၆၈
၁ ႁႂ်ႈၽြႃးပဵၼ်ၸဝ်ႈလုၵ်ႉလႄႈ ႁႂ်ႈရၢၼ်ႇသူႇမၼ်းၸဝ်ႈတင်းလၢႆ ၽၢတ်ႇၽႄၵၼ်ၵႂႃႇၵူႈတီႈၵူႈလႅၼ်သေၵမ်းလူၺ်ႈ။ႁႂ်ႈၶဝ်ၸိူဝ်းဢၼ်ၸင်းမၼ်းၸဝ်ႈၼၼ်ႉလႆႈဢွၵ်ႇပၢႆသေၵႃႈတီႈမၼ်းၸဝ်ႈသေၵမ်းလူၺ်ႈ။
၂ ဢဝ်ၶဝ်ပိဝ်သဵၼ်ၵႂႃႇ မိူၼ်ၸိူဝ်ႉၼင်ႇၵွၼ်းၽႆးပိဝ်သဵၼ်ၵႂႃႇၼၼ်ႉသေၵမ်းတီႈၶႃႈ။မိူၼ်ၸိူဝ်ႉၼင်ႇၶီႈၽိုင်ႈၸိုမ်းပဵၼ်ၼမ်ႉၵႂႃႇ ၵႃႈတီႈၽၢႆႇၼႃႆႈးၼၼ်ႉႁႂ်ႈၶဝ်ၸိူဝ်းဢၼ်ဢမ်ႇတြႃးၼၼ်ႉ လူႉလႅဝ်ပႅတ်ႈၵႃႈတီႈၽၢႆႇၼႃႈ ၽြႃးပဵၼ်ၸဝ်ႈသေၵမ်းတီႈၶႃႈ။
၃ ႁႂ်ႈၶဝ်ၸိူဝ်းဢၼ်သိုဝ်ႈတေႃႇၼၼ်ႉ လႆႈၸူမ်းသိူဝ်းလႄႈသႂၢင်ႇၸႂ် ၵႃႈတီႈၽၢႆႇၼႃႈၽြႃးပဵၼ်ၸဝ်ႈသေၵမ်းလူၺ်ႈ။ႁႂ်ႈၶဝ်လႆႈမီးတၢင်းဢၼ်မူၼ်ႈပျေႃႇသေလႄႈ သႂၢင်ႇသိူဝ်းသေ ၵမ်းလူၺ်ႈ။
၄ ဢွၼ်ၵၼ်ႁဵတ်းၵႂၢမ်းတီႈၽြႃးပဵၼ်ၸဝ်ႈလႄႈ ႁဵတ်းၵႂၢမ်းထေႃးပၼႃႇတီႈၼႃႇမႃႉၸိုဝ်ႈသဵင်မၼ်းၸဝ်ႈတႃႉ။ဢွၼ်ၵၼ်ယွင်ႈယေႃးၸဝ်ႈဢၼ်ၶီႇၼိူဝ်မွၵ်ႇၵုမ်ႈၵႂႃႇၼၼ်ႉတႃႉ။ၼႃႇမႃႉၸိုဝ်ႈသဵင်မၼ်း ၸဝ်ႈၼၼ်ႉၸမ်းပဵၼ်ထႃႇဝရႃႉၽြႃးဢေႃႈ။
၅ ဢွၼ်ၵၼ်သႂၢင်ႇၸႂ်သိူဝ်းၸႂ်ၵႃႈတီႈၽၢႆႇၼႃႈမၼ်းၸဝ်ႈတႃႉ။ၽြႃးပဵၼ်ၸဝ်ႈ ပဵၼ်ပေႃႈ ၶဝ်ၸိူဝ်းဢၼ်ၽၢၼ်ပေႃႈၽၢၼ်မေႈၼၼ်ႉလႄႈ ပဵၼ်ဢၼ်ယူႇၽၢႆႇမေႈမုၵ်ႉမေႈမၢႆႈတင်းလၢႆလႄႈ ၸီႇယၢင်ႇတြႃးၵႃႈၼႂ်းပိၵ်ႉမၢၼ်ႇ မၼ်းၸဝ်ႈဢၼ်မူတ်းၸၢင်ႇၼၼ်ႉဢေႃႈ။
၆ ၽြႃးပဵၼ်ၸဝ်ႈ ပၼ်ႁႂ်ႈၶဝ်ၸိူဝ်းဢၼ်ဢမ်ႇမီးၵေႃႉမီးသေႈၼၼ်ႉႁဵတ်းတၢင်းဢၼ်ပဵၼ်ႁိူၼ်းပဵၼ်ယေးလႄႈ ဢဝ်ၶဝ်ၸိူဝ်းဢၼ်ၶျူၵ်ႈဝႆႉၼၼ်ႉ သႂၢင်ႇၸႂ်ၵႃႈၼႂ်းတၢင်းဢၼ်မၢၵ်ႈမီးလိူင်ႇၸႂ်ၼၼ်ႉဢေႃႈ။ၶဝ်ၸိူဝ်းဢၼ်ထဵင်ပႅတ်ႈၼၼ်ႉၸမ်း လႆႈယူႇၵႃႈၼႂ်း တီႈဢၼ်ႁႅင်ႈဢၼ်ႁွင်ၼၼ်ႉဢေႃႈ။
၇ ၽြႃးပဵၼ်ၸဝ်ႈတီႈၶႃႈ၊ မိူဝ်ႈဢၼ်ၸဝ်ႈႁဝ်းဢွၼ်ႁူဝ်ၵူၼ်းၸဝ်ႈႁဝ်းတင်းလၢႆသေလႄႈ ၶီႇၵႂႃႇၵႃႈၼႂ်းထိူၼ်ႇၼၼ်ႉလိၼ်မိူင်းသၼ်ႇဝႆလႄႈ ၽႃႉၵၢင်ႁၢဝ်ယွၼ်ႇတူၵ်းႁူဝ်ႈယူႇ၊ ၵွပ်ႈပိူဝ်ႈၼႃႈၽြႃးပဵၼ်ၸဝ်ႈတီႈၶႃႈဢေႃႈ။
၈ လွႆသိၼႃႇ ၵေႃႈသၼ်ႇဝႆယူႇ ၵွပ်ႈပိူဝ်ႈၼႃႈၽြႃးပဵၼ်ၸဝ်ႈမဵဝ်းၵူၼ်းဢိသရေႇလ ၼၼ်ႉတီႈၶႃႈဢေႃႈ။ၸေႇလႃႇ။
၉ ၽြႃးပဵၼ်ၸဝ်ႈတီႈၶႃႈ၊ ၸဝ်ႈႁဝ်းႁႂ်ႈၽူၼ်တူၵ်းၼမ်ၼႃႇလႄႈ ၸဝ်ႈႁဝ်းၵမ်ႉထွၵ်ႈၸွႆႈထႅမ်ဢမူၺ်ႇၸဝ်ႈႁဝ်းၼၼ်ႉ ၼႂ်းမိူဝ်ႈဢၼ်မၼ်းႁိူဝ်ႉဢူၼ်ႈယၢပ်ႇၸႂ်ၼၼ်ႉ တီႈၶႃႈဢေႃႈ။
၁၀ ပရိၵ်ႈသၢတ်ႈၸဝ်ႈႁဝ်းတင်းလၢႆၼၼ်ႉလႆႈတူၵ်းတီႈယူႇတီႈသဝ်း ၵႃႈၼႂ်းမၼ်းၼၼ်ႉတီႈၶႃႈဢေႃႈ။ၽြႃးပဵၼ်ၸဝ်ႈတီႈၶႃႈ၊ၵွပ်ႈပိူဝ်ႈၵျေးၸူးၸဝ်ႈႁဝ်းလႄႈ မႄးႁႅၼ်းဝႆႉပုၼ်ႈၶဝ်ၸိူဝ်းဢၼ်ယၢၵ်ႈဢၼ် ၽၢၼ်ၼၼ်ႉတီႈၶႃႈဢေႃႈ။
၁၁ ၸဝ်ႈၽြႃးမီးဢမိင်ႉလႄႈၽူႈယိင်းဢၼ်မွၵ်ႇလၢတ်ႈ သတၢင်းသိူဝ်းပျေႃႇၸိူဝ်း ၼၼ်ႉမီးၼမ်ၼႃႇလူင်လၢင်တီႈၶႃႈဢေႃႈ။
၁၂ ၶုၼ်ႁေႃၶမ်းပူဝ်ႇပႃႇတင်းလၢႆဢွၼ်ၵၼ်ဢွၵ်ႇပၢႆဢေႃႈ။ၽူႈယိင်းဢၼ်ၵိုတ်းသဝ်းယူႇၵႃႈတီႈႁိူၼ်းၼၼ်ႉ ဢဝ်ဢုၵ်ႉၸႃႇဢၼ်ႁိမ်ဢဝ်လႆႈၼၼ်ႉ ၽႄပၼ်မဵင်ႇပၼ်ဢေႃႈ။
၁၃ မိူဝ်ႈဢၼ်သူတူၵ်းတီႈယူႇတီႈသဝ်း ၵႃႈၼႂ်းၶွၵ်ႈသူဝ်းတင်းလၢႆယဝ်ႉၼၼ်ႉၸိုင်၊ သူပဵၼ်ၸိူဝ်ႉၼင်ႇၼူၵ်ႉတူႈဢၼ်ဢဝ်ငိုၼ်းဢုမ်ႇႁေႃႇဝႆႉၼၼ်ႉ ဢိၵ်ႇတင်းၶူၼ်ပိၵ်ႇမၼ်း ဢၼ်ဢဝ်တင်းၶမ်းလႅင်ႊဢုမ်ႇႁေႃႇ ဝႆႉၼၼ်ႉ ဢေႃႈ။
၁၄ မိူဝ်ႈဢၼ်ၽြႃးဢၼ်တဵမ်ထူၼ်ႈတင်းဢၼၼ်ႇတႃႉတၼ်းၶူဝ်းၼၼ်ႉႁႂ်ႈၶုၼ်ႁေႃၶမ်းတင်းလၢႆၽၢတ်ႇၽႄၵၼ်ၵႃႈၼႂ်းမၼ်းၼၼ်ႉၸိုင်၊ ၵႃႈတီႈၼၼ်ႉပဵၼ်ၸိူဝ်ႉၼင်ႇမူၺ်ႁႃႇ ၵႃႈၼိူဝ်လွႆၸႃႇလမုၼ်ႇ ၼၼ်ႉ ဢေႃႈ။
၁၅ လွႆၽႃႇသၢၼ်ႇ ပဵၼ်လွႆၽြႃးပဵၼ်ၸဝ်ႈဢေႃႈ။လွႆၽႃႇသၢၼ်ႇ ၼၼ်ႉပဵၼ်လွႆဢၼ်တဵမ်ဝႆႉတင်းၸိၵ်း ဢၼ်သုင်ဢေႃႈ။
၁၆ လွႆဢၼ်တဵမ်ဝႆႉတင်းၸိၵ်းဢၼ်သုင်ၶဝ်ဢိူၺ်း၊ႁဵတ်းသင်လႄႈ သူလွမ်တူၺ်းယူႇလွႆဢၼ်ၽြႃးပဵၼ်ၸဝ်ႈမီးဢလူဝ်ႇ ၶႂ်ႈၵိင်းဝၢပ်ႈယူႇၼၼ်ႉၼင်ႇႁိုဝ်။ထႃႇဝရႃႉၽြႃးတၵ်းၶျႃးတီႈယူႇတီႈသဝ်းၵႃႈၼိူဝ် လွႆၼၼ်ႉတႃႇသေႇဢမ်ႇထၢတ်ႇဢေႃႈ။
၁၇ လေႃႉရထႃးၽြႃးပဵၼ်ၸဝ်ႈ မီးသွင်မိုၼ်ႇဢမ်ႇၵႃး ပဵၼ်မိုၼ်ႇပဵၼ်သႅၼ်ၼမ်ၼႃႇဢေႃႈ။ၸဝ်ႈၽြႃးမီးယူႇၼႂ်းၶဝ်ၼၼ်ႉဢေႃႈ။လွႆသိၼႃႇ ၵေႃႈမီးယူႇၵႃႈၼႂ်းထႃႇၼႃႉတီႈ မူတ်းၸၢင်ႇဢေႃႈ။
၁၈ မိူဝ်ႈဢၼ်ၸဝ်ႈႁဝ်းၶိုၼ်ႈၵႂႃႇၵႃႈတီႈဢၼ်သုင်သုတ်းၼၼ်ႉ ၸဝ်ႈႁဝ်းပႃးဢဝ်ၶဝ်ၸိူဝ်းဢၼ်လႆႈတီႉဢဝ်ၼမ်ၼႃႇၼၼ်ႉလႄႈ လႆႈၶၢမ်ႇဢဝ်သူးလၢပ်ႈ ၵႃႈၼႂ်းၵူၼ်းတင်းလၢႆဢမ်ႇၵႃး လႆႈၶၢမ်ႇဢဝ်ၵႃႈတီႈၶဝ်ၸိူဝ်းဢၼ်ပုင်ႇၵၢၼ်ႇၼၼ်ႉလႄႈ ထႃႇဝရႃႉၽြႃးလႆႈယူႇလႆႈသဝ်းၵႃႈၼႂ်းၶဝ်ၼၼ်ႉဢေႃႈ။
၁၉ ၸဝ်ႈၽြႃးမီးမင်ႇၵလႃႇၵူႈမိူဝ်ႉၵူႈဝၼ်းဢေႃႈ။ပေႃးပိူၼ်ႈဢဝ်ၶူဝ်းဢၼ်ၼၵ်းၼႃႇ တၢင်ႇသႂ်ႇၵႃႈၼိူဝ်ႁဝ်းၸိုင်၊ ၽြႃးပဵၼ်ၸဝ်ႈပဵၼ်ၸဝ်ႈဢၼ်ၵႄႇသႄႇၶျွတ်ႈဢဝ်ႁဝ်းဢေႃႈ။ၸေႇလႃႇ။
၂၀ ၽြႃးပဵၼ်ၸဝ်ႈ ပဵၼ်ၽြႃးဢၼ်ၵႄႇသႄႇၶျွတ်ႈဢဝ်ၼၼ်ႉဢေႃႈ။ၸဝ်ႈထႃႇဝရႃႉၽြႃးဢုပ်ႉပိူင်ႇသဵၼ်ႈတၢင်းဢၼ်ဢွၵ်ႇသေၵႃႈၼႂ်းတၢင်းတၢႆၼၼ်ႉဢေႃႈ။
၂၁ ၽြႃးပဵၼ်ၸဝ်ႈတၵ်းပေႃႉယႅၼ်ႉႁူဝ်ရၢၼ်ႇသူႇမၼ်းၸဝ်ႈတင်းလၢႆ ၵွၵ်းႁူဝ်ၸိူဝ်းဢၼ်ၵႂႃႇမႃးၼႂ်းဢပျႅတ်ႈ ၸိူဝ်းၼၼ်ႉလူမ်ႉပႅတ်ႈဢမၢၼ်ႇၶၼ်ပဵၼ်ဢေႃႈ။
၂၂ ၸဝ်ႈၽြႃးလၢတ်ႈလႄႈဝႃႈ၊-ၵဝ်တၵ်းဢဝ်ၶဝ်ဢွၵ်ႇသေၵႃႈၼႂ်းမိူင်းၽႃႇသၢၼ်ႇ မႃး၊ ၵဝ်တၵ်းဢဝ်ၶဝ်ဢွၵ်ႇသေၵႃႈၼႂ်းပၢင်ႇလၢႆႇ ဢၼ်လိုၵ်ႉဢၼ်လမ်ႇၼၼ်ႉမႃးလႄႈႁႂ်ႈမႂ်းလႆႈယဵပ်ႇၶၢမ်ႈလိူတ်ႈၶဝ်လႄႈ
၂၃ လိၼ်ႉမႃမႂ်းတင်းလၢႆၵေႃႈလႆႈလေးၵိၼ်တီႈရၢၼ်ႇသူႇမႂ်းၸိူဝ်းၼၼ်ႉဢေႃႈ။
၂၄ ၽြႃးပဵၼ်ၸဝ်ႈတီႈၶႃႈ၊ ၶဝ်လႆႈႁၼ်တၢင်းဢၼ်ၸဝ်ႈႁဝ်းၵႂႃႇဢၼ်ဝႃႈ တၢင်းဢၼ်ၽြႃးပဵၼ်ၸဝ်ႈၵဝ်ၶႃႈ၊ၶုၼ်ႁေႃၶမ်းၵဝ်ၶႃႈ၊ၵႂႃႇၵႃႈၼႂ်းထႃႇၼႃႉတီႈမူတ်း ၸၢင်ႇၼၼ်ႉတီႈၶႃႈယဝ်ႉ။
၂၅ ၶဝ်ၸိူဝ်းဢၼ်ႁဵတ်းၵႂၢမ်းတင်းလၢႆ၊ ဢွၼ်ႁူဝ်ၵႂႃႇဢွၼ်တၢင်းလႄႈ ၶဝ်ၸိူဝ်းဢၼ်လဵတ်းတိင်ႇတင်းလၢႆ ၸွမ်းလိုၼ်းလင်သုတ်းလႄႈ ၽူႈသၢဝ်ဢၼ်ႁႆႇၵွင်ၶဵတ်ႇတင်းလၢႆမီးၶိုင်ႈၵၢင် တီႈၶႃႈဢေႃႈ။သူ
၂၆ ၸိူဝ်းဢၼ်ဢွၵ်ႇပဵၼ်မႃးၵႃႈတီႈဢိသရေႇလ ၼၼ်ႉဢိူၺ်း၊ ဢွၼ်ၵၼ်ယွင်ႈယေႃးပၼ်တၢင်းလီတီႈ ၸဝ်ႈၽြႃးပဵၼ်ၸဝ်ႈၵႃႈၼႂ်းပရိၵ်ႈသၢတ်ႈ တီႈၸူႉတီႈတုမ်ၼၼ်ႉတႃႉ။
၂၇ ၸႃႉၸဵမ်ပိၼ်ႇယႃႇမိၼ်ႇဢွၼ်ၵၼ်လႆႈဢုပ်ႉ ပိူင်ႇၼၼ်ႉလႄႈ ၶုၼ်ယုတလႂ်၊ဢိၵ်ႇတင်းမုၵ်ႉၵူၼ်းၸိူဝ်းၵူၼ်းၶဝ် လႂ်တင်းၶုၼ် ၸေႇပုလုၼ်ႇလႂ်၊ တင်းၶုၼ်ၼပ်ႉထလိလႂ်ၵေႃႈ ပႃးၵႃႈတီႈ ၼၼ်ႉဢေႃႈ။
၂၈ ၽြႃးပဵၼ်ၸဝ်ႈမႂ်းႁႂ်ႈမႂ်းမီးတၼ်းၶူဝ်းယဝ်ႉယဝ်ႉ။ၽြႃးပဵၼ်ၸဝ်ႈတီႈၶႃႈၶႅၼ်းတေႃႈႁႂ်ႈၵျေးၸူးတၢင်းဢၼ်ၸဝ်ႈႁဝ်းႁဵတ်းပုၼ်ႈၶႃႈၸဝ်ႈႁဝ်းၶဝ် ၼၼ်ႉတႄႇယူႇသေၵမ်းတီႈၶႃႈ။
၂၉ ၵွပ်ႈပိူဝ်ႈပိၵ်ႉမၢၼ်ႇၸဝ်ႈႁဝ်းဢၼ်မီးယူႇၵႃႈၼႂ်းဝဵင်းယေႇရုသလႅမ်ႇ ၼၼ်ႉလႄႈၶုၼ်ႁေႃၶမ်းတင်းလၢႆ တၵ်းဢွၼ်ၵၼ်ဢဝ်လၢၵ်ႈသွင်ႇပၼ်ႇၼႃႇမႃးၸူးၵႃႈတီႈၸဝ်ႈႁဝ်းတီႈၶႃႈဢေႃႈ။
၃၀ ၶႅၼ်းတေႃႈသင်ႇသွၼ်သုင်းမႃႉ တူဝ်သတ်းတူဝ်ႁၢႆႉဢၼ်မီးၵႃႈၼႂ်းပႃႇမႆႉဢေႃႈ၊ ဢိၵ်ႇတင်းမူၽုင်ဢုၵ်ႉသၽႃႉဝူဝ်းငၢၼ်တင်းလၢႆ တင်းဝူဝ်းၼုမ်ႇတင်းလၢႆ ၵႃႈၼႂ်းမဵဝ်းၵူၼ်းတင်းလၢႆလႄႈ ႁႂ်ႈၶဝ်ၸိူဝ်းဢၼ်ပႃးဢဝ်ၽွႆးငိုၼ်းၼၼ်ႉ ဢွၼ်ၵၼ်ၵူမ်ႈႁူဝ်ၵွမ်းႁူဝ်သေၵမ်းတီႈၶႃႈ။ႁႂ်ႈၵူၼ်းမဵဝ်းဢၼ်ထုၵ်ႇၸႂ်ၵျိူၵ်ႈၸႂ်လူၺ်ႈ ဢမူႉသိုၵ်းၸိူဝ်းၼၼ်ႉ ၽၢတ်ႇၽႄၵၼ်ၵႂႃႇၵူႈတီႈၵူႈလႅၼ်သေ ၵမ်းတီႈၶႃႈ။
၃၁ ၵူၼ်းမၢၵ်ႈၵူၼ်းမီးတင်းလၢႆ တၵ်းဢွၼ်ၵၼ်လုၵ်ႉသေၵႃႈတီႈမိူင်းဢေႇၵႅပ်ႉတု မႃးလႄႈ မိူင်းၵုသတၵ်းယဵတ်ႇမိုဝ်းၸူးတီႈၽြႃးပဵၼ်ၸဝ်ႈ ၶၼ်ၶၼ်ၽႂ်းၽႂ်းဢေႃႈ။
၃၂ သိုင်ႇၸိုင်ႈဝၢၼ်ႈမိူင်းလေႃးၵီႇၶဝ်ဢိူၺ်း၊ ဢွၼ်ၵၼ်ႁဵတ်းၵႂၢမ်းတီႈၽြႃးပဵၼ်ၸဝ်ႈတႃႉ။ဢွၼ်ၵၼ်ႁဵတ်းၵႂၢမ်းထေႃးပၼႃႇတီႈၸဝ်ႈၽြႃးဢၼ်ဝႃႈ ၸဝ်ႈဢၼ်ၶီႇၵႃႈၼိူဝ်ၸိၵ်းၸွမ်ၽႃႉၵၢင်ႁၢဝ် ဢၼ်ပဵၼ်ၸႃႉၸဵမ်မိူဝ်ႈၵွၼ်ႇဢွၼ်ၼႆႉၼၼ်ႉတႃႉ။ၸေႇလႃႇ။
၃၄ တူၺ်းလူႊ။မၼ်းၸဝ်ႈပွႆႇသဵင်မၼ်းၸဝ်ႈၵႂႃႇလႄႈပဵၼ်သဵင်ဢၼ်ယႂ်ႇၼႃႇဢေႃႈ။ႁပ်ႉတုင်းဢဝ်လွင်ႈဢၼ်ၽြႃးပဵၼ်ၸဝ်ႈ၊ တၼ်းၶူဝ်းယႂ်ႇၼႃႇၼၼ်ႉတႃႉ။မုၼ်ၽုင်းမၼ်းၸဝ်ႈမီးယူႇၵႃႈၼိူဝ် မဵဝ်းဢိသရေႇလလႄႈ တၼ်းၶူဝ်းမၼ်းၸဝ်ႈၵေႃႈထၢင်ႇသႃးယူႇၵႃႈ ၼႂ်းၽႃႉၽူၼ်တင်းလၢႆဢေႃႈ။
၃၅ ၽြႃးပဵၼ်ၸဝ်ႈတီႈၶႃႈ၊ၸဝ်ႈႁဝ်းပဵၼ် လွင်ႈတၢင်းဢၼ်လီရူဝ်ႇသေႇၵူဝ်ယမ်ၵႃႈတီႈၼွၵ်ႈ ထႃႇၼႃႉတီႈမူတ်းၸၢင်ႇၸဝ်ႈႁဝ်းၸိူဝ်းၼၼ်ႉတီႈၶႃႈဢေႃႈ။ၽြႃးပဵၼ်ၸဝ်ႈ မဵဝ်းဢိသရေႇလၼၼ်ႉပၼ်ဢၶႂၢင်ႉႁႅင်းတၼ်းၶူဝ်း တီႈၵူၼ်းမၼ်းၸဝ်ႈတင်းလၢႆဢေႃႈ။ႁႂ်ႈၽြႃးပဵၼ်ၸဝ်ႈမီးမင်ႇၵလႃႇ သေၵမ်းလူၺ်ႈ။