၆၀
၁ ၽြႃးပဵၼ်ၸဝ်ႈတီႈၶႃႈ၊ ၸဝ်ႈႁဝ်းၸုၼ်ႉၶႃႈၸဝ်ႈႁဝ်းၶဝ်ပႅတ်ႈလႄႈႁၵ်းႁိၵ်းပႅတ်ႈၶႃႈယဝ်ႉ။တၢင်းၸႂ်မႆႈၶႂ်ႈၸႃႉၸဝ်ႈႁဝ်းဢွၵ်ႇတီႈၶႃႈယဝ်ႉ။ၶႅၼ်းတေႃႈႁႂ်ႈၶႃႈၸဝ်ႈ ႁဝ်းၶဝ်သမ်ႉၶိုၼ်းဢသၢၵ်ႈလိပ်းသေၵမ်းတီႈၶႃႈ။
၂ ၸဝ်ႈႁဝ်းဢဝ်လိၼ်မိူင်းသၼ်ႇဝႆလႄႈ သိၵ်ႇပႅတ်ႈတီႈၶႃႈယဝ်ႉ။ၶႅၼ်းတေႃႈႁႂ်ႈႁွႆးဢၼ်တႅၵ်ႇဢႃႈၵႂႃႇၸိူဝ်းၼၼ်ႉသမ်ႉၶိုၼ်းငီႇငႅၼ်ၵၼ်သေၵမ်းတီႈၶႃႈ။ယင်းမီးတၢင်း ဢၼ်သၼ်ႇဝႆယူႇတီႈၶႃႈဢေႃႈ။
၃ ၸဝ်ႈႁဝ်းၼႄပျႃးလွင်ႈတၢင်းဢၼ်ယၢပ်ႇၽိုတ်ႇၼႃႇၼၼ်ႉ တီႈၵူၼ်းၸဝ်ႈႁဝ်းတင်းလၢႆလႄႈ ဢဝ်ၼမ်ႉၸပိတ်ႉဢၼ်မဝ်း မိင်းၼၼ်ႉတိုၵ်းပၼ်တီႈၶႃႈယဝ်ႉ။
၄ ၸဝ်ႈႁဝ်းဢဝ်လၢမ်ႇဢိတ်းလူပၼ်တီႈၶဝ်ၸိူဝ်းဢၼ်ရူဝ်ႇသေႇၵူဝ်ယမ်ၸဝ်ႈႁဝ်းၼၼ်ႉ ႁႂ်ႈလႆႈပူၵ်းၵွပ်ႈပိူဝ်ႈသႅတ်ႈၸႃႇတြႃးၼၼ်ႉတီႈၶႃႈယဝ်ႉ။ၸေႇလႃႇ။
၅ လွင်ႈၼင်ႇႁိုဝ် ၶဝ်ၸိူဝ်းဢၼ်ၸဝ်ႈႁဝ်းႁၵ်ႉပႅင်းၼၼ်ႉတၵ်းလႆႈၵတ်းယဵၼ်ၶျၢမ်းသႃႇၸိုင် ၶႅၼ်းတေႃႈဢဝ်တင်းမိုဝ်းၶွၼ်ၶႂႃၸဝ်ႈႁဝ်းသေလႄႈ ၶျွတ်ႈဢဝ်လႄႈ ဢိူဝ်ႈၶႃႈၸဝ်ႈႁဝ်းၶဝ်သေၵမ်းတီႈၶႃႈ။
၆ ၵွပ်ႈပိူဝ်ႈဢၼ်ၽြႃးပဵၼ်ၸဝ်ႈ ဢိင်ပိုင်ႈပႃႇရမီႇ တၢင်းဢၼ်မူတ်းၸၢင်ႇမၼ်းၸဝ်ႈသေလႄႈ ဝႆႉပျႃႇတိၵ်ႈၼၼ်ႉလႄႈ ၵဝ်တၵ်းသႂၢင်ႇသိူဝ်းဢေႃႈ။ၵဝ်တၵ်းၸၢၵ်ၽႄဝဵင်းသေႇၶိမ်ႇဢေႃႈ။ၵဝ်တၵ်းတႅၵ်ႈၶိုပ်ႈတူၺ်းပၢင်ႁူၺ်ႈသုၵုတ်ႉ ဢေႃႈ။
၇ ၵဝ်လႆႈပိူင်ႇမိူင်းၵိလၢတ်ႉဢေႃႈ။မိူင်းမၼႃႇသေႇၵေႃႈၵဝ်လႆႈပိူင်ႇဢေႃႈ။မိူင်းဢေႇၽရိမ်ႇၸမ်းလႆႈပဵၼ်ႁႅင်းတၼ်းၶူဝ်းၵဝ်ဢေႃႈ။မိူင်းယုတၸမ်းလႆႈပဵၼ်ၵၼ်း ႁွၵ်ႇရႃႇၸႃႉၵဝ်ဢေႃႈ။
၈ မိူင်းမေႃႇၽၸမ်းလႆႈပဵၼ်မေႃႈဢၢပ်ႇၼမ်ႉၵဝ်ဢေႃႈ။ၵဝ်တၵ်းဢဝ်ၶႅပ်းတိၼ်ၵဝ်ထိမ်ႈပၼ်ဝႆႉတီႈမိူင်းဢေႇတုင်ႇဢေႃႈ။ၵဝ်တၵ်းႁွင်ႉသႅၼ်ႇတၢင်းဢၼ်ပႄႉၼႅင်ႇတီႈ မိူင်းၽိလိတ်ႉတိ ဢေႃႈ။
၉ ၽူႈ လႂ် တၵ်းဢဝ်ၵဝ်သူင်ႇႁွတ်ႈၵႃႈၼႂ်းဝဵင်းဢၼ်ႁႅင်းယႂ်ႇၼႃႇၼၼ်ႉ။ၽူႈ လႂ်တၵ်းၸွမ်းၼႄပၼ်တီႈၵဝ်သဵၼ်ႈတၢင်းဢၼ်ၵႂႃႇၸူးၵႃႈတီႈ မိူင်းဢေႇတုင်ႇ ၼၼ်ႉ။
၁၀ ၽြႃးပဵၼ်ၸဝ်ႈတီႈၶႃႈ၊ၸဝ်ႈႁဝ်းလႆႈၸုၼ်ႉပႅတ်ႈၶႃႈၸဝ်ႈႁဝ်းၶဝ်ယဝ်ႉဢမ်ႇၸႂ်ႈတီႈၶႃႈႁိုဝ်း။ၽြႃးပဵၼ်ၸဝ်ႈတီႈၶႃႈ၊ၸဝ်ႈႁဝ်းဢမ်ႇၸွမ်းဢမ်ႇၵႂႃႇလူၺ်ႈ ၵၼ်တင်းပူဝ်ႇပႃႇၶႃႈၸဝ်ႈႁဝ်းၶဝ်ၶႃႈယဝ်ႉ။
၁၁ ၶႅၼ်းတေႃႈၸွႆႈထႅမ်ၶႃႈၸဝ်ႈႁဝ်းၶဝ်လႄႈယူႇၽၢႆႇၼိုင်ႈတင်းရၢၼ်ႇသူႇသေၵမ်းတီႈၶႃႈ။တၢင်းၸွႆႈတၢင်းထႅမ်ၵူၼ်းၼၼ်ႉပဵၼ်လၢႆလၢႆဢမ်ႇပွင်ႇလွင်ႈၵႃႈသင် တီႈၶႃႈ ဢေႃႈ။
၁၂ ၵွပ်ႈပိူဝ်ႈၽြႃးပဵၼ်ၸဝ်ႈလႄႈႁဝ်းတၵ်းပႄႉၼႅင်ႇဢေႃႈ။မၼ်းၸဝ်ႈတၵ်းယဵပ်ႇၶၢမ်ႈရၢၼ်ႇသူႇႁဝ်းတင်းလၢႆၼၼ်ႉဢေႃႈ။