၁၁၃
၁ ႁႃႇလေႇလုယႃႇ။ဢွၼ်ၵၼ်ယွင်ႈယေႃးတႃႉ။ၶႃႈထႃႇဝရႃႉၽြႃးၶဝ်ဢိူၺ်း၊ ဢွၼ်ၵၼ်ယွင်ႈယေႃးၼႃႇမႃႉ ၸိုဝ်သဵင်ထႃႇဝရႃႉၽြႃးတႃႉ။
၂ ႁႂ်ႈၼႃႇမႃႉၸိုဝ်သဵင်ထႃႇဝရႃႉၽြႃး မီးမင်ႇၵလႃႇၸႃႉၸဵမ်တေႃႈလဵဝ်ၼႆႉၵႂႃႇသိုပ်ႇ သိုပ်ႇတၢမ်ႈတၢမ်ႈသေၵမ်းလူၺ်ႈ။
၃ ဢဝ်ၵႃႈတီႈၵၢင်ဝၼ်းဢွၵ်ႇတေႃႇထိုင်ႁွတ်ႈ ၵႃႈတီႈၵၢင်ဝၼ်းတူၵ်းတၵ်းလႆႈယွင်ႈယေႃးၼႃႇမႃႉၸိုဝ်ႈသဵင်ထႃႇဝရႃႉၽြႃးဢေႃႈ။
၄ ထႃႇဝရႃႉၽြႃးမီးတၢင်းဢၼ်ယုၵ်ႉယွင်ႈ ၵႃႈၼိူဝ်မဵဝ်းၵူၼ်းတင်းသဵင်ႈတင်းလူင်လႄႈ မုၼ်ၽုင်းမၼ်းၸဝ်ႈမီးတၢင်းဢၼ်ယုၵ်ႉယွင်ႈ ၵႃႈၼိူဝ်ၽႃႉၵၢင်ႁၢဝ်ဢေႃႈ။
၅ ၽူႈ လႂ်တၵ်းမိူၼ်ၸိူဝ်ႉၼင်ႇ ထႃႇဝရႃႉၽြႃးၽြႃးပဵၼ်ၸဝ်ႈႁဝ်း ဢၼ်ၵိင်းဝၢပ်ႈယူႇ ၵႃႈတီႈဢၼ်သုင်ၼႃႇ ၼၼ်ႉလႄႈ
၆ ၶျႃးတူဝ်ၸဝ်ႈၵဝ်ႇတီႈတႅမ်ႇ ႁႂ်ႈလႆႈလူႈတူၺ်းၶိူင်ႈပိူင်ၵၢင်ႁၢဝ် ဢိၵ်ႇတင်းၶိူင်ႈပိူင်လိၼ်မိူင်း တင်းလၢႆၼၼ်ႉ။
၇ မၼ်းၸဝ်ႈယုၵ်ႉယွင်ႊဢဝ်ၵေႃႉဢၼ်ယၢၵ်ႈဢၼ်ၽၢၼ်ၵႃႈၼႂ်းမုၼ်ႈလိၼ်ၼၼ်ႉလႄႈယွင်ႊဢဝ်ၵေႃႉဢၼ်ၸုတ်ႈဢၼ်လုတ်ႈၼၼ်ႉသေ
၈ ၵႃႈ ၼႂ်းၵွင်ႊၶီႈဝူဝ်းႁႂ်ႈလႆႈဢဝ်မၼ်းၶျႃးတီႈယူႇပၼ် ၵႃႈၼႂ်းလုၵ်ႈၶုၼ်လုၵ်ႈၵွၼ်းဢၼ်ဝႃႈ လုၵ်ႈၶုၼ်ဢၼ်ဢုပ်ႉပိူင်ႇၵႃႈၼိူဝ်ၵူၼ်းမၼ်းၸဝ်ႈတင်းလၢႆ ၼၼ်ႉဢေႃႈ။
၉ မၼ်းၸဝ်ႈႁႂ်ႈမေႈယိင်းဢၼ်မၼ် ဢၼ်ဢမ်ႇမီးလုၵ်ႈလႆႈၼၼ်ႉ လႆႈယူႇၵႃႈတီႈႁိူၼ်းလႄႈပႃးတင်းၸႂ်ဢၼ်ၸူမ်းဢၼ်သိူဝ်းသေယဝ်ႉ ၵိူတ်ႇလဵင်ႉလုၵ်ႈလဵင်ႉလၢင်းဢေႃႈ။ႁႃႇလေႇလုယႃႇ။