၄၅
၁ ႁူဝ်ၸႂ်ၵဝ် ပႃးတင်းၵႂၢမ်းမင်ႇၵလႃႇ ဢၼ်လူၼ်ႉဢၼ်လိူဝ်ၼၼ်ႉသေလႄႈ တၵ်းမွၵ်ႇလၢတ်ႈဢေႃႈ။လွင်ႈတၢင်းဢၼ်ၵဝ်ၸီႇယၢင်ႇႁဵတ်းဝႆႉၼႆႉ မီးဝႆႉပုၼ်ႈၶုၼ်ႁေႃၶမ်းဢေႃႈ။လိၼ်ႉၵဝ်ၵေႃႈပဵၼ်ၵၢၼ်ႈတႅမ်ႈၸရေးဢၼ်လၵ်းလႅမ်မေႃၸၢင်ႊၼၼ်ႉဢေႃႈ။
၂ ၸဝ်ႈႁဝ်းႁၢင်ႊလီၼႃႇသေ မဵဝ်းၵူၼ်းတီႈၶႃႈဢေႃႈ။သူပ်းၸဝ်ႈႁဝ်း တဵမ်ထူၼ်ႈဝႆႉတင်းၵႂၢမ်းၵျေးၸူးတီႈၶႃႈဢေႃႈ။ပိူဝ်ႈၼႆလႄႈၽြႃးပဵၼ်ၸဝ်ႈပၼ်တၢင်းလီတီႈၸဝ်ႈႁဝ်းယူႇတႃႇသေႇဢမ်ႇထၢတ်ႇတီႈၶႃႈဢေႃႈ။
၃ ၸဝ်ႈဢၼ်တၼ်းၶူဝ်းယႂ်ႇၼႃႇတီႈၶႃႈဢိူၺ်း၊ဢဝ်လၢပ်ႇၸဝ်ႈႁဝ်း ဢၼ်ပဵၼ်မုၼ်ၽုင်းဢႃႇၼူႉၽေႃႇၸဝ်ႈႁဝ်းၼၼ်ႉ မတ်ႉၸပ်းဝႆႉၵႃႈတီႈၶႃႈၸဝ်ႈႁဝ်းသေ ၵမ်းတီႈၶႃႈ။
၄ ဢဝ်တင်းဢႃႇၼူႉၽေႃႇၸဝ်ႈႁဝ်းႁဵတ်းပႄႉႁဵတ်းၼႅင်ႇသေလႄႈၶီႇၵႂႃႇ ၵွပ်ႈပိူဝ်ႈတြႃးသႅတ်ႈၸႃႇတြႃးတၢင်းဢၼ်ဢူၼ်ႈဢွၼ်ႇတင်းတြႃးတၢင်းဢၼ်သိုဝ်ႈတေႃႇၼၼ်ႉသေၵမ်းတီႈၶႃႈ။ႁႂ်ႈမိုဝ်းၶွၼ်ၶႂႃၸဝ်ႈႁဝ်းၼၼ်ႉ ၼႄပျႃးလွင်ႈတၢင်းဢၼ်လီၵူဝ်လီႁႄ ၼၼ်ႉသေၵမ်းတီႈၶႃႈ။
၅ ပိုၼ်ၸဝ်ႈႁဝ်းၸိူဝ်းၼၼ်ႉပဵၼ်ဢၼ်ၽၢႆၼႃႇလႄႈ ၵူၼ်းတင်းလၢႆ လူမ်ႉတူၵ်းၵႃႈတႂ်ႈၸဝ်ႈႁဝ်းတီႈၶႃႈဢေႃႈ။ၶဝ်သဵပ်ႇၸပ်းသႂ်ႇၵႃႈၼႂ်းႁူဝ်ၸႂ်ရၢၼ်ႇသူႇ ၶုၼ်ႁေႃၶမ်းၸိူဝ်းၼၼ်ႉတီႈၶႃႈဢေႃႈ။
၆ ၽြႃးပဵၼ်ၸဝ်ႈတီႈၶႃႈ၊ ပလၢင်ႇၸဝ်ႈႁဝ်းၼၼ်ႉပဵၼ်ပလၢင်ႇၼိၵ်ႉၸႃႉထႃႇဝရႃႉတီႈၶႃႈဢေႃႈ။ၵၼ်းႁွၵ်ႇရႃႇၸႃႉ တၢင်းဢၼ်သိုဝ်ႈတေႃႇၼၼ်ႉ ပဵၼ်ၵၼ်းႁွၵ်ႇမိူင်း ၸဝ်ႈႁဝ်းတီႈၶႃႈဢေႃႈ။
၇ ၸဝ်ႈႁဝ်းထုၵ်ႇၸႂ်ၵျိူၵ်ႈၸႂ်တြႃးတၢင်းဢၼ်သိုဝ်ႈတေႃႇလႄႈ ၸင်းလွင်ႈတၢင်းဢၼ်ဢမ်ႇတြႃးၼၼ်ႉတီႈၶႃႈဢေႃႈ။ပိူဝ်ႈၼႆလႄႈၽြႃးပဵၼ်ၸဝ်ႈတီႈၶႃႈ။ၽြႃးပဵၼ်ၸဝ်ႈၸဝ်ႈႁဝ်းၼၼ်ႉယုၵ်ႉယွင်ႈၸဝ်ႈႁဝ်းၼႃႇလူင်လၢင် ၵႃႈၼိူဝ်ၵေႃႉသေႈၸဝ်ႈႁဝ်းတင်းလၢႆၼၼ်ႉလႄႈဢဝ်တင်းၼမ်ႉမၼ်း တၢင်းသိူဝ်းပျေႃႇပၼ်ၽိၵ်ႉသိၵ်ႈတီႈၶႃႈယဝ်ႉ။
၈ မူႉရၢၼ်ႇ၊ဢၵျေႃႇ၊မႆႉႁွမ်ႁိူတ်ႈ ၼၼ်ႉပဵၼ်ၶိူင်ႈၶူဝ်းၸဝ်ႈႁဝ်းၵႃႈမီးတင်းသဵင်ႈတင်းလူင်တီႈၶႃႈဢေႃႈ။တၢင်းဢၼ်ႁႆႇဢၼ်ပဝ်ႇဢွၵ်ႇသေ ၵႃႈၼႂ်းႁေႃငႃးၸၢင်ႉ တင်းလၢႆ လႄႈႁႂ်ႈၸဝ်ႈႁဝ်းၸူမ်းသိူဝ်းတီႈၶႃႈဢေႃႈ။
၉ လုၵ်ႈယိင်းၶုၼ်ႁေႃၶမ်းၵူႈမိူင်းၸိူဝ်းၼၼ်ႉ ပဵၼ်ဢၼ်ၶဝ်ႈပႃးၼႂ်းၸိူင်ႉၼႂ်းၼၢင်းၸဝ်ႈႁဝ်းတင်းလၢႆလႄႈ ၵႃႈတီႈၽၢႆႇၶႂႃၸဝ်ႈႁဝ်းၼၼ်ႉ ပဵၼ်တီႈယူႇၼၢင်းႁေႃၶမ်းၸဝ်ႈႁဝ်းဢၼ်ဢဝ်ၶိူင်ႈၶမ်းဢေႃႇၽီႉရႃႉၶိုင်လႄႈ ၸုၵ်းယူႇၼၼ်ႉၶႃႈဢေႃႈ။
၁၀ လုၵ်ႈယိင်းဢိူၺ်း၊ ထွမ်ႇငိၼ်းလႄႈ ၶႆႈၸႂ်ဝူၼ်ႉၸႂ်သေလႄႈဝၢႆႇႁူၸူးတႃႉ။လူင်ႈလိုမ်းပီႈၼွင်ႉၸိူဝ်ႉၶိူဝ်းတူဝ် ၸဝ်ႈၵဝ်ႇတင်းႁိူၼ်းပေႃႈတူဝ်ၸဝ်ႈၵဝ်ႇတႃႉ။
၁၁ ပေႃးႁဵတ်းၸိူဝ်ႉၼင်ႇၼၼ်ၸိုင် ၶုၼ်ႁေႃၶမ်းတၵ်းႁၵ်ႉႁူမ်ၸူမ်းတွၼ်ႈ ႁၢင်ႊၽၢင်ဢၼ်ၼၢင်းႁဝ်းႁၢင်ႊလီၼၼ်ႉဢေႃႈ။ပိူဝ်ႈဢၼ်မၼ်းၸဝ်ႈၼၼ်ႉပဵၼ်ၸဝ်ႈၼၢင်းႁဝ်း လႄႈၵူဝ်းၵႂၢႆႇမၼ်းၸဝ်ႈသေၵမ်း။
၁၂ ၸႃႉၸဵမ်လုၵ်ႈယိင်းၶုၼ်တုရု လႄႈ ၶဝ်ၸိူဝ်းဢၼ်ပဵၼ်ၵူၼ်းမၢၵ်ႈၵူၼ်းမီးၵႃႈၼႂ်းမုၵ်ႉၵူၼ်းၸိူဝ်းၵူၼ်းၼၼ်ႉ တၵ်းဢွၼ်ၵၼ်ပႃးဢဝ်လၢၵ်ႈသွင်ႇပၼ်ႇၼႃႇသေလႄႈ ၸူဝ်းဢဝ်ၼၢင်း ႁဝ်းဢေႃႈ။
၁၃ လုၵ်ႈယိင်းၶုၼ်ႁေႃၶမ်းၼၼ်ႉမီးမုၼ်ၵုင်ႇသရေႇၵူၺ်းၵူၺ်းၵႃႈတီႈၼႂ်းၼၼ်ႉဢေႃႈ။မၼ်းၼၢင်းဢဝ်တင်းၶူဝ်းၼုင်ႈမႆႊ ဢၼ်ဢဝ်တင်းၶမ်းတေႃးႁဵတ်း ၼၼ်ႉႁၢင်ႈၶိူင်ႈႁၢင်ႊၽၢင်ဢေႃႈ။
၁၄ ၶဝ်ဢဝ်ၸႃႇသိူဝ်ႇဝႆႉလိူၼ်ႈဝႆႉသေလႄႈ လႆႈဢဝ်မၼ်းၼၢင်းၶဝ်ႈၸူးၵႃႈတီႈၶုၼ်ႁေႃၶမ်းဢေႃႈ။လုၵ်ႈယိင်းသၢဝ်ဢၼ်ပဵၼ်ၵေႃႉသေႈမၼ်းၼၢင်းၸိူဝ်းၼၼ်ႉၵေႃႈ ၶဝ်လႆႈသႂၢင်းၶဝ်ႈၵႃႈ တီႈၸဝ်ႈႁဝ်းတီႈၶႃႈဢေႃႈ။
၁၅ ပႃးတင်းတၢင်းဢၼ်ၸူမ်းသိူဝ်းတၢင်းဢၼ်သႂၢင်ႇၸႂ်သေလႄႈ ဢဝ်ၶဝ်ၼၢင်းမႃးလႄႈၶဝ်ၼၢင်းလႆႈၶဝ်ႈၵႃႈၼႂ်း ႁေႃၶုၼ်ႁေႃၶမ်းဢေႃႈ။
၁၆ ပုၼ်ႈဢၼ်တၵ်းပဵၼ် တၢင်တူဝ်ပူႇပေႃႈၸဝ်ႈႁဝ်းၸိူဝ်းၼၼ်ႉ တၵ်းမီးလုၵ်ႈလၢင်းၸဝ်ႈႁဝ်းတင်းလၢႆ ဢၼ်ၸဝ်ႈႁဝ်းတၵ်းဢဝ်ၶၢၼ်းဝႆႉ ႁႂ်ႈပဵၼ်ၶုၼ်ၵႃႈၼိူဝ်လိၼ်မိူင်းၼႆႉတင်းသဵင်ႈတင်းမူတ်းၼၼ်ႉ တီႈၶႃႈဢေႃႈ။
၁၇ ၶႃႈၸဝ်ႈ တၵ်းဢဝ်ၼႃႇမႃႉၸိုဝ်သဵင်ၸဝ်ႈႁဝ်း မွၵ်ႇလၢတ်ႈတီႈမဵဝ်းၵူၼ်း ၸႅၼ်ႇၸႅၼ်ႇသၢၵ်ႈသၢၵ်ႈလႄႈမဵဝ်းၵူၼ်းၸိူဝ်းၼၼ်ႉ တၵ်းဢွၼ်ၵၼ်ယွင်ႈယေႃးၸဝ်ႈႁဝ်းယူႇ ၵူႈၵမ်ႇၽႃႇ သိုပ်ႇသိုပ်ႇတၢမ်ႈတၢမ်ႈတီႈၶႃႈဢေႃႈ။