၇၄
၁ ၽြႃးပဵၼ်ၸဝ်ႈတီႈၶႃႈ၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်း ၸုၼ်ႉပႅတ်ႈၶႃႈၸဝ်ႈႁဝ်းၶဝ်ဝႆႉၼင်ႇႁိုဝ်တီႈၶႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈဢၢႆၵႂၼ်းတၢင်းၸႂ်မႆႈၶႂ်ႈၸႃႉၸဝ်ႈႁဝ်း ဢွၵ်ႇၸူးတီႈသူဝ်း ၵႃႈၼႂ်းတီႈဢၼ်ယၢမ်ႈၵိၼ်ယူႇတီႈၸဝ်ႈႁဝ်းၼၼ်ႉၼင်ႇႁိုဝ်တီႈၶႃႈ။
၂ ၶႅၼ်းတေႃႈ ၶုၵ်းၸႂ်လႆႈၶႆႈၸႂ်ထူပ်းပရိၵ်ႈသၢတ်ႈၸဝ်ႈႁဝ်းတင်းလၢႆ၊ ဢၼ်ၸဝ်ႈႁဝ်းလႆႈထူတ်ႇဢဝ်မိူဝ်ႈၵွၼ်ႇဢွၼ်ၼႆႉၼၼ်ႉ ပုၼ်ႈဢၼ်တၵ်းပဵၼ်ဢမူၺ်ႇၸဝ်ႈႁဝ်းၼၼ်ႉဢိၵ်ႇတင်း လွႆၸိဢုၼ်ႇ တီႈဢၼ်ၸဝ်ႈႁဝ်းၵိင်း ဝၢပ်ႈယူႇၼၼ်ႉသေၵမ်းတီႈၶႃႈ။
၃ ၶႅၼ်းတေႃႈဢဝ်တိၼ်ၸဝ်ႈႁဝ်း ပႆၵႂႃႇၵႃႈတီႈဢၼ်ယႃႉၽဵဝ်ႈပႄႇပႅတ်ႈတႃႇသေႇၸိူဝ်းၼၼ်ႉသေၵမ်းတီႈၶႃႈ။ရၢၼ်ႇသူႇလႆႈႁဵတ်းဢၼ်ဢမ်ႇတြႃးၵူႈၸိူဝ်ႉၵူႈပိူင် ၵႃႈၼႂ်းထႃႇၼႃႉတီႈ မူတ်းၸၢင်ႇၼၼ်ႉတီႈၶႃႈယဝ်ႉ။
၄ ရၢၼ်ႇသူႇၸဝ်ႈႁဝ်းတင်းလၢႆဢွၼ်ၵၼ်ႁွင်ႉသႅၼ်ႇ ၵႃႈၼႂ်းၵၢင်ပရိၵ်ႈသၢတ်ႈၸဝ်ႈႁဝ်းၼၼ်ႉတီႈၶႃႈဢေႃႈ။ၶဝ်ဢဝ်လၢၵ်ႈၶၼႃႇသၢၵ်ႈသေႇၸဝ်ႈႁဝ်းၼၼ်ႉ တီႈၶႃႈဢေႃႈ။
၅ ၶဝ်ပဵၼ်ၸိူဝ်ႉၼင်ႇၵူၼ်းဢၼ်ဢဝ်တႃမၢတ်ႇ တီႇပွမ်ႈတႅပ်းၽၼ်းပႃႇတူၼ်ႈမႆႉ ဢၼ်ၼႃတၼ်ၼႃႇၼၼ်ႉ တီႈၶႃႈဢေႃႈ။
၆ မိူဝ်ႈလဵဝ်ၼႆႉၶဝ်ဢဝ်တႃမၢတ်ႇ လႂ်ၶွၼ်ႉလဵၵ်း လႂ် ပေႃႉထုပ်ႉၶိူင်ႈပိူင်ဢၼ်တွင်ႈႁဵတ်း လၢႆးမွၵ်ႇလၢႆးမႂ်ႊၸိူဝ်းၼၼ်ႉ ႁၵ်းပႅတ်ႈတင်းသဵင်ႈတင်းမူတ်းတီႈ ၶႃႈဢေႃႈ။
၇ ၶဝ်ဢဝ်ၽႆးတုတ်ႇထႃႇၼႃႉတီႈမူတ်းၸၢင်ႇၸဝ်ႈႁဝ်းၼၼ်ႉပႅတ်ႈလႄႈ ဢဝ်တီႈဢၼ်ၼႃႇမႃႉၸိုဝ်သဵင်ၸဝ်ႈႁဝ်း ၵိင်းဝၢပ်ႈယူႇၼၼ်ႉၶျႃးတူၵ်းပႅတ်ႈတေႃႇ ထိုင်ႁွတ်ႈတီႈလိၼ်တီႈၶႃႈဢေႃႈ။
၈ ၶဝ်လၢတ်ႈၼႂ်းၸႂ်လႄႈဝႃႈ၊- ႁဝ်းတၵ်းယႃႉၶဝ်ပႅတ်ႈမူတ်းမူတ်းသဵင်ႈသဵင်ႈဢေႃႈ၊ဝႃႈၼင်ႇၼႆလႄႈ ဢဝ်ၽႆးတုတ်ႇၸရွပ်ႈႁေႃးတြႃးၽြႃးပဵၼ်ၸဝ်ႈ ၵႃႈၼႂ်းမိူင်းၸဝ်ႈတင်းသဵင်ႈတင်း လူင်ပႅတ်ႈတီႈၶႃႈဢေႃႈ။
၉ ၶႃႈၸဝ်ႈႁဝ်းၶဝ်ဢမ်ႇလႆႈႁၼ်လၢၵ်ႈၶၼႃႇသၢၵ်ႈသေႇတူဝ်ၸဝ်ႈၵဝ်ႇ လႃးလႃးၶႃႈ။ပရေႃးၽႅတ်ႈၵေႃႈသမ်ႉဢမ်ႇမီးထႅင်ႈတီႈၶႃႈ။ၵႃႈၼႂ်းၶႃႈၸဝ်ႈႁဝ်းၶဝ်ၼႆႉ ဢမ်ႇမီးၵေႃႉဢၼ်ၸၵ်းၽႄႁူႉႁၼ် လွင်ႈဢၼ်ၶိင်ႇၵႃႇလႃႉတၵ်းႁိုင်ၵႃႈႁိုဝ်ၼၼ်ႉ တီႈၶႃႈ။
၁၀ ၽြႃးပဵၼ်ၸဝ်ႈတီႈၶႃႈ၊ ၵေႃႉဢၼ်ႁဵတ်းတၢင်းၽိတ်းၼၼ်ႉ တၵ်းလႆႈသေႉသွမ်းယူႇၶိင်ႇၵႃႇလႃႉႁိုင်ၵႃႈႁိုဝ်ၶႃႈ။ရၢၼ်ႇသူႇတၵ်းလႆႈႁဵတ်းဢမ်ႇပေႃးၼင်ႇႁိုဝ်တီႈၼႃႇမႃႉၸိုဝ်ႈသဵင်ၸဝ်ႈႁဝ်းၼၼ်ႉ တႃႇသေႇတီႈ ၶႃႈႁိုဝ်။
၁၁ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈၸဝ်ႈႁဝ်းယိုတ်းမိုဝ်းၶွၼ်ၶႂႃၸဝ်ႈႁဝ်းဝႆႉၼင်ႇႁိုဝ်တီႈၶႃႈ။ၶႅၼ်းတေႃႈဢဝ်ဢွၵ်ႇသေၵႃႈၼႂ်းႁူဝ်ဢူၵ်း ၸဝ်ႈႁဝ်းလႄႈယႃႉၽဵဝ်ႈၶဝ်ပႅတ်ႈသေၵမ်းတီႈၶႃႈ။
၁၂ ၽြႃးပဵၼ်ၸဝ်ႈ ပဵၼ်ၶုၼ်ႁေႃၶမ်းၵဝ် ၸႃႉၸဵမ်မိူဝ်ႈၵွၼ်ႇဢွၼ်ၼၼ်ႉလႄႈ ႁဵတ်းတၢင်းဢၼ်ၵႄႇသႄႇၶျွတ်ႈဢဝ်ၵႃႈၼႂ်းၵၢင်ၼႃႈလိၼ်မိူင်းၼႆႉ ဢမၢၼ်ႇ ၶၼ်ပဵၼ်တီႈၶႃႈဢေႃႈ။
၁၃ ၸဝ်ႈႁဝ်းဢဝ်တၼ်းၶူဝ်းၸဝ်ႈႁဝ်းၽႃႇၼမ်ႉပၢင်ႇလၢႆႇတီႈၶႃႈယဝ်ႉ။ၸဝ်ႈႁဝ်းႁၵ်းႁူဝ်ငိူၵ်ႈတင်းလၢႆ ၵႃႈၼႂ်းၼမ်ႉၼၼ်ႉပႅတ်ႈတီႈၶႃႈ ယဝ်ႉ။
၁၄ ၸဝ်ႈႁဝ်းႁၵ်းႁူဝ်ပႃလူင်လဝိသၢၼ်ႇၶၢတ်ႇလႄႈဢဝ်မၼ်းဢၢပ်ႈပၼ်တီႈၵူၼ်း ၼႂ်းထိူၼ်ႇၼႂ်းၶိူဝ်းတင်းလၢႆပုၼ်ႈဢၼ်ၶဝ်တၵ်းၵိၼ်ၼၼ်ႉတီႈၶႃႈယဝ်ႉ။
၁၅ ၸဝ်ႈႁဝ်းႁႂ်ႈၼမ်ႉဢွၵ်ႇႁူး လႂ် ၼမ်ႉႁွင်ႊ လႂ် ပုၼ်းဢွၵ်ႇလႄႈႁႂ်ႈၼမ်ႉမေႈ ဢၼ်ၼမ်ႉဢမ်ႇတွၼ်ႉထၢတ်ႇၸိူဝ်းၼၼ်ႉ ယူတ်းႁႅင်ႈၵႂႃႇတီႈၶႃႈယဝ်ႉ။
၁၆ ၸဝ်ႈႁဝ်းပိူင်ႇၵႃႈဝၼ်းလႄႈၵႃႈၶိုၼ်းၵေႃႈၸဝ်ႈႁဝ်းပိူင်ႇတီႈၶႃႈယဝ်ႉ။ၸဝ်ႈႁဝ်းႁဵတ်းပဵၼ်ႁိူၼ်းဢၼ်လႅင်း ဢိၵ်ႇတင်းၵၢင်ဝၼ်း တီႈၶႃႈယဝ်ႉ။
၁၇ ၸဝ်ႈႁဝ်းၶၼ်ႈဝႆႉၶႅၼ်ႈဝႆႉလႅၼ်လိၼ်မိူင်းၵႃႈမီးတင်းသဵင်ႈတင်းလူင်လႄႈ ၸီႇယၢင်ႇဝႆႉၶိင်ႇမႆႈ ၶိင်ႇၵတ်းတီႈၶႃႈယဝ်ႉ။
၁၈ ၶႅၼ်းတေႃႈၶုၵ်းၸႂ်လႆႈၶႆႈၸႂ်ထူပ်းလွင်ႈဢၼ်ရၢၼ်ႇသူႇ သေႉသွမ်းထႃႇဝရႃႉၽြႃးလႄႈၵူၼ်းမိူၵ်ႈၵူၼ်းလိူင်း ႁဵတ်းဢမ်ႇပေႃးၼင်ႇႁိုဝ်တီႈၼႃႇမႃႉၸိုဝ်ႈသဵင်ၸဝ်ႈႁဝ်းၼၼ်ႉသေၵမ်းတီႈၶႃႈ။
၁၉ ယႃႇပေဢဝ် ဢသၢၵ်ႈၼူၵ်ႉတူႈၸဝ်ႈႁဝ်းဢၢပ်ႈပၼ်တီႈတူဝ်ထိူၼ်ႇႁၢႆႉသေၵမ်းတီႈၶႃႈ။ယႃႇပေလူင်လိုမ်းဢသၢၵ်ႈ ၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉတႃႇ သေၶႃႈ။
၂၀ ၶႅၼ်းတေႃႈထွၵ်ႈလူၺ်ႈပတိၺိၺ်ႇၸဝ်ႈႁဝ်းသေၵမ်းတီႈၶႃႈ။လွင်ႈမၼ်းၸမ်းတီႈဢၼ်ၸၢပ်ႈသႅင်ႇၵႃႈၼိူဝ်လိၼ်မိူင်းၸိူဝ်းၼၼ်ႉ မီးတဵမ်ဝႆႉတင်းတီႈယူႇတီႈသဝ်းတၢင်းဢၼ်ႁိမ်ဢဝ် ၼိၵ်ႈၸၢၵ်ႈငႅၼ်းသေး တင်းလၢႆတီႈၶႃႈဢေႃႈ။
၂၁ ယႃႇပေႁႂ်ႈၶဝ်ၸိူဝ်းဢၼ်လႆႈၶၢမ်ႇတၢင်းဢၼ် ၼိၵ်ႈၸၢၵ်ႈငႅၼ်းသေးၼၼ်ႉႁွတ်ႈထိုင်တၢင်းဢၼ်ဢူၵ်းဢၼ်ဢၢႆလႄႈ ၶိုၼ်းၵႂႃႇတီႈၶႃႈ။ၶႅၼ်းတေႃႈႁႂ်ႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ဢိၵ်ႇတင်း ၶဝ်ၸိူဝ်းဢၼ်ၸုတ်ႈဢၼ်လုတ်ႈၼၼ်ႉလႆႈယွင်ႈယေႃးၼႃႇမႃႉၸိုဝ်ႈသဵင်ၸဝ်ႈႁဝ်း သေၵမ်းတီႈ ၶႃႈ။
၂၂ ၽြႃးပဵၼ်ၸဝ်ႈတီႈၶႃႈ၊ ၶႅၼ်းတေႃႈလုၵ်ႉလႄႈၸီႇယၢင်ႇတႅပ်းတတ်း ဢမူႉၸဝ်ႈႁဝ်းသေၵမ်းတီႈၶႃႈ။ၶႅၼ်းတေႃႈၶုၵ်းၸႂ်လႆႈၶႆႈၸႂ်ထူပ်း လွင်ႈဢၼ်ၵူၼ်းမိူၵ်ႈၵူၼ်းလိူင်း လႂ် သေႉသွမ်းၸဝ်ႈႁဝ်းယူႇတင်းဝၼ်းတင်း ဝၼ်းၼၼ်ႉသေၵမ်းတီႈၶႃႈ။ယႃႇပေလူင်ႈလိုမ်းသဵင်ရၢၼ်ႇသူႇၸဝ်ႈႁဝ်းၸိူဝ်းၼၼ်ႉသေၵမ်းတီႈၶႃႈ။သဵင်တၢင်းဢၼ်ဢူၼ်ဢဵၼ်ႁုၼ်ႉမေႃး ၶဝ်ၸိူဝ်းဢၼ်လုၵ်ႉၽိုၼ်ႉၸဝ်ႁဝ်းၼၼ်ႉ မီးတၢင်းဢၼ်ၶိုၼ်ႈၵႂႃႇၵႃႈၼိူဝ်ယူသေႇသေႇတီႈၶႃႈယဝ်ႉ။