၃၀
၁ ထႃႇဝရႃႉၽြႃးတီႈၶႃႈ၊ၶႃႈၸဝ်ႈတၵ်းယွင်ႈယေႃးၸဝ်ႈႁဝ်းတီႈၶႃႈဢေႃႈ။လွင်ႈမၼ်းၸမ်း ၸဝ်ႈႁဝ်းၵႄႇသႄႇၼုၵ်ႈဢဝ်ၶႃႈၸဝ်ႈတီႈၶႃႈဢေႃႈ။ၸဝ်ႈႁဝ်းဢမ်ႇပၼ်ဢၶႂၢင်ႉ ႁႂ်ႈရၢၼ်ႇသူႇၶႃႈၸဝ်ႈတင်းလၢႆ လႆႈ သိူဝ်းလူၺ်ႈလွင်ႈၶႃႈၸဝ်ႈတီႈၶႃႈ။
၂ ထႃႇဝရႃႉၽြႃးၽြႃးပဵၼ်ၸဝ်ႈၵဝ်ၶႃႈတီႈၶႃႈ၊ ၶႃႈၸဝ်ႈႁွင်ႉသႅၼ်ႇၸူးတီႈၸဝ်ႈႁဝ်းလႄႈၸဝ်ႈႁဝ်းတၵ်းပၼ်ၵတ်းယဵၼ် ၶျၢမ်းသႃႇတီႈၶႃႈဢေႃႈ။
၃ ထႃႇဝရႃႉၽြႃးတီႈၶႃႈ၊ ၸဝ်ႈႁဝ်းၼုၵ်ႈဢဝ်ဝိၺိၺ်ႇၶႃႈၸဝ်ႈ ဢွၵ်ႇၵႃႈၼႂ်းမိုဝ်းမႃႇရၼႃႉတီႈၶႃႈယဝ်ႉ။ၸဝ်ႈႁဝ်းယင်းဢမ်ႇပၼ်ႁႂ်ႈၶႃႈၸဝ်ႈလူင်းၵႂႃႇၵႃႈၼႂ်းၶုမ်ပႃႇႁဵဝ်ႈလႄႈပၼ်ဢသၢၵ်ႈၶႃႈ ၸဝ်ႈၵတ်းယဵၼ်ၶျၢမ်းသႃႇတီႈၶႃႈဢေႃႈ။
၄ ၵူၼ်းဢၼ်မၼ်းၸဝ်ႈႁၵ်ႉပႅင်းၶဝ်ဢိူၺ်း၊ဢွၼ်ၵၼ်ႁဵတ်းၵႂၢမ်းထေႃးပၼႃႇတီႈထႃႇဝရႃႉၽြႃးတႃႉ။ဢွၼ်ၵၼ်ယွင်ႈယေႃးၼႃႇမႃႉၸိုဝ်ႈသဵင်မၼ်းၸဝ်ႈ ဢၼ်မူတ်းၸၢင်ႇ ၼၼ်ႉတႃႉ။
၅ တၢင်းၸႂ်မႆႈၶႂ်ႈၸႃႉမၼ်းၸဝ်ႈၼၼ်ႉဢွၵ်ႇၵမ်းဢွၼ်ႇၼိုင်ႈၵူၺ်းလႄႈ ၵျေးၸူးမၼ်းၸဝ်ႈၸမ်းတႄႇယူႇၸူဝ်ႈဢသၢၵ်ႈဢေႃႈ။တၢင်းဢၼ်ႁႆႈဢၼ်ႁွင်ႉၼၼ်ႉ သွၼ်ႈပိုင်ႈယူႇၶိင်ႇႁူဝ်ၶမ်ႈၵူၺ်းလႄႈၶိင်ႇၵၢင်ၼႂ်ၸမ်း မီးဢၶႂၢင်ႉတၢင်းဢၼ်ၸူမ်းသိူဝ်းဢေႃႈ။
၆ ၼႂ်းမိူဝ်ႈဢၼ် ၶႃႈၸဝ်ႈလႆႈလီလႆႈပဵၼ်ၼၼ်ႉၶႃႈၸဝ်ႈလၢတ်ႈလႄႈဝႃႈ၊- ၵဝ်တၵ်းၵၢင်းလွတ်ႈတင်းတၢင်းဢၼ်သၼ်ႇဢၼ်ၶွၼ်းဢေႃႈ၊ ဝႃႈၼင်ႇၼႆတီႈၶႃႈ ဢေႃႈ။
၇ ထႃႇဝရႃႉၽြႃးတီႈၶႃႈ၊ ၵွပ်ႈပိူဝ်ႈၵျေးၸူးၸဝ်ႈႁဝ်းၵူၺ်းလႄႈ ၸဝ်ႈႁဝ်းႁႂ်ႈလွႆၶႃႈၸဝ်ႈမၼ်ႈၶိူင်ႇတီႈၶႃႈဢေႃႈ။ၸဝ်ႈႁဝ်းဝၢႆႇၼႃႈပႅတ်ႈသေလႄႈၶႃႈၸဝ်ႈႁွတ်ႈထိုင်တၢင်းဢၼ်ၵႂင်ၸႂ်ယုင်ႈၸႂ်တီႈၶႃႈဢေႃႈ။
၈ ထႃႇဝရႃႉၽြႃးတီႈၶႃႈ ၶႃႈၸဝ်ႈႁွင်ႉသႅၼ်ႇၸူးတီႈၸဝ်ႈႁဝ်းလႄႈလဝ်ႈယွၼ်းတီႈထႃႇဝရႃႉၽြႃးလႄႈဝႃႈ ၸမ်း-
၉ ပေႃးၶႃႈၸဝ်ႈလူင်းၵႂႃႇၵႃႈၼႂ်းၶုမ်ပႃႇႁဵဝ်ႈၸိုင်ၼႂ်းလိူတ်ႈၶႃႈၸဝ်ႈၼၼ်ႉ တၵ်းမီးဢၵျူဝ်းၵႃႈသင်တီႈၶႃႈ။မုၼ်ႈလိၼ်တၵ်းယွင်ႈယေႃးၸဝ်ႈႁဝ်းတီႈၶႃႈႁိုဝ်။တၵ်းၽုၺ်ႇဢွၵ်ႇၼႄပျႃးသႅတ်ႈၸႃႇၸဝ်ႈႁဝ်း တီႈၶႃႈႁိုဝ်။
၁၀ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈထွမ်ႇဢဝ်လႄႈႁဵတ်းၵျေးၸူးတီႈၶႃႈၸဝ်ႈ သေၵမ်းတီႈၶႃႈ။ထႃႇဝရႃႉၽြႃးတီႈၶႃႈ။ပႂ်ႉၸွႆႈပႂ်ႉထႅမ်ၶႃႈၸဝ်ႈသေၵမ်း တီႈၶႃႈ၊ဝႃႈၼင်ႇၼႆတီႈၶႃႈဢေႃႈ။
၁၁ မိူဝ်ႈၼၼ်ႉၸဝ်ႈႁဝ်းႁႂ်ႈတၢင်းဢၼ်ၶႃႈၸဝ်ႈၶင်းၶီၶင်းၽၢၼ်ၼၼ်ႉ ပဵၼ်တၢင်းဢၼ်ၵႃႈဢၼ်ဝႅၼ်တီႈၶႃႈဢေႃႈ။ၸဝ်ႈႁဝ်းထွတ်ႇလွၼ်ႈပႅတ်ႈၼင်ပေႃ ဢၼ်ၶႃႈၸဝ်ႈၼုင်ႈ ၼၼ်ႉသေလႄႈ ဢဝ်သၢႆဢႅဝ်တၢင်းဢၼ်ၸူမ်းသိူဝ်း ၼၼ်ႉႁတ်ႉပၼ်ၶႃႈၸဝ်ႈတီႈၶႃႈဢေႃႈ။
၁၂ ပိူဝ်ႈၼႆလႄႈႁူဝ်ၸႂ်ၶႃႈၸဝ်ႈတၵ်းႁဵတ်းၵႂၢမ်းတီႈၸဝ်ႈႁဝ်းလႄႈတၵ်းဢမ်ႇယူႇတဵတ်ႇတဵတ်ႇတီႈၶႃႈ။ထႃႇဝရႃႉၽြႃးၽြႃးပဵၼ်ၸဝ်ႈၵဝ်ၶႃႈတီႈၶႃႈ၊ ၶႃႈၸဝ်ႈတၵ်းယွင်ႈယေႃးၵျေးၸူးၸဝ်ႈႁဝ်းယူႇ တႃႇသေႇဢမ်ႇထၢတ်ႇတီႈၶႃႈဢေႃႈ။