Chapter
၃
၁ ထႃႇဝရႃႉၽြႃးတီႈၶႃႈ၊ ရၢၼ်ႇသူႇၶႃႈၸဝ်ႈၸိူဝ်းၼၼ်ႉယႂ်ႇၽႄတူဝ်းတွၼ်းမႃးၼႃႇလူင်လၢင်လႄႈ ၶဝ်ၸိူဝ်းဢၼ်လုၵ်ႉယူႇၽၢႆႇၼိုင်ႈတင်း ၶႃႈၸဝ်ႈၸိူဝ်းၼၼ်ႉ ၼမ်ၵိုၼ်းၼႃႇလူင်လၢင်တီႈၶႃႈဢေႃႈ။
၂ ၶဝ်ၸိူဝ်းဢၼ်လၢတ်ႈတီႈႁူဝ်ၸႂ်ၶႃႈၸဝ်ႈလႄႈဝႃႈ၊-မၼ်းဢမ်ႇလႆႈၵတ်းယဵၼ်ၶျၢမ်းသႃႇတီႈၽြႃးပဵၼ်ၸဝ်ႈၵူၺ်း၊ ဝႃႈၼင်ႇၼႆၼၼ်ႉမီးၼမ်ၼႃႇလူင်လၢင်တီႈၶႃႈဢေႃႈ။ၸေႇလႃႇ။
၃ ၵူၺ်းၵႃႈ ထႃႇဝရႃႉၽြႃးတီႈၶႃႈ၊ ၸဝ်ႈႁဝ်းပဵၼ်ဢၼ်ႁႄႉဢၼ်ၵင်ႈၶႃႈၸဝ်ႈ မုၼ်ၽုင်းၶႃႈၸဝ်ႈ ၸဝ်ႈဢၼ်ယုၵ်ႉယွင်ႈႁူဝ်ၶႃႈၸဝ်ႈတီႈၶႃႈဢေႃႈ။
၄ ၵဝ်ၵိဝ်သဵင် ၵဝ်ႁွင်ႉသႅၼ်ႇႁွင်ႉႁႃတီႈထႃႇဝရႃႉၽြႃးလႄႈမၼ်းၸဝ်ႈဢၼ်ယူႇၵႃႈၼိူဝ်လွႆၸဝ်ႈ ဢၼ်မူတ်း ၸၢင်ႇၼၼ်ႉထွမ်ႇငိၼ်းယူႇဢေႃႈ။
၅ ၵွပ်ႈပိူဝ်ႈဢၼ်ထႃႇဝရႃႉၽြႃးၸွႆႈထႅမ်မႃႉၸႃႉၵဝ်ယူႇလႄႈၵဝ်မီးဢၶႂၢင်ႉ ဢၼ်တိုၼ်ႇမႃးဢေႃႈ။
၆ ၵဝ်ယင်းဢမ်ႇၵူဝ်ဢမ်ႇႁႄၵူၼ်းမိုၼ်ႇၵူၼ်းသႅၼ် ဢၼ်ႁဵတ်းရၢၼ်ႇတီႈၵဝ်သေလႄႈလွမ်ႉလဵပ်ႈႁွပ်ႈၵဝ်ယူႇၼၼ်ႉ။
၇ ထႃႇဝရႃႉၽြႃးတီႈၶႃႈ၊ ၶႅၼ်းတေႃႈလုၵ်ႉသေၵမ်းတီႈၶႃႈ။ၽြႃးပဵၼ်ၸဝ်ႈၵဝ်ၶႃႈတီႈၶႃႈ၊ ၶႅၼ်းတေႃႈၵႄႇသႄႇၶျွတ်ႈဢဝ်ၶႃႈၸဝ်ႈသေၵမ်းတီႈၶႃႈ။ၸဝ်ႈႁဝ်းပေႃႉတူပ်းလုပ်ႇၵႅမ်ႈရၢၼ်ႇသူႇၶႃႈၸဝ်ႈ တင်းသဵင်ႈတင်းလူင်သေလႄႈ ႁၵ်းၶဵဝ်ႈၶဝ်ၸိူဝ်းဢၼ်ဢမ်ႇတြႃးၼၼ်ႉ ပႅတ်ႈတီႈၶႃႈဢေႃႈ။
၈ တၢင်းဢၼ်ၵႄႇၶျွတ်ႈဢဝ်ၼၼ်ႉ ၸၢပ်ႈသႅင်ႇၵၼ်တင်းထႃႇဝရႃႉၽြႃးတီႈၶႃႈဢေႃႈ။ႁႂ်ႈတၢင်းလီမင်ႇၵလႃႇၸဝ်ႈႁဝ်းၼၼ်ႉ ႁွတ်ႈထိုင်ၵႃႈၼိူဝ်ၵူၼ်းၸဝ်ႈႁဝ်းတင်းလၢႆသေၵမ်းတီႈၶႃႈ။ၸေႇလႃႇ။