၁၀၃
၁ ဝိၺိၺ်ႇၵဝ်ဢိူၺ်း၊ ပၼ်တၢင်းလီတီႈထႃႇဝရႃႉၽြႃးတႃႉ။ၵႃႈဢၼ်မီးယူႇၵႃႈၼႂ်းၵဝ်ဢိူၺ်း၊ပၼ်တၢင်းလီတီႈၼႃႇမႃႉၸိုဝ်သဵင်မၼ်းၸဝ်ႈဢၼ်မူတ်းၸၢင်ႇ ၼၼ်ႉတႃႉ။
၂ ဝိၺိၺ်ႇၵဝ်ဢိူၺ်း၊ပၼ်တၢင်းလီတီႈထႃႇဝရႃႉၽြႃးတႃႉ။ယႃႇပလေူင်လိုမ်းၵျေးၸူးမၼ်းၸဝ်ႈၵႃႈ မီးၸိူဝ်းၼၼ်ႉ။
၃ မၼ်းၸဝ်ႈပွႆႇလွတ်ႈဢပျႅတ်ႈမႂ်းၵူႈၸိူဝ်ႉၵူႈပိူင်လႄႈ ႁႂ်ႈတၢင်းၶႆႈတၢင်းပဵၼ်မႂ်းၵႃႈမီးတင်းသဵင်ႈ တင်းလူင်ႁၢႆဢေႃႈ။
၄ မၼ်းၸဝ်ႈထူတ်ႇၼုၵ်ႈဢဝ် ဢသၢၵ်ႈမႂ်းဢွၵ်ႇသေၵႃႈၼႂ်းၶုမ်ၼႂ်းႁူးလႄႈ ဢဝ်ၵျေးၸူးဢိၵ်ႇတင်းၵရူႉၼႃႇမၼ်းၸဝ်ႈ ၶႅၼ်းႁွပ်ႈႁူဝ်မႂ်းဝႆႉဢေႃႈ။
၅ မၼ်းၸဝ်ႈ ဢဝ်လွင်ႈတၢင်းဢၼ်လီဢၼ်ငၢမ်းတၢင်းလၢႆ ႁႂ်ႈဢသၢၵ်ႈမႂ်းလႆႈဢိမ်ႇၸႂ်ၼိမ်ၸႂ်ယူႇတေႃႇထိုင်ႁွတ်ႈဢရွႆႇမႂ်းထၼ်ႈပေႃး မီးတၢင်းဢၼ်မႄးၵုမ်းမႄးႁဵတ်းမိူၼ်ၸိူဝ်ႉၼင်ႇဢရွႆႇ လၢင်းတႃႉၶမ်းၼၼ်ႉဢေႃႈ။
၆ ထႃႇဝရႃႉၽြႃးႁဵတ်းတၢင်းဢၼ်သိုဝ်ႈဢၼ်တေႃႇလႄႈ ၸီႇယၢင်ႇတႅပ်းတတ်းပုၼ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေး ၵႃႈမီးတင်း သဵင်ႈတင်းလူင်ၼၼ်ႉဢေႃႈ။
၇ မၼ်းၸဝ်ႈၼႄပျႃးသဵၼ်ႈတၢင်း ဢၼ်မၼ်းၸဝ်ႈၵႂႃႇၸိူဝ်းၼၼ်ႉတီႈ မုဝ်းသေႇဢိၵ်ႇတင်း လွင်ႈတၢင်းဢၼ်မၼ်းၸဝ်ႈ ၸီႇယၢင်ႇ ႁဵတ်းဝႆႉၸိူဝ်းၼၼ်ႉတီႈမဵဝ်းဢိသရေႇလ ဢေႃႈ။
၈ ထႃႇဝရႃႉၽြႃးတဵမ်ဝႆႉတင်းတၢင်းဢၼ်ဢိတ်းလူႁၵ်ႉပႅင်းတၢင်းဢၼ်ႁဵတ်းၵျေးၸူး တၢင်းဢၼ်ယိူၼ်ႉၶၢမ်ႇဢိၵ်ႇတင်းတၢင်းဢၼ်ၵရူႉၼႃႇ လိူင်ႇၼမ်ၼႃႇၼၼ်ႉဢေႃႈ။
၉ မၼ်းၸဝ်ႈတၢင်ႇဢပျႅတ်ႈႁဝ်းယူႇသေႇသေႇ ဢမ်ႇၸႂ်ႈ။မၼ်းၸဝ်ႈဝႆႉတၢင်းၽိတ်းႁဝ်း ၼႂ်းၸႂ်မၼ်းၸဝ်ႈယူႇမၼ်ႈမၼ်ႈၶိူင်ႇၶိူင်ႇဢမ်ႇၸႂ်ႈ။
၁၀ မၼ်းၸဝ်ႈယင်းဢမ်ႇႁဵတ်းတီႈႁဝ်း ၸွမ်းၵႃႈၼင်ႇဢၼ်ႁဝ်းႁဵတ်းၽိတ်းပိူင်ႈမႃးၼၼ်ႉ။မၼ်းၸဝ်ႈ ယင်းဢမ်ႇပၼ်ဢပျႅတ်ႈတီႈႁဝ်း ၸွမ်းၵႃႈၼင်ႇ တူႉၸရိူၵ်ႈဢပျႅတ်ႈဢၼ်ႁဝ်းမီး ၼၼ်ႉ။
၁၁ မိူၼ်ၸိူဝ်ႉၼင်ႇၵၢင်ႁၢဝ်မီးတၢင်းဢၼ်သုင်ၼႃႇသေၵႃႈၼိူဝ်လိၼ်မိူင်းၼႆႉၼၼ်ႉ ၵရူႉၼႃႇမၼ်းၸဝ်ႈၵေႃႈႁႅင်းယႂ်ႇၼႃႇ တီႈၶဝ်ၸိူဝ်းဢၼ်ရူဝ်ႇသေႇၵူဝ်ယမ် မၼ်းၸဝ်ႈၼၼ်ႉဢေႃႈ။
၁၂ မိူၼ်ၸိူဝ်ႉၼင်ႇဢၼ်တီႈၼႃႈဝၼ်းဢွၵ်ႇၵႆၵၼ်တင်း တီႈၼႃႈဝၼ်းတူၵ်းၼၼ်ႉမၼ်း ၸဝ်ႈႁႂ်ႈဢပျႅတ်ႈႁဝ်းၵႆၵၼ်တင်းႁဝ်းဢေႃႈ။
၁၃ မိူၼ်ၸိူဝ်ႉၼင်ႇပေႃႈ ဢိတ်းလူႁၵ်ႉပႅင်းလုၵ်ႈလၢင်းမၼ်းၼၼ်ႉထႃႇဝရႃႉၽြႃးဢိတ်းလူႁၵ်ႉပႅင်း ၶဝ်ၸိူဝ်းဢၼ်ရူဝ်ႇ သေႇၵူဝ်ယမ်မၼ်းၸဝ်ႈၼၼ်ႉဢေႃႈ။
၁၄ လွင်ႈမၼ်းၸမ်းမၼ်းၸဝ်ႈႁူႉတူဝ်ၶၼ်ႇထႃႇႁဝ်းလႄႈ ၶုၵ်းၸႂ်လႆႈၶႆႈၸႂ်ထူပ်းလွင်ႈဢၼ်ဝႃႈ ႁဝ်းၼႆႉပဵၼ်မုၼ်ႈလိၼ်ၵူၺ်းဢၼ် ဝႃႈၼၼ်ႉဢေႃႈ။
၁၅ မိူဝ်ႉဝၼ်းၵူၼ်းပဵၼ်ၸိူဝ်ႉၼင်ႇတူၼ်ႈယိူဝ်ႈတူၼ်ႈယႃႈလႄႈ မၼ်းၸၢင်ႊၵီႈၸိူဝ်ႉၼင်ႇလူင်ႇ မွၵ်ႇဢၼ်မီးၵႃႈတီႈၼွၵ်ႈတီႈပၢင်ႇၼၼ်ႉဢေႃႈ။
၁၆ လူမ်းထူဝ်းလူမ်းထွင်း ပူၼ်ႉမၼ်းၵႂႃႇသေယဝ်ႉ မၼ်းႁၢႆၵႂႃႇလႄႈၵမ်းလိုၼ်းတီႈယူႇမၼ်းၼၼ်ႉ ယင်းဢမ်ႇႁူႉ ၸၵ်းမၼ်း။
၁၇ ၵရူႉၼႃႇထႃႇဝရႃႉၽြႃးၸမ်းၸဵမ်မိူဝ်ႈၵမ်ႇၽႃႇဢွၼ်ၼၼ်ႉ သိုပ်ႇသိုပ်ႇတၢမ်ႈတၢမ်ႈ တေႃႇထိုင်ႁွတ်ႈၵမ်ႇၽႃႇၵမ်းလိုၼ်း သိုပ်ႇသိုပ်ႇတၢမ်ႈတၢမ်ႈတူၵ်းႁွတ်ႈၵႃႈၼိူဝ် ၶဝ်ၸိူဝ်းဢၼ်ရူဝ်ႇသေႇၵူဝ်ယမ်မၼ်း ၸဝ်ႈၼၼ်ႉဢေႃႈ။
၁၈ တၢင်းဢၼ်သိုဝ်ႈတေႃႇမၼ်းၸဝ်ႈတူၵ်းႁွတ်ႈၵႃႈၼိူဝ်လုၵ်ႈလၢၼ် သိုပ်ႇသိုပ်ႇတၢမ်ႈတၢမ်ႈဢၼ်ပႂ်ႉပတိၺိၺ်ႇမၼ်းၸဝ်ႈၼၼ်ႉလႄႈ မီးသတိႁႂ်ႈလႆႈၵမ်ၵျၢင်ႉပိင်းၺၢပ်ႈမၼ်းၸဝ်ႈၸိူဝ်းၼၼ်ႉဢေႃႈ။
၁၉ ထႃႇဝရႃႉၽြႃးတႄႇပလၢင်ႇမၼ်းၸဝ်ႈယူႇ ၵႃႈတီႈၽုင်ႇၵၢင်ႁၢဝ်လႄႈဢႃႇၼႃႇမၼ်းၸဝ်ႈဢုပ်ႉပိူင်ႇ ၸွတ်ႇတူဝ်ႈၵူႈတီႈၵူႈလႅၼ်ဢေႃႈ။
၂၀ တမၢၼ်ႇၵၢင်ႁၢဝ်ဢၼ်တၼ်းၶူဝ်းယႂ်ႇၼႃႇလႄႈ ထွမ်ႇဢဝ်သဵင်ၼုၵ်ႉၵပၢတ်ႈမၼ်းၸဝ်ႈယူႇသေယဝ်ႉ ႁဵတ်းၸွမ်းဢမိင်ႉမၼ်းၸဝ်ႈယူႇၶဝ်ဢိူၺ်း၊ ဢွၼ်ၵၼ်ပၼ်တၢင်းလီတီႈထႃႇ ဝရႃႉၽြႃးတႃႉ။
၂၁ ပူဝ်ႇပႃႇၵၢင်ႁၢဝ်တင်းသဵင်ႈတင်းလူင်ဢၼ်ဝႃႈ သူၸိူဝ်းဢၼ်ႁဵတ်းၸွမ်းဢလူဝ်ႇမၼ်းၸဝ်ႈၶဝ်ဢိူၺ်း ဢွၼ်ၵၼ်ပၼ်တၢင်းလီတီႈထႃႇဝရႃႉၽြႃး တႃႉ။
၂၂ ၵႃႈဢၼ်မၼ်းၸဝ်ႈႁဵတ်းပဵၼ်ဝႆႉၵႃႈၼႂ်းမိူင်းမၼ်းၸဝ်ႈၵူႈတီႈၵူႈလႅၼ်ၶဝ်ဢိူၺ်း၊ ဢွၼ်ၵၼ်ပၼ်တၢင်းလီတီႈထႃႇဝရႃႉၽြႃးတႃႉ။ဝိၺိၺ်ႇၵဝ်ဢိူၺ်း၊ ပၼ်တၢင်းလီတီႈထႃႇဝရႃႉၽြႃးတႃႉ။