၃၃
၁ ၵူၼ်းဢၼ်သိုဝ်ႈတေႃႇၶဝ်ဢိူၺ်း၊ ဢိင်ပိုင်ႈထႃႇဝရႃႉၽြႃးသေလႄႈ ႁဵတ်းၵႂၢမ်းဢၼ်သႂၢင်ႇဢၼ်သိူဝ်းၼၼ်ႉတႃႉ။တၢင်းဢၼ်ႁဵတ်းထေႃးပၼႃႇၼၼ်ႉထိူၵ်ႈတၢၼ်ႇၵၼ်တင်း ၶဝ်ၸိူဝ်းဢၼ်သၽေႃးသိုဝ်ႈယူဝ်းၼၼ်ႉ ဢေႃႈ။
၂ ဢွၼ်ၵၼ်လဵတ်းတိင်ႇသေလႄႈ ယွင်ႈယေႃးထႃႇဝရႃႉၽြႃးတႃႉ။ဢွၼ်ၵၼ်ဢဝ်တင်းတူႇရီ့ယႃႇဢၼ်မီးၸိူၵ်ႈသိပ်းသဵၼ်ႈၼၼ်ႉသေလႄႈ ႁဵတ်းၵႂၢမ်းထေႃးပၼႃႇတႃႉ။ဢွၼ်ၵၼ်ႁဵတ်းၵႂၢမ်းဢၼ်မႂ်ႇတီႈ မၼ်းၸဝ်ႈတႃႉ။
၃ ဢွၼ်ၵၼ်မီးတၢင်းဢၼ်ၸူမ်းသိူဝ်းသေလႄႈလဵတ်းတိင်ႇလီလီငၢမ်းငၢမ်းတႃႉ။လွင်ႈမၼ်းၸမ်းၼုၵ်ႉၵပၢတ်ႈထႃႇဝရႃႉၽြႃးသိုဝ်ႈယူဝ်းလႄႈ
၄ လွင်ႈတၢင်းဢၼ်မၼ်းၸဝ်ႈၸီႇယၢင်ႇသၢင်ႈႁဵတ်း ၵႃႈမီးတင်းသဵင်ႈတင်းလူင်ၼၼ်ႉၵေႃႈ မႅၼ်ႈတင်းသႅတ်ႈၸႃႇ တြႃးဢေႃႈ။
၅ မၼ်းၸဝ်ႈ ထုၵ်ႇၸႂ်ၵျိူၵ်ႈၸႂ်တၢင်းၵမ်တၢင်းၵျၢင်ႉဢၼ်သိုဝ်ႈတေႃႇ ဢိၵ်ႇတင်းတၢင်းဢၼ်ၸီႇယၢင်ႇၸွမ်းၼင်ႇတြႃးၼၼ်ႉလႄႈ ပထဝီႇလိၼ်မိူင်းၼႆႉ တဵမ်ဝႆႉတင်းၵျေးၸူးၵရူႉၼႃႇ ထႃႇဝရႃႉၽြႃး ဢေႃႈ။
၆ ၽႃႉၵၢင်ႁၢဝ်လႆႈၶၢမ်ႇတၢင်းဢၼ်ႁဵတ်းပဵၼ်လူၺ်ႈၼုၵ်ႉၵပၢတ်ႈထႃႇဝရႃႉၽြႃးလႄႈ ၶိူင်ႈပိူင်ၽႃႉၵၢင်ႁၢဝ်တင်းလၢႆ လႆႈၶၢမ်ႇတၢင်းဢၼ်ႁဵတ်းပဵၼ်လူၺ်ႈ ဢၢႆသူပ်းမၼ်းၸဝ်ႈၼၼ်ႉဢေႃႈ။
၇ မၼ်းၸဝ်ႈႁႂ်ႈၼမ်ႉသမ်ႇမုၵ်ႉတြႃႇၸူႉၵၼ်တုမ်ၵၼ် ပဵၼ်ပုမ်ႇပဵၼ်ၵွင်ဝႆႉလႄႈမၼ်းၸဝ်ႈဢဝ် တီႈဢၼ်လိုၵ်ႉဢၼ်လမ်ႇၸိူဝ်းၼၼ်ႉ သိမ်းဝႆႉၵႃႈၼႂ်းယွင်ၵႃႈၼႂ်းယေးဢေႃႈ။
၈ ႁႂ်ႈၵႃႈၼိူဝ်ၽႅၼ်ႇလိၼ်မိူင်းတင်းသဵင်တင်းလူင် ဢွၼ်ၵၼ်ရူဝ်ႇသေႇၵူဝ်ယမ်ထႃႇဝရႃႉၽြႃးတႃႉ။ႁႂ်ႈၵႃႈဢၼ်ယူႇၵႃႈၼႂ်းမိူင်းလေႃးၵီႇတင်းသဵင်ႈတင်းလူင် ဢွၼ်ၵၼ်မီး တၢင်းဢၼ်ရူဝ်ႇသေႇၵူဝ်ယမ်တႃႉ။
၉ လွင်ႈမၼ်းၸမ်းမၼ်းၸဝ်ႈ ဢွၵ်ႇသူပ်းဝႃႈလႄႈၸင်ႇပဵၼ်မႃးဢေႃႈ။မၼ်းၸဝ်ႈမီးဢမိင်ႉလႄႈၸင်ႇတႄႇယူႇဢေႃႈ။
၁၀ ထႃႇဝရႃႉၽြႃးပႄႇပႅတ်ႈ တၢင်းဢၼ်ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆ တိူင်ႇပၢင်ႇလၢတ်ႈၸႃၵၼ်ၼၼ်ႉလႄႈ မၼ်းၸဝ်ႈယႃႉပႅတ်ႈတၢင်းဢၼ်ၵူၼ်းတင်းလၢႆ ၵျၢမ်ႇပွင်ၼၼ်ႉဢေႃႈ။
၁၁ တၢင်းဢၼ်ထႃႇဝရႃႉၽြႃးပဵၼ်ၸဝ်ႈတတ်းဝႆႉၼၼ်ႉ တႄႇယူႇၵႃႇလႃႉဢၼၼ်ႇတႃႉလႄႈ တၢင်းဢၼ်မၼ်းၸဝ်ႈၵျၢမ်ႇပွင်ၵႃႈၼႂ်းႁူဝ်ၸႂ်မၼ်းၸဝ်ႈၸိူဝ်းၼၼ်ႉ မီးယူႇတေႃႇထိုင်ႁွတ်ႈၸူဝ်ႈလုၵ်ႈပၢၼ်လၢၼ်သိုပ်ႇသိုပ်ႇတၢမ်ႈတၢမ်ႈဢေႃႈ။
၁၂ ၵူၼ်းမဵဝ်းဢၼ်ၽြႃးပဵၼ်ၸဝ်ႈၶဝ် ပဵၼ်ထႃႇဝရႃႉၽြႃးၵူၼ်းမဵဝ်းဢၼ်မၼ်းၸဝ်ႈလိူၵ်ႈၵဵပ်းဢဝ် ပုၼ်ႈဢၼ်တၵ်းပဵၼ်ဢုၵ်ႉၸႃႇဢမူၺ်ႇမၼ်းၸဝ်ႈၼၼ်ႉ မီးမင်ႇၵလႃႇဢေႃႈ။
၁၃ ထႃႇဝရႃႉၽြႃးယူႇၵႃႈၼိူဝ်ၽုင်ႇၵၢင်ႁၢဝ် လူႈတူၺ်းလႄႈ ႁၼ်လုၵ်ႈၵူၼ်းတင်းသဵင်ႈတင်းလူင်ယူႇဢေႃႈ။မၼ်းၸဝ်ႈယူႇၵႃႈတီႈဢၼ်မၼ်းၸဝ်ႈ ၵိင်းဝၢပ်ႈယူႇၼၼ်ႉသေလႄႈ တူၺ်းႁၼ်ၶဝ်ၸိူဝ်းဢၼ်ယူႇၵႃႈၼိူဝ်လိၼ်မိူင်းၼႆႉ တင်းသဵင်ႈတင်းလူင်ဢေႃႈ။
၁၅ မၼ်းၸဝ်ႈႁဵတ်းပဵၼ်ႁူဝ်ၸႂ်ၶဝ်ၵႃႈမီးလႄႈ တူၺ်းထိုင်တၢင်းၵမ်တၢင်းၵျၢင်ႉၶဝ် တင်းသဵင်ႈတင်းလူင်ဢေႃႈ။
၁၆ ၶုၼ်ႁေႃၶမ်းပႃး လႂ်ၵေႃႈ ဢမ်ႇၸၢင်ႊၵတ်းယဵၼ်ၶျၢမ်းသႃႇလႆႈ ၵွပ်ႈပိူဝ်ႈၵူၼ်းသိုၵ်းမၼ်းဢၼ်ၼမ်ၼႃႇၸိူဝ်းၼၼ်ႉ။ပူဝ်ႇသိုၵ်းၵေႃႉ လႂ်ၵေႃႈဢမ်ႇၸၢင်ႊလွတ်ႈဢွၵ်ႇ လႆႈၵွပ်ႈပိူဝ်ႈႁႅင်းမၼ်းဢၼ်ယႂ်ႇၼႃႇၼၼ်ႉ။
၁၇ မႃႉတူဝ် လႂ်ၵေႃႈ ၵွပ်ႈပိူဝ်ႈႁႅင်းမၼ်းဢၼ်ယႂ်ႇၼႃႇၼၼ်ႉသေၵေႃႈ ဢမ်ႇပွင်ႇလွင်ႈၵႃႈသင် ၼႂ်းတၢင်းဢၼ်တၵ်းၵၢင်းလွတ်ႈၽေးလႄႈဢမ်ႇၸၢင်ႊၵႄႇသႄႇၶျွတ်ႈ ဢဝ်လႆႈ။
၁၈ မၢၵ်ႇတႃထႃႇဝရႃႉၽြႃးလူႈတူၺ်းၶဝ်ၸိူဝ်းဢၼ်ရူဝ်ႇသေႇၵူဝ်ယမ်မၼ်းၸဝ်ႈ ဢိၵ်ႇတင်းၶဝ်ၸိူဝ်းဢၼ်သွၼ်ႈပိုင်ႈၵျေးၸူးၵရူႉၼႃႇမၼ်းၸဝ်ႈၸိူဝ်း ၼၼ်ႉယူႇလႄႈ
၁၉ ႁႂ်ႈၶဝ်လႆႈၵၢင်းလွတ်ႈတင်းၽေးတၢင်းတၢႆဢိၵ်ႇတင်း ႁႂ်ႈၶဝ်လႆႈဢသၢၵ်ႈလိပ်းယူႇ ၼႂ်းၶိင်ႇမိူဝ်ႈဢၼ် တၢင်းၵိၼ်တၢင်းၶူပ်းၵႃႊပႅင်းၼၼ်ႉဢေႃႈ။
၂၀ ဝိၺိၺ်ႇႁဝ်းမုင်ထႃႈမွင်းထႃႈထႃႇဝရႃႉၽြႃးလႄႈမၼ်းၸဝ်ႈပဵၼ်ၸဝ်ႈဢၼ်ၸွႆႈထႅမ်မႃႉၸႃႉႁဝ်း ၶိူင်ႈႁႄႉ လၢၵ်ႈၼၢၵ်ႈႁဝ်းဢေႃႈ။
၂၁ ၵွပ်ႈပိူဝ်ႈဢၼ်ႁဝ်းဢိင်ပိုင်ႈၼႃႇမႃႉၸိုဝ်ႈသဵင်မၼ်းၸဝ်ႈ ဢၼ်မူတ်းၸၢင်ႇၼၼ်ႉလႄႈ ႁူဝ်ၸႂ်ႁဝ်း မီးတၢင်းဢၼ်ၸူမ်းသိူဝ်းတီႈထႃႇ ဝရႃႉၽြႃးဢေႃႈ။
၂၂ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈႁႂ်ႈၵျေးၸူးၵရူႉၼႃႇၸဝ်ႈႁဝ်း ႁွတ်ႈထိုင်ၵႃႈၼိူဝ်ၶႃႈၸဝ်ႈႁဝ်းၶဝ် ၸွမ်းၵႃႈၼင်ႇဢၼ် ၶႃႈၸဝ်ႈႁဝ်းၶဝ် ဢိင်ပိူင်ၸဝ်ႈႁဝ်းယူႇၼၼ်ႉ သေၵမ်းတီႈၶႃႈ။