၁၀၆
၁ ႁႃႇလေႇလုယႃႇ။ဢွၼ်ၵၼ်ယွင်ႈယေႃးမုၼ်ၵျေးၸူးထႃႇဝရႃႉၽြႃး ၵွပ်ႈပိူဝ်ႈဢၼ်မၼ်းၸဝ်ႈ ပဵၼ်ဢၼ်မျၢတ်ႈလီလႄႈ ၵရူႉၼႃႇမၼ်းၸဝ်ႈတႄႇယူႇတႃႇသေႇ ဢမ်ႇထၢတ်ႇၼၼ်ႉတႃႉ။
၂ ၽူႈ လႂ်တၵ်းမွၵ်ႇလၢတ်ႈလႆႈလွင်ႈတၢင်းဢၼ်ထႃႇဝရႃႉၽြႃး ဢဝ်တင်းတၼ်းၶူဝ်း ဢၼ်ယႂ်ႇၼႃႇသေလႄႈႁဵတ်းဝႆႉၸိူဝ်းၼၼ်ႉ။
၃ ၽူႈလႂ်တၵ်းၽုၺ်ႇဢွၵ်ႇၼႄပျႃးၵုင်ႇၵျေးၸူးမၼ်းၸဝ်ႈတင်းသဵင်ႈတင်းမူတ်းလႆႈ။ၶဝ်ၸိူဝ်းဢၼ်ပႂ်ႉၸွမ်းတၢင်းဢၼ်ၸီႇယၢင်ႇတြႃးၸွမ်းၼင်ႇတြႃးလႄႈ ႁဵတ်းၸွမ်းတၢင်းဢၼ်သိုဝ်ႈတေႃႇယူႇၵူႈပွၵ်ႈၼၼ်ႉ မီးမင်ႇၵလႃႇဢေႃႈ။
၄ ထႃႇဝရႃႉၽြႃးတီႈၶႃႈ၊ မိူဝ်ႈဢၼ်ၵူၼ်းၸဝ်ႈႁဝ်းလႆႈၶၢမ်ႇၸေႇတၼႃႇတီႈၸဝ်ႈႁဝ်းၼၼ်ႉ ၶႅၼ်းတေႃႈၶုၵ်းၸႂ်လႆႈၶႆႈၸႂ်ထူပ်းၶႃႈၸဝ်ႈသေၵမ်းၶႃႈ။ၶႅၼ်းတေႃႈဢဝ်တၢင်းဢၼ် ၸဝ်ႈႁဝ်းၵႄႇသေႇၶျွတ်ႈဢဝ်ၼၼ်ႉသေလႄႈ မႃးလူမႃးတူၺ်းၶႃႈၸဝ်ႈသေၵမ်းတီႈၶႃႈ။
၅ ႁႂ်ႈၶႃႈၸဝ်ႈလႆႈႁၼ် တၢင်းလီၶဝ်ၸိူဝ်းဢၼ်ၸဝ်ႈႁဝ်းလိူၵ်ႈၵဵပ်းဢဝ်ႁႂ်ႈၶႃႈၸဝ်ႈလႆႈၸူမ်းသိူဝ်း ႁႂ်ႈၶႃႈၸဝ်ႈလႆႈဢုပ်ႇဝၢဝ်းလူၺ်ႈၵၼ်တင်း ၶဝ်ၸိူဝ်းဢၼ်ပဵၼ်ဢ မူၺ်ႇၸဝ်ႈႁဝ်းၼၼ်ႉသေၵမ်းတီႈၶႃႈ။
၆ ၶႃႈၸဝ်ႈႁဝ်းၶဝ်ၽိတ်းပိူင်ႈ မိူၼ်ၸိူဝ်ႉၼင်ႇပူႇမွၼ်ႇၶႃႈၸဝ်ႈႁဝ်းၶဝ်ၸိူဝ်းၼၼ်ႉတီႈၶႃႈယဝ်ႉ။
၇ ၶႃႈၸဝ်ႈႁဝ်းၶဝ်ႁဵတ်းတူႉၸရိူၵ်ႈလႄႈ ႁဵတ်းလွင်ႈတၢင်းဢၼ်ဢမ်ႇတြႃးတီႈၶႃႈယဝ်ႉ။ပူႇမွၼ်ႇၶႃႈၸဝ်ႈႁဝ်းၶဝ်ၸိူဝ်းၼၼ်ႉ ဢမ်ႇႁူႉဢမ်ႇၸႅင်ႈလွင်ႈတၢင်းဢၼ်လီဢၢမ်း ဢၼ်ၸဝ်ႈႁဝ်းႁဵတ်းၵႃႈၼႂ်း မိူင်းဢေႇၵႅပ်ႉတု ၸိူဝ်းၼၼ်ႉ။ၶဝ်ဢမ်ႇၶုၵ်းၸႂ်လႆႈၶႆႈၸႂ်ထူပ်း ၵရူႉၼႃႇၸဝ်ႈႁဝ်း ဢၼ်ၼမ်ၼႃႇၼၼ်ႉလႄႈ ဢွၼ်ၵၼ်ပုင်ႇၵၢၼ်ႇၵႃႈတီႈႁိမ်းပၢင်ႇလၢႆႇဢေႇ တုင်ႇၼၼ်ႉၵမ်းလဵဝ်တီႈၶႃႈဢေႃႈ။
၈ ၵူၺ်းၵႃႈမၼ်းၸဝ်ႈၵႄႇသႄႇၶျွတ်ႈဢဝ်ၶဝ် ၵွပ်ႈပိူဝ်ႈၼႃႇမႃႉၸိုဝ်ႈသဵင်မၼ်းၸဝ်ႈ ႁႂ်ႈမႁႃႇတၼ်းၶူဝ်းမၼ်းၸဝ်ႈတင်းလၢႆထၢင်ႇ သႃးဢေႃႈ။
၉ မၼ်းၸဝ်ႈသင်ႇသွၼ်သုင်းမႃႉပၢင်ႇလၢႆႇဢေႇတုင်ႇၼၼ်ႉလႄႈမၼ်းယူတ်းႁႅင်ႈၵႂႃႇဢေႃႈ။မၼ်းၸဝ်ႈဢဝ်ၶဝ်သူင်ႇ ၵႃႈၼႂ်းတီႈဢၼ်လိုၵ်ႉဢၼ်လမ်ႇၸိူဝ်းၼၼ်ႉ မိူၼ်ၸိူဝ်ႉၼင်ႇဢၼ် ဢဝ်သူင်ႇၵႃႈၼႂ်း ထိူၼ်ႇၼႂ်းၶိူဝ်းၼၼ်ႉဢေႃႈ။
၁၀ မၼ်းၸဝ်ႈၵႄႇသႄႇၶျွတ်ႈဢဝ်ၶဝ်သေၵႃႈၼႂ်းမိုဝ်း ၵေႃႉဢၼ်ၸင်းၶဝ်ၼၼ်ႉလႄႈထူတ်ႇၼုၵ်ႈဢဝ်ၶဝ် ဢွၵ်ႇသေၵႃႈၼႂ်းမိုဝ်းရၢၼ်ႇသူႇ ဢေႃႈ။
၁၁ ၼမ်ႉထုမ်ႈႁူမ်ႇရၢၼ်ႇသူႇၶဝ်တင်းလၢႆပႅတ်ႈလႄႈ ဢမ်ႇၵိုတ်းဢမ်ႇၵျၢၼ်ႇသေၵေႃႉသေၵူၼ်း။
၁၂ မိူဝ်ႈၼၼ်ႉၶဝ်ယုမ်ႇမၢတ်ႈၵႂၢမ်းမၼ်းၸဝ်ႈလႄႈ ဢွၼ်ၵၼ်ႁဵတ်း ၵႂၢမ်းယွင်ႈယေႃးၵျေးၸူးမၼ်းၸဝ်ႈဢေႃႈ။
၁၃ ၼႂ်းဝႃႈၼၼ်သေၵေႃႈၶဝ်လူင်ႈလိုမ်း လွင်ႈတၢင်းဢၼ်မၼ်းၸဝ်ႈႁဵတ်းဝႆႉၸိူဝ်းၼၼ်ႉပႅတ်ႈၶၼ်ၶၼ်ၸဵဝ်းၸဵဝ်းလႄႈ ဢမ်ႇၵိုတ်းထႃႈပႂ်ႉထႃႈတၢင်းၵျၢမ်ႇတၢင်းပွင်မၼ်း ၸဝ်ႈ။
၁၄ ၶဝ်မီးတၢင်းဢၼ်ၸႂ်ၸပ်းၸႂ်ၸွႆးၼႃႇလူင်လၢင်ၵႃႈၼႂ်းထိူၼ်ႇၼၼ်ႉလႄႈ ၸၢမ်းတူၺ်းၽြႃးပဵၼ်ၸဝ်ႈၵႃႈၼႂ်းတီႈဢၼ်သိတ်ႇၵူၼ်းငႅဝ်ၵူၼ်း ၼၼ်ႉဢေႃႈ။
၁၅ မၼ်းၸဝ်ႈပၼ်သူႉၵျေးၸူး ဢၼ်ၶဝ်ယွၼ်းဢဝ်ၼၼ်ႉဢေႃႈ။ၵူၺ်းၵႃႈမၼ်းၸဝ်ႈဢဝ်တၢင်းဢၼ်ယွမ်ဢၼ် ႁဵဝ်ႇသႂၢင်းသႂ်ႇပၼ်ၵႃႈၼႂ်းႁူဝ်ၸႂ်ၶဝ်ဢေႃႈ။
၁၆ ၶဝ်ဢွၼ်ၵၼ်သီႇၵႄႉႁေႈတႃ မုဝ်းသေႇ ၵႃႈၼႂ်းတပ်ႉဢိၵ်ႇတင်းဢႃႇရုၼ်ႇ ဢၼ်ပဵၼ်ၵေႃႉဢၼ်မူတ်းၸၢင်ႇထႃႇဝရႃႉ ၽြႃးၼၼ်ႉဢေႃႈ။
၁၇ လိၼ်မိူင်းတႅၵ်ႇဢႃႈသေလႄႈဢိုၼ်တႃႇသၢၼ်ႇ ပႅတ်ႈလႄႈႁူမ်ႇသုမ်ႇၶဝ်ၸိူဝ်းဢၼ်ၶဝ်ႈ ပႃးၼႂ်းမုၵ်ႉၼႂ်းၸိူဝ်း ဢၽိရၢမ်ႇ ၼၼ်ႉဢေႃႈ။
၁၈ ၽႆးတူၵ်းၵႃႈၼႂ်းမုၵ်ႉၼႂ်းၸိူဝ်းၶဝ်လႄႈပိဝ်ၽႆးႁုပ်ႉမႆႈၶဝ်ၸိူဝ်း ဢၼ်ဢမ်ႇတြႃးၸိူဝ်းၼၼ်ႉဢေႃႈ။
၁၉ ၶဝ်ႁဵတ်းဝူဝ်းဢွၼ်ႇၵႃႈတီႈလွႆႁေႃႇရၢပ်ႉလႄႈ ၵူဝ်းၵႂၢႆႇရူၵ်ႈထူႉဢၼ်လေႃႇ ႁဵတ်းၼၼ်ႉဢေႃႈ။
၂၀ ၶဝ်ဢဝ်မုၼ်ၽုင်းၶဝ်လႅၵ်ႈလၢႆဢဝ် ပုင်ႇႁၢင်ႊဝူဝ်းဢၼ်ၵိၼ်ယိူဝ်ႈၼၼ်ႉဢေႃႈ။
၂၁ ၶဝ်လူင်လိုမ်းပႅတ်ႈၽြႃးပဵၼ်ၸဝ်ႈ ၸဝ်ႈဢၼ်ၵႄႇသႄႇၶျွတ်ႈဢဝ်ၶဝ် ၸဝ်ႈဢၼ်ႁဵတ်းလွင်ႈတၢင်းဢၼ်ယႂ်ႇၼႃႇ တင်းလၢႆၵႃႈၼႂ်းမိူင်း ဢေႇၵႅပ်ႉတု
၂၂ လွင်ႈတၢင်းဢၼ်လီဢၢမ်းတင်းလၢႆၵႃႈၼႂ်းတီႈဢၼ် မဵဝ်းႁႃႇမ ၶဝ်ယူႇဢိၵ်ႇတင်းလွင်ႈတၢင်းဢၼ်လီၵူဝ်လီႁႄတင်းလၢႆ ၵႃႈ တီႈႁိမ်းပၢင်ႇလၢႆႇ ဢေႇတုင်ႇ ၼၼ်ႉဢေႃႈ။
၂၃ မိူဝ်ႈၼၼ်ႉသင် မုဝ်းသေ ၵေႃႉဢၼ်မၼ်းၸဝ်ႈလိူၵ်ႈၵဵပ်းဢဝ်ၼၼ်ႉဢမ်ႇၸုၵ်းယူႇၵႃႈတီႈၽၢႆႇၼႃႈမၼ်းၸဝ်ႈ ၵႃႈတီႈဢၼ်ယႃႉပႅတ်ႈၼၼ်ႉသေလႄႈႁဵတ်းႁႂ်ႈမၼ်းၸဝ်ႈလႆႈဝၢႆႇၼႃႈပႅတ်ႈ တၢင်းၸႂ်မႆႈၶႂ်ႈၸႃႉမၼ်းၸဝ်ႈၼၼ်ႉ ၸိုင်မၼ်းၸဝ်ႈတၵ်းယႃႉၶဝ်ပႅတ်ႈဢေႃႈ။
၂၄ ၶဝ်ဢွၼ်ၵၼ်ႁဵတ်းဢမ်ႇပေႃးၼင်ႇႁိုဝ် တီႈမိူင်းဢၼ်သႃႇယႃႇလီငၢမ်းၼၼ်ႉလႄႈ ဢမ်ႇယုမ်ႇမၢတ်ႈၵႂၢမ်းမၼ်းၸဝ်ႈ။
၂၅ ၶဝ်ဢွၼ်ၵၼ်ပွင်ႉၶင်းပွင်ႉမိုၼ်ယူႇ ၵႃႈၼႂ်းသုမ်ႉထဵင်ၶဝ်တင်းလၢႆလႄႈ ယင်းဢမ်ႇထွမ်ႇဢဝ်ၼုၵ်ႉၵပၢတ်ႈထႃႇ ဝရႃႉၽြႃးလႄႈယူႇဢေႃႈ။
၂၆ မိူဝ်ႈၼၼ်ႉမၼ်းၸဝ်ႈယုၵ်ႉမိုဝ်းမၼ်းၸဝ်ႈယူႇၽၢႆႇၼိုင်ႈတင်းၶဝ် ႁႂ်ႈလႆႈဢဝ်ၶဝ် လူမ်ႉပႅတ်ႈၵႃႈၼႂ်းထိူၼ်ႇ
၂၇ ဢိၵ်ႇတင်း ႁႂ်ႈလႆႈဢဝ်မဵဝ်းၸိူဝ်ႉၶိူဝ်းၶဝ်လူမ်ႉပႅတ်ႈ ၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈ ဢဝ်ၶဝ်ၸၢတ်ႇပိုၼ်ပႅတ်ႈၵႃႈၼႂ်း ၵူႈသိူင်ႇၵူႈမိူင်းဢေႃႈ။
၂၈ ၶဝ်ဢွၼ်ၵၼ်ၸပ်းၸွမ်းၽြႃးပႃႇလပေႇၵုရ လႄႈၵိၼ်တူဝ်ယိၸ်ႉဢၼ်ပုၵ်ႉၸေႃႇၵႃႈတီႈၽၢႆႇၼႃႈၽြႃး ဢၼ်ဢမ်ႇမီးဢသၢၵ်ႈၼၼ်ႉဢေႃႈ။
၂၉ ၼင်ႇၼၼ်လႄႈ ၶဝ်ဢဝ်လွင်ႈတၢင်းဢၼ်ၶဝ်ႁဵတ်း ၸိူဝ်းၼၼ်ႉ တိုၵ်းယူင်းတၢင်းၸႂ်မႆႈၶႂ်ႈၸႃႉမၼ်းၸဝ်ႈ လႄႈၵႃႇလႃႉႁႃႈလႅင်မိူင်းႁိမ်ႁူင်ႇဢဝ်ၶဝ်ဢေႃႈ။
၃၀ မိူဝ်ႈဢၼ် ၽိၼႁတ်ႉ လုၵ်ႉသေလႄႈၸီႇယၢင်ႇၸွမ်းၼင်ႇတြႃးၼၼ်ႉ ၵႃႇလႃႉႁႃႈလႅင်မိူင်းထၢတ်ႇၵႂႃႇယဵၼ်ၵႂႃႇ ဢေႃႈ။
၃၁ လွင်ႈတၢင်းၼၼ်ႉၸိုင်လႆႈမၢတ်ႈပဵၼ်ၸိူဝ်ႉၼင်ႇတၢင်းဢၼ်သိုဝ်ႈတေႃႇတီႈမၼ်းၼၼ်ႉယူႇ ၵူႈၸူဝ်ႈၵူႈပၢၼ်သိုပ်ႇသိုပ်ႇတၢမ်ႈတၢမ်ႈ တႃႇသေႇဢမ်ႇထၢတ်ႇ ဢေႃႈ။
၃၂ ၶဝ်တိုၵ်းယူင်းတၢင်းၸႂ်မႆႈၶႂ်ႈၸႃႉမၼ်းၸဝ်ႈၵႃႈတီႈႁိမ်းၼမ်ႉမေႇရိၽ ၼၼ်ႉထၼ်ႈပေႃး ႁႂ်ႈဢႃႉမင်ႇၵလႃႇပဵၼ်မႃးတီႈ မုဝ်းသေႇ ၵွပ်ႈပိူဝ်ႈၶဝ်ၼၼ်ႉဢေႃႈ။
၃၃ ပိူဝ်ႈဢၼ်ၶဝ်ယႃႉယူၵ်ႉဝိၺိၺ်ႇမၼ်းၸဝ်ႈလႄႈ မၼ်းယင်းဢမ်ႇပႃးၸႂ်လႄႈ လႆႈဝႃႈဢွၵ်ႇသူပ်းၵႂႃႇဢေႃႈ။ၶဝ်ယင်းဢမ်ႇယႃႉၵူၼ်း တၢင်ႇၸိူဝ်ႉတၢင်ႇမဵဝ်းတင်းလၢႆပႅတ်ႈ ၸွမ်းၵႃႈၼင်ႇဢၼ်ထႃႇဝရႃႉၽြႃးမီးဢမိင်ႉၼၼ်ႉ။
၃၅ ၶဝ်လေႃးလႄးလူၺ်ႈၵၼ်တင်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆယူႇသေလႄႈ ဢွၼ်ၵၼ်သွၼ်ဢဝ် ၽႃႇသႃႇထုင်းၾိင်ႈၶဝ်ၼၼ်ႉဢေႃႈ။
၃၆ ၶဝ်ဢွၼ်ၵၼ်ႁဵတ်းဝၢတ်ႈတီႈရူၵ်ႈထူႉၶဝ်ၸိူဝ်းၼၼ်ႉလႄႈ ၸိူဝ်းၼၼ်ႉ ပဵၼ်တူင်ႇႁဵဝ်ႉတူင်ႇၶိုမ်းတီႈၶဝ်ဢေႃႈ။
၃၇ ၶဝ်ဢွၼ်ၵၼ်ဢဝ်လုၵ်ႈၸၢႆးၶဝ်လုၵ်ႈယိင်းၶဝ် ပုၵ်ႉၸေႃႇယိၸ်ႉ တီႈၽီႁၢႆႉ တင်းလၢႆဢေႃႈ။
၃၈ ၶဝ်ထွၵ်ႇပႅတ်ႈလိူတ်ႈၶဝ်ၸိူဝ်းဢၼ်ဢမ်ႇမီးဢပျႅတ်ႈဢၼ်ဝႃႈ လိူတ်ႈလုၵ်ႈၸၢႆးၶဝ်လုၵ်ႈယိင်းၶဝ်ဢၼ်ၶဝ်ဢဝ်ပုၵ်ႉၸေႃႇယိၸ်ႉတီႈရူၵ်ႈထူႉ မိူင်းၶႃႇၼၢၼ်ႇ ၼၼ်ႉလႄႈမိူင်းၼၼ်ႉၵူဝ်ႈၵိူၵ်ႇဝႆႉတင်းလိူတ်ႈ ဢေႃႈ။
၃၉ ၼင်ႇၼၼ်လႄႈ ၶဝ်ႁႂ်ႈတူဝ်ၸဝ်ႈၵဝ်ႇၵူဝ်ႈၵိူၵ်ႇၵွပ်ႈပိူဝ်ႈတၢင်းႁဵတ်းတၢင်းသၢင်ႈၶဝ်ၼၼ်ႉလႄႈ ၽိတ်းပိူင်ႈၼႂ်းလွင်ႈတၢင်းဢၼ်ၶဝ်ႁဵတ်း ၸိူဝ်းၼၼ်ႉဢေႃႈ။
၄၀ ပိူဝ်ႈၼႆလႄႈ တၢင်းၸႂ်မႆႈၶႂ်ႈၸႃႉထႃႇဝရႃႉၽြႃးဢွၵ်ႇၸူးတီႈၵူၼ်းမၼ်းၸဝ်ႈတင်းလၢႆလႄႈ မၼ်းၸဝ်ႈလီႁင်ႈဢဵတ်ႇသဵတ်ႇဢမူၺ်ႇမၼ်းၸဝ်ႈဢေႃႈ။
၄၁ မၼ်းၸဝ်ႈဢဝ်ၶဝ်ဢၢပ်ႈပၼ် ၵႃႈၼႂ်းမိုဝ်းၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈ ၶဝ်ၸိူဝ်းဢၼ်ၸင်းၶဝ်ၼၼ်ႉလႆႈ ဢုပ်ႉပိူင်ႇၶဝ်ဢေႃႈ။
၄၂ ရၢၼ်ႇသူႇၶဝ်ၸိူဝ်းၼၼ်ႉၼိၵ်ႈၸၢၵ်ႈငႅၼ်းသေးၶဝ်လႄႈ ၶဝ်လႆႈၶၢမ်ႇတၢင်းဢၼ်ၵူမ်ႈၵွမ်း ယူႇၵႃႈတႂ်ႈမိုဝ်းၶဝ်ၸိူဝ်းၼၼ်ႉဢေႃႈ။
၄၃ ပဵၵ်ႉသမ်ႉမၼ်းၸဝ်ႈၵႄႇသႄႇၼုၵ်ႈဢဝ်ၶဝ်ပွၵ်ႈၼမ်ၼႃႇသေၵေႃႈယႃႇ ၶဝ်ၵျၢမ်ႇပွင်တၢင်းၵျၢမ်ႇတၢင်းပွင် ဢၼ်ပုင်ႇၵၢၼ်ႇၼၼ်ႉၵူၺ်းလႄႈ လႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇ ၵွပ်ႈပိူဝ်ႈဢပျႅတ်ႈတူႉၸရိူၵ်ႈၶဝ်ၼၼ်ႉဢေႃႈ။
၄၄ ၵူၺ်းၵႃႈမၼ်းၸဝ်ႈ လူႈတူၺ်းတုၵ်ႉၶႃႉတၢင်းၽၢၼ်ၶဝ်ယူႇၼႂ်းမိူဝ်ႈဢၼ်မၼ်းၸဝ်ႈ ငိၼ်းသဵင်တၢင်းဢၼ် ၶဝ်ႁွင်ႉ သႅၼ်ႇၼၼ်ႉဢေႃႈ။
၄၅ မၼ်းၸဝ်ႈၶုၵ်းၸႂ်လႆႈၶႆႈၸႂ်ထူပ်းပတိၺိၺ်ႇမၼ်းၸဝ်ႈ ပုၼ်ႈၶဝ်ၼၼ်ႉလႄႈ မီးတၢင်းဢၼ်ဢိတ်းလူၶဝ် ၸွမ်းၵႃႈၼင်ႇဢၼ်ၵရူႉၼႃႇမၼ်း ၸဝ်ႈၼမ်ၼႃႇလူင်လၢင်ၼၼ်ႉဢေႃႈ။
၄၆ မၼ်းၸဝ်ႈႁဵတ်းႁႂ်ႈၶဝ်ၸိူဝ်းဢၼ်တီႉဢဝ်ၶဝ်ၵႂႃႇ တင်းသဵင်ႈတင်းလူင် ၼၼ်ႉလႆႈဢိတ်းလူၶဝ်ဢေႃႈ။
၄၇ ထႃႇဝရႃႉၽြႃးၽြႃးပဵၼ်ၸဝ်ႈႁဝ်းတီႈၶႃႈ၊ ၶႅၼ်းတေႃႈၵႄႇသႄႇၶျွတ်ႈဢဝ်ၶႃႈၸဝ်ႈႁဝ်းၶဝ်လႄႈ ၸူႉသိမ်းၼုၵ်ႈဢဝ်ၶႃႈၸဝ်ႈႁဝ်းၶဝ်ဢွၵ်ႇသေၵႃႈၼႂ်းၵူၼ်းတၢင်ႇၸိူဝ်ႉတၢင်ႇၶိူဝ်းၼၼ်ႉ သေၵမ်းတီႈၶႃႈ။ႁႂ်ႈၶႃႈၸဝ်းႁဝ်းၶဝ်လႆႈႁပ်ႉတုင်းဢဝ်လႄႈဝႃႈ၊-ၵျေးၸူးၼႃႇမႃႉၸိုဝ်ႈသဵင်ဢၼ်မူတ်းၸၢင်ႇၸဝ်ႈႁဝ်းၼၼ်ႉယႂ်ႇၼႃႇတီႈၶႃႈဢေႃႈ၊ ဝႃႈၼင်ႇၼႆလႄႈဢုပ်ႇဝၢဝ်းၸူမ်းသိူဝ်း ၵႃႈၼႂ်းတၢင်းဢၼ်ယွင်ႈယေႃးၸဝ်ႈႁဝ်းၼၼ်ႉသေၵမ်းတီႈၶႃႈ။
၄၈ ႁႂ်ႈထႃႇဝရႃႉၽြႃး ၽြႃးပဵၼ်ၸဝ်ႈ မဵဝ်းဢိသရေႇလၼၼ်ႉမီးမင်ႇၵလႃႇၵူႈၵမ်ႇၽႃႇ သိုပ်ႇသိုပ်ႇတၢမ်ႈတၢမ်ႈသေၵမ်းလူၺ်ႈ။ႁႂ်ႈၵူၼ်းတင်းသဵင်ႈတင်းလူင်ဢွၼ်ၵၼ်ႁပ်ႉတုင်းဢဝ်လႄႈဝႃႈ၊- ဢႃႈမိၼ်ႈ၊ ဝႃႈၼင်ႇၼႆသေၵမ်းလူၺ်ႈ။ႁႃႇလေႇလုယႃႇ။