၁၄
၁ ၵေႃႉဢၼ်မိူၵ်ႈၼၼ်ႉ ၸၢင်ႊလၢတ်ႈၵႃႈၼႂ်းႁူဝ်ၸႂ်မၼ်းလႄႈဝႃႈ၊-ၽြႃးပဵၼ်ၸဝ်ႈဢမ်ႇမီး၊ဝႃႈၼင်ႇၼႆဢေႃႈ။ၶဝ်ပဵၼ်ဢၼ်ၽင်ႉဢူႉတူႇၼဝ်ႈဝႆႉလႄႈၸၢင်ႊႁဵတ်းလွင်ႈတၢင်းဢၼ် လီႁင်ႈဢဵတ်ႇသဵတ်ႇၼၼ်ႉဢေႃႈ။ၵေႃႉဢၼ်ႁဵတ်း လွင်ႈတၢင်းဢၼ်လီဢၼ်ငၢမ်းဢမ်ႇ မီးသေၵေႃႉသေၵူၼ်း။
၂ ထႃႇဝရႃႉၽြႃးယူႇၵႃႈၼိူဝ်ၽုင်ႇၵၢင်ႁၢဝ်လႄႈ မုင်တူၺ်းၵူၼ်းတင်းလၢႆႁႂ်ႈလႆႈႁူႉႁၼ်လွင်ႈဢၼ်ဝႃႈ ၵေႃႉဢၼ်ႁူႉဢၼ်ၸႅင်ႈၵေႃႉဢၼ်ႁႃၽြႃးပဵၼ်ၸဝ်ႈၼၼ်ႉၸွင်ႇမီးသေၵေႃႉသေၵူၼ်းႁိုဝ် ဢမ်ႇမီးႁိုဝ်ၼၼ်ႉဢေႃႈ။
၃ ၵူၼ်းတင်းသဵင်ႈတင်းလူင်ၽိတ်းတၢင်းယဝ်ႉ။ပဵၼ်ဢၼ်ၽင်ႉဢူႉတူႇၼဝ်ႈၵႂႃႇမိူၼ်မိူၼ်ၵၼ်ယဝ်ႉ။ၵေႃႉဢၼ်ၵမ်ၵျၢင်ႉတၢင်းၵမ်တၢင်းၵျၢင်ႉဢၼ်လီဢမ်ႇမီး။ဢမ်ႇမီးသေၵေႃႉ။
၄ ၵူၼ်းဢႃႉထမ်ႇမႃႉ တင်းသဵင်ႈတင်းလူင်ဢၼ်ၶူပ်းၵိၼ်ၵူၼ်းၵဝ်တင်းလၢႆ မိူၼ်ၸိူဝ်ႉၼင်ႇၵိၼ်ၶဝ်ႈမုၼ်းၼၼ်ႉလႄႈ ဢမ်ႇႁဵတ်းပထၼႃႇတီႈထႃႇဝရႃႉၽြႃးၼၼ်ႉ ယင်းဢမ်ႇႁူႉလႄႈယူႇႁိုဝ်း။
၅ ၵႃႈတီႈၼၼ်ႉၶဝ်တၵ်းမီးတၢင်းဢၼ်ၵူဝ်ဢၼ်ႁႄယူႇဢေႃႈ။လွင်ႈမၼ်းၸမ်းၽြႃးပဵၼ်ၸဝ်ႈ မီးယူႇၽၢႆႇမဵဝ်းၵူၼ်းဢၼ်သိုဝ်ႈတေႃႇ ၼၼ်ႉဢေႃႈ။
၆ သူၸၢင်ႊႁႂ်ႈတၢင်းၵျၢမ်ႇတၢင်းပွင်ၵေႃႉဢၼ်ယၢၵ်ႈဢၼ်ၽၢၼ်ၼၼ်ႉ ဢူၵ်းဢၢႆၵွပ်ႈပိူဝ်ႈဢၼ်ထႃႇဝရႃႉၽြႃး ပဵၼ်တီႈဢၼ်မၼ်းသွၼ်ႈပိုင်ႈၼၼ်ႉ ယူႇဢေႃႈ။
၇ ႁႂ်ႈၵျေးၸူးတၢင်းဢၼ်ၵႄႇသႄႇၶျွတ်ႈဢဝ်မဵဝ်းဢိသရေႇလ ၼၼ်ႉပေႃႇဢွၵ်ႇၵႃႈၼိူဝ်လွႆၸိဢုၼ်ႇသေၵမ်းလူၺ်ႈ။မိူဝ်ႈဢၼ်ထႃႇဝရႃႉၽြႃးသမ်ႉဢဝ်ၵူၼ်းမၼ်းၸဝ်ႈတင်းလၢႆ ဢၼ်လႆႈၶၢမ်ႇတၢင်းဢၼ်ႁုပ်ႈသိမ်းဢဝ်ၵႂႃႇၼၼ်ႉ ၶိုၼ်းမႃးၼၼ်ႉၸိုင်ယႃႇၵုပ်ႉတၵ်းသႂၢင်ႇသိူဝ်းလႄႈ ဢိသရေႇလတၵ်းမူၼ်ႈပျေႃႇယူႇဢေႃႈ။