၂၄
ၽြႃးပဵၼ်ၸဝ်ႈႁႂ်ႈမိူင်းပဝ်ႇလၢပ်ႈႁၢမ်း
၁ တူၺ်းလူ။ထႃႇဝရႃႉၽြႃးႁႂ်ႈမိူင်းၸဝ်ႈပဝ်လၢပ်ႈႁၢမ်းဝႆႉလႄႈ ဢဝ်ၶႂၢမ်ႈပိၼ်ႈပႅတ်ႈသေယဝ်ႉဢဝ်ၵူၼ်းဝၢၼ်ႈ ၵူၼ်းမိူင်းတင်းလၢႆၸၢတ်ႇပိုၼ်ပႅတ်ႈဢေႃႈ။
၂ မိူဝ်ႈၼၼ်ႉယိတ်ႉပရေႃးႁိၵ်ႈ တၵ်းလႆႈပဵၼ်ၸိူဝ်ႉၼင်ႇၵူၼ်းတင်းလၢႆ၊ၸဝ်ႈပဵၼ်ၸိူဝ်ႉၼင်ႇၶႃႈ၊ၸဝ်ႈၼၢင်း ပဵၼ်ၸိူဝ်ႉၼင်ႇၶႃႈၵူၼ်းယိင်း၊ ၵေႃႉဢၼ်ဢဝ်ဢွၵ်ႇၶၢႆပၼ်မိူၼ်ၸိူဝ်ႉၼင်ႇၵေႃႉဢၼ်သိုဝ်ႉဢၼ်လႅၵ်ႈ၊ၸဝ်ႈၼီႈပဵၼ်ၸိူဝ်ႉၼင်ႇၵေႃႉဢၼ်ထုၵ်ႇၼီႈ၊ ၵေႃႉဢၼ်ၵိၼ်ၶီႈငိုၼ်း ပဵၼ်ၸိူဝ်ႉၼင်ႇၵေႃႉဢၼ်ပၼ်ၶီႈငိုၼ်းၼၼ်ႉဢေႃႈ။
၃ မိူင်းတင်းမိူင်းတၵ်းလႆႈပဝ်ႇလၢပ်ႈလႄႈ လူႉလႅဝ်ၵႂႃႇမူတ်းမူတ်းသဵင်ႈသဵင်ႈဢေႃႈ။လွင်ႈမၼ်းၸမ်းထႃႇဝရႃႉၽြႃး မီးဢမိင်ႉဝႆႉယဝ်ႉ။
၄ မိူင်းၸဝ်ႈမီးတၢင်းဢၼ်ယၢပ်ႇၸႂ်ၶၢၼ်ၸႂ်ႁဵဝ်ႇၸွပ်ႈၵႂႃႇလႄႈလေႃးၵႃႉမီးတၢင်းဢၼ်ႁႅင်းဢူၼ်ႈႁႅင်းယွမ်းႁဵဝ်ႇၸွပ်ႈၵႂႃႇဢေႃႈ။ၵူၼ်းဝၢၼ်ႈၵူၼ်းမိူင်း ဢၼ်မူၼ်ႈၽုင်းယႂ်ႇၼႃႇၸိူဝ်းၼၼ်ႉႁႅင်းဢူၼ်ႈ ႁႅင်းယွမ်းၵႂႃႇဢေႃႈ။
၅ မိူင်းၸဝ်ႈမီးတၢင်းဢၼ်ၵူဝ်ႈၵိူၵ်ႇယူႇၵႃႈတႂ်ႈၵူၼ်းဝၢၼ်ႈၵူၼ်းမိူင်းတင်းလၢႆၵွပ်ႈပိူဝ်ႈဢၼ်ၶဝ်ႁဵတ်းတၢင်းဢၼ်ပူၼ်ႉလိူဝ်တြႃးၸဝ်ႈ၊ တၢင်းဢၼ်ၶၢႆႉပုတ်ႈဢမိင်ႉၸဝ်ႈ၊ တၢင်းဢၼ်ယႃႉပႅတ်ႈပတိ ၺိၼ်ႇထႃႇဝရႃႉၸဝ်ႈၸိူဝ်းၼၼ်ႉဢေႃႈ။
၆ ပိူဝ်ႈၼႆလႄႈတၢင်းဢၼ်မၼ်းၸဝ်ႈၵိၼ်ႇဝႃႈၼၼ်ႉ ဢိုၼ်ၵိၼ်မိူင်းၸဝ်ႈပႅတ်ႈယဝ်ႉ။ဢပျႅတ်ႈႁွတ်ႈထိုင်ၵႃႈၼိူဝ်ၵူၼ်းဝၢၼ်ႈၵူၼ်းမိူင်းတင်းလၢႆယဝ်ႉ။ပိူဝ်ႈၼႆလႄႈၵူၼ်းဝၢၼ်ႈၵူၼ်းမိူင်းၸိူဝ်းၼၼ်ႉမႆႈၽႆးလႄႈ ၶဝ်ၸိူဝ်းဢၼ်ၵိုတ်းဢၼ် ၵျၢၼ်ႇၼၼ်ႉၵေႇၼႃႇဢေႃႈ။
၇ ၼမ်ႉၸပိတ်ႉဢၼ်မႂ်ႇၼၼ်ႉယၢပ်ႇၸႂ်ၶၢၼ်ၸႂ်လႄႈ တူၼ်ႈၶိူဝ်းမၢၵ်ႇၸပိတ်ႉၵေႃႈႁႅင်းဢူၼ်ႈႁႅင်းယွမ်းၵႂႃႇဢေႃႈ။ၶဝ်ၵႃႈဢၼ်ၸူမ်းဢၼ် သိူဝ်းၼၼ်ႉလႆႈၶၢင်းၶီၶၢင်းၽၢၼ်ယူႇဢေႃႈ။
၈ သဵင်ၵွင်ၶဵတ်ႇဢၼ်သႃႇယႃႇၼၼ်ႉထၢတ်ႇယဵၼ်ၵႂႃႇယဝ်ႉ။သဵင်ၶဝ်ၸိူဝ်းဢၼ်ၸူမ်းသိူဝ်းၼၼ်ႉႁၢႆၵႂႃႇယဝ်ႉ။သဵင်တိင်ႇ ဢၼ်သႃႇယႃႇၼၼ်ႉၵေႃႈထၢတ်ႇယဵၼ်ၵႂႃႇယဝ်ႉ။
၉ ၶဝ်ဢမ်ႇလႆႈႁဵတ်းၵႂၢမ်းယူႇသေလႄႈၵိၼ်ၼမ်ႉၸပိတ်ႉ။ၼမ်ႉလဝ်ႈၼမ်ႉၵမ်တၵ်းၶူမ်တီႈၶဝ်ၸိူဝ်းဢၼ်ၵိၼ်မၼ်း ၼၼ်ႉဢေႃႈ။ ဝဵင်းဢၼ်ပဝ်ႇလၢပ်ႈၼၼ်ႉလူႉပင်းၵႂႃႇယဝ်ႉ။ ႁိူၼ်းၵူႈလင်မီးတၢင်းဢၼ်ဢိုတ်းႁပ်းထၼ်ႈ ပေႃးၽူႈ လႂ်ဢမ်ႇၶဝ်ႈၵႃႈၼႂ်းမၼ်းလႆႈဢေႃႈ။
၁၀ မီးတၢင်းဢၼ်ၶင်းၶီၶင်းၽၢၼ်ယူႇ ၵႃႈတီႈသဵၼ်ႈတၢင်းတင်းလၢႆၵွပ်ႈပိူဝ်ႈၼမ်ႉၸပိတ်ႉဢေႃႈ။
၁၁ တၢင်းဢၼ်ၸူမ်းဢၼ်သိူဝ်းႁၢႆၵႂႃႇမူတ်းမူတ်းသဵင်ႈသဵင်ႈ၊ သဵင်ဢၼ်သႃႇယႃႇ လီငၢမ်းၼၼ်ႉယဵၼ်ၵႂႃႇတင်းမိူင်းယဝ်ႉ။
၁၂ တၢင်းဢၼ်သိတ်ႇဢၼ်ယဵၼ်ၼၼ်ႉ ၵိုတ်းၵျၢၼ်ႇဝႆႉ ၵႃႈၼႂ်းဝဵင်းလႄႈၽၵ်းတူဝဵင်းလႆႈၶၢမ်ႇတၢင်းဢၼ်ပေႃႉယႅၼ်ႉ လႄႈလူႉပင်းၵႂႃႇယဝ်ႉ။
၁၃ ၼင်ႇၼၼ်လႄႈတၵ်းပဵၼ်ၵႃႈၼႂ်းမိူင်းၸဝ်ႈ၊ ၵႃႈၼႂ်းၵူၼ်းဝၢၼ်ႈၵူၼ်းမိူင်းတင်းလၢႆၸိူဝ်ႉၼင်ႇဢၼ် သၼ်ႇၶွၼ်းတူၼ်ႈသၼ်ႇလုၼ်ႇလႄႈလႆႈမၢၵ်ႇမၼ်း ဢိၵ်ႇတင်း ၸိူဝ်ႉၼင်ႇဢၼ်ၵဵပ်းဢဝ်ဢၼ်ၵိုတ်းဢၼ်ၵျၢၼ်ႇ လိုၼ်းသေဢၼ်သိမ်းဢဝ် မၢၵ်ႇၸပိတ်ႉၼၼ်ႉဢေႃႈ။
၁၄ ၶဝ်ၼၼ်ႉတၵ်းဢွၼ်ၵၼ်ပၢဝ်ႇသေႃႇလႄႈႁဵတ်းၵႂၢမ်းသႂၢင်ႇသိူဝ်းဢေႃႈ။ၶဝ်ဢွၼ်ၵၼ်ႁဵတ်းသဵင်ဢၼ်ယွင်ႈယေႃး ထႃႇဝရႃႉၽြႃးလႄႈ ယူႇၵႃႈတီႈပၢင်ႇလၢႆႇႁွင်ႉသႅၼ်ႇဢေႃႈ။
၁၅ ပိူဝ်ႈၼႆလႄႈဢွၼ်ၵၼ်ယွင်ႈယေႃးထႃႇဝရႃႉၽြႃးၵႃႈတီႈၼႃႈဝၼ်းဢွၵ်ႇလႄႈ ယွင်ႈယေႃးၼႃႇမႃႉၸိုဝ်ႈသဵင်ၽြႃးပဵၼ်ၸဝ်ႈမဵဝ်းဢိသရေႇလ ၵႃႈတီႈၽင်ႇၼမ်ႉၽၢႆႇၼႆႉၼၼ်ႉတႃႉ။
၁၆ ႁဝ်းလႆႈငိၼ်းသဵင်ႁဵတ်းၵႂၢမ်း ၵႃႈတီႈၸဵင်ႇလိၼ်မိူင်းလႄႈဝႃႈ၊-ႁႂ်ႈၵေႃႉဢၼ်မူတ်းၸၢင်ႇၼၼ်ႉမူၼ်ႈၽုင်းယႂ်ႇသေၵမ်းလူၺ်ႈ၊ဝႃႈၼင်ႇၼႆဢေႃႈ။ၵဝ်ၸမ်းတၵ်းၽၢၼ်ၼႃႇလူင်လၢင်ဢေႃႈ။ယၢၵ်ႈၽၢၼ်ၼႃႇလူင်လၢင်ဢေႃႈ။မီးဢႃႉမၢင်ႇၵလႃႇဢေႃႈ။ၶဝ်ၸိူဝ်းဢၼ် ႁိမ်ႁူင်ႇလႆႈၼၼ်ႉႁိမ်ႁူင်ႇယူႇဢေႃႈ။
၁၇ ၶဝ်ၸိူဝ်းဢၼ်ႁိမ်ႁူင်ႇၼၼ်ႉ ပႃးတင်းတၢင်းဢၼ်ႁိမ်ႁူင်ႇသေလႄႈႁိမ်ႁူင်ႇယူႇဢေႃႈ။ၵူၼ်းဢၼ်ယူႇမိူင်းၼႆႉဢိူၺ်း၊တၢင်းဢၼ်လီၵူဝ်လီႁႄ၊ ၶုမ်လိၼ်ႁူးလိၼ်၊တူင်ႇႁဵဝ်ႉတူင်ႇ ၶိုမ်းႁွတ်ႈထိုင်ၵႃႈတီႈမႂ်းယဝ်ႉ။
၁၈ ၵေႃႉဢၼ်ဢွၼ်ၵၼ်ဢွၵ်ႇပၢႆႈသေၵႃႈတီႈသဵင်တၢင်းဢၼ်လီၵူဝ်လီႁႄၼၼ်ႉတၵ်းတူၵ်းသႂ်ႇၵႃႈၼႂ်းၶုမ်လိၼ်ႁူးလိၼ်ဢေႃႈ။ ၵေႃႉဢၼ် ဢွၵ်ႇသေၵႃႈၼႂ်းၶုမ်လိၼ်ႁူးလိၼ် ၶိုၼ်ႈမႃးၼၼ်ႉတၵ်းထုၵ်ႇၶဵၼ်းမႅၼ်ႈ ၵႃႈၼႂ်းတူင်ႇႁဵဝ်ႉတူင်ႇၶိုမ်းဢေႃႈ။ ႁူးၵၢင်ႁၢဝ်မီးတၢင်းဢၼၽုၺ်ႇဝႆႉယူႇလႄႈငဝ်ႈႁၢၵ်ႈလိၼ်မိူင်းၵေႃႈ သၼ်ႇဝႆၶွၼ်းၶဝ်ႇယူႇဢေႃႈ။
၁၉ မိူင်းၸဝ်ႈၼၼ်ႉ ၶၢတ်ႇၶိတ်ႇလူႉလႅဝ်ၵႂႃႇတင်းမိူင်းယဝ်ႉ။မိူင်းၸဝ်ႈၼၼ်ႉ ပုတ်းပင်းၵွႃႇ တင်းသဵင်ႈတင်းမူတ်းယဝ်ႉ။မိူင်းၸဝ်ႈၼၼ်ႉမီးတၢင်းဢၼ်သၼ်ႇဝႆၶွၼ်းၶဝ်ႇ ယူႇဢေႃႈ။
၂၀ မိူင်းၸဝ်ႈၼၼ်ႉၵိင်ႈၵိင်ႈၵိူၵ်ႇၵိူၵ်ႇယူႇမိူၼ်ၸိူဝ်ႉၼင်ႇ ၵူၼ်းမဝ်းလဝ်ႈမဝ်းၵမ်ၼၼ်ႉလႄႈဝႆၼိုင်ၶွၼ်းၶဝ်ႇယူႇၸိူဝ်ႉၼင်ႇဢူႇၼၼ်ႉဢေႃႈ။ဢပျႅတ်ႈမၼ်းၼၵ်းၼႃၵႃႈၼိူဝ်မၼ်းလႄႈမၼ်းတၵ်းလူမ်ႉဢေႃႈ။
၂၁ ၵမ်း လိုၼ်းဢမ်ႇလႆႈလုၵ်ႉ။ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉထႃႇဝရႃႉၽြႃး တၵ်းလူတူၺ်းၸႅတ်ႈထၢမ်မူႇၽုင်ၶဝ်ၸိူဝ်းဢၼ်သုင်တင်းလၢႆၵႃႈတီႈဢၼ်သုင်ၼၼ်ႉ ဢိၵ်ႇတင်းၶုၼ်ႁေႃၶမ်း လိၼ်မိူင်းတင်းလၢႆ ၵႃႈတီႈၼိူဝ် လိၼ်ဢေႃႈ။
၂၂ ၶဝ်ၼၼ်ႉတၵ်းလႆႈၶၢမ်ႇတၢင်းဢၼ်ၸူႉတုမ်ယူႇမုၵ်ႉလဵဝ်ၸိူဝ်းလဵဝ်ၵူၺ်း မိူၼ်ၸိူဝ်ႉၼင်ႇၵူၼ်းတူၵ်းၵႅၼ်းတင်းလၢႆ ၸူႉတုမ်ယူႇၵႃႈၼႂ်းၶုမ်ၼၼ်ႉလႄႈလႆႈၶၢမ်ႇတၢင်းဢၼ် ၶျုၵ်ႈဝႆႉၵႃႈၼႂ်းထွင်ႇၼၼ်ႉဢေႃႈ။မိူဝ်ႉဝၼ်းၼမ်ၼႃႇပူၼ်ႉၵႂႃႇသေယဝ်ႉ ၶဝ်တၵ်းလႆႈၶၢမ်ႇ တၢင်းဢၼ်လူတူၺ်းၸႅတ်ႈထၢမ်ဢေႃႈ။
၂၃ မိူဝ်ႈၼၼ်ႉလိူၼ်တၵ်းမီး တၢင်းဢၼ်ၼႃႈလူႉလႄႈ ၵၢင်ဝၼ်းတၵ်းမီးတၢင်းဢၼ်ဢူၵ်းဢၢႆဢေႃႈ။လွင်ႈမၼ်းၸမ်းၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး တၵ်းၼင်ႈႁၢင်ႈၼင်ႈႁေႃၵႃႈၼႂ်းဝဵင်းယေႇရုသလႅမ်ႇ ၵႃႈၼိူဝ်လွႆၸိဢုၼ်ႇလႄႈ မူၼ်ႈၽုင်းမၼ်းၸဝ်ႈတၵ်းယႂ်ႇၼႃႇၵႃႈတီႈ ၽၢႆႇၼႃႈၵူၼ်းထဝ်ႈၵူၼ်းၵႄႇမၼ်း တင်းလၢႆဢေႃႈ။