၁၀၅
၁ ယွင်ႈယေႃးၵျေးၸူးထႃႇဝရႃႉၽြႃးတႃႉ။ႁဵတ်းပထၼႃႇတီႈၼႃႇမႃႉၸိုဝ်ႈသဵင်မၼ်းၸဝ်ႈတႃႉ။ၼႄပျႃးလွင်ႈတၢင်းဢၼ် မၼ်းၸဝ်ႈၸီႇယၢင်ႇႁဵတ်းဝႆႉၸိူဝ်းၼၼ်ႉ တီႈၵူၼ်းတင်းလၢႆတႃႉ။
၂ ႁဵတ်းၵႂၢမ်းတီႈမၼ်းၸဝ်ႈတႃႉ။ႁဵတ်းၵႂၢမ်းထေႃးပၼႃႇတီႈမၼ်းၸဝ်ႈတႃႉ။ၶႆႈၸႂ်ဝူၼ်ႉၸႂ်လူၺ်ႈ လွင်ႈတၢင်းဢၼ်လီဢၢမ်းမၼ်းၸဝ်ႈၵႃႈမီး ၸိူဝ်းၼၼ်ႉတႃႉ။
၃ ဢုပ်ႇဝၢဝ်းၼႂ်းၼႃႇမႃႉၸိုဝ်သဵင်ဢၼ်မူတ်းၸၢင်ႇမၼ်းၸဝ်ႈၼၼ်ႉတႃႉ။ႁႂ်ႈႁူဝ်ၸႂ်ၶဝ်ၸိူဝ်း ဢၼ်ႁႃထႃႇဝရႃႉၽြႃးၼၼ်ႉသႂၢင်ႇသိူဝ်းတႃႉ။
၄ ထၢမ်ႁႃထႃႇဝရႃႉၽြႃးတင်းတၼ်းၶူဝ်းမၼ်းၸဝ်ႈတႃႉ။ႁႃၼႃႈ မၼ်းၸဝ်ႈတႃႇသေႇဢမ်ႇထၢတ်ႇတႃႉ။
၅ ၶုၵ်းၸႂ်လႆႈၶႆႈၸႂ်ထူပ်း လွင်ႈတၢင်းဢၼ်လီဢၢမ်းဢၼ်မၼ်းၸဝ်ႈၸီႇယၢင်ႇႁဵတ်းဝႆႉ ဢိၵ်ႇတင်း လွင်ႈတၢင်းဢၼ်လၢၵ်ႇလၢႆးမၼ်းၸဝ်ႈတင်း ပိင်းၺၢပ်ႈဢၼ်ဢွၵ်ႇၵႃႈၼႂ်း သူပ်းမၼ်းၸဝ်ႈၸိူဝ်းၼၼ်ႉတႃႉ။
၆ ၸိူဝ်ႉၶိူဝ်းၶႃႈမၼ်းၸဝ်ႈဢႃႇပႁၢမ်ႇ၊လုၵ်ႈလၢၼ်ယႃႇၵုပ်ႉ၊ ဢၼ်မၼ်းၸဝ်ႈ လိူၵ်ႈၵဵပ်းဢဝ်ၼၼ်ႉၶဝ်ဢိူၺ်း၊
၇ မၼ်းၸဝ်ႈပဵၼ်ထႃႇဝရႃႉၽြႃးၽြႃးပဵၼ်ၸဝ်ႈႁဝ်းလႄႈ လွင်ႈတၢင်းဢၼ်မၼ်းၸဝ်ႈၸီႇယၢင်ႇဝႆႉၸိူဝ်းၼၼ်ႉ ၸွတ်ႇတူဝ်ႈၵႃႈၼိူဝ် လိၼ်မိူင်းတင်းသဵင်ႈတင်းမူတ်းဢေႃႈ။
၈ မၼ်းၸဝ်ႈၶုၵ်းၸႂ်လႆႈၶႆႈၸႂ်ထူပ်းပတိၺိၺ်ႇတြႃးမၼ်းၸဝ်ႈ ၼုၵ်ႉၵပၢတ်ႈဢၼ်မၼ်းၸဝ်ႈသင်ႇလၢတ်ႈဝႆႉ တေႃႇထိုင်ႁွတ်ႈ
၉ သိုပ်ႇမဵဝ်းၵူၼ်းႁဵင်သိုပ်ႇ ပတိၺိၺ်ႇတြႃးဢၼ်ဝႆႉၵတိတီႈဢႃႇပႁၢမ်ႇ တၢင်းဢၼ်တိူင်ႇဝႃႈဢၼ်မၼ်းၸဝ်ႈ တိူင်ႇဝႃႈတီႈ ဢိၸၢၵ်ႉ ပတိၺိၺ်ႇတြႃးဢၼ်မၼ်းၸဝ်ႈတႄႇဝႆႉ ပုၼ်ႈဢၼ်တၵ်းပဵၼ်ထုင်းၾိင်ႈတြႃးမၼ်ႈမၼ်ႈၶိူင်ႇၶိူင်ႇတီႈယႃႇၵုပ်ႉ တင်းပတိၺိၺ်ႇတြႃးဢၼ်ပဵၼ်ၼိၵ်ႉၸႃႉထႃႇဝရႃႉတီႈ ဢိသရေႇလ ၼၼ်ႉ ယူႇတႃႇသေႇဢမ်ႇထၢတ်ႇလႄႈလၢတ်ႈဝႃႈ၊-
၁၁ ၵဝ်တၵ်းဢဝ်မိူင်းၶႃႇၼၢၼ်ႇ လိၼ်ဢၼ်သူတၵ်းလႆႈၶၢမ်ႇဢ မူၺ်ႇၼၼ်ႉပၼ်တီႈမႂ်းဢေႃႈ၊
၁၂ ဝႃႈၼင်ႇၼႆဝႆႉၼႂ်းမိူဝ်ႈဢၼ်မဵဝ်းႁဝ်းၼႆႉ ၼပ်ႉဢၢၼ်ႇဢမ်ႇၼမ်ၵေႇၼႃႇလူင် လၢင်လႄႈပဵၼ်ၶႅၵ်ႇယူႇၼႂ်းမိူင်းၼၼ်ႉဢေႃႈ။
၁၃ ၶဝ်ၼၼ်ႉလႆႈလႄႇၵႂႃႇလႄႇမႃး ဢဝ်ၵႃႈတီႈမဵဝ်းၵူၼ်းမဵဝ်းၼိုင်ႈတေႃႇထိုင်ႁွတ်ႈမဵဝ်းၵူၼ်းမဵဝ်းၼိုင်ႈ ဢဝ်ၵႃႈတီႈမိူင်းမိူင်းၼိုင်ႈတေႃႇထိုင်ႁွတ်ႈမိူင်းမိူင်းၼိုင်ႈယူႇဢေႃႈ။
၁၄ မၼ်းၸဝ်ႈဢမ်ႇပၼ်ဢၶႂၢင်ႉတီႈၽူႈ လႂ် ႁႂ်ႈလႆႈၼိၵ်ႈၸၢၵ်ႈငႅၼ်းသေးၶဝ်။ၵွပ်ႈပိူဝ်ႈၶဝ်ၵေႃႈမၼ်းၸဝ်ႈသင်ႇသွၼ်သုင်းမႃႉတီႈ ၶုၼ်ႁေႃၶမ်းတင်းလၢႆလႄႈဝႃႈ၊-
၁၅ ယႃႇပတေိူဝ်ႉပထေုၵ်ႇ ၶဝ်ၸိူဝ်းဢၼ်လႆႈၶၢမ်ႇၽိၵ်ႉသိၵ်ႈတီႈၵဝ်ၼၼ်ႉ။ယႃႇပေႁဵတ်းဢပျႅတ်ႈတီႈပရေႃးၽႅတ်ႈၵဝ်ၸိူဝ်းၼၼ်ႉ ဝႃႈၼင်ႇၼႆဢေႃႈ။
၁၆ မၼ်းၸဝ်ႈႁွင်ႉဢဝ်ၽေးဢိုပ်းၽေးယၢၵ်ႈတူၵ်းမႃးၵႃႈတီႈမိူင်းၼၼ်ႉလႄႈ ႁၵ်းယႃႉပႅတ်ႈဢၼ်ၵမ်ႉဢၼ်ထွၵ်ႈၵႃႈမီး ဢၼ်ပဵၼ် တၢင်းၵိၼ်တၢင်းၶူပ်းၼၼ်ႉ ဢေႃႈ။
၁၇ မၼ်းၸဝ်ႈပွႆႇၵူၼ်းၵေႃႉၼိုင်ႈၵႂႃႇဢွၼ်တၢင်းၶဝ်လႄႈ ယုဝ်းသႅပ်ႉ လႆႈၶၢမ်ႇတၢင်းဢၼ်ၶၢႆပႅတ်ႈပုၼ်ႈ ဢၼ်တၵ်းပဵၼ်ၶႃႈၼၼ်ႉဢေႃႈ။
၁၈ ၶဝ်ဢဝ်ဝႅၼ်လဵၵ်းၼိၵ်ႈၸၢၵ်ႈငႅၼ်းသေးတိၼ်မၼ်းလႄႈ ၸႂ်မၼ်းယၢပ်ႇ ၽိုတ်ႇၵွပ်ႈပိူဝ်ႈလဵၵ်းၼၼ်ႉဢေႃႈ။
၁၉ ၸူဝ်ႈဢၼ်ၵႂၢမ်းမၼ်းဢမ်ႇပႆႇတဵမ်ထူၼ်ႈၼၼ်ႉၸိုင် ဢမိင်ႉထႃႇဝရႃႉၽြႃးၸၢမ်း တူၺ်းမၼ်းဢေႃႈ။
၂၀ ၶုၼ်ႁေႃၶမ်းဢၼ်ဝႃႈ ၸဝ်ႈဢၼ်ဢုပ်ႉပိူင်ႇၵူၼ်းတင်းလၢႆၼၼ်ႉ ပွႆႇၸႂ်ႉလႄႈ ၼုၵ်ႈဢဝ် မၼ်းသေယဝ်ႉပၼ်ၵတ်းယဵၼ်ၶျၢမ်းသႃႇဢေႃႈ။
၂၁ မၼ်းၸဝ်ႈဢဝ်မၼ်းၶၢၼ်းဝႆႉၼႂ်းဢရႃႇၸဝ်ႈ ဢၼ်ဢုပ်ႉပိူင်ႇႁေႃၶမ်းမၼ်းၸဝ်ႈ ၸဝ်ႈဢၼ်ဢုပ်ႉပိူင်ႇဢုၵ်ႉၸႃႇၸေး ၸိမ်ႇမၼ်းၸဝ်ႈတင်းသဵင်ႈတင်းလူင်
၂၂ ႁႂ်ႈလႆႈမီးဢၶႂၢင်ႉဢၼ်ပိူင်ႇမတ်ႉၽုၵ်ႇ ၶုၼ်ဢရႃႇသီႉမၼ်းၸဝ်ႈတင်းလၢႆ ၸွမ်းၵႃႈၼင်ႇဢၼ်ဢလူဝ်ႇမၼ်းမီးၼၼ်ႉလႄႈသင်ႇသွၼ်သုင်းမႃႉပၼ်ပိင်ႇၺႃႇ တီႈမူးမၢတ်ႈၽွင်းမိူင်းမၼ်းၸဝ်ႈတင်းလၢႆၼၼ်ႉဢေႃႈ။
၂၃ဢိသရေႇလ ႁွတ်ႈထိုင်ၵႃႈတီႈ မိူင်းဢေႇၵႅပ်ႉတု လႄႈယႃႇၵုပ်ႉ ပဵၼ်ၶႅၵ်ႇယူႇၵႃႈၼႂ်းတီႈဢၼ်မဵဝ်းႁႃႇမ ယူႇၼၼ်ႉဢေႃႈ။
၂၄ မၼ်းၸဝ်ႈႁႂ်ႈၵူၼ်းမၼ်းၸဝ်ႈၼမ်ၵိုၼ်းမႃးလႄႈ ႁႂ်ႈၶဝ်ႁႅင်းယႂ်ႇၼႃႇသရေၢၼ်ႇသူႇၶဝ်ဢေႃႈ။
၂၅ မၼ်းၸဝ်ႈ ႁႂ်ႈႁူဝ်ၸႂ်ၶဝ်ၼၼ်ႉၶၢႆႉပုတ်ႈၵႂႃႇ ႁႂ်ႈၶဝ်လႆႈၸင်းၵူၼ်းမၼ်းၸဝ်ႈတင်းလၢႆလႄႈ ႁဵတ်းပရီ့ယႄႇတီႈၶႃႈမၼ်းၸဝ်ႈၸိူဝ်းၼၼ်ႉဢေႃႈ။
၂၆ လၢႆးသမ်ႉ မၼ်းၸဝ်ႈပွႆႇၸႂ်ႉၶႃႈမၼ်းၸဝ်ႈမုဝ်းသေႇ ဢိၵ်ႇတင်း ဢႃႇရုၼ်ႇ ဢၼ်မၼ်းၸဝ်ႈလိူၵ်ႈၵဵပ်းဢဝ်ၼၼ်ႉဢေႃႈ။
၂၇ သွင်ၶႃ ၼႄပျႃး လၵ်ႈၶၼႃႇသၢၵ်ႈသေႇမၼ်းၸဝ်ႈတင်းလၢႆၵႃႈၼႂ်းၶဝ်ၼၼ်ႉလႄႈ ႁဵတ်းလွင်ႈဢၼ်လီဢၢမ်းမၼ်းၸဝ်ႈတင်းလၢႆ ၵႃႈၼႂ်းတီႈဢၼ် မဵဝ်းႁႃႇမ ယူႇၼၼ်ႉဢေႃႈ။
၂၈ မၼ်းၸဝ်ႈပွႆႇၸႂ်ႉဢၼ်လပ်းသိင်ႇလႄႈ ႁႂ်ႈလပ်းသိင်ႇဢေႃႈ။ၶဝ်ဢမ်ႇႁဵတ်းၶတ်းၵၼ် တင်းၼုၵ်ႉၵပၢတ်ႈမၼ်းၸဝ်ႈ။
၂၉ မၼ်းၸဝ်ႈႁႂ်ႈၼမ်ႉၶဝ် ပဵၼ်လိူတ်ႈၵႂႃႇလႄႈႁႂ်ႈပႃၶဝ်တင်းလၢႆတၢႆဢေႃႈ။
၃၀ ၼႃႈလိၼ်ၶဝ် မီးတၢင်းဢၼ်သတ်ႉတဵမ်ဝႆႉတင်းၶဵတ်ႇၼမ်ၼႃႇလႄႈ တေႃႈၵႃႈၼႂ်းလုၵ်းတီႈဢၼ်ၶုၼ်ၶဝ်ၼွၼ်း ၸိူဝ်းၼၼ်ႉၵေႃႈယင်းမီးၶဵတ်ႇဢေႃႈ။
၃၁ ဢမိင်ႉမၼ်းၸဝ်ႈမီးလႄႈ လိူၵ်ႇ လႂ်ဢိၵ်ႇတင်းႁိၼ်ႉ လႂ် ၸွတ်ႇတူဝ်ႈၵႂႃႇ ၵႃႈၼႂ်းၼမ်ႉၶဝ်လိၼ်ၶဝ်ဢေႃႈ။
၃၂ မၼ်းၸဝ်ႈႁႂ်ႈမၢၵ်ႇႁဵပ်းၼမ်ႉၽူၼ်ဢိၵ်ႇတင်း ပိဝ်ၽႆးတူၵ်းၵႃႈၼိူဝ်ၼႃႈလိၼ် ၶဝ်ဢေႃႈ။
၃၃ မၼ်းၸဝ်ႈတိူဝ်ႉထုၵ်ႇသႂ်ႇတူၼ်ႈၶိူဝ်းမၢၵ်ႇၸပိတ်ႉၶဝ်ဢိၵ်ႇတင်း တူၼ်ႈမၢၵ်ႇလိူဝ်ႇသၢင်းၽေႃးၶဝ်လႄႈႁၵ်းတူၼ်ႈမႆႉၶဝ် ဢၼ်မီးၵႃႈၼႂ်းၼမ်ႉၶဝ်လိၼ် ၶဝ်ၼၼ်ႉပႅတ်ႈဢေႃႈ။
၃၄ ဢမိင်ႉမၼ်းၸဝ်ႈမီးလႄႈမႅင်းၵႅင်းဢရႃႇၽဢိၵ်ႇတင်း မႅင်းၵႅင်းယႃႇၸိတ်ႉ တင်းလၢႆဢွၼ်ၵၼ်မႃးၼမ်ၼႃႇထၼ်ႈပေႃး ဢမ်ႇၼပ်ႉဢမ်ႇ ဢၢၼ်ႇလႆႈလႄႈ
၃၅ ၶူပ်းၵိၼ်ၽၵ်းယိူဝ်ႈၽၵ်းၶဵဝ် ၵႃႈဢၼ်မီးၼႂ်းမိူင်းၶဝ်ဢိၵ်ႇတင်း မၢၵ်ႇႁူင်းၶွၼ်ႇၼမ်ႉမၼ်း လိၼ်ၶဝ်ဢေႃႈ။
၃၆ မၼ်းၸဝ်ႈပၼ်တၢမ်ႇတီႈလုၵ်ႈၸၢႆးတူၼ်ႈတင်းသဵင်ႈတင်းလူင် ဢၼ်ပဵၼ်ၵေႃႇၸႃႉဢႅၼ် ႁႅင်းၶဝ်ၵႃႈၼႂ်းမိူင်းၶဝ်ၼၼ်ႉဢေႃႈ။
၃၇ မၼ်းၸဝ်ႈဢဝ်ၶဝ်ၼၼ်ႉ ပႃးဢဝ်ငိုၼ်းဢဝ်ၶမ်းသေယဝ်ႉဢွၵ်ႇၵႂႃႇလႄႈၵႃႈၼႂ်းမဵဝ်းၶဝ်ၵူႈမဵဝ်းၼၼ်ႉ ဢမ်ႇမီးၵေႃႉဢၼ်ၶီႈလိုတ်း လႄႈလူမ်ႉသေၵေႃႉသေၵူၼ်း။
၃၈ မိူင်းဢေႇၵႅပ်ႉတုမီးတၢင်းဢၼ်ၸူမ်းသိူဝ်း ၼႂ်းမိူဝ်ႈဢၼ်ၶဝ်ဢွၵ်ႇၵႂႃႇၼၼ်ႉ ဢေႃႈ။
၃၉ လွင်ႈမၼ်းၸမ်းတၢင်းဢၼ်ၵူဝ်ဢၼ်ႁႄတူၵ်းႁွတ်ႈထိုင်ၵႃႈၼိူဝ်ၶဝ်ၼၼ်ႉဢေႃႈ။မၼ်းၸဝ်ႈၵီႈၽႃႉၽူၼ်မုင်းသႂ်ႇၵႃႈၼိူဝ်ၶဝ်လႄႈပၼ်ၽႆးပုၼ်ႈဢၼ် တၵ်းလႅင်းၶိင်ႇၵၢင်ၶိုၼ်းၼၼ်ႉတီႈၶဝ်ဢေႃႈ။
၄၀ မိူဝ်ႈဢၼ်ၶဝ်ယွၼ်းၼၼ်ႉၸိုင် မၼ်းၸဝ်ႈဢဝ်ၼူၵ်ႉၶုမ်ႈတင်းလၢႆဢိၵ်ႇတင်းၶဝ်ႈမုၼ်းၵၢင်ႁၢဝ် ပၼ်ႁႂ်ႈၶဝ်ဢိမ်ႇၸႂ်တဵမ် ၸႂ်ဢေႃႈ။
၄၁ မၼ်းၸဝ်ႈၽုၺ်ႇမၢၵ်ႇႁိၼ်လႄႈၼမ်ႉၸိုမ်းဢွၵ်ႇမႃးသေယဝ်ႉ လႆၵႂႃႇၵႃႈၼႂ်းတီႈဢၼ်ႁႅင်ႈဢၼ်ႁွင်ၸိူဝ်းၼၼ်ႉ မိူၼ်ၸိူဝ်ႉၼင်ႇၼမ်ႉႁွင်ႊၼမ်ႉၵႄးဢေႃႈ။
၄၂ လွင်ႈမၼ်းၸမ်း မၼ်းၸဝ်ႈၶုၵ်းၸႂ်လႆႈၶႆႈၸႂ်ထူပ်းၵတိမၼ်းၸဝ်ႈဢၼ်မူတ်းၸၢင်ႇ ဢိၵ်ႇတင်းၶႃႈမၼ်းၸဝ်ႈ ဢႃႇပႁၢမ်ႇၼၼ်ႉဢေႃႈ။
၄၃ မၼ်းၸဝ်ႈပႃးတၢင်းဢၼ်သိူဝ်းပျေႃႇ ဢဝ်ၵူၼ်းမၼ်းၸဝ်ႈတင်းလၢႆ ဢွၵ်ႇမႃးလႄႈ ပႃးတၢင်းဢၼ်ႁွင်ႉသႅၼ်ႇဢၼ်သႂၢင်ႇဢၼ်သိူဝ်းဢဝ်ၶဝ်ၸိူဝ်းဢၼ်မၼ်းၸဝ်ႈလိူၵ်ႈၵဵပ်းဢဝ်ၼၼ်ႉ ဢွၵ်ႇမႃးဢေႃႈ။
၄၄ မၼ်းၸဝ်ႈဢဝ်ၼမ်ႉဢဝ်လိၼ်ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆပၼ်တီႈၶဝ်လႄႈ ၶဝ်လႆႈၶဝ်ႈၵိၼ် တၢင်းႁဵတ်းတၢင်းသၢင်ႈမဵဝ်းၵူၼ်းတင်း လၢႆႁႂ်ႈၶဝ်လႆႈပႂ်ႉၵမ်ႉပႂ်ႉၸွႆႈ
၄၅ ထုင်းၾိင်ႈတြႃးမၼ်းၸဝ်ႈတင်းလၢႆလႄႈ ၵမ်ၵျၢင်ႉပိင်းၺၢပ်ႈတြႃး မၼ်းၸဝ်ႈၼၼ်ႉဢေႃႈ။ႁႃႇလေႇလုယႃႇ။