၄၁
၁ ၵေႃႉဢၼ်ၶုၵ်းၸႂ်လႆႈၶႆႈၸႂ်ထူပ်းၵေႃႉဢၼ်ၽၢၼ်ဢၼ်ၵႅၼ်းၼၼ်ႉမီးမင်ႇၵလႃႇဢေႃႈ။ထႃႇဝရႃႉၽြႃးတၵ်းၵႄႇသႄႇၼုၵ်ႈဢဝ်မၼ်းၼႂ်းမိူဝ်ႈဝၼ်းဢၼ် ယၢပ်ႇဢၼ်ၽိုတ်ႇၼၼ်ႉဢေႃႈ။
၂ ထႃႇဝရႃႉၽြႃးတၵ်းပႂ်ႉၸွႆႈပႂ်ႉထႅမ်မၼ်းယူႇလႄႈပၼ်ဢသၢၵ်ႈမၼ်းၵတ်းယဵၼ်ၶျၢမ်းသႃႇဢေႃႈ။မၼ်းတၵ်းလႆႈၶၢမ်ႇတၢင်းလီမင်ႇၵလႃႇၵႃႈၼႂ်းမိူင်းၸဝ်ႈဢေႃႈ။ၸဝ်ႈႁဝ်းတၵ်းဢမ်ႇဢဝ်မၼ်း ဢၢပ်ႈပၼ်ႈတီႈဢလူဝ်ႇ ရၢၼ်ႇသူႇမၼ်း တင်းလၢႆၼၼ်ႉတီႈၶႃႈ။
၃ ထႃႇဝရႃႉၽြႃးတၵ်းၵမ်ႉထွၵ်ႈၸွႆႈထႅမ်မၼ်း ၼႂ်းမိူဝ်ႈဢၼ်မၼ်းမီးတၢင်းၶႆႈတၢင်းပဵၼ်လႄႈ ယဵတ်ႇယူႇဢိူၼ်လိူၼ်ၵႃႈၼိူဝ်ၵူႇတီႈၼွၼ်းမၼ်းၼၼ်ႉဢေႃႈ။ၸဝ်ႈႁဝ်းတၵ်းၸွႆထႅမ်မၼ်းၵႄႇသႄႇမၼ်းသေၵႃႈ တီႈၵူႇတီႈၼွၼ်းမၼ်း ၼႂ်းမိူဝ်ႈဢၼ်မၼ်း ယင်းတိုၵ်ႉၶႆႈယူႇပဵၼ်ယူႇၼၼ်ႉ တီႈၶႃႈ ဢေႃႈ။
၄ ၵဝ်လႆႈလဝ်ႈလၢတ်ႈလႄႈဝႃႈၸမ်း-ထႃႇဝရႃႉၽြႃးတီႈၶႃႈ၊ ၶႅၼ်းတေႃႈဢိတ်းလူၶႃႈၸဝ်ႈသေၵမ်းတီႈၶႃႈ။ၶႅၼ်းတေႃႈႁႂ်ႈတၢင်းၸဵပ်းၵႃႈတီႈဝိၺိၺ်ႇၶႃႈၸဝ်ႈႁၢႆသေၵမ်းတီႈၶႃႈ။ၶႃႈၸဝ်ႈလႆႈၽိတ်းပိူင်ႈမႅၼ်ႈ ၸဝ်ႈႁဝ်းတီႈၶႃႈယဝ်ႉ၊ ဝႃႈၼင်ႇၼႆဢေႃႈ။
၅ ရၢၼ်ႇသူႇၵဝ်တင်းလၢႆ ၸၢင်ႊဢွၼ်ၵၼ်လၢတ်ႈဢမ်ႇလီဢမ်ႇငၢမ်းလွင်ႈၶႃႈၸဝ်ႈလႄႈဝႃႈ၊- မၼ်းတၵ်းတၢႆလႄႈၸိုဝ်ႈသဵင်မၼ်းတၵ်းသုမ်းႁၢႆၵႂႃႇမိူဝ်ႈ လႂ်၊ ဝႃႈၼင်ႇၼႆ ၶႃႈဢေႃႈ။
၆ မိူဝ်ႈဢၼ်မၼ်းမႃးတူၺ်းၵဝ်ၼၼ်ႉၸိုင်မၼ်းၸၢင်ႊလၢတ်ႈၵႂၢမ်းမူႉသႃႇဢေႃႈ။ႁူဝ်ၸႂ်မၼ်းၵေႃႈ သိမ်းပႅင်းတၢင်းၵျၢမ်ႇတၢင်းပွင် ဢၼ်ဢမ်ႇလီၼၼ်ႉလႄႈ မၼ်းၸၢင်ႊၽုၺ်ႇလၢတ်ႈမိူဝ်ႈဢၼ်မၼ်း ဢွၵ်ႇၵႂႃႇၼၼ်ႉဢေႃႈ။
၇ ၶဝ်ၸိူဝ်းဢၼ်ၸင်းၵဝ်တင်းသဵင်ႈတင်းလူင်ၼၼ်ႉၸၢင်ႊဢွၼ်ၵၼ်ယူႇ ၽၢႆႇၼိုင်ႈတင်းၵဝ်သေလႄႈ ၵေႃႉၼိုင်ႈလႄႈၵေႃႉၼိုင်ႈသွပ်ႉသႅပ်ႉၵၼ်လႄႈ ၵျၢမ်ႇပွင်တၢင်းၵျၢမ်ႇတၢင်းပွင်ဢၼ်ဢမ်ႇ လီဢမ်ႇငၢမ်းသႂ်ႇတီႈၵဝ်ဢေႃႈ။
၈ ၶဝ်ဝႃႈ၊- လွင်ႈတၢင်းဢၼ်ႁုၵ်းဢၼ်ႁၢႆႉၼၼ်ႉၸပ်းတီႈမၼ်းလႄႈ တေႃႈလဵဝ်ၼႆႉမၼ်းလူမ်ႉယဝ်ႉ။ၵမ်းလိုၼ်းမၼ်းတၵ်းဢမ်ႇလႆႈ လုၵ်ႉၶိုၼ်းလႃးလႃး၊ ဝႃႈၼင်ႇၼႆဢေႃႈ။
၉ ၵေႃႉသေႈၵဝ်ဢၼ်ၵဝ်ယုမ်ႇ ဢၼ်ၵိၼ်ၶဝ်ႈမုၼ်းလူၺ်ႈၵဝ်ၼၼ်ႉဢဝ်တိၼ်ပိတ်ႉၵဝ်ဢေႃႈ။
၁၀ထႃႇဝရႃႉၽြႃးတီႈၶႃႈ၊ ၶႅၼ်းတေႃႈဢိတ်းလူၶႃႈၸဝ်ႈလႄႈ ႁႂ်ႈၶႃႈၸဝ်ႈလုၵ်ႉၶိုၼ်းႁႂ်ႈလႆႈတွပ်ႇတႅၼ်းပၼ်ဢ ပျႅတ်ႈၶဝ်သေၵမ်းတီႈၶႃႈ။
၁၁ ၶႃႈၸဝ်ႈထွၵ်ႈလူၺ်ႈလွင်ႈဢၼ်ရၢၼ်ႇသူႇၶႃႈၸဝ်ႈ ဢမ်ႇလႆႈၸူမ်းသိူဝ်းႁွင်ႉသႅၼ်ႇၵႃႈၼိူဝ်ၶႃႈၸဝ်ႈၼၼ်ႉလႄႈ လႆႈႁူႉလွင်ႈဢၼ်ၸဝ်ႈႁဝ်းႁၵ်ႉပႅင်းၶႃႈၸဝ်ႈတီႈၶႃႈဢေႃႈ။
၁၂ ၸဝ်ႈႁဝ်း ၸွႆႈၵမ်ႉၸွႆႈထွၵ်ႈၶႃႈၸဝ်ႈၼႂ်းတၢင်းဢၼ်ၶႃႈၸဝ်ႈၸေးၸုမ်ႇၼၼ်ႉလႄႈ ၶျႃးပၼ်တီႈယူႇၶႃႈၸဝ်ႈသိုဝ်ႈၼႃႈတႂ်ႈတႃၸဝ်ႈႁဝ်းယူႇ ၶိင်ႇၵႃႇလႃႉသိုပ်ႇသိုပ်ႇတၢမ်ႈတၢမ်ႈတီႈၶႃႈဢေႃႈ။
၁၃ ႁႂ်ႈထႃႇဝရႃႉၽြႃး ၽြႃးပဵၼ်ၸဝ်ႈ မဵဝ်းဢိသရေႇလမီးမင်ႇၵလႃႇၵူႈၵမ်ႇၽႃႇ သိုပ်ႇသိုပ်ႇတၢမ်ႈတၢမ်ႈသေၵမ်းလူၺ်ႈ။ဢႃႈမိၼ်ႈတင်းဢႃႈမိၼ်ႈ။