၈
ဝဵင်းသမႃႇရိၶိူင်ႈတိုဝ်းၸဝ်ႈၽြႃး
၁ ထႃႇဝရႃႉၽြႃးသမ်ႉမီးဢမိင်ႉတီႈၵဝ်လႄႈဝႃႈ၊-မႂ်းဢဝ်သင်ပုၼ်မၢၵ်ႇႁိၼ်ဢၼ်ယႂ်ႇၼႃႇၼၼ်ႉသေလႄႈ ဢဝ်တင်းတူဝ်လိၵ်ႈၽႃႇသႃႇၵူၼ်း တႅမ်ႈဢၼ်ဝႃႈမႁေႇရသႃႇလႁႃႇသပၢတ်ႉၼၼ်ႉဝႆႉတႃႉ၊ဝႃႈၼင်ႇၼႆဢေႃႈ။
၂ မိူဝ်ႈၼၼ်ႉ ၵဝ်ႁွင်ႉဢဝ်သၢၵ်ႈသေႇဢၼ်ပေႃးလီယုမ်ႇဢၼ်ဝႃႈ ယိတ်ႉပရေႃးႁိၵ်ႈဢုရိယတင်းၸႃႇၶရိလုၵ်ႈၸၢႆးယေႇပရၶိၸိူဝ်းၼၼ်ႉ ႁႂ်ႈပဵၼ်သၢၵ်ႈသေႇဝႆႉဢေႃႈ။
၃ လိုၼ်းၼၼ်ႉၵဝ်သုတ်ႉၸပ်းသုတ်ႉၸူးတီႈၼၢင်း ဢၼ်ပဵၼ်ပရေႃးၽႅတ်ႈလႄႈ မၼ်းၼၼ်ႉပႃးပတိၵ်ႉသၼ်ႇထေႇသေလႄႈၵိူတ်ႇလဵင်ႉလုၵ်ႈၸၢႆးမႃးဢေႃႈ။ထႃႇဝရႃႉၽြႃးၵေႃႈမီးဢမိင်ႉတီႈၵဝ်လႄႈဝႃႈ၊-ႁွင်ႉႁိၵ်ႈၸိုဝ်လုၵ်ႈၸၢႆးၼၼ်ႉဝႃႈ မႁေႇရသႃႇလႁႃပတ်ႉ တႃႉ။
၄ လွင်ႈမၼ်းၸမ်း ၸူဝ်ႈဢၼ်လုၵ်ႈဢွၼ်ႇၼၼ်ႉဢမ်ႇပႆႇၸၢင်ႊႁွင်ႉပေႃႈၵဝ်ဢိူၺ်း၊ မေႈၵဝ်ဢိူၺ်း၊ဝႃႈၼင်ႇၼႆၼၼ်ႉၸိုင်ၶုၼ်ႁေႃၶမ်းဢႃႇသုရိ တၵ်းသိမ်းဢဝ်ၸေးၸိမ်ႇဝဵင်းထမ်ႇမသိတ်ႉဢိၵ်ႇတင်း ၶွင်ၶူဝ်းဢၼ်ႁိမ်ႁူင်ႇလႆႈၵႃႈတီႈဝဵင်းသမႃႇရိၼၼ်ႉၵႂႃႇဢေႃႈ၊ဝႃႈၼင်ႇၼႆဢေႃႈ။
၅ ထႃႇဝရႃႉၽြႃးသမ်ႉမီးဢမိင်ႉတီႈၵဝ်လႄႈဝႃႈ၊-ၵွပ်ႈပိူဝ်ႈဢၼ် ၵူၼ်းတင်းလၢႆၸိူဝ်းၼႆႉတွပ်ႇထဵင်ပႄႇပႅတ်ႈၼမ်ႉႁွင်ႊသိလွင်ႇ ဢၼ်လႆၵႂႃႇထိုင်လွႆၼိမ်လီ ၼၼ်ႉသေလႄႈ
၆ ၸူမ်းသိူဝ်းလူၺ်ႈ ရေႇၸိၼ်ႇ ဢိၵ်ႇတင်းလုၵ်ႈၸၢႆးရေႇမလိ ၼၼ်ႉလႄႈ၊ထႃႇဝရႃႉၽြႃးတၵ်းဢဝ်ၼမ်ႉႁွင်လူင် ဢၼ်ႁႅင်းယႂ်ႇလႄႈၼမ်ၼႃႇဢၼ်ဝႃႈၶုၼ်ႁေႃၶမ်းဢႃႇသုရိ
၇ ဢၼ်ပႃးဢဝ်မူၼ်ႈၽုင်းမၼ်းတင်းသဵင်ႈတင်းလူင်မႃးၼၼ်ႉ ထုမ်ႈႁူမ်ႇၶဝ်လႄႈ မၼ်းၼၼ်ႉ တၵ်းထုမ်ႈႁူမ်ႇႁွင်ႊမၼ်းယူႇလူၼ်ႉၽၢင်ႇလူၼ်ႉႁိမ်းမၼ်းယူႇသေလႄႈ ၼွင်းၽႅဝ်ႁွတ်ႈ မိူင်းယုတ လႄႈႁူမ်ႇထူမ်ႈၸွတ်ႇတူဝ်ၵႂႃႇသေ လႄႈၶိုတ်းထိုင်ၵႃႈတီႈၶေႃးဢေႃႈ။
၈ တၢင်းဢၼ်မၼ်းၵီႈပိၵ်ႇမၼ်းၼၼ်ႉ တၵ်းမုင်းႁူမ်ႇၼႃႈလိၼ်ၸဝ်ႈႁဝ်းတင်းသဵင်ႈတင်းမူတ်းတီႈၶႃႈဢေႃႈ။ဢေႇမႃႇၼူၺ်ႇလတီႈၶႃႈဢိူၺ်း။ဝႃႈၼင်ႇၼႆဢေႃႈ။
၉ ၵူၼ်းမဵဝ်းတင်းလၢႆၶဝ်ဢိူၺ်း။ဢွၼ်ၵၼ်ႁဵတ်းသဵင်ယႂ်ႇသဵင်လူင်သေလႄႈ ၶၢမ်ႇတၢင်းဢၼ်ႁၵ်းႁိၵ်းလူႉလႅဝ်တႃႉ။သူၸိူဝ်းဢၼ်ယူႇၵႃႈတီႈမိူင်းဢၼ်ၵႆတင်းသဵင်ႈတင်းလူင်ၶဝ်ဢိူၺ်း။ ဢွၼ်ၵၼ်ဝၢႆႇႁူႁႄႉႁူၸူးတႃႉ။ဢွၼ်ၵၼ်ႁတ်ႉဢႅဝ်သူသေလႄႈ ၶၢမ်ႇတၢင်းဢၼ်ႁၵ်းႁိၵ်းလူႉလႅဝ်တႃႉ။ဢွၼ်ၵၼ်ႁတ်ႉဢႅဝ်သူလႄႈၶၢမ်ႇ တၢင်းဢၼ်ႁၵ်းႁိၵ်းလူႉလႅဝ်တႃႉ။
၁၀ တိူင်ႇပၢင်ႇလၢတ်ႈၸႃၵၼ်ၸႃႉ။တၢင်းၵျၢမ်ႇတၢင်းပွင်သူတၵ်းလူႉဢေႃႈ။ဢွၼ်ၵၼ်လၢတ်ႈထွႆလၢတ်ႈၵႂၢမ်းတႃႉ။တၵ်းဢမ်ႇလႆႈတႄႇလႆႈပဵၼ်။လွင်ႈမၼ်းၸမ်းၽြႃးပဵၼ်ၸဝ်ႈမီးယူႇလူၺ်ႈၵၼ်တင်းႁဝ်းဢေႃႈ။
ရူဝ်ႇသေႇၵူဝ်ယမ်ၽြႃးပဵၼ်ၸဝ်ႈတႃႉ
၁၁ ထႃႇဝရႃႉၽြႃး ဢဝ်တင်းမိုဝ်းဢၼ်ႁႅင်းယႂ်ႇၼႃႇသင်ႇသွၼ်ပၼ်ၵဝ်လႄႈ မီးဢမိင်ႉတီႈၵဝ်ႁႂ်ႈၵဝ်ဢမ်ႇလႆႈၸွမ်းၽႃႇသႃႇသဵၼ်ႈတၢင်းၵူၼ်းမဵဝ်းၼႆႉလႄႈဝႃႈ ၸမ်း၊-
၁၂ သူယႃႇပေႁွင်ႉဝႃႈတၢင်းဢၼ်ႁဵတ်းမုၵ်ႉႁဵတ်းၸိူဝ်းၸွမ်း ၵႃႈၼင်ႇဢၼ်ၵူၼ်းမဵဝ်းၼႆႉႁွင်ႉဝႃႈတၢင်းဢၼ်ႁဵတ်းမုၵ်ႉႁဵတ်းၸိူဝ်း၊ဝႃႈၼင်ႇၼႆၼၼ်ႉ။ယႃႇပေၵုဝ်ပေႁႄ လွင်ႈတၢင်းဢၼ်ၶဝ်ၸၢင်ႊၵူဝ်ၸၢင်ႊႁႄႈ ၼၼ်ႉ။
၁၃ ယႃႇပေတူၵ်းၸႂ်လႄႈတိုၼ်ႇ။ ဢွၼ်ၵၼ်မီးတၢင်းဢၼ် ရူဝ်ႇသေႇၵူဝ်ယမ်ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးတႃႉ။ႁႂ်ႈမၼ်းၸဝ်ႈပဵၼ်တီႈဢၼ်သူၵူဝ် ႁႄ၊တီႈဢၼ်သူတူၵ်းၸႂ်လႄႈတိုၼ်ႇတႃႉ။
၁၄ ပေႃးႁဵတ်းၸိူဝ်ႉၼင်ႇၼၼ်ၸိုင် မၼ်းၸဝ်ႈတၵ်းပဵၼ်ထႃႇၼႃႉတီႈဢၼ်သွၼ်ႈပိုင်ႈဢေႃႈ။ၵူၺ်းၵႃႈမၼ်းၸဝ်ႈတၵ်းပဵၼ်မၢၵ်ႇႁိၼ်ဢၼ်တၵ်းတိူဝ်ႉမႅၼ်ႈလႄႈ လူမ်ႉတင်းမၢၵ်ႇႁိၼ်ဢၼ်ၽိတ်းပိူင်ႈၼၼ်ႉတီႈၵူၼ်း ဢိသရေႇလသွင်မဵဝ်းဢိၵ်ႇတင်းတူင်ႇႁဵဝ်ႉတင်းႁဝ်း၊ ၵၢင်ႇတီႈၵူၼ်း ဝဵင်းယေႇရုသလႅမ်ႇတင်းလၢႆဢေႃႈ။
၁၅ ၵူၼ်းၼမ်ၼႃႇတၵ်းႁွတ်ႈထိုင်တၢင်းဢၼ်တိူဝ်ႉမႅၼ်ႈလႄႈ လူမ်ႉႁၵ်းႁိၵ်းလူႉလႅဝ်၊ တၢင်းဢၼ်ထုၵ်ႇၶဵၼ်းမႅၼ်ႈလႄႈတိၵမ် လႆႈဢေႃႈ။
၁၆ ပူၵ်ႉႁေႃႇလွင်ႈတၢင်းဢၼ်ၶၢမ်ႇသၢၵ်ႈသေႇၼႆႉဝႆႉလႄႈ ဢဝ်ပိင်းၺၢပ်ႈတြႃးတွၵ်ႇတၼ်းသိၵ်ႈဝႆႉၵႃႈၼႂ်းတပေးတပၢၼ်းၵဝ်တင်းလၢႆတႃႉ၊ဝႃႈၼင်ႇၼႆ ဢေႃႈ။
၁၇ ၵဝ်တၵ်းပႂ်ႉထႃႇဝရႃႉၽြႃးဢၼ်သိူင်ႇလပ်ႉၼႃႈမၼ်းၸဝ်ႈပႅတ်ႈသေ ၵႃႈၼႂ်းမဵဝ်းယႃႇၵုပ်ႉလႄႈမုင်ႈမွင်း မၼ်းၸဝ်ႈယူႇဢေႃႈ။
၁၈ တူၺ်းလူ။ၵဝ်ဢိၵ်ႇတင်းလုၵ်ႈဢွၼ်ႇဢၼ်ထႃႇဝရႃႉၽြႃး ပၼ်တီႈၵဝ်တင်းလၢႆၼၼ်ႉပဵၼ်ၼီႈမိၵ်ႈလၢၵ်ႈၶၼႃႇ ဢိၵ်ႇတင်းလွင်ႈတၢင်းဢၼ်လီဢၢမ်းတီႈမဵဝ်းဢိသရေႇလ ဢၼ်ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး ဢၼ်ၵိင်းဝပ်ႈယူႇၵႃႈၼိူဝ်လွႆၸိ ဢုၼ်ႇပၼ်ၼၼ်ႉဢေႃႈ။
၁၉ ပေႃးၶဝ်လၢတ်ႈတီႈသူလႄႈဝႃႈ၊-ဢွၼ်ၵၼ်ႁႃဢိင်ႁႃပိုင်ႈၵူၼ်းဢၼ်ၽီၶဝ်ႈဢိၵ်ႇတင်း ၽိူဝ်ႉဢၼ်ၸၢင်ႊသွပ်ႉသႅပ်ႉလၢတ်ႈလႄႈ ရွတ်ႈမၢၼ်ႇတၢၼ်ႇၸိူဝ်းၼၼ်ႉတႃႉ၊ ဝႃႈၼင်ႇၼႆၸိုင်ၵူၼ်းႁဝ်းၼႆႉဢမ်ႇထူၵ်ႇလီႁႃဢိင်ႁႃပိုင်ႈၽြႃးပဵၼ်ၸဝ်ႈတူဝ်ၸဝ်ႈၵဝ်ႇႁိုဝ်။ ၼႂ်းဢမူႉလွင်ႈတၢင်းၵေႃႉဢၼ်ဢသၢၵ်ႈလိပ်းၼၼ်ႉ ထုၵ်ႇလီႁႃဢိင်ႁႃပိုင်ႈတီႈၵေႃႉဢၼ် ဢသၢၵ်ႈတၢႆၼၼ်ႉႁိုဝ်။
၂၀ ထွမ်ႇဢဝ်တြႃးၸဝ်ႈဢိၵ်ႇတင်းလွင်ႈတၢင်းဢၼ်ၶၢမ်ႇသၢၵ်ႈသေႇၸဝ်ႈတႃႉ။ပေႃးၶဝ်လၢတ်ႈၵႂၢမ်းဢမ်ႇမႅၼ်ႈၵၼ်တင်း ၼုၵ်ႈၵပၢတ်ႈၸဝ်ႈၼႆႉၸိုင် ဢႃႇရူင်ႇသၢႆဢရွင်ႇၵၢင်ဝၼ်းဢမ်ႇပႆႇၶိုၼ်ႈတီႈၶဝ်ၼၼ်ႉ။ၶဝ်ၼၼ်ႉတၵ်းလႆႈၶၢမ်ႇတၢင်းဢၼ်ယၢပ်ႇၸႂ်ၶၢၼ်ၸႂ်ဢိၵ်ႇတင်း တၢင်းဢၼ်ဢိုပ်းယၢၵ်ႈ ယူႇသေလႄႈပူၼ်ႉၵႂႃႇဢေႃႈ။
၂၁ မိူဝ်ႈဢၼ်ၶဝ်ဢိုပ်းယၢၵ်ႈတွင်ႉမႆႈသႆႈလိူတ်ႇၼၼ်ႉၵေႃႈ တူဝ်ၶဝ်တၵ်းယႃႉယူၵ်ႉတူဝ် ၶဝ်သေလႄႈၵိၼ်ႇလႃႇၵိၼ်ႇဝႃႈၶုၼ်ႁေႃၶမ်းၶဝ် ဢိၵ်ႇတင်းၽြႃးပဵၼ်ၸဝ်ႈၶဝ်လႄႈ
၂၂ ႁႅၼ်ၶိုၼ်ႈၵႃႈၼိူဝ်သေဢမ်ႇဝႃႈ တူၺ်းလိၼ်မိူင်းသေဢမ်ႇဝႃႈတၵ်းမီးတုၵ်ႉၶႃႉတၢင်းၽၢၼ်၊ လပ်းသိင်ႇၽိတ်းၽိတ်း၊လပ်းသိင်ႇတုၵ်ႉၶႃႉဝူၺ်ႇတၼႃႇတၢင်းဢၼ်ၸဵပ်းဢၼ်ၶိုၼ်ႈလႄႈ ၶဝ်တၵ်းလႆႈၶၢမ်ႇတၢင်းဢၼ်ႁေႃႈဢွၵ်ႇၸူးၵႃႈတီႈလပ်းသိင်ႇဢၼ်ၼႃတၼ်ၼႃႇၼၼ်ႉဢေႃႈ။