၅၁
၁ ၽြႃးပဵၼ်ၸဝ်ႈတီႈၶႃႈ၊ ၶႅၼ်းတေႃႈဢိတ်းလူၶႃႈၸဝ်ႈၸွမ်းၵႃႈၼင်ႇၸႂ်ၸေႇတၼႃႇၸဝ်ႈႁဝ်း ဢၼ်ၶႂ်ႈႁဵတ်းၵျေးၸူးၼၼ်ႉသေၵမ်းတီႈၶႃႈ။ၶႅၼ်းတေႃႈထူမွတ်ႇပႅတ်ႈဢပျႅတ်ႈ တၢင်းဢၼ်ၶႃႈၸဝ်ႈပူၼ်ႉလိူဝ်ၸိူဝ်းၼၼ်ႉ ၸွမ်းၵႃႈၼင်ႇဢၼ်ၵရူႉၼႃႇၸဝ်ႈ ႁဝ်းယႂ်ႇၼမ်ၼႃႇၼၼ်ႉသေၵမ်းတီႈၶႃႈ။
၂ ၶႅၼ်းတေႃႈဢဝ်ၶႃႈၸဝ်ႈ သုၵ်ႈပွတ်ႈပႅတ်ႈသေတူႉၸရိူၵ်ႈၶႃႈၸဝ်ႈတင်းသဵင်ႈတင်းမူတ်းလႄႈႁႂ်ႈ မူတ်းၸၢင်ႇသေဢပျႅတ်ႈတၢင်းဢၼ်ၶႃႈၸဝ်ႈပူၼ်ႉ လိူဝ်ၼၼ်ႉသေၵမ်းတီႈၶႃႈ။
၃ လွင်ႈမၼ်းၸမ်း ၶႃႈၸဝ်ႈႁပ်ႉတုင်းဢဝ်လွင်ႈတၢင်းဢၼ်ၶႃႈၸဝ်ႈပူၼ်ႉလိူဝ်ၼၼ်ႉလႄႈ ဢပျႅတ်ႈၶႃႈၸဝ်ႈမီးယူႇသိုဝ်ႈၼႃႈတႂ်ႈတႃယူႇ တႃႇသေႇဢမ်ႇထၢတ်ႇ တီႈၶႃႈဢေႃႈ။
၄ ၶႃႈၸဝ်ႈၽိတ်းပိူင်ႈၸဝ်ႈႁဝ်းတီႈၶႃႈယဝ်ႉ။ၽိတ်းပိူင်ႈၸဝ်ႈႁဝ်းၵူၺ်းၵူၺ်းလႄႈႁဵတ်းလွင်ႈတၢင်းဢၼ်ဢမ်ႇတြႃး သိုဝ်ႈၼႃႈတႂ်ႈတႃႇၸဝ်ႈႁဝ်းလႄႈ ႁႂ်ႈၸဝ်ႈႁဝ်းလႆႈမီးတၢင်းဢၼ်သိုဝ်ႈဢၼ်တေႃႇၼႂ်းမိူဝ်ႈဢၼ်ၸဝ်ႈႁဝ်းမီးဢမိင်ႉၼၼ်ႉလႄႈ ၵၢင်းလွတ်ႈတင်းဢပျႅတ်ႈ ၼႂ်းမိူဝ်ႈဢၼ်ၸဝ်ႈႁဝ်းၸီႇယၢင်ႇ တြႃးၼၼ်ႉတီႈၶႃႈဢေႃႈ။
၅ တူၺ်းတီႈၶႃႈလူႊ၊ၶႃႈၸဝ်ႈလႆႈၶၢမ်ႇ တၢင်းဢၼ်ပဵၼ်ပုင်ႇပဵၼ်ႁၢင်ႊမႃးၵႃႈၼႂ်းတူႉၸရိူၵ်ႈလႄႈ မေႈၶႃႈၸဝ်ႈ လႆႈပႃးပတိၵ်ႈသၼ်ႇ ထေႇၶႃႈၸဝ်ႈၼႂ်းဢပျႅတ်ႈတီႈၶႃႈဢေႃႈ။
၆ တူၺ်းတီႈၶႃႈလူႊ၊ ၸဝ်ႈႁဝ်းထုၵ်ႇၸႂ်ၵျိူၵ်ႈၸႂ်သႅတ်ႈၸႃႇၽၢႆႇတၢင်းၼႂ်းၶႃႈၸဝ်ႈလႄႈ တၵ်းႁႂ်ႈၶႃႈၸဝ်ႈႁူႉပိင်ႇၺႃႇၵႃႈၼႂ်းတီႈဢၼ်သိူင်ႇဢၼ် လပ်ႉၼႂ်းၸႂ်ၼၼ်ႉတီႈၶႃႈ ဢေႃႈ။
၇ ၶႅၼ်းတေႃႈဢဝ်တင်းမႂ်ႊႁုၵ်းသုပ်းပၼ်မင်ႇ ၵလႃႇဢၼ်မူတ်းၸၢင်ႇၼၼ်ႉႁႂ်ႈၶႃႈၸဝ်ႈမူတ်းသႂ် သေၵမ်းတီႈၶႃႈ။
၈ ၶႅၼ်းတေႃႈသုၵ်ႈပွတ်ႈၶႃႈၸဝ်ႈႁႂ်ႈၶႃႈၸဝ်ႈလႆႈၶၢဝ်ၽိူၵ်ႇၼႃႇသေမူၺ်ႁႃႇ သေၵမ်းတီႈၶႃႈ။ၶႅၼ်းတေႃႈ ႁႂ်ႈၶႃႈၸဝ်ႈလႆႈငိၼ်းၵႂၢမ်း တၢင်းဢၼ်သၢၵ်ႈသႃႇ တၢင်းဢၼ်ၸူမ်းသိူဝ်းၼၼ်ႉႁႂ်ႈလုပ်ႇဢၼ်ၸဝ်ႈႁဝ်း ႁၵ်းပႅတ်ႈၸိူဝ်းၼၼ်ႉ လႆႈမီးတၢင်းဢၼ် သႂၢင်ႇသိူဝ်းသေၵမ်းတီႈၶႃႈ။
၉ ၶႅၼ်းတေႃႈဝၢႆႇၼႃႈၸဝ်ႈႁဝ်းပႅတ်ႈသေၵႃႈတီႈတူႉၸရိူၵ်ႈ တၢင်းဢၼ်ၶႃႈၸဝ်ႈပူၼ်ႉလိူဝ်ၸိူဝ်းၼၼ်ႉလႄႈ ထူမွတ်ႇဢပျႅတ်ႈၶႃႈၸဝ်ႈၵႃႈမီးတင်းသဵင်ႈတင်းလူင်ၼၼ်ႉပႅတ်ႈ သေၵမ်းတီႈ ၶႃႈ။
၁၀ ၽြႃးပဵၼ်ၸဝ်ႈတီႈၶႃႈ၊ၶႅၼ်းတေႃႈၽၢၼ်ႇသၢင်းႁဵတ်းပဵၼ်ႁူဝ်ၸႂ်ဢၼ်မူတ်းသႂ်ၼၼ်ႉ ၵႃႈၼႂ်းၶႃႈၸဝ်ႈသေၵမ်းတီႈၶႃႈ။ၶႅၼ်းတေႃႈမႄးၵုမ်းမႄးႁဵတ်းၸႂ်သၽေႃးဢၼ်မၼ်ႈၶိူင်ႇတႄႇၼိမ်ၼၼ်ႉ ပဵၼ်ဢၼ်မႂ်ႇ သေၵမ်းတီႈၶႃႈ။
၁၁ ယႃႇပေႁေႃႈၶႃႈၸဝ်ႈဢွၵ်ႇပႅတ်ႈသေၵႃႈၼႂ်းဢထၢမ်ႇတေႃႇၸဝ်ႈႁဝ်းသေၵမ်းတီႈၶႃႈ။ယႃႇပေၽူမ်ႈသိမ်းဢဝ် ဝိၺိၺ်ႇမူတ်းၸၢင်ႇၸဝ်ႈႁဝ်း သေၵႃႈတီႈၶႃႈၸဝ်ႈ သေၵမ်းတီႈၶႃႈ။
၁၂ ၶႅၼ်းတေႃႈဢိတ်းလူၶိုၼ်းပၼ်ဢၶႂၢင်ႉတၢင်းဢၼ်သိူဝ်းပျေႃႇဢၼ်ၸၢပ်ႈသႅင်ႇၵၼ်တင်း တၢင်းဢၼ်ၸဝ်ႈႁဝ်းၵႄႇသေႇၶျွတ်ႈဢဝ်ၼၼ်ႉ ပၼ်တီႈၶႃႈၸဝ်ႈသေၵမ်းတီႈၶႃႈ။ၶႅၼ်းတေႃႈဢဝ်တင်းၸႂ်ၸေႇတၼႃႇၵမ်ႉထွၵ်ႈ ၶႃႈၸဝ်ႈသေၵမ်းတီႈၶႃႈ။
၁၃ လိုၼ်းၼၼ်ႉၶႃႈၸဝ်ႈတၵ်းသင်ႇသွၼ်ၼႄပျႃး သဵၼ်ႈတၢင်းတြႃးၸဝ်ႈႁဝ်းတီႈၶဝ်ၸိူဝ်းဢၼ်ဢမ်ႇတြႃးၼၼ်ႉလႄႈ ၶဝ်ၸိူဝ်းဢၼ်မီးဢပျႅတ်ႈၼၼ်ႉ တၵ်းၶိုၼ်းမႃးၸူးၵႃႈတီႈၸဝ်ႈႁဝ်းတီႈၶႃႈဢေႃႈ။
၁၄ ၽြႃးပဵၼ်ၸဝ်ႈ၊ ၽြႃးဢၼ်ၵႄႇသႄႇၶျွတ်ႈဢဝ်ၶႃႈၸဝ်ႈတီႈၶႃႈ၊ ၶႅၼ်းတေႃႈႁႂ်ႈၶႃႈၸဝ်ႈၵၢင်းလွတ်ႈတင်းဢပျႅတ်ႈတၢင်းဢၼ်ဢဝ်ဢသၢၵ်ႈပိူၼ်ႈတၢႆၼၼ်ႉသေၵမ်းတီႈၶႃႈ။လိၼ်ႉၶႃႈၸဝ်ႈတၵ်းႁဵတ်းသဵင်ဢၼ်ႁွင်ႉသႅၼ်ႇသေလႄႈ ႁဵတ်းၵႂၢမ်းလူၺ်ႈလွင်ႈတၢင်းဢၼ်ၸဝ်ႈႁဝ်း ၸီႇယၢင်ႇၸွမ်းၼင်ႇတြႃးၼၼ်ႉ တီႈၶႃႈ ဢေႃႈ။
၁၅ ၸဝ်ႈၽြႃးတီႈၶႃႈ၊ၶႅၼ်းတေႃႈၽုၺ်ႇသီႇသူပ်းၶႃႈၸဝ်ႈသေၵမ်းတီႈၶႃႈ။သူပ်းၶႃႈၸဝ်ႈတၵ်းယွင်ႈ ယေႃးမုၼ်ၵျေးၸူးၸဝ်ႈႁဝ်းတီႈၶႃႈဢေႃႈ။
၁၆ ၸဝ်ႈႁဝ်းဢမ်ႇမီးဢလူဝ်ႇၶႂ်ႈလႆႈယိၸ်ႉ တၢင်းဢၼ်ပုၵ်ႉၸေႃႇၼၼ်ႉတီႈၶႃႈ။သင်ဢမ်ႇၼၼ်ၶႃႈၸဝ်ႈတၵ်းပုၵ်ႉၸေႃႇ ယိၸ်ႉတီႈၶႃႈဢေႃႈ။
၁၇ ၸဝ်ႈႁဝ်းဢမ်ႇထုၵ်ႇၸႂ််ၵျိူၵ်ႈၸႂ်ယိၸ်ႉဢၼ်တုတ်ႇၽႆးၼၼ်ႉတီႈၶႃႈ။ယိၸ်ႉဢၼ်ၽြႃးပဵၼ်ၸဝ်ႈထုၵ်ႇၸႂ်ၵျိူၵ်ႈၸႂ်ၼၼ်ႉၸမ်း ပဵၼ်ႁူဝ်ၸႂ်ဢၼ်ႁၵ်းႁိၵ်းၼၼ်ႉလႄႈ ၽြႃးပဵၼ်ၸဝ်ႈတီႈၶႃႈ၊ ၸဝ်ႈႁဝ်းဢမ်ႇၸၢင်ႊပႄႇပႅတ်ႈ ႁူဝ်ၸႂ် ဢၼ်ႁၵ်းႁိၵ်းတႅၵ်ႇ လႅဝ်ၵႂႃႇၼၼ်ႉတီႈၶႃႈ။
၁၈ ၶႅၼ်းတေႃႈၸဝ်ႈႁဝ်းပႃးၸႂ်ၸေႇတၼႃႇၸဝ်ႈႁဝ်းသေလႄႈ ႁဵတ်းၵျေးၸူးတီႈလွႆၸိဢုၼ်ႇသေၵမ်းတီႈၶႃႈ။ၶႅၼ်းတေႃႈတႄႇႁဵတ်းလမ်း ဝဵင်းယေႇရုသလႅမ်ႇသေၵမ်းတီႈၶႃႈ။
၁၉ မိူဝ်ႈၼၼ်ႉၸဝ်ႈႁဝ်းတၵ်းမူၼ်ႈပျေႃႇလူၺ်ႈယိၸ်ႉ တၢင်းဢၼ်ပုၵ်ႉၸေႃႇၸွမ်းၼင်ႇတြႃး လႂ် ယိၸ်ႉဢၼ်တုတ်ႇၽႆး လႂ်ၼၼ်ႉတီႈၶႃႈဢေႃႈ။မိူဝ်ႈၼၼ်ႉၶႃႈၸဝ်ႈႁဝ်းၶဝ်တၵ်းဢဝ်ယိၸ်ႉဝူဝ်းငၢၼ်တင်းလၢႆ ပုၵ်ႉၸေႃႇၵႃႈၼိူဝ်ယိၸ်ႉပလၢင်ႇတီႈၶႃႈဢေႃႈ။