၁၀၁
၁ ၵဝ်တၵ်းႁဵတ်းၵႂၢမ်း လူၺ်ႈလွင်ႈတၢင်းဢၼ်ဢိတ်းလူႁၵ်ႉပႅင်းဢိၵ်ႇတင်း တၢင်းဢၼ်ၸီႇယၢင်ႇၸွမ်းၼင်ႇတြႃးၼၼ်ႉလႄႈထႃႇဝရႃႉၽြႃးတီႈၶႃႈ ၶႃႈၸဝ်ႈတၵ်း ႁဵတ်းၵႂၢမ်းတီႈၸဝ်ႈႁဝ်းတီႈၶႃႈဢေႃႈ။
၂ ၶႃႈၸဝ်ႈတၵ်းဢဝ်ပိင်ႇၺႃႇသတိၵမ်ၵျၢင်ႉၸွမ်းၼင်ႇတြႃးတၢင်းဢၼ်ၸေးၸုမ်ႇၼၼ်ႉတီႈၶႃႈဢေႃႈ။ၸဝ်ႈႁဝ်းတၵ်းမႃးၸူးတီႈၶႃႈၸဝ်ႈမိူဝ်ႈ လႂ်ၶႃႈ။ၶႃႈၸဝ်ႈတၵ်းပႃးတင်းႁူဝ်ၸႂ်ဢၼ်ၸေးၸုမ်ႇၼၼ်ႉသေလႄႈ ၵႂႃႇမႃး ယူႇၵႃႈၼႂ်းႁိူၼ်းၶႃႈၸဝ်ႈတီႈၶႃႈဢေႃႈ။
၃ ၶႃႈၸဝ်ႈတၵ်းဢမ်ႇဢဝ်လွင်ႈတၢင်းဢႃႉထမ်ႇမႃႉ ဝႆႉသိုဝ်ႈၼႃႈတႂ်ႈတႃၶႃႈၸဝ်ႈတီႈၶႃႈ။ၵဝ်လီႁင်ႈဢဵတ်ႇသဵတ်ႇလွင်ႈတၢင်းႁဵတ်းဢၼ်ၶဝ်ၸိူဝ်းဢၼ်ၽိတ်းတၢင်းပိူင်ႈတၢင်းၵႂႃႇႁဵတ်းၼၼ်ႉလႄႈ ဢမ်ႇႁႂ်ႈလႆႈဢိင်ယူႇလပ်း ယူႇတီႈၵဝ်။
၄ ႁူဝ်ၸႂ်ဢၼ်ၵူတ်ႉဢၼ်ငေႃးၼၼ်ႉတၵ်းလႆႈဢွၵ်ႇၵႂႃႇသေၵႃႈတီႈၵဝ်လႄႈၵဝ်တၵ်းဢမ်ႇႁဵတ်း တၢင်းဢၼ်ႁၢႆႉဢၼ်ယုတ်ႈၼၼ်ႉလႃးလႃး။
၅ ၵဝ်တၵ်းပႄႇၽဵဝ်ႈပႅတ်ႈၵေႃႉဢၼ်တဵတ်ႇတဵတ်ႇယႃႉသရေႇၵူၼ်းႁိူၼ်းၸမ်ၵၼ်တင်းမၼ်းၼၼ်ႉဢေႃႈ။ၵဝ်တၵ်းဢမ်ႇယိူၼ်ႉဢမ်ႇၶၢမ်ႇ ၵေႃႉဢၼ်ၼႃႈပူၵ်းပႅၼ်လႄႈ ၸႂ်ၽႅၼ်သုင်ၼၼ်ႉ။
၆ တႃၵဝ်တၵ်းတူၺ်းၵူၼ်းဝၢၼ်ႈၵူၼ်းမိူင်းဢၼ်မီးသႅတ်ႈၸႃႇၼၼ်ႉလႄႈ ႁႂ်ႈၶဝ်လႆႈယူႇလူၺ်ႈၵၼ်တင်းၵဝ်လႄႈ ႁႂ်ႈၵေႃႉဢၼ်ၵႂႃႇမႃးၼႂ်းသဵၼ်ႈတၢင်းဢၼ်ၸေးၸုမ်ႇၼၼ်ႉ လႆႈပွင်ႁဵတ်းဢမူႉ ၵဝ်ဢေႃႈ။
၇ ၵေႃႉဢၼ်ၸၢင်ႊပႅတ်ႉၸၢင်ႊလႅၼ်ၼၼ်ႉၸမ်းဢမ်ႇလႆႈယူႇၵႃႈၼႂ်းႁိူၼ်းၵဝ်။ၵေႃႉဢၼ်ၸၢင်ႊလၢတ်ႈၵႂၢမ်းမူႉသႃႇၼၼ်ႉၵေႃႈ ဢမ်ႇလႆႈတႄႇယူႇသိုဝ်ႈ ၼႃႈတႂ်ႈတႃၵဝ်။
၈ ၵူႈၼႂ်ၵူႈၼႂ်တႃႇသေႇဢမ်ႇထၢတ်ႇၵဝ်တၵ်းယႃႉၽဵဝ်ႈပႅတ်ႈ ၵူၼ်းဝၢၼ်ႈၵူၼ်းမိူင်းဢၼ်ဢမ်ႇတြႃးၸိူဝ်းၼၼ်ႉလႄႈ ပႄႇတႅပ်းပႅတ်ႈၶဝ်ၸိူဝ်းဢၼ်ႁဵတ်း လွင်ႈတၢင်းဢၼ်ႁၢႆႉဢၼ်ႁူၵ်ႉၼၼ်ႉသေၵႃႈၼႂ်းဝဵင်းထႃႇဝရႃႉၽြႃးဢေႃႈ။