၁၁၀
၁ ထႃႇဝရႃႉၽြႃးလၢတ်ႈတီႈၵဝ်ၶႃႈလႄႈဝႃႈ၊-ၸူဝ်ဢၼ်ၵဝ် ဢမ်ႇပႆႇဢဝ်ရၢၼ်ႇသူႇမႂ်းတင်းလၢႆ ၶျႃးဝႆႉႁႂ်ႈပဵၼ်တီႈတၢင်ႇတိၼ်မႂ်းၼၼ်ႉၸိုင် ၼင်ႈယူႇၵႃႈတီႈၽၢႆႇၶႂႃ ၵဝ်တႃႉ၊ဝႃႈၼင်ႇၼႆဢေႃႈ။
၂ ထႃႇဝရႃႉၽြႃးတၵ်းဢဝ်ၵၼ်းႁွၵ်ႇဢႃႇၼႃႇၸဝ်ႈ ပွႆႇၸႂ်ႉဢွၵ်ႇသေၵႃႈၼႂ်းဝဵင်းၸိဢုၼ်ႇ လႄႈလၢတ်ႈဝႃႈ၊- ဢုပ်ႉပိူင်ႇယူႇၵႃႈၼႂ်းၵၢင် ရၢၼ်ႇသူႇမႂ်းတင်းလၢႆတႃႉ၊ဝႃႈၼင်ႇၼႆဢေႃႈ။
၃ ၵူၼ်းၸဝ်ႈႁဝ်းတင်းလၢႆ တၵ်းဢွၼ်ၵၼ်မီးၸႂ်ၸေႇတၼႃႇသေလႄႈ ပုၵ်ႉၸေႃႇတူဝ်ၸဝ်ႈၵဝ်ႇၼႂ်းမိူဝ်ႈဝၼ်းဢၼ်ၸဝ်ႈႁဝ်းၼႄပျႃးတၼ်းၶူဝ်းၼၼ်ႉလႄႈ ဢဝ်ၶိူင်ႈပိူင်ဢၼ်မူတ်းၸၢင်ႇ ဢၼ်ဢွၵ်ႇၵႃႈၼႂ်းတွင်ႉၵၢင်ၼႂ်ၼၼ်ႉ ႁၢင်ႈၶိူင်ႈႁၢင်ႊၽၢင်ယူႇတီႈၶႃႈဢေႃႈ။
၄ ထႃႇဝရႃႉၽြႃးတိူင်ႇဝႃႈလႄႈဝႃႈ၊- မႂ်းပဵၼ်ယိတ်ႉပရေႃးႁိၵ်ႈထႃႇဝရႃႉၸွမ်းၼင်ႇဢရႃႇမေႇလၶိၸေႇတိၵ်ႉ ၼၼ်ႉဢေႃႈ၊ ဝႃႈၼင်ႇၼႆလႄႈ ၵမ်းလိုၼ်းဢမ်ႇမီးၸႂ်ဢၼ်ၶၢႆႉပုတ်ႈ။
၅ ၸဝ်ႈၽြႃး ဢၼ်မီးယူႇၵႃႈတီႈမိုဝ်းၶွၼ်ၶႂႃၸဝ်ႈႁဝ်းၼၼ်ႉ တၵ်းပေႃႉယႅၼ်ႉသႂ်ႇၶုၼ်ႁေႃၶမ်းတင်းလၢႆၼႂ်းမိူဝ်ႈဝၼ်း ဢၼ်တၢင်းၸႂ်မႆႈၶႂ်ႈၸႃႉမၼ်းၸဝ်ႈဢွၵ်ႇ ၼၼ်ႉဢေႃႈ။
၆ မၼ်းၸဝ်ႈတၵ်းၸီႇယၢင်ႇတြႃးၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆဢေႃႈ။မၼ်းၸဝ်ႈတၵ်းႁႂ်ႈတူဝ်တၢႆ ၸွတ်ႇတူဝ်ႈၵႂႃႇၵူႈတီႈၵူႈလႅၼ်လႄႈ ႁႂ်ႈၶုၼ်ဝၢၼ်ႈမိူင်းတင်းလႆတူၵ်းသုမ်းဢေႃႈ။
၇ မၼ်းၸဝ်ႈတၵ်းၵိၼ်ၼမ်ႉ တီႈၼမ်ႉႁွင်ႊဢၼ်လႆယူႇၵႃႈႁိမ်းတၢင်းၼၼ်ႉလႄႈယုၵ်ႉယွင်ႈႁူဝ်မၼ်းၸဝ်ႈဢေႃႈ။