၃၆
၁ တူႉၸရိူၵ်ႈ ၵေႃႉဢၼ်ၸၢင်ႊႁဵတ်း ဢၼ်ဢမ်ႇတြႃးၼၼ်ႉလၢတ်ႈၵႃႈၼႂ်းႁူဝ်ၸႂ်ၵဝ်လႄႈဝႃႈ၊- လွင်ႈဢၼ်တၵ်းလႆႈၵူဝ်ၽြႃးပဵၼ်ၸဝ်ႈၼၼ်ႉ ဢမ်ႇမီးသိုဝ်ႈၼႃႈ တႂ်ႈတႃမၼ်း၊ဝႃႈၼင်ႇၼႆယူႇဢေႃႈ။
၂ မၼ်းၶျေႃးလဝ်ႇပႅတ်ႉလႅၼ်တူဝ်မၼ်း သိုဝ်ႈၼႃႈတႂ်ႈတႃမၼ်းယူႇထၼ်ႈပေႃး ဢမ်ႇထူပ်းဢမ်ႇႁၼ်လႆႈဢပျႅတ်ႈမၼ်းဢၼ်လီ ႁင်ႈဢဵတ်ႇသဵတ်ႇၼၼ်ႉ။
၃ ၵႂၢမ်းဢၼ်ဢွၵ်ႇသူပ်းမၼ်းၼၼ်ႉပဵၼ်ၵႂၢမ်းဢႃႉထမ်ႇမႃႉတင်း ၵႂၢမ်းဢၼ်ပႅတ်ႉဢၼ်လႅၼ်လႄႈမၼ်းၸုၼ်ႉပႅတ်ႈပိင်ႇၺႃႇ ဢိၵ်ႇတင်းတၢင်းဢၼ်ၸၢင်ႊၵမ်ၸၢင်ႊၵျၢင်ႉ တၢင်းၵမ်တၢင်းၵျၢင်ႉ ဢၼ်လီဢၼ်ငၢမ်းၼၼ်ႉယဝ်ႉ။
၄ မၼ်းၸၢင်ႊၵျၢမ်ႇပွင်လွင်ႈတၢင်းဢၼ်ဢမ်ႇတြႃးၼၼ်ႉၵႃႈၼိူဝ်တီႈၼွၼ်းမၼ်းဢေႃႈ။မၼ်းၸွမ်းသဵၼ်ႈတၢင်းဢၼ်ဢမ်ႇလီဢမ်းငၢမ်းၼၼ်ႉယူႇသေႇသေႇလႄႈဢမ်ႇမီးတၢင်းဢၼ်လီႁင်ႈ တၢင်းႁဵတ်းတၢင်းသၢင်ႈဢၼ်ႁၢႆႉယုတ်ႈ ၼၼ်ႉ။
၅ ထႃႇဝရႃႉၽြႃးတီႈၶႃႈ၊ၵရူႉၼႃႇၸဝ်ႈႁဝ်းၼၼ်ႉၶိုတ်းထိုင်ၽႃႉၵၢင်ႁၢဝ်လႄႈ သႅတ်ႈၸႃႇၸဝ်ႈႁဝ်းၼၼ်ႉ ၶိုတ်းထိုင်ၽႃႉၽူၼ်တီႈၶႃႈဢေႃႈ။
၆ တၢင်းဢၼ်ၸဝ်ႈႁဝ်းသိုဝ်ႈတေႃႇၼၼ်ႉမိူၼ်ၼင်ႇလွႆၽြႃးပဵၼ်ၸဝ်ႈၼၼ်ႉလႄႈ တၢင်းဢၼ်ၸဝ်ႈႁဝ်း ၸီႇယၢင်ႇၸိူဝ်းၼၼ်ႉ ပဵၼ်ဢၼ်လိုၵ်ႉဢၼ်လမ်ႇၼႃႇလူင်လၢင်တီႈၶႃႈဢေႃႈ။ထႃႇဝရႃႉၽြႃးတီႈၶႃႈ၊ ၸဝ်ႈႁဝ်းၸွႆႈထႅမ်မႃႉၸႃႉၵူၼ်းဢိၵ်ႇတင်းတရိၵ်ႉသၢၼ်ႇတီႈၶႃႈဢေႃ။
၇ ၽြႃးပဵၼ်ၸဝ်ႈတီႈၶႃႈ၊ ၵရူႉၼႃႇၸဝ်ႈႁဝ်းၼၼ်ႉပဵၼ်ဢၼ်လီႁၵ်ႉလီပႅင်းၼႃႇလူင်လၢင်တီႈၶႃႈဢေႃႈ။လုၵ်ႈၵူၼ်းတင်းလၢႆ ဢွၼ်ၵၼ်သွၼ်ႈပိုင်ႈႁူမ်ႊပိၵ်ႇၸဝ်ႈႁဝ်း ယူႇတီႈၶႃႈဢေႃႈ။
၈ ၶဝ်တၵ်းဢိမ်ႇတဵမ်ဝႆႉတင်းတၢင်းဢၼ်ပီးလီမၼ်းလီႁိူၼ်းၸဝ်ႈႁဝ်းၼၼ်ႉလႄႈ ၸဝ်ႈႁဝ်းတၵ်းပၼ်ဢၶႂၢင်ႉ ႁႂ်ႈၶဝ်လႆႈၵိၼ် ၼမ်ႉႁွင်ႊၵတ်း ယဵၼ်ၶျၢမ်းသႃႇၸဝ်ႈႁဝ်းၼၼ်ႉတီႈၶႃႈဢေႃႈ။
၉ လွင်ႈမၼ်းၸမ်း ၼမ်ႉဢွၵ်ႇႁူးဢသၢၵ်ႈၼၼ်ႉမီးယူႇတီႈၸဝ်ႈႁဝ်းလႄႈ ၶႃႈၸဝ်ႈႁဝ်းၶဝ် လႆႈထူပ်းႁၼ်ဢၼ်လႅင်းၵႃႈၼႂ်းဢၼ်လႅင်းၸဝ်ႈႁဝ်းၼၼ်ႉတီႈၶႃႈဢေႃႈ။
၁၀ ၶႅၼ်းတေႃႈ ႁႂ်ႈၵရူႉၼႃႇၸဝ်ႈႁဝ်းတႄႇယူႇတီႈၶဝ်ၸိူဝ်းဢၼ်ႁူႉၸၵ်းၸဝ်ႈႁဝ်းၼၼ်ႉလႄႈႁႂ်ႈတၢင်း ဢၼ်ၸဝ်ႈႁဝ်းသိုဝ်ႈတေႃႇၼၼ်ႉတႄႇယူႇတီႈ ၶဝ်ၸိူဝ်းဢၼ်သ ၽေႃးသိုဝ်ႈယူဝ်းၼၼ်ႉသေၵမ်းတီႈၶႃႈ။
၁၁ ယႃႇပေႁႂ်ႈတိၼ်မႃႇၼႃႉၸႂ်သုင်ၼၼ်ႉ လႆႈယဵပ်ႇၶၢမ်ႈၶႃႈၸဝ်ႈသေၵမ်းတီႈၶႃႈ။ယႃႇပေႁႂ်ႈမိုဝ်းၵေႃႉဢၼ်ဢမ်ႇတြႃး ၼၼ်ႉလႆႈၶၢႆႉတီႈယူႇၶႃႈၸဝ်ႈပႅတ်ႈသေၵမ်းတီႈၶႃႈ။
၁၂ ၶဝ်ၸိူဝ်းဢၼ်ႁဵတ်းတူႉၸရိူၵ်ႈၼၼ်ႉ လႆႈလူမ်ႉယူႇၵႃႈတီႈၼၼ်ႉတီႈၶႃႈဢေႃႈ။ၶဝ်လႆႈၶၢမ်ႇတၢင်းဢၼ်ၶျႃးလူမ်ႉသေလႄႈ ဢမ်ႇတတ်ႈၼိုင်ႇႁႂ်ႈလႆႈလုၵ်ႉၶိုၼ်းတီႈၶႃႈ။