Chapter
၂
၁ ၵူၼ်းမဵဝ်းတင်းလၢႆ တူင်ႉတိုၼ်ႇႁူၼ်ႈမေႃးၵွပ်ႈပိူဝ်ႈလွင်ႈၸိူဝ်ႉၼင်ႇႁိုဝ်။မုၵ်ႉၵူၼ်းၸိူဝ်းၵူၼ်းတင်းလၢႆၵျၢမ်ႇပွင်ဢၼ်လၢႆလၢႆဢမ်ႇပွင်ႇလွင်ႈၵႃႈသင် ၵွပ်ႈပိူဝ်ႈလွင်ႈ တၢင်းၸိူဝ်ႉၼင်ႇႁိုဝ်။
၂ ၶုၼ်ႁေႃၶမ်းလေႃးၵီႇတင်းလၢႆလုၵ်ႉၸုၵ်းလႄႈ မူးမၢတ်ႈၽွင်းမိူင်းတင်းလၢႆၽွမ်ႉၵၼ်ႁဵတ်းၶတ်းၶဵင်ႇႁႅင်းတႃႉထႃႇဝရႃႉၽြႃး ဢိၵ်ႇတင်းၸဝ်ႈဢၼ်လႆႈၶၢမ်ႇၽိၵ်ႉသိၵ်ႈမၼ်းၸဝ်ႈၼၼ်ႉ လႄႈဝႃႈ၊-
၃ ဢဝ်တၢင်းဢၼ်ၶဝ်မတ်ႉၽုၵ်ႇၼၼ်ႉ ၶၢတ်ႇပႅတ်ႈလႄႈပႄႇၸိူၵ်ႈၶဝ်ၸိူဝ်းၼၼ်ႉပႅတ်ႈသေတီႈႁဝ်းတႃႉႁဝ်း ဝႃႈ ၼင်ႇၼႆဢေႃႈ။
၄ ၸဝ်ႈဢၼ်ၼင်ႈယူႇၵႃႈၼိူဝ်ၽုင်ႇၵၢင်ႁၢဝ်ၼၼ်ႉတၵ်းယုမ်ႉၶုဝ်သေလႄႈ ထႃႇဝရႃႉၽြႃးၼၼ်ႉ တၵ်းႁဵတ်းပျၢၵ်ႈသေႉသွမ်းၶဝ်ဢေႃႈ။ၵမ်းၼၼ်ႉမၼ်းၸဝ်ႈၸႂ်မႆႈၶႂ်ႈၸႃႉသေလႄႈ မီးဢမိင်ႉတီႈၶဝ် ဢေႃႈ။
၅ မၼ်းၸဝ်ႈတၵ်းပႃးတင်းတၢင်းၸႂ်မႆႈၶႂ်ႈၸႃႉဢၼ်ႁၢဝ်ႈၵျၢမ်းၼႃႇၼၼ်ႉသေလႄႈ ႁဵတ်းႁႂ်ႈၶဝ်ယၢပ်ႇ ၸႂ်ယုင်ႈၸႂ်ဢေႃႈ။
၆ ၶုၼ်ႁေႃၶမ်းၵဝ်ၸိုင်ၵဝ်ၶၢၼ်းဝႆႉၵႃႈၼိူဝ် လွႆၸိဢုၼ်ႇ ဢၼ်ဝႃႈလွႆဢၼ်မူတ်းၸၢင်ႇၵဝ် ၼၼ်ႉယဝ်ႉ။
၇ ၵဝ်တၵ်းမွၵ်ႇလၢတ်ႈပျႃႇတိၵ်ႈၸဝ်ႈဢေႃႈ။ထႃႇဝရႃႉၽြႃးလၢတ်ႈတီႈၵဝ်လႄႈဝႃႈ၊- မႂ်းပဵၼ်လုၵ်ႈၸၢႆးၵဝ်ဢေႃႈ။ၼႂ်းဝၼ်းမိူဝ်ႈၼႆႉၵဝ်ႁႂ်ႈမႂ်းၵိူတ်ႇလဵင်ႉ ပဵၼ်မႃးယဝ်ႉ။
၈ ယွၼ်းတီႈၵဝ်တႃႉ။ၵဝ်တၵ်းဢဝ်ၵူၼ်းၵူႈၸိူဝ်ႉၵူႈမဵဝ်းပၼ်ႁႂ်ႈပဵၼ်ပုၼ်ႈဢုၵ်ႉၸႃႇဢမူၺ်ႇမႂ်းဢိၵ်ႇတင်း တီႈသုတ်းတီႈၵွႆလိၼ်မိူင်းၼၼ်ႉ ႁႂ်ႈပဵၼ် ပုၼ်ႈဢၼ်မႂ်းတၵ်းထိူၵ်ႈပိူင်ႇဢေႃႈ။
၉ မႂ်းတၵ်းဢဝ်ၶဝ်တႅၵ်ႇလႅဝ်လူၺ်ႈၵၼ်းႁွၵ်ႇလဵၵ်းလႄႈ ဢဝ်ၶဝ်ထိမ်ႈတူၵ်းတႅၵ်ႇပဵၼ်ၽၢၵ်ႇပဵၼ်ၽိၵ်ႇပႅတ်ႈ မိူၼ်ၸိူဝ်ႉၼင်ႇဢၼ်ဢဝ်မေႃႈလိၼ်တႅၵ်ႇလႅဝ်ပႅတ်ႈၼၼ်ႉဢေႃႈ၊ ဝႃႈၼင်ႇၼႆယဝ်ႉ။
၁၀ ပိူဝ်ႈၼႆလႄႈ ၶုၼ်ႁေႃၶမ်းၶဝ်ဢိူၺ်း၊ဢွၼ်ၵၼ်မီးသတိပိင်ႇၺႃႇတႃႉ။ၶုၼ်လေႃးၵီႇဢၼ်ၸီႇယၢင်ႇတြႃးၶဝ်ဢိူၺ်း၊ ဢွၼ်ၵၼ်ၶၢမ်ႇဢဝ်တၢင်း ဢၼ်သင်ႇသွၼ်သုင်းမႃႉတႃႉ။
၁၁ ဢွၼ်ၵၼ်မီးၸႂ်ဢၼ်ရူဝ်ႇသေႇၵူဝ်ယမ်သေလႄႈၵိုတ်ႉႁၢပ်ႇဢမူႉထႃႇဝရႃႉၽြႃးတႃႉ။ဢွၼ်ၵၼ်မီးတၢင်းဢၼ်သၼ်ႇဢၼ်ဝႆသေ လႄႈၸူမ်းသိူဝ်းတႃႉ။
၁၂ ဢွၼ်ၵၼ်ၸုပ်ႇၼူမ်လုၵ်ႈၸဝ်ႈတႃႉ။ပေႃးဢမ်ႇၼၼ်ၸိုင် မၼ်းၸဝ်ႈတၵ်းၸႂ်မႆႈၶႂ်ႈၸႃႉလႄႈသူတၵ်းႁွတ်ႈထိုင် တၢင်းလူႉတၢင်းလႅဝ်ၵႃႈၼႂ်းၵၢင်တၢင်းဢေႃႈ။ဢမ်ႇႁိုင်ယဝ်ႉ။တၢင်းၸႂ်မႆႈၶႂ်ႈၸႃႉမၼ်းၸဝ်ႈတၵ်းဢွၵ်ႇဢေႃႈ။ၶဝ်ၸိူဝ်းဢၼ်ဢိင်ပိုင်ႈမၼ်းၸဝ်ႈတင်းသဵင်ႈတင်းလူင်ၼၼ်ႉ မီးမင်ႇၵလႃႇဢေႃႈ။