၆၇
၁ ႁႂ်ႈၽြႃးပဵၼ်ၸဝ်ႈမီးၸႂ်ၵရူႉၼႃႇ တၢင်းဢၼ်ဢိတ်းလူတီႈႁဝ်းလႄႈ ပၼ်တၢင်းလီတီႈႁဝ်းသေၵမ်းလူၺ်ႈ။ႁႂ်ႈၼႃႈမၼ်းၸဝ်ႈႁိူဝ်ႈလႅင်းထွင်ႇသႂ်ႇ ၵႃႈတီႈႁဝ်းသေၵမ်းလူၺ်ႈ။ၸေႇလႃႇ။
၂ ၼင်ႇၼၼ်လႄႈႁႂ်ႈလိၼ်မိူင်း လႆႈႁူႉသဵၼ်ႈတၢင်းဢၼ်ၸဝ်ႈႁဝ်းၵႂႃႇၼၼ်ႉလႄႈ ႁႂ်ႈမဵဝ်းၵူၼ်းတင်းလၢႆလႆႈၶၢမ်ႇဢဝ်ၵျေးၸူး တၢင်းဢၼ်ၸဝ်ႈႁဝ်း ၵႄႇသႄႇၶျွတ်ႈဢဝ်ၼၼ်ႉသေၵမ်းလူၺ်ႈ။
၃ ၽြႃးပဵၼ်ၸဝ်ႈတီႈၶႃႈ၊ ႁႂ်ႈမဵဝ်းၵူၼ်းတင်းလၢႆဢွၼ်ၵၼ်ယွင်ႈယေႃးၸဝ်ႈႁဝ်းသေၵမ်းတီႈၶႃႈ။ႁႂ်ႈၵူၼ်းတင်းသဵင်ႈတင်းလူင်၊ ဢွၼ်ၵၼ်ယွင်ႈယေႃးၸဝ်ႈႁဝ်း သေၵမ်းတီႈၶႃႈ။
၄ ႁႂ်ႈၵူၼ်းၵူႈၸိူဝ်ႉၵူႈမဵဝ်းမူၼ်ႈပျေႃႇလႄႈႁဵတ်းၵႂၢမ်းၸူမ်းသိူဝ်းသႂၢင်ႇၸႂ်ႈသေၵမ်းတီႈၶႃႈ။လွင်ႈမၼ်းၸမ်း ၸဝ်ႈႁဝ်းၸီႇယၢင်ႇမဵဝ်းၵူၼ်းတင်းလၢႆၸွမ်းၼင်ႇတြႃးတၢင်းသိုဝ်ႈတေႃႇလႄႈ ဢွၼ်သူင်ႇၵူၼ်းၵူႈၸိူဝ်ႉၵူႈမဵဝ်း ဢၼ်မီးယူႇၵႃႈၼိူဝ်လိၼ်မိူင်းၼႆႉၸိူဝ်းၼၼ်ႉတီႈၶႃႈဢေႃႈ။ၸေႇလႃႇ။
၅ ၽြႃးပဵၼ်ၸဝ်ႈတီႈၶႃႈ၊ ႁႂ်ႈမဵဝ်းၵူၼ်းတင်းလၢႆဢွၼ် ၵၼ်ယွင်ႈယေႃးၸဝ်ႈႁဝ်းသေၵမ်းတီႈၶႃႈ။
၆ လိၼ်မိူင်းပၼ်ၽၼ်ႇတႃႇတူဝ်ၸဝ်ႈၵဝ်ႇလႄႈ ၽြႃးပဵၼ်ၸဝ်ႈဢၼ်ပဵၼ်ၽြႃးပဵၼ်ၸဝ်ႈႁဝ်းၼၼ်ႉ ပၼ်တၢင်းလီတီႈႁဝ်းဢေႃႈ။
၇ ၽြႃးပဵၼ်ၸဝ်ႈတၵ်းပၼ်တၢင်းလီတီႈႁဝ်းထႅင်ႈလူးၵွၼ်ႇလႄႈ လႅၼ်သုတ်းလိၼ်မိူင်းတင်းသဵင်ႈတင်းလူင် တၵ်းဢွၼ်ၵၼ်ရူဝ်ႇသေႇၵူဝ်ယမ်မၼ်းၸဝ်ႈဢေႃႈ။