၉၂
၁ တၢင်းဢၼ်ယွင်ႈယေႃး ၵျေးၸူးထႃႇဝရႃႉၽြႃးလႄႈႁဵတ်းၵႂၢမ်းထေႃးပၼႃႇတီႈ ၼႃႇမႃႉၸိုဝ်ႈသဵင်ၽြႃး ဢၼ်သုင်ၼႃႇသေပိူၼ်ႈ၊
၂ တၢင်းဢၼ်ဢဝ်တင်းတူႇရီ့ယႃႇဢၼ်မီးသၢႆသိပ်းသဵၼ်ႈ ဢိၵ်ႇတင်းတရေႃး တင်းသဵင်ဢၼ်လီဢၼ်ဝၢၼ် ဢၼ်လဵတ်းတီႈတိင်ႇၸိူဝ်း ၼၼ်ႉသေလႄႈ
၃ ၼႄပျႃးၵရူႉၼႃႇၸဝ်ႈႁဝ်းၶိင်ႇၵၢင်ၼႂ်ဢိၵ်ႇတင်းသႅတ်ႈၸႃႇၸဝ်ႈႁဝ်း ၶိင်ႇၵၢင်ၶိုၼ်းၵူႈၶိုၼ်းဢမ်ႇထၢတ်ႇၼၼ်ႉ ပဵၼ်ဢၼ်ထုၵ်ႇဢၼ်လီၼႃႇလူင်လၢင်တီႈၶႃႈဢေႃႈ။
၄ ထႃႇဝရႃႉၽြႃးတီႈၶႃႈ၊ ၸဝ်ႈႁဝ်းႁႂ်ႈၶႃႈၸဝ်ႈၸူမ်းသိူဝ်းၵွပ်ႈပိူဝ်ႈ လွင်ႈတၢင်းဢၼ်ၸဝ်ႈႁဝ်းၸီႇယၢင်ႇႁဵတ်းဝႆႉၸိူဝ်းၼၼ်ႉလႄႈ ၶႃႈၸဝ်ႈတၵ်းႁဵတ်းၵႂၢမ်းဢၼ်သႂၢင်ႇဢၼ်သိူဝ်း ၵွပ်ႈပိူဝ်ႈလွင်ႈတၢင်းဢၼ်ၸဝ်ႈႁဝ်းဢဝ်မိုဝ်းၸဝ်ႈႁဝ်းပွင်ႁဵတ်းၸိူဝ်းၼၼ်ႉတီႈၶႃႈဢေႃႈ။
၅ ထႃႇဝရႃႉၽြႃးတီႈၶႃႈ၊ လွင်ႈတၢင်းဢၼ်ၸဝ်ႈႁဝ်းၸီႇယၢင်ႇႁဵတ်းဝႆႉၸိူဝ်းၼၼ်ႉယႂ်ႇၼႃႇလႄႈ တၢင်းၵျၢမ်ႇတၢင်းပွင်ၸဝ်ႈႁဝ်းၵေႃႈ လိုၵ်ႉလမ်ႇၼႃႇလူင်လၢင်တီႈ ၶႃႈဢေႃႈ။
၆ လွင်ႈတၢင်းၼၼ်ႉၵေႃႉဢၼ်မီးသၽေႃးတရိၵ်ႈသၢၼ်ႇၼၼ်ႉဢမ်ႇႁူႉ။ၵေႃႉဢၼ်မိူၵ်ႈၼၼ်ႉဢမ်ႇ ၸႅင်ႈ။
၇ မိူဝ်ႈဢၼ်ၶဝ်ၸိူဝ်းဢၼ်ဢမ်ႇတြႃးၼၼ်ႉဢွၵ်ႇမႃးမိူၼ်ၸိူဝ်ႉၼင်ႇယိူဝ်ႈယႃႈၼၼ်ႉလႄႈ ၶဝ်ၸိူဝ်းဢၼ်ႁဵတ်းဢမူႉဢႃႉထမ်ႇမႃႉၼၼ်ႉ ၼုမ်ႇလီတင်ႈလီၼၼ်ႉၸိုင် ပဵၼ်လွင်ႈဢၼ်ၶဝ်လႆႈႁွတ်ႈထိုင်တၢင်းလူႉတၢင်း လႅဝ်ထႃႇဝရႃႉဢေႃႈ။
၈ ထႃႇဝရႃႉၽြႃးတီႈၶႃႈ၊ၸဝ်ႈႁဝ်းၸမ်း မီးယူႇၵႃႈတီႈထႃႇၼႃႉ ဢၼ်သုင်ၼႃႇၼၼ်ႉ တႃႇသေႇဢမ်ႇထၢတ်ႇတီႈၶႃႈဢေႃႈ။
၉ ထႃႇဝရႃႉၽြႃးတီႈၶႃႈ၊တူၺ်းတီႈၶႃႈလူႊ။ရၢၼ်ႇသူႇၸဝ်ႈႁဝ်းတင်းလၢႆတၵ်းႁွတ်ႈထိုင်တၢင်းလူႉတၢင်းလႅဝ်လႄႈ ၶဝ်ၸိူဝ်းဢၼ်ႁဵတ်းဢမူႉဢႃႉထမ်ႇမႃႉ တင်းသဵင်ႈတင်းလူင်ၼၼ်ႉတၵ်းလႆႈၶၢမ်ႇတၢင်းဢၼ် ၽူင်ႉပိဝ်ၵႂႃႇတီႈၶႃႈဢေႃႈ။
၁၀ ၶဝ်လႅမ်ၶႃႈၸဝ်ႈၸမ်း ၸဝ်ႈႁဝ်းယုၵ်ႉယွင်ႈမိူၼ်ၸိူဝ်ႉၼင်ႇၶဝ်လႅမ်ဝူဝ်းထိူၼ်ႇၼၼ်ႉလႄႈ ဢဝ်တင်းၼမ်ႉမၼ်းဢၼ်မႂ်ႇတႃးသႂ်ႇၶႃႈၸဝ်ႈတီႈၶႃႈဢေႃႈ။
၁၁ မၢၵ်ႇတႃၶႃႈၸဝ်ႈ တူၺ်းႁၼ်ၶဝ်ၸိူဝ်းဢၼ်လွမ်တူၺ်းၶႃႈၸဝ်ႈယူႇၼၼ်ႉလႄႈ ႁူၶႃႈၸဝ်ႈငိၼ်းလွင်ႈၵူၼ်းႁၢႆႉဢၼ်ႁဵတ်းဢမ်ႇထုၵ်ႇၶတ်းၵၼ်တင်းၶႃႈၸဝ်ႈၸိူဝ်းၼၼ်ႉ တီႈၶႃႈဢေႃႈ။
၁၂ ၵေႃႉဢၼ်သိုဝ်ႈတေႃႇၼၼ်ႉ တၵ်းၽူၵ်ႈလီႁႅင်းလီမိူၼ်ၸိူဝ်ႉၼင်ႇတူၼ်ႈထၢၼ်းလႄႈ ယႂ်ႇမႃးသုင်မႃး၊ မိူၼ်ၸိူဝ်ႉၼင်ႇ တူၼ်ႈဢႃႇရိတ်ႉ ဢၼ်မီးၵႃႈၼိူဝ်လွႆလေႇ ပၼုၼ်ႇၼၼ်ႉဢေႃႈ။
၁၃ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၽုၵ်ႇသွမ်ႈၵႃႈၼႂ်းႁိူၼ်းထႃႇဝရႃႉၽြႃးၼၼ်ႉတၵ်းၽူၵ်ႈလီႁႅင်းလီၵႃႈၼႂ်းတမ်ႇတိူင်းၽြႃးပဵၼ် ၸဝ်ႈဢေႃႈ။
၁၄ ၼႂ်းမိူဝ်ႈဢၼ်ဢသၢၵ်ႈၵႄႇယႂ်ႇယဝ်ႉၼၼ်ႉၶဝ်တၵ်းမၢၵ်ႇယူႇလႄႈတဵမ်ထူၼ်ႈတဵမ်ဝႆႉ တၢင်းဢၼ်ၼုမ်ႇလီၶဵဝ်လီယူႇလႄႈ ၼႄပျႃးလွင်ႈဢၼ်ထႃႇဝရႃႉ ၽြႃးပဵၼ်ၸဝ်ႈဢၼ်သိုဝ်ႈဢၼ်တေႃႇလႄႈ
၁၅ မၼ်းၸဝ်ႈပဵၼ်မၢၵ်ႇႁိၼ်မၢၵ်ႇၽႃၵဝ်လႄႈ ၵၢင်းလွတ်ႈတင်းတၢင်းဢၼ်ဢမ်ႇတြႃးၼၼ်ႉဢေႃႈ။