၉၁
၁ ၵေႃႉဢၼ်ယူႇၵႃႈၼႂ်းထႃႇၼႃႉ တီႈဢၼ်ႁႄႉဢၼ်ၵင်ႈၽြႃးဢၼ်သုင်ၼႃႇသေပိူၼ်ႈၼၼ်ႉ တၵ်းလႆႈတႄႇယူႇၵႃႈတႂ်ႈငဝ်းႁူမ်ႊၸဝ်ႈဢၼၼ်ႇတႃႉတၼ်းၶူဝ်း ဢေႃႈ။
၂ ၵဝ်လဝ်ႈလၢတ်ႈတီႈထႃႇဝရႃႉၽြႃးလႄႈဝႃႈ၊-ၸဝ်ႈႁဝ်းပဵၼ်တီႈဢၼ်ၶႃႈၸဝ်ႈသွၼ်ႈပိုင်ႈ၊ တိူၵ်ႈတီႈတိုၵ်းသိုၵ်းၶႃႈၸဝ်ႈ၊ ၽြႃးပဵၼ်ၸဝ်ႈဢၼ်ၶႃႈၸဝ်ႈဢိင်ပိုင်ႈယူႇၼၼ်ႉတီႈၶႃႈဢေႃႈ၊ ဝႃႈၼင်ႇၼႆဢေႃႈ။
၃ မၼ်းၸဝ်ႈတၵ်ႈႁႂ်ႈမႂ်းၵၢင်းလွတ်ႈတင်းတူင်ႇႁဵဝ်ႉမူး သိူဝ်းဢိၵ်ႇတင်းၵႃႇလႃႉႁႃႈလႅင်မိူင်းဢေႃႈ။
၄ မၼ်းၸဝ်ႈတၵ်းဢဝ်တင်းၶူၼ်ပိၵ်ႇမၼ်းၸဝ်ႈ ႁူမ်ႇသုမ်ႇမႂ်းဝႆႉလႄႈမႂ်းတၵ်းလႆႈယူႇလူင်ႈလီလွတ်ႈလီ ၵႃႈတႂ်ႈပိၵ်ႇမၼ်းၸဝ်ႈဢေႃႈ။သႅတ်ႈၸႃႇမၼ်းၸဝ်ႈတၵ်းပဵၼ်ၶိူင်ႈႁႄႉလၢၵ်ႈၼၢၵ်ႈလူင်၊ ၶိူင်ႈႁႄႉလၢၵ်ႈၼၢၵ်ႈဢွၼ်ႇဢေႃႈ။
၅ မႂ်းတၵ်းဢမ်ႇလႆႈၵူဝ်လႆႈႁႄ ၽေးဢၼ်ၸၢင်ႊပဵၼ်မႃးၶိင်ႇၵၢင်ၶိုၼ်း၊ ဢိၵ်တင်းပိုၼ်ဢၼ်ပူင်ၵႂႃႇၼႂ်းၶိင်ႇၵၢင် ဝၼ်း၊
၆ တင်းၵႃႇလႃႉႁႃႈလႅင်မိူင်း ဢၼ်လႄႇၵႂႃႇလႄႇမႃးယူႇၼႂ်းလပ်းသိင်ႇ၊ တင်းဢူးပၢတ်ႈဢၼ်ၸၢင်ႊ ယႃႉပႅတ်ႈၶိင်ႇၵၢင်ဝၼ်းတဵင်ၸိူဝ်းၼၼ်ႉ။
၇ ၵူၼ်းႁဵင်ၼိုင်ႈတၵ်းလူမ်ႉၵႃႈတီႈႁိမ်းမႂ်း၊ ၵူၼ်းမိုၼ်ႇၼိုင်ႈတၵ်းလူမ်ႉၵႃႈတီႈၽၢႆႇၶႂႃမႂ်းသေၵေႃႈယႃႇ၊ တၵ်းဢမ်ႇလႆႈတိူဝ်ႉလႆႈ ထုၵ်ႇမႂ်း။
၈ မႂ်းတၵ်းလႆႈဢဝ်တင်းမၢၵ်ႇတႃမႂ်းတူၺ်းလႄႈတၵ်းလႆႈႁၼ်ဢပျႅတ်ႈ ဢၼ်လႆႈႁွတ်ႈထိုင်ၵႃႈတီႈၶဝ် ၸိူဝ်းဢၼ်ဢမ်ႇတြႃးၼၼ်ႉဢေႃႈ။
၉ ထႃႇဝရႃႉၽြႃးတီႈၶႃႈ၊ ၸဝ်ႈႁဝ်းပဵၼ်တီႈဢၼ်ၶႃႈၸဝ်ႈသွၼ်ႈပိုင်ႈယူႇတီႈၶႃႈဢေႃႈ။မႂ်းတူၵ်းတီႈယူႇတီႈသဝ်းၵႃႈတီႈ ၽြႃးဢၼ်သုင်ၼႃႇသေပိူၼ်ႈၼၼ်ႉဢေႃႈ။
၁၀ တၢင်းဢၼ်ဢမ်ႇလီဢမ်ႇငၢမ်းတၵ်း ဢမ်ႇလႆႈႁွတ်ႈလႆႈၸပ်းတီႈမႂ်းလႄႈ ၽေးဢူးပၢတ်ႈတၵ်းဢမ်ႇလႆႈသုတ်ႉၸပ်း သုတ်ႉၸူးၵႃႈတီႈသုမ်ႉထဵင်မူဝ်းၵႃႇမႂ်း။
၁၁ ၼင်ႇႁိုဝ်တၵ်းပႂ်ႉလူႈပႂ်ႉတူၺ်းမႂ်းယူႇ ၼႂ်းသဵၼ်ႈတၢင်းဢၼ်မႂ်းၵႂႃႇၵႃႈမီးၼၼ်ႉၸိုင် မၼ်းၸဝ်ႈ တၵ်းသင်ႇလၢတ်ႈလွင်ႈမႂ်းဝႆႉ တီႈတမၢၼ်ႇၵၢင်ႁၢဝ်တင်းလၢႆလႄႈ
၁၂ ၼင်ႇႁိုဝ်ၶဝ်တၵ်းဢမ်ႇပၼ်ႁႂ်ႈတိၼ်မႂ်းတိူဝ်ႉမၢၵ်ႇႁိၼ်ၼၼ်ႉၸိုင် ၶဝ်တၵ်းဢဝ်တင်းမိုဝ်းၶဝ် ႁႄႉႁွပ်ႇယွင်ႊဢဝ်မႂ်းဝႆႉဢေႃႈ။
၁၃ မႂ်းတၵ်းယဵပ်ႇယမ်ႈသႂ်ႇၵႃႈၼိူဝ်သၢင်ႇသီႈ တင်းငူးႁၢႆႉလႄႈ တၵ်းဢဝ်တိၼ်မႂ်းယဵပ်ႇၶိုတ်ႈသႂ်ႇသၢင်ႇသီႈၼုမ်ႇတင်း ၼၵႃး ဢေႃႈ။
၁၄ ပိူဝ်ႈဢၼ်မၼ်းႁၵ်ႉၵဝ်လႄႈၵဝ်တၵ်းၵႄႇသႄႇဢဝ်မၼ်းလွတ်ႈဢေႃႈ။ပိူဝ်ႈဢၼ်မၼ်းႁူႉၼႃႇမႃႉၸိုဝ်ႈသဵင်ႈၵဝ်လႄႈ ၵဝ်တၵ်းယုၵ်ႉယွင်ႈမၼ်း ဢေႃႈ။
၁၅ မၼ်းတၵ်းႁွင်ႉႁႃၵဝ်လႄႈ ၵဝ်တၵ်းၶိုၼ်းဢိူဝ်ႈမၼ်းဢေႃႈ။မိူဝ်ႈဢၼ်မၼ်းၶၢမ်ႇတုၵ်ႉၶႃႉၼၼ်ႉၸိုင်၊ၵဝ်တၵ်းမီးယူႇၽၢႆႇမၼ်းဢေႃႈ။ၵဝ်တၵ်းၵႄႇသႄႇၼုၵ်ႈဢဝ်မၼ်းဢွၵ်ႇလႄႈ ႁႂ်ႈမုၼ်ၽုင်းမၼ်းထၢင်ႇ သႃးဢေႃႈ။
၁၆ ၵဝ်တၵ်းဢဝ်တင်းဢသၢၵ်ႈဢၼ်ယၢဝ်းယိုၼ်းၼၼ်ႉႁႂ်ႈမၼ်းဢိမ်ႇၸႂ်ၼိမ်ၸႂ်လႄႈ ဢဝ်ၵျေးၸူးတၢင်းဢၼ်ၵဝ်ၵႄႇသႄႇၶျွတ်ႈဢဝ်ၼၼ်ႉ ၼႄပျႃးတီႈမၼ်းဢေႃႈ။