၈၁
၁ ဢွၼ်ၵၼ်ႁဵတ်းၵႂၢမ်းဢၼ်သႂၢင်ႇသိူဝ်း တီႈၽြႃးပဵၼ်ၸဝ်ႈဢၼ်ပဵၼ်ႁႅင်းတၼ်းၶူဝ်းႁဝ်းၼၼ်ႉတႃႉ။ဢွၼ်ၵၼ်ႁွင်ႉသႅၼ်ႇႁွင်ႉၵိဝ်တီႈၽြႃးပဵၼ်ၸဝ်ႈ မဵဝ်း ယႃႇၵုပ်ႉ ၼၼ်ႉတႃႉ။
၂ ဢွၼ်ၵၼ်ႁဵတ်းၵႂၢမ်းဢၼ်ဢိုၼ်းယွင်ႈတႃႉ။ဢွၼ်ၵၼ်ဢဝ်တင်းၵွင်ႊၶဵတ်ႇ၊ဢိၵ်ႇတင်းတိင်ႇ ဢၼ်သဵင်လီသဵင်ဝၢၼ်၊တင်းတရေႃးမႃးတႃႉ။
၃ ဢွၼ်ၵၼ်ပဝ်ႇတိုင်ႈၶရႃႇဝၼ်းလိူၼ်မႂ်ႇ၊ ဝၼ်းလိူၼ်မူၼ်း၊ ဝၼ်းပွႆးလူင်ၼၼ်ႉတႃႉ။
၄ လွင်ႈမၼ်းၸမ်းပဵၼ်ထုင်းၽိင်ႈတြႃးဝႆႉပုၼ်ႈမဵဝ်းဢိသရေႇလ ဢိၵ်ႇတင်းလွင်ႈတၢင်းဢၼ်ၽြႃးပဵၼ်ၸဝ်ႈၸီႇယၢင်ႇဝႆႉပုၼ်ႈ မဵဝ်းယႃႇၵုပ်ႉ ဢေႃႈ။
၅ မၼ်းၸဝ်ႈၸီႇယၢင်ႇလွင်ႈတၢင်းဢၼ်ၶၢမ်ႇသၢၵ်ႈသေႇၸိူဝ်ႉၼင်ႇၼၼ်ဝႆႉ တီႈမဵဝ်းၵူၼ်းယုဝ်းသႅပ်ႉၼႂ်းမိူဝ်ႈဢၼ်မၼ်းၸဝ်ႈၵႂႃႇယူႇ ၽၢႆႇၼိုင်ႈတင်းမိူင်းဢေႇၵႅပ်ႉတု တီႈဢၼ်ၵဝ်လႆႈငိၼ်းၵႂၢမ်းဢၼ်ၵဝ်ဢမ်ႇ ႁူႉၼၼ်ႉဢေႃႈ။
၆ ၵဝ်ႁႂ်ႈႁူဝ်မႃႇမၼ်းလွတ်ႈၶူဝ်းဢၼ်ၼၵ်းၼႃႇၼၼ်ႉသေယဝ်ႉ ႁႂ်ႈမိုဝ်းမၼ်းလွတ်ႈသေၵူၺ် တၢင်ႇဢေႃႈ။
၇ မိူဝ်ႈဢၼ်မႂ်းလႆႈၶၢမ်ႇတုၵ်ႉၶႃႉၼၼ်ႉၸိုင်မႂ်းႁွင်ႉႁႃၵဝ်လႄႈ ၵဝ်ၵႄႇသႄႇတိုတ်ႉၸၼ်ဢဝ်မႂ်းဢွၵ်ႇဢေႃႈ။ၵဝ်ၶိုၼ်းဢိူဝ်ႈမႂ်းၵႃႈၼႂ်းတီႈယူႇၽႃႉၽႃႇဢၼ်ဢမ်ႇထၢင်ႇဢမ်ႇသႃးၼၼ်ႉလႄႈ ၸၢမ်းတူၺ်းမႂ်းၵႃႈတီႈႁိမ်းၼမ်ႉမေႇရိၽ ၼၼ်ႉဢေႃႈ။ၸေႇလႃႇ။
၈ ၵူၼ်းၵဝ်တင်းလၢႆၶဝ်ဢိူၺ်း၊ ဢွၼ်ၵၼ်ထွမ်ႇငိၼ်းတႃႉ။ၵဝ်တၵ်းသင်ႇလၢတ်ႈဝႆႉတီႈမႂ်းဢေႃႈ။မဵဝ်းဢိသရေႇလဢိူၺ်း၊ ႁႂ်ႈမႂ်းထွမ်ႇငိၼ်းၵႂၢမ်းၵဝ်သေၵမ်းလူၺ်ႈ။
၉ ၽြႃးၵူၼ်းတၢင်ႇၸိူဝ်ႉတၢင်ႇၶိူဝ်း ဢမ်ႇလႆႈမီးတီႈမႂ်း။မႂ်းဢမ်ႇလႆႈၵူဝ်းၵႂၢႆႇ ၽြႃးၵူၼ်းတၢင်ႇဝၢၼ်ႈတၢင်ႇမိူင်း။ၵဝ်ပဵၼ်ထႃႇဝရႃႉၽြႃး၊ ၽြႃးပဵၼ်ၸဝ်ႈမႂ်းဢၼ်ၼုၵ်ႈဢဝ်မႂ်းဢွၵ်ႇသေၵႃႈၼႂ်း မိူင်းဢေႇၵႅပ်ႉတုမႃးယဝ်ႉၼၼ်ႉဢေႃႈ။
၁၀ ၽုၺ်ႇသူပ်းမႂ်းၵႂၢင်ႈၵႂၢင်ႈတႃႉ။ၵဝ်တၵ်းလဵင်ႉ ပၼ်ဢိမ်ႇဢိမ်ႇတဵမ်တဵမ်ဢေႃႈ။
၁၁ ၵူၼ်းၵဝ်တင်းလၢႆၸမ်းဢမ်ႇထွမ်ႇဢမ်ႇဢဝ်ၵႂၢမ်းၵဝ်။မဵဝ်းဢိသရေႇလ ဢမ်ႇမီးဢလူဝ်ႇတီႈၵဝ်လူင်ပေႇ။
၁၂ ပိူဝ်ႈၼႆလႄႈၵဝ်ပၼ်ႁႂ်ႈၶဝ်ၸွမ်းတၢင်းဢၼ်ႁူဝ်ၸႂ်ၵႅၼ်ႇၶႅင်ၼၼ်ႉလႄႈ ႁႂ်ႈၶဝ်လႆႈၵႂႃႇမႃး ၼႂ်းတၢင်းဢၼ်ၶဝ်ၵျၢမ်ႇပွင်ၸိူဝ်းၼၼ်ႉ ဢေႃႈ။
၁၃ ႁႂ်ႈၵူၼ်းၵဝ်တင်းလၢႆၼၼ်ႉထွမ်ႇဢဝ်ၵႂၢမ်းၵဝ်လႄႈႁႂ်ႈမဵဝ်းဢိသရေႇလ ၸွမ်းသဵၼ်ႈတၢင်းၵဝ်သေၵမ်း လူၺ်ႈ။
၁၄ ပေႃးၸွမ်းၸိုင်ၵဝ်တၵ်းႁိပ်ႈၼႅတ်ႈဢဝ်ရၢၼ်ႇသူႇၶဝ်ၸိူဝ်းၼၼ်ႉၶျႃးတူၵ်းတီႈတႅမ်ႇလႄႈ ဢဝ်မိုဝ်းၵဝ်ႁႄႉၶဝ်ၸိူဝ်းဢၼ် ႁဵတ်းၶတ်းၵၼ်တင်းၶဝ်ၼၼ်ႉ ဢေႃႈ။
၁၅ ၶဝ်ၸိူဝ်းဢၼ်ၸင်းထႃႇဝရႃႉၽြႃးၼၼ်ႉတၵ်းဢွၼ်ၵၼ်ႁဵတ်းတၢင်းဢၼ်တွင်းပၢၼ်ႇတီႈမၼ်းၸဝ်ႈလႄႈၶဝ်တၵ်းမီးဢၶႂၢင်ႉ ဢၼ်လႆႈတႄႇယူႇတႃႇ သေႇဢမ်ႇထၢတ်ႇဢေႃႈ။
၁၆ မၼ်းၸဝ်ႈတၵ်းဢဝ်ဢၼ်ပဵၼ်ၶႆပဵၼ်မၼ်းၶဝ်ႈၵျုင်ႇၼၼ်ႉ လဵင်ႉပၼ်တီႈၶဝ်လႄႈဢဝ်ၼမ်ႉၽိုင်ႈ ဢၼ်ဢွၵ်ႇၵႃႈတီႈၼႂ်းမၢၵ်ႇႁိၼ်မၢၵ်ႇၽႃၼၼ်ႉႁႂ်ႈၶဝ်ဢိမ်ႇတဵမ်ဢေႃႈ။