၆၀
မူၼ်ႈၵုင်ႇဝဵင်းၸိဢုၼ်ႇ
၁ မႂ်းလုၵ်ႉတႃႉ။ႁိူဝ်ႈလႅင်းတႃႉ။ဢၼ်လႅင်းမႂ်းႁွတ်ႈမႃးယဝ်ႉ။မူၼ်ႈၽုင်းထႃႇဝရႃႉၽြႃး ဢွၵ်ႇတႆႈႁိူဝ်ႈယူႇၵႃႈၼိူဝ်မႂ်းဢေႃႈ။
၂ တူၺ်းလူ။လပ်းသိင်ႇတၵ်းႁူမ်ႇသုမ်ႇလိၼ်မိူင်းလႄႈ လပ်းသိင်ႇဢၼ်ၼႃတၼ်ၼႃႇၼၼ်ႉတၵ်းသုမ်ႇႁူမ်ႇမဵဝ်းၵူၼ်းတင်းလၢႆဢေႃႈ။ၼႂ်းဝႃႈၼၼ်သေၵေႃႈ ထႃႇဝရႃႉၽြႃး တၵ်းပေႃႇဢွၵ်ႇၵႃႈၼိူဝ်မႂ်းလႄႈမူၼ်ႈၽုင်းမၼ်းၸဝ်ႈတၵ်းထၢင်ႇသႃးၵႃႈၼိူဝ်မႂ်း ဢေႃႈ။
၃ ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆတၵ်းဢွၼ်ၵၼ်မႃးၸူးၵႃႈတီႈဢၼ်လႅင်းမႂ်းလႄႈ ၶုၼ်ႁေႃၶမ်းတင်းလၢႆတၵ်းဢွၼ်ၵၼ်မႃးၸူး ၵႃႈတီႈဢရွင်ႇဢၼ် ပေႃႇဢွၵ်ႇတႆႈႁိူဝ်ႈတီႈမႂ်းၼၼ်ႉဢေႃႈ။
၄ ဢဝ်တႃမႂ်းမုင်ႈၸူးၵႃႈတီႈႁိမ်းႁွမ်းလႄႈတူၺ်းတႃႉ။ၵူၼ်းတင်းသဵင်ႈတင်းလူင်ၸူႉၵၼ်တုမ်ၵၼ်သေလႄႈ မႃးၸူးၵႃႈတီႈမႂ်းဢေႃႈ။လုၵ်ႈၸၢႆးမႂ်းတင်းလၢႆတၵ်းဢွၼ်ၵၼ်လုၵ်ႉသေၵႃႈတီႈဢၼ်ၵႆၼၼ်ႉမႃးလႄႈ လုၵ်ႈယိင်းမႂ်းတင်းလၢႆၵေႃႈ တၵ်းလႆႈၶၢမ်ႇတၢင်းဢၼ်ဢုမ်ႈႁွပ်ႇမႃးၸူးၵႃႈ တီႈႁိမ်းမႂ်းဢေႃႈ။
၅ မိူဝ်ႈၼၼ်ႉမႂ်းတၵ်းထူပ်းႁၼ်လႄႈလႆႈဢၼ်လႅင်းဢေႃႈ။ ႁူဝ်ၸႂ်မႂ်းတၵ်းသၼ်ႇဝႆလႄႈယႂ်ႇမႃးၵႂၢင်ႈမႃးဢေႃႈ။လွင်ႈမၼ်းၸမ်းတၢင်းဢၼ်မၢၵ်ႈမီးလိူင်ႇၸႂ်ၼမ်ႉသမ်ႇမုၵ်ႉတြႃႇၼၼ်ႉ တၵ်းၶၢႆႉပုတ်ႈမႃးယူႇၽၢႆႇမႂ်းလႄႈ ၸေးၸိမ်ႇၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆၼၼ်ႉတၵ်းႁွတ်ႈထိုင်ၵႃႈၼႂ်းမိုဝ်းမႂ်း ဢေႃႈ။
၆ ၵလႃႈဢုၵ်ႉၼမ်ၼႃႇ ဢိၵ်ႇတင်းၵလႃႈဢုၵ်ႉၼုမ်ႇ ဢၼ်ပဵၼ်ၵႃႈတီႈမိူင်းမိတျၢၼ်ႇတင်းမိူင်းဢေႇၽၸိူဝ်းၼၼ်ႉ တၵ်းၸွတ်ႇတူဝ်ႈၵႃႈတီႈမႂ်းလႄႈၵူၼ်းမိူင်းသေႇၽ တင်းသဵင်ႈတင်းလူင်တၵ်းဢွၼ်ၵၼ်မႃးဢေႃႈ။ၶဝ်တၵ်းပႃးဢဝ်ၶမ်းဢိၵ်ႇတင်းလေႃႇပၢၼ်ႇမႃးလႄႈယွင်ႈယေႃးမူၼ်ႈၵျေးၸူးထႃႇဝရႃႉၽြႃး ၸူမ်းၸူမ်းသိူဝ်းသိူဝ်းဢေႃႈ။
၇ ၽုင်သူဝ်းမိူင်းၵေႇတႃႇတင်းသဵင်ႈတင်းလူင် တၵ်းၸူႉၵၼ်တုမ်ၵၼ်ၵႃႈတီႈမႂ်းလႄႈပေႉမိူင်းၼပႃႇယုတ်ႉၸိူဝ်းၼၼ်ႉ တၵ်းပွင်ႁဵတ်းဢမူႉမႂ်းယူႇသေလႄႈမီးတင်းလၢၵ်ႈၶၼႃႇဢၼ်လီထုၵ်ႇၸႂ်ၵျိူၵ်ႈၸႂ်လႄႈၶိုၼ်ႈၵႃႈၼိူဝ်ယိတ်ႉပလၢင်ႇၵဝ်ဢေႃႈ။ၵဝ်တၵ်းႁႂ်ႈမူၼ်ႈၽုင်းႁိူၼ်းတီႈဢၼ်မူၼ်ႈ ၽုင်းၵဝ်ထၢင်ႇသႃးၼၼ်ႉယိင်ႈၶႅၼ်းၵီႈမႃးဢေႃႈ။
၈ ၶဝ်ၸိူဝ်းဢၼ်မိၼ်မႃး ၸိူဝ်ႉၼင်ႇၽႃႈၽူၼ်ဢိၵ်ႇတင်းၸိူဝ်ႉၼင်ႇၼူၵ်ႉတူႈဢၼ်မိၼ်ၸူး ၵႃႈတီႈႁူးၶဝ်ႁၢင်းၶဝ် ၼၼ်ႉၸိူဝ်းၼႆႉၸမ်းပဵၼ်ၽူႈ လႂ်။
၉ ၵူၼ်းၵႃႈတီႈၵူၼ်းၼႂ်းၼမ်ႉၸိူဝ်းၼၼ်ႉ တၵ်းဢွၼ်ၵၼ်ပႂ်ႉထႃႈၵဝ်ယူႇလႄႈႁိူဝ်းသၢင်းၽေႃးတႃႇသုၸိူဝ်းၼၼ်ႉ တၵ်းၸႃႉႁဵတ်းဢွၼ်တၢင်းသုတ်းပိူၼ်ႈ ႁႂ်ႈလႆႈဢဝ်လုၵ်ႈလၢင်းမႂ်းပႃးလူၺ်ႈၵၼ်တင်းငိုၼ်းၶမ်းၶဝ်သေၵႃႈတီႈဢၼ်ၵႆၼၼ်ႉမႃးပုၼ်ႈၼႃႇမႃႉၸိုဝ်သဵင်ထႃႇဝရႃႉၽြႃး ၽြႃးပဵၼ်ၸဝ်ႈမႂ်းဢိၵ်ႇတင်း ပုၼ်ႈၽြႃးဢၼ်မူတ်းၸၢင်ႇမဵဝ်းဢိသရေႇလၵွပ်ႈပိူဝ်ႈဢၼ်မၼ်းၸဝ်ႈႁႂ်ႈမူၼ်ႈ ၽုင်းမႂ်းၵီႈမႃးၼၼ်ႉဢမၢၼ်ႇၶၢၼ်ပဵၼ်ဢေႃႈ။
၁၀ ၵူၼ်းတၢင်ႇၸိူဝ်ႉတၢင်ႇမဵဝ်းတင်း လၢႆတၵ်းဢွၼ်ၵၼ်တႄႇႁဵတ်းလမ်းဝဵင်းမႂ်းလႄႈ ၶုၼ်ႁေႃၶမ်းတင်းလၢႆတၵ်းဢွၼ်ၵၼ်လုမ်းလႃးမႂ်းဢေႃႈ။ လွင်ႈမၼ်းၸမ်းပိၵ်ႉသမ်ႉၵဝ်ၸႂ်မႆႈၶႆႈၸႃႉလႄႈ ပၼ်တၢမ်ႇတီႈမႂ်းသေၵေႃႈၵဝ်တၵ်းမီးၸႂ်ၸေႇတၼႃႇသေလႄႈဢိတ်းလူမႂ်းယူႇ ဢေႃႈ။
၁၁ ၽၵ်းတူမႂ်းတင်းလၢႆယင်းဢမ်ႇလႆႈၶၢမ်ႇတၢင်းဢၼ်ဢိုတ်းဢၼ်ႁပ်းယူႇ ဝၼ်းဝၼ်းၶိုၼ်းၶိုၼ်းလႄႈတၵ်းလႆႈမီးတၢင်းဢၼ်ၽုၺ်ႇဝႆႉယူႇသေလႄႈ ႁႂ်ႈလႆႈဢဝ်ၸေးၸိမ်ႇၵူၼ်း တၢင်ႇၸိူဝ်ႉတၢင်ႇၶိူဝ်းတင်းလၢႆမႃးၵႃႈတီႈမႂ်းလႄႈ ဢဝ်ၶုၼ်ႁေႃၶမ်းတင်းလၢႆသူင်ႇပၼ်တီႈမႂ်းဢေႃႈ။
၁၂ ၵူၼ်းမဵဝ်း လႂ်သေဢမ်ႇဝႃႈသိုင်ႇၸိုင်ႈဝၢၼ်ႈမိူင်း လႂ်သေ ဢမ်ႇဝႃႈပေႃးဢမ်ႇပွင်ႁဵတ်း ဢမူႉၸိုင်ၶဝ်တၵ်းလႆႈလူႉလႅဝ်ဢေႃႈ။ ၵူၼ်းမဵဝ်းၸိူဝ်ႉၼင်ႇၼၼ်ၸိူဝ်းၼၼ်ႉ တၵ်းလႆႈၶၢမ်ႇတၢင်းဢၼ်ပႄႇၽဵဝ်ႈ ပႅတ်ႈဢမၢၼ်ႇၶၢၼ်ပဵၼ်ဢေႃႈ။
၁၃ မူၼ်ႈၽုင်းလေႇပၼုၼ်ႇ ဢိၵ်ႇလူၺ်ႈၵၼ်တင်းတူၼ်ႈမႆႉပႅၵ်ႇ၊တူၼ်ႈတတေႇရ၊ တူၼ်ႈတႃႇသုရၸိူဝ်းၼၼ်ႉ တၵ်းၽွမ်ႉၵၼ်ႁွတ်ႈမႃးၵႃႈတီႈမႂ်း ႁႂ်ႈထႃႇၼႃႉတီႈမူတ်းၸၢင်ႇၵဝ်လႆႈႁၢင်ႊလီႁၢင်ႊငၢမ်းလႄႈၵဝ်တၵ်းႁႂ်ႈမူၼ်ႈၽုင်းတီႈဢၼ်ၵဝ်တၢင်ႇတိၼ်ၼၼ်ႉထၢင်ႇသႃးဢေႃႈ။
၁၄ လုၵ်ႈၸၢႆး ၶဝ်ၸိူဝ်းဢၼ် ၼိၵ်ႈၸၢၵ်ႈငႅၼ်းသေးမႂ်းၼၼ်ႉတၵ်းဢွၼ်ၵၼ်မႃးလႄႈ ၵူမ်ႈႁူဝ်ၵွမ်းႁူဝ်တီႈမႂ်းဢေႃႈ။ၶဝ်ၸိူဝ်းဢၼ်ႁဵတ်းဢမ်ႇပေႃးၼင်ႇႁိုဝ်တီႈမႂ်းတင်းသဵင်ႈတင်းလူင်ၼၼ်ႉတၵ်းဢွၼ်ၵၼ်ၶုပ်ႉမူပ်ႇယူႇၵႃႈတီႈႁိမ်းၽႃႇတိၼ်မႂ်းလႄႈႁွင်ႉႁိၵ်ႈမႂ်းလႄႈဝႃႈ၊- ဝဵင်းထႃႇဝရႃႉၽြႃး၊ဝဵင်းၸိဢုၼ်ႇၽြႃးဢၼ်မူတ်းၸၢင်ႇမဵဝ်းဢိသရေႇလ၊ဝႃႈၼင်ႇၼႆဢေႃႈ။
၁၅ ၵွပ်ႈပိူဝ်ႈဢၼ်ပိူၼ်ႈဢွၼ်ၵၼ်ၸုၼ်ႉပႅတ်ႈလီႁင်ႈဢဵတ်ႇသဵတ်ႇမႂ်းထၼ်ႈပေႃး ၽူႈ လႂ်သေၵေႃႉသေၵူၼ်းဢမ်ႇတႆႇၵႂႃႇၵႃႈၼႂ်းမႂ်းၼၼ်ႉ ၵဝ်တၵ်းႁႂ်ႈမႂ်းပဵၼ်ဢၼ်ထွတ်ႈဢၼ်မျၢတ်ႈထႃႇဝရႃႉဢိၵ်ႇတင်းတီႈဢၼ်ၸူဝ်ႈၵူၼ်းသိုပ်ႇၵူၼ်းၼမ်ၼႃႇ လီၸူမ်းသိူဝ်းဢေႃႈ။
၁၆ မႂ်းတၵ်းၸုပ်ႇၵိၼ်ၼမ်ႉၼူမ်း ၵူၼ်းတၢင်ႇၸိူဝ်ႉတၢင်ႇၶိူဝ်းတင်းလၢႆလႄႈ ၸုပ်ႇၵိၼ်ၼူမ်းၶုၼ်ႁေႃၶမ်းတင်းလၢႆဢေႃႈ။မႂ်းတၵ်းလႆႈႁူႉလွင်ႈဢၼ်ၵဝ်ထႃႇဝရႃႉၽြႃးၼႆႉပဵၼ်ၸဝ်ႈဢၼ်ၵႄႇသႄႇၶျွတ်ႈဢဝ်မႂ်း၊ ၸဝ်ႈဢၼ်ထုတ်ႇၼုၵ်ႈဢဝ်မႂ်း၊ ၽြႃးဢၼ်တၼ်းၶူဝ်းယႂ်ႇတီႈမဵဝ်း ယႃႇၵုပ်ႉၼၼ်ႉဢေႃႈ။
၁၇ ၵဝ်တၵ်းဢဝ်ၶမ်းမႃးပုၼ်ႈတၢင်တူဝ်တွင်းလိူင်၊ငိုၼ်းပုၼ်ႈတၢင်တူဝ်လဵၵ်း၊ တွင်းလိူင်ပုၼ်ႈတၢင်တူဝ်မႆႉ လဵၵ်းပုၼ်ႈတၢင်တူဝ်မၢၵ်ႇႁိၼ်ဢေႃႈ။ၵဝ်တၵ်းႁႂ်ႈၶုၼ်မႂ်းတင်းလၢႆတဵမ်ထူၼ်ႈဝႆႉတင်းသၽေႃးဢၼ်ၼိမ်သိမ်လႄႈ ႁႂ်ႈၵူၼ်းၵဵပ်းၶွၼ်ႇမႂ်းတင်းလၢႆတဵမ်ထူၼ်ႈဝႆႉတင်းသၽေႃးဢၼ်သိုဝ်ႈတေႃႇ ဢေႃႈ။
၁၈ ၵမ်းလိုၼ်းဢမ်ႇလႆႈငိၼ်းသဵင်တၢင်းဢၼ်ႁဵတ်းႁၢဝ်ႈၵျၢမ်းတၢင်းဢၼ်ႁိမ်ဢဝ်ႁူင်ႇဢဝ်ၼၼ်ႉ ၵႃႈၼႂ်းမိူင်းမႂ်း။တၢင်းဢၼ်ယႃႉၽဵဝ်ႈပႅတ်ႈဢမ်ႇလႆႈမီးၵႃႈၼႂ်းၼမ်ႉၼႂ်းလိၼ်မႂ်း။မႂ်းတၵ်းလႆႈႁွင်ႉႁိၵ်ႈလမ်းဝဵင်းမႂ်းဝႃႈတၢင်းဢၼ်ၵႄႇသႄႇၶျွတ်ႈဢဝ်လႄႈ ႁွင်ႈၽၵ်းတူဝဵင်း မႂ်းၸိူဝ်းၼၼ်ႉဝႃႈတၢင်းဢၼ်ယွင်ႈယေႃးဢေႃႈ။ၵမ်းလိုၼ်းၵၢင်ဝၼ်း တၵ်းဢမ်ႇပဵၼ်ဢၼ်လႅင်းတီႈမႂ်းမိူဝ်ႈၶိင်ႇၵႃႈဝၼ်းလႄႈ လိူၼ်ၵေႃႈတၵ်းဢမ်ႇပဵၼ်ဢၼ်လႅင်းတီႈမႂ်းမိူဝ်ႈၶိင်ႇၵၢင်ၶိုၼ်း။လွင်ႈမၼ်းၸမ်းထႃႇဝရႃႉၽြႃးၼၼ်ႉ တၵ်းပဵၼ်ဢၼ်လႅင်းထႃႇဝရႃႉတီႈမႂ်းလႄႈၽြႃးပဵၼ်ၸဝ်ႈမႂ်း တၵ်းပဵၼ်မူၼ်ႈသရေႇမႂ်းယူႇဢေႃႈ။
၂၀ ၵမ်းလိုၼ်းၵၢင်ဝၼ်းမႂ်းဢမ်ႇလႆႈတူၵ်း။လိူၼ်မႂ်းၵေႃႈဢမ်ႇလႆႈလွင်ႈ။ထႃႇဝရႃႉၽြႃးတၵ်းပဵၼ်ဢၼ်လႅင်းထႃႇဝရႃႉတီႈမႂ်းလႄႈ မိူဝ်ႉဝၼ်းဢၼ်ၸႂ်မႂ်းဢမ်ႇသႃႇၶၢင်းၶီၶၢင်းၽၢၼ်ၸိူဝ်းၼၼ်ႉ တၵ်းသဵင်ႈမူတ်းဢေႃႈ။
၂၁ ၵူၼ်းမႂ်း တင်းသဵင်ႈတင်းလူင် တၵ်းလႆႈသိုဝ်ႈတေႃႇလႄႈ ၶၢမ်ႇဢဝ်ဢမူၺ်ႇမိူင်းၸဝ်ႈယူႇတႃႇသေႇ မၼ်ႈၶိူင်ႇလႄႈ ပဵၼ်တူၼ်ႈၵႃႈဢၼ်ၵဝ်ၽုၵ်ႇသွမ်ႈတၢင်းဢၼ်မိုဝ်းၵဝ်လုမ်းလႃးႁဵတ်းၼၼ်ႉ ႁႂ်ႈမူၼ်ႈၽုင်းၵဝ် ထၢင်ႇသႃးဢေႃႈ။
၂၂ လုၵ်ႈဢွၼ်ႇၵေႃႉၼိုင်ႈတၵ်းလႆႈပဵၼ်ၵူၼ်းႁဵင်ၼိုင်ႈလႄႈၵေႃႉဢၼ်ႁႅင်းလဵၵ်ႉႁႅင်းၵေႇၵေႃႉၼိုင်ႈတၵ်းလႆႈပဵၼ်မဵဝ်း ၵူၼ်းဢၼ်ႁႅင်းယႂ်ႇႁႅင်းလူင်ဢေႃႈ။ၵဝ်ထႃႇဝရႃႉၽြႃးတၵ်းတိုၵ်းယူင်းဢမူႉၼႂ်းမိူဝ်ႈဢၼ်ၶိင်ႇမၼ်းၶႃႇမၼ်းႁွတ်ႈထိုင်ၼၼ်ႉဢေႃႈ။