၁၂၆
၁ မိူဝ်ႈဢၼ်ထႃႇဝရႃႉၽြႃး ႁႂ်ႈၵူၼ်းဝဵင်းၸိဢုၼ်ႇ ဢၼ်လႆႈၶၢမ်ႇတၢင်းဢၼ်သိမ်းၵႂႃႇ ၸိူဝ်းၼၼ်ႉၶိုၼ်းမႃးၼၼ်ႉၸိုင်၊ ႁဝ်းပဵၼ်ၸိူဝ်ႉၼင်ႇၵေႃႉဢၼ်ၼွၼ်းၽၼ် ၼၼ်ႉဢေႃႈ။
၂ မိူဝ်ႈၼၼ်ႉသူပ်းႁဝ်းတဵမ်ဝႆႉတင်းတၢင်းဢၼ်ယုမ်ႉဢၼ်ၶူဝ်လႄႈ လိၼ်ႉႁဝ်းတဵမ်ဝႆႉတင်းတၢင်းဢၼ်ႁဵတ်းၵႂၢမ်းဢၼ်သႂၢင်ႇဢၼ်သိူဝ်းဢေႃႈ။ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၵေႃႈ ဢွၼ်ၵၼ်လၢတ်ႈလႄႈဝႃႈ၊- ထႃႇဝရႃႉၽြႃး ႁဵတ်းလွင်ႈတၢင်းဢၼ်ယႂ်ႇၼႃႇတင်းလၢႆပုၼ်ႈၶဝ်ယဝ်ႉ ဝႃႈၼင်ႇၼႆဢေႃႈ။
၃ ထႃႇဝရႃႉၽြႃး ႁဵတ်းလွင်ႈတၢင်းဢၼ်ယႂ်ႇၼႃႇတင်းလၢႆပုၼ်ႈၶဝ်ယဝ်ႉ။ႁဝ်းၵေႃႈမီးတၢင်းဢၼ်ၸူမ်းဢၼ်သိူဝ်းဢေႃႈ။
၄ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈႁႂ်ႈတၢင်းဢၼ်ၶႃႈၸဝ်ႈႁဝ်းၶဝ် လႆႈၶၢမ်ႇတၢင်းဢၼ်သိမ်းဢဝ်ၵႂႃႇၼႆႉသမ်ႉၶိုၼ်းမႃး မိူၼ်ၸိူဝ်ႉၼင်ႇၼမ်ႉႁွင်ႊဢၼ်မီးပွတ်း တၢင်းၸၢၼ်းၸိူဝ်းၼၼ်ႉသေၵမ်းတီႈၶႃႈ။
၅ ၶဝ်ၸိူဝ်းဢၼ်ၼမ်ႉတႃတူၵ်းယူႇသေလႄႈ ဝၢၼ်ႇၸိူဝ်ႉဝၢၼ်ႇၽၼ်းၼၼ်ႉ တၵ်းႁဵတ်းၵႂၢမ်းဢၼ်သႂၢင်ႇဢၼ်သိူဝ်း သေလႄႈပၢတ်ႇၶဝ်ႈဢေႃႈ။
၆ ၵေႃႉဢၼ်ၼမ်ႉတႃတူၵ်းယူႇသေလႄႈ ဢဝ်ၸိူဝ်ႉၽၼ်းဢၼ်ဝၢၼ်ႇဢၼ်သွမ်ႈဢွၵ်ႇၵႂႃႇၼၼ်ႉ တၵ်းမီးတၢင်းဢၼ်ႁဵတ်းၵႂၢမ်းဢၼ်သႂၢင်ႇဢၼ်သိူဝ်းသေလႄႈ ပႃးဢဝ်လိုၼ်ႈၶဝ်မၼ်းၶိုၼ်းမႃးဢမၢၼ်ႇၶၼ်ပဵၼ်ဢေႃႈ။