၉၅
၁ မႃးမႃးဢိူၺ်း၊ ဢွၼ်ၵၼ်ႁဵတ်းၵႂၢမ်းတၢင်းဢၼ်သႂၢင်ႇဢၼ်သိူဝ်းတီႈထႃႇဝရႃႉၽြႃးတႃႉႁဝ်း။ဢွၼ်ၵၼ်ဢဝ်တင်းသဵင်ဢၼ်ယႂ်ႇၼႃႇ ႁွင်ႉသႅၼ်ႇတီႈမၢၵ်ႇႁိၼ်မၢၵ်ႇၽႃ တၢင်းဢၼ်ၵႄႇသႄႇၶျွတ်ႈဢဝ်ႁဝ်းၼၼ်ႉ တႃႉ ႁဝ်း။
၂ ဢွၼ်ၵၼ်ဢဝ်တင်းတၢင်းဢၼ်ယွင်ႈယေႃးၵျေးၸူးမၼ်းၸဝ်ႈ ၶဝ်ႈၵႂႃႇၵႃႈတီႈၽၢႆႇၼႃႈမၼ်းၸဝ်ႈလႄႈ ဢဝ်တင်းတၢင်းဢၼ် ႁဵတ်းၵႂၢမ်းသႃႇလၢမ်ႇႁွင်ႉသႅၼ်ႇသဵင်ဢၼ်ယႂ်ႇၼႃႇ တီႈမၼ်းၸဝ်ႈတႃႉႁဝ်း။
၃ လွင်ႈမၼ်းၸမ်းထႃႇဝရႃႉၽြႃးပဵၼ်ၽြႃးမႂ်း ဢၼ်ယႂ်ႇမျၢတ်ႈၼႃႇ၊ ၶုၼ်ႁေႃၶမ်းဢၼ်ယႂ်ႇမျၢတ်ႈၼႃႇသေ ၽြႃးတင်းသဵင်ႈတင်းလူင်ၼၼ်ႉဢေႃႈ။
၄ တီႈဢၼ်လိုၵ်ႉဢၼ်လမ်ႇလိၼ်မိူင်းၸိူဝ်းၼၼ်ႉ မီးယူႇၵႃႈၼႂ်းမိူင်းမၼ်းၸဝ်ႈလႄႈ ပၢႆလွႆၸိၵ်းလွႆတင်းလၢႆၵေႃႈ ပဵၼ်ၶွင် မၼ်းၸဝ်ႈဢေႃႈ။
၅ ပၢင်ႇလၢႆ ပဵၼ်ၶွင်မၼ်းၸဝ်ႈလႄႈပဵၼ်မၼ်းၸဝ်ႈႁဵတ်းပဵၼ်ဢေႃႈ။ဢၼ်ပဵၼ်လိၼ်ပဵၼ်ၵုၼ်ၵေႃႈ မၼ်းၸဝ်ႈ ဢဝ်တင်းမိုဝ်းမၼ်းၸဝ်ႈမႄးႁဵတ်းဢေႃႈ။
၆မႃးမႃးဢိူၺ်း၊ ဢွၼ်ၵၼ်ၵူဝ်းၵႂၢႆႇလႄႈ ၵူမ်ႈၵွမ်းတႃႉႁဝ်း။ဢွၼ်ၵၼ်ၶုပ်ႉၶဝ်ႇၵႃႈတီႈၽၢႆႇၼႃႈထႃႇဝရႃႉၽြႃးဢၼ်ၽၢၼ်ႇသၢင်းႁဵတ်း ပဵၼ်ႁဝ်းၼၼ်ႉတႃႉႁဝ်း။
၇ လွင်ႈမၼ်းၸမ်း မၼ်းၸဝ်ႈပဵၼ်ၽြႃးႁဝ်းလႄႈ ႁဝ်းၵေႃႈပဵၼ်ၶဝ်ၸိူဝ်းဢၼ် ယၢမ်ႈၵိၼ်ယူႇတီႈမၼ်းၸဝ်ႈၽုင်သူဝ်းဢၼ်ယူႇ ၵႃႈတႂ်ႈမိုဝ်းမၼ်းၸဝ်ႈၼၼ်ႉ ဢေႃႈ။
၈ ၼႂ်းဝၼ်းမိူဝ်ႈၼႆႉ၊ပေႃးသူတၵ်းငိၼ်းသဵင်ပျႃႇ တိၵ်ႈၸဝ်ႈၸိုင်တၵ်းလီဢေႃႈ။
၉ ယႃႇပေမီးႁူဝ်ၸႂ်ဢၼ်ၵႅၼ်ႇဢၼ်ၶႅင် မိူၼ်ၸိူဝ်ႉၼင်ႇဢၼ်မီးၵႃႈတီႈ မေႇရိၽ ၼႂ်းဝၼ်းဢၼ်ၸၢမ်းတူၺ်းယႃႉယူၵ်ႉၵႃႈၼႂ်းထိူၼ်ႇတီႈဢၼ်ပူႇပေႃႈသူ ၸႅတ်ႈထၢမ်ၸၢမ်းတူၺ်းယႃႉယူၵ်ႉ ၵူႈၸိူဝ်ႉၵူႈပိူင်သေလႄႈ ႁၼ်လွင်ႈတၢင်းဢၼ်ၵဝ်ႁဵတ်း တင်းလၢႆၼၼ်ႉ။
၁၀ သီႇသိပ်းပီႊတဵမ်တဵမ်ၵဝ်လီႁင်ႈၵူၼ်းမဵဝ်းၼၼ်ႉလႄႈဝႃႈ၊- ၶဝ်မီးၸႂ်သၽေႃးဢၼ်ၸၢင်ႊၽိတ်းပိူင်ႈဢေႃႈ။ၶဝ်ဢမ်ႇႁူႉသဵၼ်ႈတၢင်းဢၼ်ၵဝ်ၵႂႃႇ မႃးယူႇၼၼ်ႉဝႃႈၼင်ႇၼႆဢေႃႈ။
၁၁ ပိူဝ်ႈၼႆလႄႈၵဝ်ၸႂ်မႆႈၶႂ်ႈၸႃႉလႄႈတိူင်ႇဝႃႈ၊ ၶဝ်ဢမ်ႇလႆႈၶဝ်ႈၵႃႈၼႂ်းၵတ်းယဵၼ်ၶျၢမ်းသႃႇၵဝ်၊ ဝႃႈၼင်ႇၼႆဢေႃႈ။