၁၂၂
၁ မိူဝ်ႈဢၼ်ၶဝ်လၢတ်ႈလႄႈဝႃႈ၊- ႁဝ်းဢွၼ်ၵၼ်ၶဝ်ႈၵႃႈၼႂ်းႁိူၼ်းထႃႇဝရႃႉၽြႃးတႃႉႁဝ်း၊ ဝႃႈၼင်ႇၼႆၼၼ်ႉၸိုင်၊ ၵဝ်မီးတၢင်းဢၼ်ၸူမ်းသိူဝ်းဢေႃႈ။
၂ ဝဵင်းယေႇရုသလႅမ်ႇဢိူၺ်း၊တိၼ်ႁဝ်းၸုၵ်းယူႇၵႃႈ ၼႂ်းၽၵ်းတူမႂ်းတင်းလၢႆဢေႃႈ။
၃ ဝဵင်းယေႇရုသလႅမ်ႇတႄႇယူႇ မိူၼ်ၸိူဝ်ႉၼင်ႇဝဵင်းဢၼ်သတ်ႉလီတဵမ်လီ ၼၼ်ႉလႄႈ
၄ ပဵၼ်တီႈဢၼ်ၵူၼ်းမဵဝ်းတင်းလၢႆဢၼ်ဝႃႈ မဵဝ်းထႃႇဝရႃႉၽြႃးၸိူဝ်းၼၼ်ႉဢွၼ်ၵၼ်ၶိုၼ်ႈၸူးပုၼ်ႈလွင်ႈၼင်ႇႁိုဝ်တၵ်းပဵၼ်သၢၵ်ႈသေႇတီႈမဵဝ်း ဢိသရေႇလ၊ ဢိၵ်ႇတင်းႁႂ်ႈလႆႈယွင်ႈယေႃးၼႃႇမႃႉၸိုဝ်သဵင် ထႃႇဝရႃႉၽြႃးဢေႃႈ။
၅ ရႃႇၸႃႉပလၢင်ႇတီႈဢၼ်ၸီႇယၢင်ႇတြႃး၊ရႃႇၸႃႉပလၢင်ႇ မဵဝ်းၶုၼ်တႃႇဝိတ်ႉၸိူဝ်းၼၼ်ႉတႄႇဝႆႉမီးယူႇၵႃႈတီႈၼၼ်ႉဢေႃႈ။ဢွၼ်ၵၼ်သူးတွင်းႁႂ်ႈဝဵင်းယေႇရုသလႅမ်ႇ တဵတ်ႇလီၼိမ်လီတႃႉ။
၆ ၶဝ်ၸိူဝ်းဢၼ်ႁၵ်ႉဝဵင်းၼၼ်ႉ တၵ်းလႆႈၵတ်းယဵၼ်ၶျၢမ်း သႃႇဢေႃႈ။
၇ ႁႂ်ႈတၢင်းဢၼ်တဵတ်ႇလီၼိမ်လီမီးၵႃႈၼႂ်းလမ်းဝဵင်းမႂ်းလႄႈ တၢင်းဢၼ်ၵတ်းယဵၼ်ၶျၢမ်းသႃႇ မီးၵႃႈၼႂ်းႁေႃမႂ်းသေၵမ်းလူၺ်ႈ။
၈ ၵဝ်တၵ်းထွၵ်ႈလူၺ်ႈပုၼ်ႈပီႈပုၼ်ႈၼွင်ႉ ဢိၵ်ႇတင်း ပုၼ်ႈၵေႃႉသေႈၵဝ်တင်းလၢႆလႄႈၵဝ်လၢတ်ႈလႄႈဝႃႈ၊- ႁႂ်ႈတၢင်းဢၼ်တဵတ်ႇလီၼိမ်လီမီးၵႃႈၼႂ်းမႂ်းသေၵမ်းလူၺ်ႈ၊ ဝႃႈၼင်ႇၼႆ ဢေႃႈ။
၉ ၵဝ်တၵ်းထွၵ်ႈလူၺ်ႈႁိူၼ်းထႃႇဝရႃႉၽြႃး ၽြႃးပဵၼ်ၸဝ်ႈႁဝ်းၼၼ်ႉသေလႄႈႁႃဢၵျူဝ်းမႂ်းဢေႃႈ။