၂၇
၁ ထႃႇဝရႃႉၽြႃး ပဵၼ်ဢၼ်လႅင်းၵဝ် ၸဝ်ႈဢၼ်ၵႄႇသႄႇ ၶျွတ်ႈဢဝ်ၵဝ်ဢေႃႈ။ၵဝ်တၵ်းလႆႈၵူဝ်ႁႄၽူႈ လႂ်။ထႃႇဝရႃႉၽြႃး ပဵၼ်တီႈဢၼ်ဢသၢၵ်ႈၵဝ်သွၼ်ႈပိုင်ႈ ယူႇဢေႃႈ။
၂ ၵဝ်တၵ်းလႆႈတူၵ်းၸႂ်ၽူႈ လႂ်။မိူဝ်ႈဢၼ်ၵူၼ်းႁုၵ်းၵူၼ်းႁၢႆႉဢၼ်ဝႆႉတၢင်းၽိတ်းတီႈၵဝ် ဢိၵ်ႇတင်းရၢၼ်ႇသူႇၵဝ်တင်းလၢႆ ဢွၼ်ၵၼ်မႃးႁႂ်ႈလႆႈၶူပ်းၵိၼ် ၼိူဝ်ႉၵဝ်ၼၼ်ႉၸိုင်ၶဝ်ၶီႈလိုတ်းလႄႈလူမ်ႉဢေႃႈ။
၃ ပဵၵ်ႉသမ်ႉ ၵူၼ်းတပ်ႉႉၵူၼ်းသိုၵ်းၶျႃးတပ်ႉယူႇၽၢႆႇၼိုင်ႈတင်းၵဝ်သေၵေႃႈႁူဝ်ၸႂ်ၵဝ်တၵ်းဢမ်ႇၵူဝ်ဢမ်ႇႁႄ။ပဵၵ်ႉသမ်ႉပဵၼ်သိုၵ်းပဵၼ်သိူဝ်ၵၼ်တင်းၵဝ်သေၵေႃႈ၊ ၵဝ်တၵ်းမီးၸႂ်ဢၼ်တႄႇၼိမ်ယူႇ ၼႂ်းလွင်ႈတၢင်းၼၼ်ႉဢေႃႈ။
၄ ၵဝ်ယွၼ်းဢၶႂၢင်ႉဢၼ်ၼိုင်ႈ တီႈထႃႇဝရႃႉၽြႃးလွင်ႈဢၼ်ၵဝ်တၵ်းလႆႈယူႇၵႃႈၼႂ်းႁိူၼ်းထႃႇဝရႃႉၽြႃးၸူဝ်ႈဢသၢၵ်ႈ ႁႂ်ႈလႆႈထူပ်းႁၼ်သရေႇထႃႇဝရႃႉၽြႃးဢၼ်ႁၢင်ႊလီႁၢင်ႊငၢမ်းၼၼ်ႉလႄႈ မူၼ်ႈပျေႃႇယူႇၵႃႈ ၼႂ်းပိၵ်ႉမၢၼ်ႇမၼ်းၸဝ်ႈၼၼ်ႉယဝ်ႉ။
၅ ဢၶႂၢင်ႉၼၼ်ႉၸိုင်ၵဝ်တၵ်းလႆႈႁႃဢဝ်ဢေႃႈ။လွင်ႈမၼ်းၸမ်းၼႂ်းမိူဝ်ႈဢၼ်ၽေးဢၢၼ်ႇတရႄႇႁွတ်ႈထိုင်ၼၼ်ႉၸိုင် မၼ်းၸဝ်ႈႁူမ်ႇသုမ်ႇၵဝ်ဝႆႉ ၵႃႈၼႂ်းသုမ်ႉထဵင်မူဝ်းၵႃႇမၼ်းၸဝ်ႈၼၼ်ႉလႄႈ မၼ်းၸဝ်ႈဢဝ်ၵဝ်သိူင်ႇဝႆႉမႅပ်းဝႆႉ ၵႃႈၼႂ်းသုမ်ႉထဵင်မၼ်းၸဝ်ႈၼၼ်ႉဢေႃႈ။
၆ ၵႃႈၼိူဝ်မၢၵ်ႇႁိၼ် မၢၵ်ႇၽႃၵေႃႈမၼ်းၸဝ်ႈဢဝ်ၵဝ်တၢင်ႇဝႆႉဢေႃႈ။တေႃႈလဵဝ်ၼႆႉၵေႃႈႁူဝ်ၵဝ် တၵ်းလႆႈၶၢမ်ႇတၢင်းဢၼ်ယွင်ႊဝႆႉၵႃႈၼိူဝ်ရၢၼ်ႇသူႇၵဝ်ဢၼ်လွမ်ႉႁွပ်ႈၵဝ်ယူႇၼၼ်ႉဢေႃႈ။ပိူဝ်ႈၼႆလႄႈၵဝ်တၵ်းပုၵ်ႉၸေႃႇယိၸ်ႉတၢင်းဢၼ်ၸူမ်းသိူဝ်းတင်းလၢႆ ၵႃႈၼႂ်းသုမ်ႉထဵင်မၼ်းၸဝ်ႈလႄႈတၵ်းႁဵတ်းၵႂၢမ်းယူႇဢေႃႈ။တၵ်းႁဵတ်းၵႂၢမ်းယွင်ႈယေႃးထေႃးပၼႃႇတီႈ ထႃႇဝရႃႉၽြႃးဢေႃႈ။
၇ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈထွမ်ႇငိၼ်းမိူဝ်ႈဢၼ်ၶႃႈၸဝ်ႈ ဢဝ်သဵင်ၶႃႈၸဝ်ႈသေလႄႈ ႁွင်ႉသႅၼ်ႇၼၼ်ႉသေၵမ်းတီႈၶႃႈ။ၶႅၼ်းတေႃႈဢိတ်းလူၶႃႈၸဝ်ႈ လႄႈဢိူဝ်ႈၶႃႈၸဝ်ႈ သေၵမ်းတီႈၶႃႈ။
၈ မိူဝ်ႈဢၼ်ၸဝ်ႈႁဝ်းမီးဢမိင်ႉလႄႈဝႃႈ၊- ႁႃၼႃႈၵဝ်တႃႉ၊ ဝႃႈၼင်ႇၼႆၼၼ်ႉၸိုင် ႁူဝ်ၸႂ်ၶႃႈၸဝ်ႈလဝ်ႈလၢတ်ႈတီႈၸဝ်ႈႁဝ်းလႄႈဝႃႈ၊-ထႃႇဝရႃႉၽြႃးတီႈၶႃႈ။ၶႃႈၸဝ်ႈတၵ်းႁႃၼႃႈၸဝ်ႈႁဝ်းတီႈၶႃႈဢေႃႈ၊ ဝႃႈၼင်ႇၼႆတီႈၶႃႈ ဢေႃႈ။
၉ ယႃႇပေဝၢႆႇၼႃႈပႅတ်ႈၶႃႈၸဝ်ႈသေၵမ်းတီႈၶႃႈ။ၸဝ်ႈႁဝ်းၸႂ်မႆႈၶႂ်ႈၸႃႉလႄႈ ယႃႇပေပႄႇပႅတ်ႈၶႃႈၸဝ်ႈသေၵမ်းတီႈၶႃႈ။ၸဝ်ႈႁဝ်းပဵၼ်ၸဝ်ႈဢၼ်ၸွႆႈထႅမ်မႃႉၸႃႉၶႃႈၸဝ်ႈလႄႈ ယႃႇပေၸုၼ်ႉပႅတ်ႈၶႃႈၸဝ်ႈသေ ၵမ်းတီႈၶႃႈ။
၁၀ ၽြႃးဢၼ်ၵႄႇသႄႇၶျွတ်ႈဢဝ်ၶႃႈၸဝ်ႈတီႈၶႃႈ၊ ပဵၵ်ႉသမ်ႉ ပေႃႈမေႈၶႃႈၸဝ်ႈၸိူဝ်းၼၼ်ႉၸုၼ်ႉပႅတ်ႈၶႃႈၸဝ်ႈသေၵေႃႈ ထႃႇဝရႃႉၽြႃးတၵ်းဢုမ်ႈႁွပ်ႇ ဢဝ်ၶႃႈၸဝ်ႈတီႈၶႃႈဢေႃႈ။
၁၁ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈသင်ႇသွၼ်ပၼ် သဵၼ်ႈတၢင်းၸဝ်ႈႁဝ်းတီႈၶႃႈၸဝ်ႈသေၵမ်းတီႈၶႃႈ။ၶႅၼ်းတေႃႈဢဝ်ၶႃႈၸဝ်ႈၵႂႃႇသူင်ႇၵႃႈၼႂ်းသဵၼ်ႈတၢင်းဢၼ်ၵဵင်ႈလီပဵင်းလီၼၼ်ႉ ၵွပ်ႈပိူဝ်ႈရၢၼ်ႇသူႇၶႃႈၸဝ်ႈၸိူဝ်းၼၼ်ႉသေၵမ်း တီႈၶႃႈ။
၁၂ ယႃႇပေဢဝ်ၶႃႈၸဝ်ႈဢၢပ်ႈပၼ်ၵႃႈတီႈ ဢလူဝ်ႇရၢၼ်ႇသူႇၶႃႈၸဝ်ႈၸိူဝ်းၼၼ်ႉ သေၵမ်းတီႈၶႃႈ။လွင်ႈမၼ်းၸမ်း ၶဝ်ၸိူဝ်းဢၼ်ၶၢမ်ႇသၢၵ်ႈသေႇဢၼ်ဢမ်ႇမၢၼ်ႇဢမ်ႇမႅၼ်ႈဢိၵ်ႇတင်း ၶဝ်ၸိူဝ်းဢၼ်ထူၺ်ႈၸႂ်လူင်ႁႅင်းၼႃႇ ႁႂ်ႈလႆႈၼိၵ်ႈၸၢၵ်ႈငႅၼ်းသေးၼၼ်ႉ ဢွၼ်ၵၼ်လုၵ်ႉၶဵင်ႇလုၵ်ႉတႃႉၶႃႈၸဝ်ႈယူႇတီႈၶႃႈ ဢေႃႈ။
၁၃ ပေႃးၵဝ်ဢမ်ႇမီးတၢင်းဢၼ်ယုမ်ႇမၢတ်ႈလွင်ႈဢၼ်ၵဝ်တၵ်းထူပ်းႁၼ်ၵျေးၸူးထႃႇဝရႃႉၽြႃး ၵႃႈၼႂ်းတီႈယူႇ ၶဝ်ၸိူဝ်းဢၼ်ဢသၢၵ်ႈလိပ်းယူႇၼၼ်ႉၸိုင်ႁႅင်းၵဝ်တၵ်းဢူၼ်ႈၵႂႃႇႁၢႆၵႂႃႇယူႇဢေႃႈ။
၁၄ မုင်ထႃႈမွင်းထႃႈထႃႇဝရႃႉၽြႃးတႃႉ။ဢဝ်ႁႅင်းလႄႈမီးႁူဝ်ၸႂ်ဢၼ်ႁတ်းဢၼ်ႁၢၼ်တႃႉ။မုင်ထႃႈမွင်းထႃႈထႃႇဝရႃႉၽြႃးယူႇတႃႉ။