃးတႄႇႁဵတ်းၸိုင် ၶဝ်ၸိူဝ်းဢၼ်တႄႁဵတ်းၼၼ်ႉ ႁဵတ်းယူႇလၢႆလၢႆလွၵ်ႇလွၵ်ႇဢမ်ႇပွင်ႇလွင်ႈၵႃႈသင်ဢေႃႈ။ပေႃးထႃႇဝရႃႉၽြႃးဢမ်ႇပႂ်ႉဝဵင်းၼၼ်ႉၸိုင် ၶဝ်ၸိူဝ်းဢၼ်ပႂ်ႉတႃပႂ်ႉၵၢင်ၼၼ်ႉ ပႂ်ႉယူႇလၢႆလၢႆလွၵ်ႇလွၵ်ႇဢမ်ႇပွင်ႇလွင်ႈၵႃႈ သင်ဢေႃႈ။
၂ ပဵၵ်ႉသမ်ႉသူလုၵ်ႉၸဝ်ႉၸဝ်ႉၸဵဝ်းၸဵဝ်းယင်းဢမ်ႇၼွၼ်းလႄႈ ယူႇတေႃႇထိုင်ပေႃးလိုၵ်း တုၵ်ႉၶႃႉၶၢၼ်ၸႂ် ပုၼ်ႈတၢင်းၵိၼ်တၢင်းၶူပ်းသေၵေႃႈဢမ်ႇမီးဢၵျူဝ်း။မၼ်းၸဝ်ႈပၼ်ဢၶႂၢင်ႉဢၼ်လႆႈၼွၼ်းလပ်းၼွၼ်းလီၼၼ်ႉ တီႈၶဝ်ၸိူဝ်းဢၼ်မၼ်းၸဝ်ႈႁၵ်ႉၼၼ်ႉ ဢမၢၼ်ႇၶၼ်ပဵၼ်ဢေႃႈ။
၃ လုၵ်ႈလၢင်းဢၼ်လႆႈၵိူတ်ႇလဵင်ႉၼၼ်ႉပဵၼ်ဢမူၺ်ႇဢုၵ်ႉၸႃႇ ဢၼ်ထႃႇဝရႃႉၽြႃးပၼ်ဢေႃႈ။မၢၵ်ႇတွင်ႉတူဝ်ၶၼ်ႇထႃႇၸိူဝ်းၼၼ်ႉပဵၼ် သူးဢၼ်မၼ်းၸဝ်ႈပၼ်ဢေႃႈ။
၄ လုၵ်ႈလၢင်းဢၼ်လႆႈၵိူတ်ႇလဵင်ႉ ၼႂ်းမိူဝ်ႈဢၼ်ယင်းၼုမ်ႇယင်းၵမ်ၼၼ်ႉပဵၼ်ၸိူဝ်ႉၼင်ႇပိုၼ်ၵၢင်ႇ ဢၼ်မီးၵႃႈၼႂ်းမိုဝ်းၵူၼ်းႁတ်း ၵူၼ်းႁၢၼ်ၼၼ်ႉဢေႃႈ။
၅ ၵေႃႉဢၼ်မူၵ်ႇပိုၼ်မၼ်းတဵမ်ဝႆႉတင်းပိုၼ်ၼၼ်ႉမီးမင်ႇၵလႃႇဢေႃႈ။ၶဝ်တၵ်းဢမ်ႇမီးတၢင်းဢၼ်ဢူၵ်းဢၼ်ဢၢႆ ၼႂ်းမိူဝ်ႈဢၼ်ၶဝ်လၢတ်ႈဢမူႉတေႃႇၵၼ်တင်းရၢၼ်ႇသူႇၶဝ်တင်းလၢႆ ၵႃႈတီႈၼႂ်းၽၵ်းတူဝဵင်းၼၼ်ႉ။