၄၃
၁ ၽြႃးပဵၼ်ၸဝ်ႈတီႈၶႃႈ၊ ၶႅၼ်းတေႃႈၸီႇယၢင်ႇတတ်းပၼ်ဢမူႉၶႃႈၸဝ်ႈလႄႈ ပႂ်ႉလၢတ်ႈပႂ်ႉဝႃႈလွင်ႈဢမူႉၶႃႈၸဝ်ႈၽၢႆႇၼိုင်ႈၵၼ်တင်း ၵူၼ်းမဵဝ်းဢၼ်ဢမ်ႇမီးၵရူႉၼႃႇၼၼ်ႉသေၵမ်းတီႈၶႃႈ။ၶႅၼ်းတေႃႈၵႄႇသႄႇၶႃႈၸဝ်ႈ လွတ်ႈသေၵႃႈၼႂ်းမိုဝ်းၵေႃႉဢၼ်ဢမ်ႇမီးသႅတ်ႈ ၸႃႇဢမ်ႇတြႃးၼၼ်ႉသေၵမ်းတီႈၶႃႈ။
၂ ၸဝ်ႈႁဝ်းပဵၼ်ၽြႃးတီႈဢၼ်ၶႃႈၸဝ်ႈဢိင်ပိုင်ႈတီႈၶႃႈဢေႃႈ။ၵွပ်ႈပိူဝ်ႈလွင်ႈၼင်ႇႁိုဝ်လႄႈ ၸဝ်ႈႁဝ်းၸုၼ်ႉပႅတ်ႈၶႃႈၸဝ်ႈတီႈၶႃႈ။ၵွပ်ႈပိူဝ်ႈလွင်ႈၼင်ႇႁိုဝ်လႄႈၶႃႈၸဝ်ႈတၵ်းလႆႈၶၢမ်ႇတၢင်းဢၼ်ရၢၼ်ႇသူႇ ၼိၵ်ႈၸၢၵ်ႈငႅၼ်းသေးသေလႄႈလႆႈၼုင်ႈၶူဝ်းဢၼ်ၵျၢမ်းၼႃႇၼၼ်ႉတီႈၶႃႈ။
၃ ၶႅၼ်းတေႃႈ ပွႆႇၸႂ်ႉဢၼ်လႅင်းၸဝ်ႈႁဝ်း ဢိၵ်ႇတင်းသႅတ်ႈၸႃႇၸဝ်ႈႁဝ်းမႃႈ သေၵမ်းတီႈၶႃႈ။ၶႅၼ်းတေႃႈႁႂ်ႈၶဝ်ဢဝ်ၶႃႈၸဝ်ႈ ၵႂႃႇသူင်ႇၵႃႈတီႈလွႆၸဝ်ႈႁဝ်းဢၼ်မူတ်းၸၢင်ႇ ဢိၵ်တင်း ၵႃႈတီႈသုမ်ႉထဵင်ၸဝ်ႈႁဝ်းၸိူဝ်း ၼၼ်ႉသေၵမ်းတီႈၶႃႈ။
၄ ပေႃးႁဵတ်းၸိူဝ်ႉၼင်ႇၼၼ်ၸိုင်ၶႃႈၸဝ်ႈတၵ်းႁွတ်ႈထိုင် ၵႃႈတီႈယိၸ်ႉပလၢင်ႇၽြႃးပဵၼ်ၸဝ်ႈဢိၵ်ႇတင်း ၵႃႈတီႈၽြႃးပဵၼ်ၸဝ်ႈဢၼ်ပဵၼ်တီႈဢၼ်ၶႃႈၸဝ်ႈ ၸူမ်းသိူဝ်းသႂၢင်ႇၸႂ်ၼႃႇလူင်လၢင်ၼၼ်ႉလႄႈ ဢဝ်တင်း တၢင်းဢၼ်လဵတ်းတိင်ႇၼၼ်ႉယွင်ႈယေႃးႁဵတ်းထေႃးပၼႃႇတီႈၽြႃးပဵၼ်ၸဝ်ႈ ၽြႃးၵဝ်ၶႃႈတီႈၶႃႈဢေႃႈ။
၅ ဝိၺိၺ်ႇၵဝ်ဢိူၺ်း၊ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမႂ်းၸႂ်လဵၵ်ႉၸႂ်ဢူၼ်ႈၼင်ႇႁိုဝ်။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ မႂ်းဢမ်ႇတႄႇဢမ်ႇၼိမ်ယူႇၵႃႈၼႂ်းၵဝ်ၼႆႉ။မုင်ထႃႈမွင်းထႃႈၽြႃးပဵၼ်ၸဝ်ႈယူႇတႃႉ။ၵဝ်တၵ်းယွင်ႈယေႃး ႁဵတ်းထေႃးပၼႃႇတီႈမၼ်းၸဝ်ႈဢၼ်ပဵၼ်ၸဝ်ႈ ဢၼ်ၵႄႇသႄႇၶျွတ်ႈဢဝ်ၵဝ်ၼၼ်ႉလူးၵွၼ်ႇဢေႃႈ။