၅၃
၁ ၵေႃႉဢၼ်မိူၵ်ႈၼၼ်ႉ ၸၢင်ႊလၢတ်ႈၵႃႈၼႂ်းႁူဝ်ၸႂ်မၼ်းလႄႈဝႃႈ၊-ၽြႃးပဵၼ်ၸဝ်ႈဢမ်ႇမီး၊ဝႃႈၼင်ႇၼႆဢေႃႈ။ၶဝ်ၸိူဝ်ႉၼင်ႇၼၼ်ၼၼ်ႉၽင်ႉဢူႉတူႇၼဝ်ႈဝႆႉလႄႈၸၢင်ႊႁဵတ်းတူႉၸရိူၵ်ႈဢၼ်လီႁင်ႈၼၼ်ႉသေယဝ်ႉ ၵေႃႉဢၼ်ႁဵတ်းလွင်ႈတၢင်းဢၼ်လီဢၼ်ငၢမ်းၼၼ်ႉ ဢမ်ႇမီးသေၵေႃႉသေၵူၼ်း။
၂ ၽြႃးပဵၼ်ၸဝ်ႈယူႇၵႃႈၼိူဝ်ၽုင်ႇၵၢင်ႁၢဝ်ၵူမ်ႈလႄႈ လူႈတူၺ်းလုၵ်ႈၵူၼ်းတင်းလၢႆႁႂ်ႈလႆႈႁူႉႁၼ်လွင်ႈဢၼ် ၵေႃႉဢၼ်ႁူႉဢၼ်ၸႅင်ႈ ၵေႃႉဢၼ်ႁႃၽြႃးပဵၼ်ၸဝ်ႈ ၸွင်ႇမီးသေၵေႃႉသေၵူၼ်းႁိုဝ် ဢမ်ႇမီးႁိုဝ်ၼၼ်ႉဢေႃႈ။
၃ ၵူၼ်းတင်းသဵင်ႈတင်းလူင်သုတ်ႉၶိုၼ်းၵႂႃႇယဝ်ႉ။ပဵၼ်ဢၼ်ၽင်ႉဢူႉတူႇၼဝ်ႈၵႂႃႇမိူၼ်မိူၼ်ၵၼ်ဢေႃႈ။ၵေႃႉဢၼ်ၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢမ်ႇမီး။ဢမ်ႇမီးသေၵေႃႉ။
၄ ၵူၼ်းဢႃႉထမ်ႇမႃႉတင်းသဵင်ႈတင်းလူင် ဢၼ်ၶူပ်းၵိၼ်ၵူၼ်းၵဝ်တင်းလၢႆ မိူၼ်ၸိူဝ်ႉၼင်ႇၵိၼ်ၶဝ်ႈမုၼ်းၼၼ်ႉလႄႈ ဢမ်ႇႁဵတ်းပထၼႃႇတီႈၽြႃးပဵၼ်ၸဝ်ႈၼၼ်ႉ ၶဝ်ယင်းဢမ်ႇႁူႉလႄႈယူႇႁိုဝ်။
၅ ၵႃႈတီႈၼၼ်ႉပဵၵ်ႉသမ်ႉဢမ်ႇမီးလွင်ႈဢၼ်လီၵူဝ်လီႁႄသေၵေႃႈ ၶဝ်မီးတၢင်းဢၼ်ၵူဝ်ဢၼ်ႁႄၼႃႇလူင်လၢင်ယူႇဢေႃႈ။လွင်ႈမၼ်းၸမ်း ၽြႃးပဵၼ်ၸဝ်ႈတၵ်းႁႂ်ႈလုပ်ႇၵေႃႉဢၼ်ၶျႃးတပ်ႉယူႇၽၢႆႇၼိုင်ႈတင်းမႂ်းၼၼ်ႉ ၽၢတ်ႇၽႄၵၼ်မိူဝ်မႃၵႂႃႇဢေႃႈ။မႂ်းတၵ်းလႆႈႁႂ်ႈၶဝ်ႁွတ်ႈထိုင်တၢင်းဢၼ်လီဢူၵ်းလီဢၢႆ ၵွပ်ႈပိူဝ်ႈဢၼ်ၽြႃးပဵၼ်ၸဝ်ႈပႄႇၶဝ် ပႅတ်ႈၼၼ်ႉဢေႃႈ။
၆ ႁႂ်ႈၵျေးၸူးတၢင်းဢၼ်ၵႄႇသႄႇၶျွတ်ႈဢဝ်မဵဝ်းဢိသရေႇလ ၼၼ်ႉပေႃႇဢွၵ်ႇၵႃႈၼိူဝ်လွႆၸိဢုၼ်ႇသေၵမ်းလူၺ်ႈ။မိူဝ်ႈဢၼ်ၽြႃးပဵၼ်ၸဝ်ႈသမ်ႉဢဝ်ၵူၼ်းမၼ်းၸဝ်ႈတင်းလၢႆ ဢၼ်လႆႈၶၢမ်ႇဢဝ်တၢင်းဢၼ်ႁုပ်ႈဢဝ်သိမ်းဢဝ်ၵႂႃႇၼၼ်ႉၶိုၼ်းမႃးၼၼ်ႉၸိုင်ယႃႇၵုပ်ႉတၵ်းသႂၢင်ႇသိူဝ်းလႄႈ ဢိသရေႇလတၵ်းမူၼ်ႈပျေႃႇဢေႃႈ။