၆၄
၁ ၶႅၼ်းတေႃႈ ႁႂ်ႈၸဝ်ႈႁဝ်းၽုၺ်ႇပိုတႃ်ႇႉၵၢင်ႁၢဝ်သေလႄႈလူင်းမႃးသေၵမ်းလူၺ်ႈတီႈၶႃႈ။ၶႅၼ်းတေႃႈႁႂ်ႈလွႆတင်းလၢႆသၼ်ႇဝႆၶွၼ်းၶဝ်ႇ ၵႃႈတီႈၽၢႆႇၼႃႈၸဝ်ႈႁဝ်း သေၵမ်းလူၺ်ႈတီႈၶႃႈ။
၂ ၶႅၼ်းတေႃႈႁႂ်ႈပဵၼ်ၸိူဝ်ႉၼင်ႇဢၼ်ၽႆးမႆႈယိူဝ်ႈယႃႈယုၵ်းၼၼ်ႉဢိၵ်ႇတင်းၸိူဝ်ႉၼင်ႇဢၼ်ၽႆးႁႂ်ႈၼမ်ႉလိူတ်ႇၼၼ်ႉ သေၵမ်းလူၺ်ႈတီႈၶႃႈ။ပေႃးပဵၼ်ၸိူဝ်ႉၼင်ႇၼၼ်ၸိုင်ရၢၼ်ႇသူႇၸဝ်ႈႁဝ်းတင်းလၢႆတၵ်းဢွၼ်ၵၼ်ႁူႉ ၼႃႇမႃႉၸိုဝ်သဵင်ၸဝ်ႈႁဝ်းလႄႈ ၵူၼ်းၵူႈၸိူဝ်ႉၵူႈမဵဝ်းတၵ်းဢွၼ်ၵၼ်သၼ်ႇၶွၼ်း ဝႆၵႃႈတီႈၽၢႆႇၼႃႈၸဝ်ႈႁဝ်းတီႈၶႃႈဢေႃႈ။
၃ မိူဝ်ႈဢၼ်ၸဝ်ႈႁဝ်းႁဵတ်း လွင်ႈတၢင်းဢၼ်လီဢၢမ်းလိူဝ်တွၼ်းၼႃႇသေ ဢၼ်ၶႃႈၸဝ်ႈႁဝ်းၶဝ်မုင်ႈမွင်းယူႇၸိူဝ်ႉၼၼ်ၼၼ်ႉၸိုင်ၸဝ်ႈႁဝ်းလူင်းမႃးလႄႈ လွႆတင်းလၢႆလိူမ်ႈ လႆႇၵႂႃႇၵႃႈတီႈၽၢႆႇၼႃႈၸဝ်ႈႁဝ်းတီႈၶႃႈဢေႃႈ။
၄ ၸႃႉၸဵမ်မိူဝ်ႈၵေႃႇၸႃႉႁူဝ်ပိုင်းၵမႃ်ႇႇၼၼ်ႉလႄႈ ၽူႈ လႂ်သေၵေႃႉသေၵူၼ်းဢမ်ႇတွၼ်ႉလႆႈႁူႉ။ႁူဢမ်ႇတွၼ်ႉလႆႈငိၼ်း။ၼွၵ်ႈသေၸဝ်ႈႁဝ်းၼႆႉမၢၵ်ႇတႃဢမ်ႇတွၼ်ႉလႆႈႁၼ်ၽြႃးပဵၼ်ၸဝ်ႈ တၢင်ႇသူႇတၢင်ႇပႃးဢၼ်ႁဵတ်း ၵျေးၸူးပုၼ်ႈၵေႃႉဢၼ်မုင်ႈမွင်းမၼ်းၼၼ်ႉ။
၅ ၸဝ်ႈႁဝ်းထူပ်းႁၼ် ၵေႃႉဢၼ်မီးၸႂ်ဢၼ်ၸူမ်းသိူဝ်းသေလႄႈၵမ်ၵျၢင်ႉသိုဝ်ႈသိုဝ်ႈတေႃႇတေႃႇၼၼ်ႉ ဢိၵ်ႇတင်း ၶဝ်ၸိူဝ်းဢၼ်ၶုၵ်းၸႂ်လႆႈၶႆႈၸႂ်ထူပ်းၸဝ်ႈႁဝ်းသဵၼ်ႈတၢင်းဢၼ်ၸဝ်ႈႁဝ်းၵႂႃႇၸိူဝ်းၼၼ်ႉတီႈၶႃႈဢေႃႈ။တူၺ်းတီႈၶႃႈလူ။တေႃးသႃႉတၢင်းၸႂ်မႆႈၸဝ်ႈႁဝ်းဢွၵ်ႇလႄႈ ၶႃႈၸဝ်ႈႁဝ်းၶဝ်ႁဵတ်းတူႉၸရိူၵ်ႈဢပျႅတ်ႈယဝ်ႉတီႈၶႃႈယဝ်ႉ။ၶႃႈၸဝ်ႈႁဝ်းၶဝ်လႆႈမီးယူႇၼႂ်းၸိူဝ်းၼၼ်ႉယူႇသေလႄႈ ၶႃႈၸဝ်ႈႁဝ်းၶဝ်တၵ်းႁွတ်ႈထိုင်တၢင်း ဢၼ်ၵႄႇသႄႇၶျွတ်ႈဢဝ်တီႈၶႃႈႁိုဝ်။
၆ ၶႃႈၸဝ်ႈႁဝ်းၶဝ်ၵႃႈမီးၼႆႉ ပဵၼ်ၸိူဝ်ႉၼင်ႇၵေႃႉဢၼ်မူတ်းသႂ်ၼၼ်ႉလႄႈတၢင်းသိုဝ်ႈတေႃႇ ၵႃႈဢၼ်ၶႃႈၸဝ်ႈႁဝ်းၶဝ်ယၢမ်ႈႁဵတ်းမႃးၸိူဝ်းၼၼ်ႉ မိူၼ်ၸိူဝ်ႉၼင်ႇၶူဝ်းၼုင်ႈဢၼ်ၵူဝ်ႈၵိူၵ်ႇၼၼ်ႉတီႈၶႃႈဢေႃႈ။ၶႃႈၸဝ်ႈႁဝ်းၶဝ်ၵႃႈမီးၼႆႉမီးတၢင်းဢၼ် ႁဵဝ်ႇၸွပ်ႈယူႇမိူၼ်ၸိူဝ်ႉၼင်ႇမႂ်ႊမႆႉၼၼ်ႉလႄႈ ဢပျႅတ်ႈၶႃႈၸဝ်ႈႁဝ်းၶဝ်ၸိူဝ်းၼၼ်ႉတၵ်းပတ်ႉထူဝ်းဢဝ်ၶႃႈၸဝ်ႈႁဝ်းၶဝ်ၵႂႃႇမိူၼ်ၸိူဝ်ႉၼင်ႇလူမ်းၼၼ်ႉတီႈၶႃႈဢေႃႈ။
၇ ဢမ်ႇမီးၵေႃႉဢၼ်ႁဵတ်းပထၼႃႇတီႈၼႃႇမႃႉၸိုဝ်သဵင်ၸဝ်ႈႁဝ်း၊ ၵေႃႉဢၼ်တိုၵ်းယူင်းတူဝ်ၸဝ်ႈၵဝ်ႇႁႂ်ႈလႆႈဢိင်ပိုင်ႈၸဝ်ႈႁဝ်းၼၼ်ႉ သေၵေႃႉသေၵူၼ်းတီႈၶႃႈ။လွင်ႈမၼ်းၸမ်းၸဝ်ႈႁဝ်းဝၢႆႇၼႃႈပဵတ်ႈၶႃႈၸဝ်ႈႁဝ်းၶဝ်လႄႈ ႁႂ်ႈၶႃႈၸဝ်ႈႁဝ်းၶဝ်သုမ်းၸွမ်းလူၺ်ႈ တူႉၸရိူၵ်ႈဢပျႅတ်ႈၶႃႈၸဝ်ႈႁဝ်းၶဝ်တီႈ ၶႃႈယဝ်ႉ။
၈ ၼႂ်းဝႃႈၼၼ်သေၵေႃႈထႃႇဝရႃႉၽြႃးတီႈၶႃႈၸဝ်ႈႁဝ်းပဵၼ်ပေႃႈၶႃႈၸဝ်ႈႁဝ်းၶဝ်တီႈၶႃႈဢေႃႈ။ၶႃႈၸဝ်ႈႁဝ်းၶဝ်ပဵၼ်လိၼ်မေႃႈလႄႈ ၸဝ်ႈႁဝ်းပဵၼ်ၸဝ်ႈႁဵတ်းမေႃႈ ဢၼ်ပဵၼ်ၶႃႈၸဝ်ႈႁဝ်းၶဝ်တီႈၶႃႈဢေႃႈ။ၶႃႈၸဝ်ႈႁဝ်းၶဝ်ၵႃႈမီးၼႆႉ ပဵၼ်လွင်ႈတၢင်းဢၼ် ၸဝ်ႈႁဝ်းဢဝ်မိုဝ်းၸဝ်ႈႁဝ်းႁဵတ်းပဵၼ်တီႈၶႃႈဢေႃႈ။
၉ ထႃႇဝရႃႉၽြႃးတီႈၶႃႈ။ ယႃႇပေၸႂ်မႆႈၶႆႈၸႃႉႁႅင်းယႂ်ႇၼႃႇ လူင်လၢင်သေၵမ်းတီႈၶႃႈ။ယႃႇပေၶုၵ်းၸႂ်လႆႈၶႆႈၸႂ်ထူပ်းဢပျႅတ်ႈ ဢၼ်ၶႃႈၸဝ်ႈႁဝ်းၶဝ်ၽိတ်းပိူင်ႈမႅၼ်ႈၸိူဝ်းၼၼ်ႉယူႇတႃႇသေႇသေၵမ်းတီႈၶႃႈ။ၶႅၼ်းတေႃႈလူတူၺ်းသေၵမ်းတီႈၶႃႈ။ၶႃႈၸဝ်ႈႁဝ်းၶဝ်ၵႃႈမီး ၼႆႉပဵၼ်ၵူၼ်းၸဝ်ႈႁဝ်းတီႈၶႃႈဢေႃႈ။
၁၀ ဝဵင်းဢၼ်မူတ်းၸၢင်ႇၸဝ်ႈႁဝ်းၸိူဝ်းၼၼ်ႉ ပဵၼ်ထိူၼ်ႇပဵၼ်ၶိူဝ်းၵႂႃႇတီႈၶႃႈယဝ်ႉ။ လွႆၸိဢုၼ်ႇၵေႃႈပဵၼ်ထိူၼ်ႇပဵၼ်ၶိူဝ်းၵႂႃႇတီႈၶႃႈယဝ်ႉ။ဝဵင်းယေႇရုသလႅမ်ႇၵေႃႈပဵၼ်တီႈဢၼ် လူႉဢၼ်ႁၢမ်းၵႂႃႇတီႈၶႃႈယဝ်ႉ။
၁၁ ပိၵ်ႉမၢၼ်ႇၸဝ်ႈဢၼ်မူတ်းၸၢင်ႇႁၢင်ႈလီႁၢင်ႈငၢမ်းၶႃႈၸဝ်ႈႁဝ်းၶဝ်၊ တီႈဢၼ်ပူႇမွၼ်ႇၶႃႈၸဝ်ႈႁဝ်းၶဝ် ယွင်ႈယေႃးၸဝ်ႈႁဝ်းၼၼ်ႉမႆႈၽႆးၵႂႃႇယဝ်ႉတီႈၶႃႈယဝ်ႉ။လွင်ႈတၢင်းဢၼ်ၶႃႈၸဝ်ႈႁဝ်းၶဝ် ထုၵ်ႇၸႂ်ၵျိူၵ်ႈၸႂ်ၵႃႈမီးၼၼ်ႉမီးတၢင်း ဢၼ်ပႄႇၽဵဝ်ႈပႅတ်ႈယူႇတီႈၶႃႈဢေႃႈ။
၁၂ ထႃႇဝရႃႉၽြႃးတီႈၶႃႈ။ ၸဝ်ႈႁဝ်းတၵ်းယိူၼ်ႉၶၢမ်ႇလွင်ႈတၢင်းၸိူဝ်းၼႆႉတီႈၶႃႈႁိုဝ်။ၸဝ်ႈႁဝ်းတၵ်းၶျုၵ်ႈၸႂ်ၵၼ်ႈၸႂ်ၸဝ်ႈႁဝ်းယူႇသေလႄႈ ၶႃႈၸဝ်ႈႁဝ်းၶဝ်မီးတုၵ်ႉၶႃႉတၢင်းၽၢၼ်ၼႃႇလူင်လၢင်တီႈၶႃႈႁိုဝ်။