၁၁
၁ ၵဝ်ဢိင်ပိုင်ႈထႃႇဝရႃႉၽြႃးယူႇဢေႃႈ။ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈသူလၢတ်ႈတီႈဝိၺိၺ်ႇၵဝ်လႄႈဝႃႈ၊-မႂ်းပၢႆၵႂႃႇၸူးၵႃႈတီႈလွႆႈဢၼ်မႂ်းယူႇၼၼ်ႉ မိူၼ်ၸိူဝ်ႉၼင်ႇၼူၵ်ႉ ၼၼ်ႉတႃႉ၊ဝႃႈၸိူဝ်ႉၼင်ႇၼႆ။
၂ တူၺ်းလူႊ။ၶဝ်ၸိူဝ်းဢၼ်ဢမ်ႇတြႃးၼၼ်ႉဝူတ်ႉၵၢင်ႇသေလႄႈ ဢဝ်ပိုၼ်ၶဝ်တၢင်ႇသႂ်ႇဝႆႉၵႃႈၼိူဝ်သၢႆၵၢင်ႇ ၵႃႈၼႂ်းတီႈဢၼ်လပ်းသိင်ႇၼၼ်ႉလႄႈႁႂ်ႈလႆႈယိုဝ်းၶဝ်ၸိူဝ်းဢၼ်ၸႂ်သ ၽေႃးသိုဝ်ႈယူဝ်းၼၼ်ႉဢေႃႈ။
၃ ပေႃးငဝ်ႈႁၢၵ်ႈလူႉလႅဝ်ၸိုင်ၵေႃႉဢၼ်သိုဝ်ႈတေႃႇၼၼ်ႉ တၵ်းႁဵတ်းၸိူဝ်ႉၼင်ႇႁိုဝ်လႆႈ။ထႃႇဝရႃႉၽြႃးမီးယူႇၵႃႈၼႂ်းပိၵ်ႉမၢၼ်ႇမၼ်း ၸဝ်ႈဢၼ်မူတ်းၸၢင်ႇၼၼ်ႉဢေႃႈ။
၄ ပလၢင်ႇထႃႇဝရႃႉၽြႃးၼၼ်ႉ တႄႇယူႇၵႃႈၼိူဝ်ၵၢင်ႁၢဝ်လႄႈမၢၵ်ႇတႃမၼ်းၸဝ်ႈၼၼ်ႉ လူႈတူၺ်းယူႇၸႅတ်ႈတူၺ်းလုၵ်ႈၵူၼ်းတင်းလၢႆယူႇဢေႃႈ။
၅ ထႃႇဝရႃႉၽြႃးလူႈတူၺ်းၵေႃႉဢၼ်သိုဝ်ႈတေႃႇၼၼ်ႉယူႇလႄႈ ဝိၺိၺ်ႇမၼ်းၸဝ်ႈၸင်းၵေႃႉဢၼ်ဢမ်ႇတြႃး ဢိၵ်ႇတင်းၵေႃႉဢၼ် မီးၸႂ်ၶႂ်ႈႁိမ်ႁူင်ႇယႃႉယူၵ်ႉၼၼ်ႉဢေႃႈ။
၆ မၼ်းၸဝ်ႈတၵ်းႁႂ်ႈၽူၼ် ဢၼ်ပဵၼ်ႁဵဝ်ႉပဵၼ်ၶိုမ်းတူၵ်းသႂ်ႇၵႃႈၼိူဝ်ၶဝ်ၸိူဝ်းဢၼ်ဢမ်ႇတြႃးၼၼ်ႉလႄႈ ၽႆးၵၢၼ်ႉလူမ်းၽိဝ်ႁူင်ဢၼ်မႆႈႁွၼ်ႉၸိူဝ်းၼၼ်ႉ တၵ်းပဵၼ်ပုၼ်ႈဢၼ်ၶဝ် တၵ်းၵိၼ်ဢေႃႈ။
၇ ထႃႇဝရႃႉၽြႃးႁဵတ်းၸွမ်းၼင်ႇတြႃးလႄႈ မၼ်းၸဝ်ႈၵျိူၵ်ႈဢမူႉ လွင်ႈတၢင်းဢၼ်တြႃးၼၼ်ႉဢေႃႈ။ၵေႃႉဢၼ်ၸႂ်သၽေႃးသိုဝ်ႈယူဝ်းၼၼ်ႉၸမ်းတၵ်းလႆႈႁၼ်ၼႃႈမၼ်းၸဝ်ႈဢေႃႈ။