၃၅
၁ ထႃႇဝရႃႉၽြႃးတီႈၶႃႈ၊ၶႅၼ်းတေႃႈႁဵတ်းၶတ်းၵၼ်တင်းၶဝ်ၸိူဝ်းဢၼ်ႁဵတ်းၶတ်းၵၼ်တင်းၶႃႈၸဝ်ႈၼၼ်ႉသေၵမ်းတီႈၶႃႈ။ၶႅၼ်းတေႃႈတိုၵ်းတေႃးၶဝ်ၸိူဝ်းဢၼ်တိုၵ်းတေႃးၶႃႈၸဝ်ႈၼၼ်ႉသေၵမ်းတီႈ ၶႃႈ။
၂ ၶႅၼ်းတေႃႈယိပ်းၵမ်ဢဝ်ၶိူင်ႈႁႄႉလၢၵ်ႈၼၢၵ်ႈဢိၵ်ႇတင်း ၶိူင်ႈဢၼ်ႁႄႉဢၼ်ၵင်ႈလၢၵ်ႈၼၢၵ်ႈၼၼ်ႉသေလႄႈ လုၵ်ႉၸွႆႈလုၵ်ႉထႅမ်ၶႃႈၸဝ်ႈသေၵမ်းတီႈၶႃႈ။
၃ ၶႅၼ်းတေႃႈဢဝ်ႁွၵ်ႇငႃသေလႄႈ ႁႄႉတၢင်းၶဝ်ၸိူဝ်းဢၼ် လိုပ်ႈၸွမ်းၶႃႈၸဝ်ႈၼၼ်ႉ သေၵမ်းတီႈၶႃႈ။ၶႅၼ်းတေႃႈမီးဢမိင်ႉတီႈႁူဝ်ၸႂ်ၶႃႈၸဝ်ႈလႄႈဝႃႈ၊- ၵဝ်ပဵၼ်ၸဝ်ႈဢၼ်ၵႄႇသႄႇၶျွတ်ႈဢဝ်မႂ်းဢေႃႈ၊ ဝႃႈၼင်ႇ ၼႆသေၵမ်းတီႈၶႃႈ။
၄ ႁႂ်ႈၶဝ်ၸိူဝ်းဢၼ်ႁႃဢသၢၵ်ႈၶႃႈၸဝ်ႈၼၼ်ႉဢူၵ်းဢၢႆလႄႈၼႃႈလူႉသေၵမ်းလူၺ်ႈ။ႁႂ်ႈၶဝ်ၸိူဝ်းဢၼ်ၵျၢမ်ႇပွင် ႁႂ်ႈလႆႈႁဵတ်းဢၢၼ်ႇတရႄႇသႂ်ႇတီႈၶႃႈၸဝ်ႈၼၼ်ႉ လႆႈၶၢမ်ႇတၢင်းဢၼ်ဝၢႆႇၶိုၼ်းၵႂႃႇလႄႈ ႁွတ်ႈထိုင်တၢင်းဢၼ်လီၵူဝ်လီဢၢႆ သေၵမ်း လူၺ်ႈ။
၅ ႁႂ်ႈၶဝ်ၼၼ်ႉပဵၼ်ၸိူဝ်ႉၼင်ႇၵႅပ်ႇဢၼ်လူမ်းထူဝ်းၼၼ်ႉလႄႈ ႁႂ်ႈတမၢၼ်ႇၵၢင်ႁၢဝ်ထႃႇဝရႃႉၽြႃးႁေႃႈ ႁိုပ်ႈလိုပ်ႈလူၺ်းၶဝ်ပႅတ်ႈသေၵမ်းလူၺ်ႈ။
၆ ႁႂ်ႈသဵၼ်ႈတၢင်းဢၼ်ၶဝ်ၵႂႃႇၼၼ်ႉ ပဵၼ်ဢၼ်လပ်းသိင်ႇဢၢၼ်ႇမိုၼ်ႇမၼ်းလႄႈ တမၢၼ်ႇၵၢင်ႁၢဝ်ထႃႇဝရႃႉၽြႃးလိုပ်ႈ ၸွမ်းလမ်းၸွမ်းၶဝ်သေၵမ်းလူၺ်ႈ။
၇ လွင်ႈမၼ်းၸမ်းယင်းဢမ်ႇမီးလွင်ႈတၢင်းမၼ်းလႄႈ ၶဝ်ဢဝ်တူင်ႇႁဵဝ်ႉတူင်ႇႁၢဝ်ႇသိူင်ႇဝႆႉၵၢင်ဝႆႉ ၵႃႈၼႂ်းၶုမ်ၼႂ်းလုၵ်းပုၼ်ႈၶႃႈၸဝ်ႈတီႈၶႃႈဢေႃႈ။လွင်ႈမၼ်းယင်းဢမ်ႇမီးလႄႈၶဝ်ၶုတ်ႉၶုမ်ၶုတ်ႉလုၵ်းဝႆႉ ပုၼ်ႈဢၼ်တၵ်းဢဝ်ဢသၢၵ်ႈၶႃႈ ၸဝ်ႈတၢႆတီႈၶႃႈယဝ်ႉ။
၈ ၵူၼ်းၸိူဝ်ႉၼင်ႇၼၼ်ၼၼ်ႉယင်းဢမ်ႇၽၢင်ႉဢမ်ႇထိူမ်လႄႈ ႁႂ်ႈတၢင်းလူႉတၢင်းလႅဝ်ႁွတ်ႈထိုင်ၵႃႈၼိူဝ်ၶဝ်သေၵမ်းလူၺ်ႈ။ႁႂ်ႈတူင်ႇႁဵဝ်ႉတူင်ႇႁၢဝ်ႇဢၼ်ၶဝ်သိူင်ႇဝႆႉၵၢင်ဝႆႉၼၼ်ႉ ထုၵ်ႇၶဵၼ်းမႅၼ်ႈၶဝ်သေၵမ်းလူၺ်ႈ။ႁႂ်ႈၶဝ်တူၵ်းႁွတ်ႈၵႃႈၼႂ်းတၢင်းလူႉ တၢင်းလႅဝ်ၼၼ်ႉသေၵမ်းလူၺ်ႈ။
၉ ပေႃးပဵၼ်ၸိူဝ်ႉၼင်ႇၼၼ်ၸိုင် ဝိၺိၺ်ႇၵဝ်တၵ်းဢိင်ပိုင်ႈထႃႇဝရႃႉၽြႃးသေလႄႈမီးတၢင်းၸူမ်းသိူဝ်းဢေႃႈ။တၵ်းဢိင်ပိူင်ႈလွင်ႈတၢင်းဢၼ်မၼ်းၸဝ်ႈ ၵႄႇသႄႇၶျွတ်ႈဢဝ်ၼၼ်ႉလႄႈ မီးတၢင်းဢၼ်သိူဝ်းသႂၢင်ႇမူၼ်ႈပျေႃႇ ဢေႃႈ။
၁၀ လုပ်ႇၵဝ်ၵႃႈမီးတင်းသဵင်ႈတင်းလူင်ဢွၼ်ၵၼ်လဝ်ႈလၢတ်ႈလႄႈဝႃႈ၊-ထႃႇဝရႃႉၽြႃးတီႈၶႃႈ၊ၽူႈ လႂ်မိူၼ်ၵၼ်တင်းၸဝ်ႈႁဝ်းဢၼ်ၼုၵ်ႈဢဝ်ၵေႃႉဢၼ်ယၢၵ်ႈဢၼ်ၽၢၼ်ဢွၵ်ႇသေၵႃႈၼႂ်းမိုဝ်း ၵေႃႉဢၼ်ႁႅင်းယႂ်ႇၼႃႇသေမၼ်းၼၼ်ႉလႄႈ ပၼ်ၵတ်းယဵၼ်ၶျၢမ်းသႃႇ တီႈၵေႃႉဢၼ်ယၢၵ်ႈဢၼ်ၽၢၼ်ၵေႃႉဢၼ်ၸုတ်ႈဢၼ်လုတ်ႈၼၼ်ႉသေ ၵႃႈၼႂ်းမိုဝ်းၵေႃႉဢၼ်ႁိမ်ဢဝ် ႁူင်ႇဢဝ်မၼ်းၼၼ်ႉတီႈၶႃႈ၊ဝႃႈၼင်ႇၼႆဢေႃႈ။
၁၁ ၵူၼ်းဢၼ်ၶၢမ်ႇသၢၵ်ႈသေႇဢၼ်ဢမ်ႇတြႃးတင်းလၢႆ ဢွၼ်ၵၼ်လုၵ်ႉသေလႄႈ တွင်ႈထၢမ် လွင်ႈတၢင်းဢၼ်ၵဝ် ဢမ်ႇႁူႉၸိူဝ်းၼၼ်ႉတီႈၵဝ်ဢေႃႈ။
၁၂ ၶဝ်တႅၼ်းပၼ်လွင်ႈတၢင်းဢၼ်ဢမ်ႇလီ ပုၼ်ႈလွင်ႈတၢင်းဢၼ်လီထၼ်ႈပေႃး ႁႂ်ႈဝိၺိၺ်ႇၵဝ် ၽၢၼ်ၵေႃႉၽၢၼ်သေႈဢေႃႈ။
၁၃ ၵဝ်ၸမ်း မိူဝ်ႈဢၼ်ၶဝ်မီးတၢင်းၶႆႈတၢင်းပဵၼ်ၼၼ်ႉၸိုင်ၵဝ်ၼုင်ႈမႆႊၼင်ပေႃသေလႄႈ ၵမ်တၢင်းၵိၼ်လႄႈႁႂ်ႈဝိၺိၺ်ႇၵဝ်လႆႈယၢပ်ႇၽိုတ်ႇၼႃႇလူင်လၢင်ဢေႃႈ။မိူဝ်ႈဢၼ်တၢင်းသူးတွင်းၵဝ် ၶိုၼ်းမႃးၸူးၵႃႈၼႂ်းႁူဝ်ဢူၵ်းၵဝ်ၼၼ်ႉၸိုင် ၵဝ်ၶင်းၶီၶင်းၽၢၼ်ၸိူဝ်ႉၼင်ႇပဵၼ် ၵေႃႉသေႈၵဝ်ပဵၼ်ပီႈၸၢႆးၵဝ်ၼၼ်ႉဢေႃႈ။
၁၄ ၵဝ်ၼုင်ႈၶူဝ်းဢၼ်ၵျၢမ်းၼႃႇၼၼ်ႉသေလႄႈ ႁဵတ်းငိူဝ်ႈႁဵတ်းငဝ်ယူႇမိူၼ်ၸိူဝ်ႉၼင်ႇၵေႃႉဢၼ်ႁူဝ်ၸႂ်ဢမ်ႇသႃႇ မႆႈၸႂ်ပုၼ်ႈ မေႈၵဝ်ၼၼ်ႉဢေႃႈ။
၁၅ မိူဝ်ႈဢၼ်ၵဝ်လူမ်ႉၼၼ်ႉၸိုင်ၶဝ်ၸူမ်းသိူဝ်းလႄႈၸူႉၵၼ်တုမ်ၵၼ်ဢေႃႈ။ၶဝ်ၸိူဝ်းဢၼ်ပေႃႉယႅၼ်ႉၼၼ်ႉ ဢွၼ်ၵၼ်ၸူႉၵၼ်တုမ်ၵၼ်သေယဝ်ႉလုၵ်ႉယူႇၽၢႆႇၼိုင်ႈတင်းၵဝ် မိူဝ်ႈဢၼ်ၵဝ်ဢမ်ႇၽၢင်ႉၼၼ်ႉဢေႃႈ။ၶဝ်ဢွၼ်ၵၼ်ယႃႉသိၵ်ႇၵဝ်ဢမ်ႇထၢတ်ႇ ဢမ်ႇယဵၼ်ဢေႃႈ။
၁၆ မိူၼ်ၸိူဝ်ႉၼင်ႇၵူၼ်းႁၢႆႉၵူၼ်းယုတ်ႈဢၼ်ၸၢင်ႊၵိူမ်ႈၸၢင်ႊလိူမ်ႈ လူၺ်ႈလွင်ႈတၢင်းၵိၼ်တၢင်းၶူပ်းၼၼ်ႉလႄႈ ၶဝ်ဢွၼ်ၵၼ်ၵတ်းၶဵဝ်ႈၵတ်း ၽၢၼ်ႈတေႃႇၵဝ်ဢေႃႈ။
၁၇ ၸဝ်ႈၽြႃးတီႈၶႃႈ၊ ၸဝ်ႈႁဝ်းတၵ်းတူၺ်းဝႆႉယူႇၸိူဝ်ႉၼႆ ၶိင်ႇၵႃႇလႃႉႁိုင်ၵႃႈႁိုဝ်ၶႃႈ။ၶႅၼ်းတေႃႈ ၵႄႇသႄႇၶျွတ်ႈဢဝ် ဢသၢၵ်ႈၶႃႈၸဝ်ႈဢၼ်ၶႃႈၸဝ်ႈႁၵ်ႉၼႃႇသေပိူၼ်ႈၼၼ်ႉ လွတ်ႈဢွၵ်ႇသေၵႃႈၼႂ်းတၢင်းလူႉတၢင်းလႅဝ် ဢိၵ်ႇတင်း သၢင်ႇသီႈ တင်းလၢႆၼၼ်ႉသေၵမ်းတီႈၶႃႈ။
၁၈ ၶႃႈၸဝ်ႈတၵ်းႁပ်ႉတုင်းဢဝ်လႄႈဝႃႈ၊-ၵျေးၸူးၸဝ်ႈႁဝ်းယႂ်ႇၼႃႇတီႈၶႃႈဢေႃႈ၊ ဝႃႈၼင်ႇၼႆၵႃႈၼႂ်းမႁႃႇပရိၵ်ႈသၢတ်ႈလႄႈတၵ်းယွင်ႈယေႃးၸဝ်ႈႁဝ်း ၵႃႈၼႂ်းၵူၼ်းၼမ်ၼႃႇတီႈ ၶႃႈဢေႃႈ။
၁၉ ယင်းဢမ်ႇၸိုဝ်ႈဢမ်ႇၸႂ်ႈလႄႈယႃႇပေႁႂ်ႈၶဝ်ၸိူဝ်းဢၼ် ႁဵတ်းရၢၼ်ႇသူႇၶႃႈၸဝ်ႈၸိူဝ်းၼၼ်ႉလႆႈၸူမ်းလႆႈသိူဝ်းၵႃႈၼိူဝ်ၶႃႈၸဝ်ႈ သေၵမ်းတီႈၶႃႈ။လွင်ႈမၼ်းယင်းဢမ်ႇမီးလႄႈယႃႇပေႁႂ်ႈၶဝ်ၸိူဝ်းဢၼ်ၸင်းၶႃႈၸဝ်ႈၼၼ်ႉ လႆႈလိၵ်းႁူလိၵ်းတႃ သေ ၵမ်းတီႈၶႃႈ။
၂၀ လွင်ႈမၼ်းၸမ်းၶဝ်ဢမ်ႇလၢတ်ႈၵႂၢမ်းဢၼ်ႁႂ်ႈဢမူႉလႆႈထၢတ်ႇယဵၼ်ၼၼ်ႉတီႈၶႃႈ။ၶဝ်ဢွၼ်ၵၼ်ယူႇၽၢႆႇၼိုင်ႈတင်း ၵူၼ်းဝၢၼ်ႈၵူၼ်းမိူင်းဢၼ်ယူႇၼိမ်ၼိမ်လီလီၼၼ်ႉသေလႄႈ ၵျၢမ်ႇပွင်လွင်ႈ တၢင်းဢၼ်ပႅတ်ႉဢၼ်လႅၼ်ၼၼ်ႉတီႈၶႃႈဢေႃႈ။
၂၁ ၶဝ်ဢွၼ်ၵၼ် ဢႃႈပၢၵ်ႇတေႃႇၶႃႈၸဝ်ႈသေလႄႈလၢတ်ႈဝႃႈ၊- ဢေႇႁေႇ၊ ဢေႇႁေႇ၊ မၢၵ်ႇတႃတူဝ်ႁဝ်းလႆႈႁၼ်မၼ်းယဝ်ႉ၊ ဝႃႈၼင်ႇၼႆတီႈၶႃႈဢေႃႈ။
၂၂ ထႃႇဝရႃႉၽြႃးတီႈၶႃႈ။ၸဝ်ႈႁဝ်းႁူႉႁၼ်ယူႇတီႈၶႃႈဢေႃႈ။ယႃႇပေယူႇတဵတ်ႇတဵတ်ႇယဵၼ်ယဵၼ်သေၵမ်းတီႈၶႃႈ။ၸဝ်ႈၽြႃးတီႈၶႃႈ၊ယႃႇပေယူႇတီႈဢၼ်ၵႆၵၼ်တင်းၶႃႈၸဝ်ႈၼၼ်ႉသေၵမ်းတီႈၶႃႈ။
၂၃ ၽြႃးပဵၼ်ၸဝ်ႈၵဝ်ၶႃႈတီႈၶႃႈ၊ ၶႅၼ်းတေႃႈတိုၵ်းယူင်းတူဝ်ၸဝ်ႈႁဝ်းတိုၼ်ႇမႃး ပုၼ်ႈလွင်ႈဢၼ်ၸဝ်ႈႁဝ်းတၵ်းလႆႈၸီႇယၢင်ႇဢမူႉၸဝ်ႈၼၼ်ႉ သေၵမ်းတီႈၶႃႈ။
၂၄ ထႃႇဝရႃႉၽြႃး ၽြႃးပဵၼ်ၸဝ်ႈၵဝ်ၶႃႈတီႈၶႃႈ။ၶႅၼ်းတေႃႈ ၸွမ်းလူၺ်ႈတၢင်းဢၼ်ၸဝ်ႈႁဝ်းသိုဝ်ႈတေႃႇၼၼ်ႉသေလႄႈ ၸီႇယၢင်ႇတႅပ်းတတ်းဢမူႉၶႃႈၸဝ်ႈသေၵမ်းတီႈၶႃႈ။ယႃႇပေႁႂ်ႈၶဝ်လႆႈၸူမ်းသိူဝ်းၵႃႈၼိူဝ် ၶႃႈၸဝ်ႈသေၵမ်းတီႈၶႃႈ။
၂၅ ယႃႇပေႁႂ်ႈၶဝ်လႆႈလၢတ်ႈၵႃႈၼႂ်းႁူဝ်ၸႂ်ၶဝ်လႄႈဝႃႈ၊- ဢေႇႁေႇ၊ ဢလူဝ်ႇႁဝ်းတဵမ်ထူၼ်ႈယဝ်ႉ၊ဝႃႈၼင်ႇၼႆသေၵမ်းတီႈၶႃႈ။ယႃႇပေႁႂ်ႈၶဝ်လႆႈလၢတ်ႈလႄႈဝႃႈ၊- ႁဝ်းဢိုၼ်ၵိၼ်မၼ်းယဝ်ႉ၊ ဝႃႈၼင်ႇၼႆသေၵမ်းတီႈၶႃႈ။
၂၆ ႁႂ်ႈၶဝ်ၸိူဝ်းဢၼ်ၸူမ်းသိူဝ်း ၵွပ်ႈပိူဝ်ႈၽေးဢၼ်ႁွတ်ႈထိုင်တီႈၶႃႈၸဝ်ႈၼၼ်ႉ လႆႈဢူၵ်းလႆႈဢၢႆလႄႈၼႃႈလူႉသေၵမ်းလူၺ်ႈ။ႁႂ်ႈၶဝ်ၸိူဝ်းဢၼ် ယူႇၽၢႆႇၼိုင်ႈတင်း ၶႃႈၸဝ်ႈသေလႄႈယွင်ႈယေႃးတူဝ်ၸဝ်ႈၵဝ်ႇယူႇၼၼ်ႉ လႆႈဢဝ်တင်းသရေႇလူႉတင်းတၢင်းဢၼ်လီၵူဝ်လီဢၢႆၼၼ်ႉ ၼုင်ႈမႆႊ သေၵမ်းလူၺ်ႈ။
၂၇ ႁႂ်ႈၶဝ်ၸိူဝ်းဢၼ်ယူႇၽၢႆႇတၢင်းဢၼ်ၸိုဝ်ႈဢၼ်ၸႂ်ႈၶႃႈၸဝ်ႈၼၼ်ႉလႆႈဢွၼ်ၵၼ်ႁဵတ်းၵႂၢမ်းဢၼ်သိူဝ်းဢၼ်သႂၢင်ႇလႄႈ မူၼ်ႈပျေႃႇသေၵမ်းလူၺ်ႈ။ႁႂ်ႈၶဝ်လႆႈဢွၼ်ၵၼ်မွၵ်ႇလၢတ်ႈလႄႈဝႃႈ၊-ထႃႇဝရႃႉၽြႃးဢၼ်ထုၵ်ႇၸႂ်ၵျိူၵ်ႈၸႂ် တၢင်းဢၼ်ၶႃႈမၼ်းၸဝ်ႈၵတ်းယဵၼ်ၶျၢမ်းသႃႇၼၼ်ႉ မုၼ်ၽုင်းယႂ်ႇၼႃႇလူင်လၢင်ဢေႃႈ၊ ဝႃႈၼင်ႇၼႆယူႇတႃႇသေႇဢမ်ႇ ထၢတ်ႇသေၵမ်းလူၺ်ႈ။
၂၈ လိၼ်ႉၶႃႈၸဝ်ႈၵေႃႈတၵ်းမွၵ်ႇလၢတ်ႈလွင်ႈတၢင်းဢၼ် ၸဝ်ႈႁဝ်းသိုဝ်ႈတေႃႇၼၼ်ႉလႄႈယွင်ႈယေႃးၸဝ်ႈႁဝ်းယူႇ တင်းဝၼ်းတင်းဝၼ်းတီႈၶႃႈဢေႃႈ။