၅
တၢင်းဢၼ်ႁဵတ်းၵႂၢမ်းသူၼ်ဢူးယဵၼ်ႇၸပိတ်ႉ
၁ ႁႂ်ႈၵဝ်လႆႈဢဝ်တၢင်းဢၼ်ၵေႃႉသေႈၵဝ် ဢၼ်ၵဝ်ႁၵ်ႉၼႃႇၼၼ်ႉ ႁဵတ်းၵႂၢမ်းလွင်ႈသူၼ်ဢူးယဵၼ်ႇၸပိတ်ႉမၼ်းၼၼ်ႉသေလႄႈႁဵတ်းၵႂၢမ်းလွင်ႈၵေႃႉသေႈၵဝ်ဢၼ်ၵဝ်ႁၵ်ႉၼႃႇၼၼ်ႉသေၵမ်းလူၺ်း။ ၵေႃႉသေႈၵဝ်ဢၼ်ၵဝ်ႁၵ်ႉၼႃႇၼၼ်ႉမီးသူၼ်ဢူးယဵၼ်ႇၸပိတ်ႉသူၼ်ၼိုင်ႈၵႃႈတီႈၼိူဝ်လွႆ ဢၼ်ၶွၼ်ႇၼမ်ႉမၼ်းလိၼ် မျၢတ်ႈလီၼၼ်ႉဢေႃႈ။
၂ မၼ်းၼၼ်ႉၶုတ်းယူင်းလိၼ်မၼ်းလႄႈ ၵဵပ်းဢဝ်မၢၵ်ႇႁိၼ်ႁႄႈမၼ်းတင်းလၢႆပႅတ်ႈသေယဝ်ႉ ဢဝ်တူၼ်ႈၶိူဝ်းမၢၵ်ႇၸပိတ်ႉဢၼ်လီၼႃႇသေပိူၼ်ႈၼၼ်ႉၽုၵ်ႇသွမ်ႈသႂ်ႇဢေႃႈ။မၼ်းၼၼ်ႉပူၵ်းႁဵတ်းထဵင်လင်ၵႃႈတီႈၼႂ်းမၼ်းလႄႈ တၵ်းၶုတ်းမႄးႁဵတ်းတီႈဢၼ်တၵ်းၼူတ်ႈမၢၵ်ႇၸပိတ်ႉၶၢႆဢေႃႈ။ၵူၺ်းၵႃႈမိူဝ်ႈဢၼ်မၼ်းမုင်ႈထႃႈမွင်းထႃႈ လွင်ႈဢၼ်တၵ်းမၢၵ်ႇမၢၵ်ႇၸပိတ်ႉမႃးၼၼ်ႉၸိုင် မၼ်းမၢၵ်ႇမၢၵ်ႇၸပိတ်ႉ ထိူၼ်ႇမႃးလူင်ပေႇ။
၃ တေႃႈလဵဝ်ၼႆႉၵူၼ်းမိူင်းယုတ၊ၵူၼ်းဝဵင်းယေႇရုသလႅမ်ႇၶဝ်ဢိူၺ်း။ဢွၼ်ၵၼ်ၸီႇယၢင်ႇဢမူႉဝူင်ႈၵၢင်သူၼ်ဢူးယဵၼ်ႇၸပိတ်ႉၵဝ် ဢိၵ်ႇတင်းၵဝ်သေ ၵမ်း။
၄ လွင်ႈတၢင်းဢၼ်ၵဝ်ႁဵတ်းၵျေးၸူးတီႈသူၼ်ဢူးယဵၼ်ႇၸပိတ်ႉၵဝ်လႆႈယူႇလႄႈ ၵဝ်ယင်းဢမ်ႇပႆႇႁဵတ်းၼၼ်ႉယင်းမီးသေၸိူဝ်ႉသေပိူင်လူးၵွၼ်ႇႁိုဝ်။မိူဝ်ႈဢၼ်ၵဝ်မုင်ႈထႃႈမွင်းထႃႈ လွင်ႈဢၼ်တၵ်းမၢၵ်ႇမၢၵ်ႇၸပိတ်ႉမႃးၼၼ်ႉၸိုင် ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈမၼ်းမၢၵ်ႇမၢၵ်ႇၸပိတ်ႉထိူၼ်ႇမႃး။
၅ တေႃႈလဵဝ်ၼႆႉထွမ်ႇငိၼ်းတႃႉ။ၵဝ်တၵ်းၽုၺ်ႇဢွၵ်ႇၼႄပျႃႉလွင်ႈဢၼ်ၵဝ်တၵ်းႁဵတ်းတီႈသူၼ်ဢူးယဵၼ်ၵဝ်ၼၼ်ႉဢေႃႈ။ၵဝ်တၵ်းၽဵဝ်ႈႁူဝ်ႉဝၢင်းမၼ်းပႅတ်ႈလႄႈ ပိူၼ်ႈတၵ်းဢွၼ်ၵၼ်ၵိၼ်ဢေႃႈ။ၵဝ်တၵ်းၵိူၼ်ႇယႃႉလမ်းဢုတ်ႇမၼ်းပႅတ်ႈလႄႈပိူၼ်ႈတၵ်းဢွၼ်ၵၼ်ယဵပ်ႇၶၢမ်ႈဢေႃႈ။
၆ ၵဝ်တၵ်းယႃႉမၼ်းပႅတ်ႈမူတ်းမူတ်းသဵင်ႈသဵင်ႈဢေႃႈ။ၽူႈ လႂ်သေၵေႃႉသေၵူၼ်းဢမ်ႇလႆႈၶုတ်းလႆႈယူင်း။ၽူႈ လႂ်သေၵေႃႉသေၵူၼ်းဢမ်ႇလႆႈမႄးၵုမ်းမႄးႁဵတ်း။ တူၼ်ႈၼၢမ်တၵ်းဢွၵ်ႇၵူႈၸိူဝ်ႉၵူႈမဵဝ်းဢေႃႈ။ ၵဝ်တၵ်းပိင်းၺၢပ်ႈဝႆႉတီႈၽႃႈၽူၼ် ႁႂ်ႈၽူၼ်ဢမ်ႇလႆႈတူၵ်းသႂ်ႇၵႃႈၼိူဝ်မၼ်းဢေႃႈ။သူၼ်ဢူးယဵၼ်ႇၸပိတ်ႉၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၼၼ်ႉၸမ်း ပဵၼ်မဵဝ်းဢိသရေႇလဢေႃႈ။
၇ တူၼ်ႈၵႃႈဢၼ်မၼ်းၸဝ်ႈထုၵ်ႇၸႂ်ၵျိူၵ်ႈၸႂ်ၼၼ်ႉၸမ်းပဵၼ်ၵူၼ်းယုတတင်းလၢႆဢေႃႈ။မိူဝ်ႈဢၼ်မၼ်းၸဝ်ႈမုင်ႈမွင်း တၢင်းဢၼ်ၸီႇယၢင်ႇၸွမ်းၼင်ႇတြႃးၼၼ်ႉၸိုင် မၼ်းၸဝ်ႈလႆႈထူပ်းလႆႈႁၼ် တၢင်းဢၼ်ထွၵ်ႇလိူတ်ႈပႅတ်ႈလႄႈ မိူဝ်ႈဢၼ်မၼ်းၸဝ်ႈမုင်ႈမွင်းလွင်ႈတၢင်းဢၼ်သိုဝ်ႈတေႃႇၼၼ်ႉၸိုင် မၼ်းၸဝ်ႈလႆႈထူပ်းလႆႈႁၼ်တၢင်းဢၼ်ႁွင်ႉႁႆႈဢေႃႈ။
တၢင်းၵိၼ်ႇလႃႇလႄႈတၢင်းၸီႇယၢင်ႇ
၈ ၶဝ်ၸိူဝ်းဢၼ် ဢဝ်ႁိူၼ်းလင်ၼိုင်ႈတင်းလင်ၼိုင်ႈ၊ၼႃးလွၵ်းၼိုင်ႈတင်းလွၵ်းၼိုင်ႈ သိုပ်ႇၸပ်းၵၼ်ယူႇထၼ်ႈပေႃးဢမ်ႇမီး တီႈဢၼ်ပဝ်ႇဢၼ်လၢပ်ဢၼ်ဝႃႈ သူၸိူဝ်းဢၼ်တူၵ်းတီႈတူၵ်းလႅၼ်ယူႇၵႃႈၼႂ်းၵၢင်လိၼ်မုၵ်ႉလဵဝ်ၸိူဝ်းလဵဝ်ၵူၺ်းၼႆႉမီးဢႃႉမၢင်ႇၵလႃႇ ဢေႃႈ။
၉ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဝႃႈဝႆႉတီႈႁိမ်းႁူၵဝ်ၸမ်း ႁိူၼ်းဢၼ်ယႂ်ႇၵႂၢင်ႈလႄႈႁၢင်ႊလီႁၢင်ႊငၢမ်းၼမ်ၼႃႇၸိူဝ်းၼၼ်ႉ တၵ်းဢမ်ႇမီးၵေႃႉဢၼ်ယူႇဢၼ်သဝ်းလႄႈ တၵ်းပဵၼ်တီႈဢၼ်သဵတ်ႇ ၵူၼ်းငႅဝ်ၵူၼ်းဢေႃႈ။
၁၀ လွင်ႈမၼ်းၸမ်းသူၼ်ဢူးယဵၼ်ႇၸပိတ်ႉပုၼ်ႈတႃႇဝူဝ်းသိပ်းၵူႈထႆၼၼ်ႉ တၵ်းႁႂ်ႈပဵၼ်ၼမ်ႉၸပိတ်ႉတၢၼ်သေပၢတ်ႈၼိုင်ႈၵူၺ်းလႄႈ ၸိူဝ်ႉၽၼ်းၵေႃႈဝၢၼ်ပိုၼ်ဢေႃႇမေႇၼိုင်ႈလႄႈ တၵ်းလႆႈတၢၼ်ႇသေဢေႇၽႃႇၼိုင်ႈၵူၺ်းဢေႃႈ။
၁၁ ၶဝ်ၸိူဝ်းဢၼ်ၸၢင်ႊလုၵ်ႉၸဝ်ႉၸဝ်ႉ ႁႂ်ႈလႆႈၵိၼ်လဝ်ႈလႄႈ ယူႇၶိင်ႇၵၢင်ၶိုၼ်းလိုၵ်းၼႃႇ တေႃႇထိုင်ႁွတ်ႈထၼ်ႈပေႃးမဝ်းၼမ်ႉၸပိတ်ႉၼၼ်ႉမီးဢႃႉမၢင်ႇၵလႃႇ ဢေႃႈ။
၁၂ တိင်ႇ၊တရေႃး၊ၵွင်ၶဵတ်ႇ၊ပီႇ၊ၼမ်ႉၸပိတ်ႉၸၢင်ႊပႃးၵႃႈၼႂ်းပွႆးၶဝ်ၼၼ်ႉဢေႃႈ။ဢမူႉထႃႇဝရႃႉၽြႃးၸမ်းၶဝ်ဢမ်ႇဢဝ်သႂ်ႇၸႂ်သႂၢင်းၸႂ်။ ၶဝ်ဢမ်ႇတူၺ်းဢမ်ႇႁၼ်လွင်ႈတၢင်းဢၼ်မၼ်းၸဝ်ႈ ဢဝ်မိုဝ်းၸဝ်ႈပွင် ႁဵတ်းၼၼ်ႉ။
၁၃ ပိူဝ်ႈၼႆလႄႈၵူၼ်းၵဝ်တင်းလၢႆဢမ်ႇမီးပိင်ႇၺႃႇလႄႈ လႆႈၶၢမ်ႇတၢင်းဢၼ်တီႉလႆႈသိမ်းဢဝ်ၵႂႃႇဢေႃႈ။မူးမၢတ်ႈၽွင်းမိူင်းၶဝ်မီးတၢင်းဢၼ်ဢိုပ်းယၢၵ်ႈလႄႈ မုၵ်ႉၵူၼ်းၸိူဝ်းၵူၼ်းၶဝ်မီးတၢင်းဢၼ်ယၢၵ်ႈၼမ်ႉ ၶေႃးႁွင်ႉဢေႃႈ။
၁၄ ပိူဝ်ႈၼႆလႄႈမိူင်းမရၼႃႉ ႁႂ်ႈလေႃးၽႃႉမၼ်းယႂ်ႇၵႂၢင်ႈလႄႈ ၽုၺ်ႇဢႃႈသူပ်းမၼ်းထၼ်ႈပေႃးဢမ်ႇမီးတီႈၵပ်ႉတီႈတိူၵ်ႈသေယဝ်ႉၵုင်ႇသရေႇၶဝ်၊ မုၵ်ႉၵူၼ်းၸိူဝ်းၵူၼ်းၶဝ် တၢင်းဢၼ်ႁဵတ်းသူပ်းႁဵတ်းသဵင်ၶဝ်ဢိၵ်ႇတင်း ၵေႃႉဢၼ်သႂၢင်ႇသိူဝ်းၶဝ်ၼၼ်ႉလႆႈဢွၼ် ၵၼ်လူင်းၶဝ်ႈၵႂႃႇၵႃႈၼႂ်းမၼ်းဢေႃႈ။
၁၅ ၵေႃႉဢၼ်ယုတ်ႈၵေႃႈလႆႈၶၢမ်ႇတၢင်းဢၼ်ၵူမ်ႈႁူဝ်ၵွမ်းႁူဝ်၊ ၵေႃႉဢၼ်မျၢတ်ႈၵေႃႈ လႆႈၶၢမ်ႇတၢင်းဢၼ်ၶျႃးတူၵ်းတီႈတႅမ်ႇလႄႈ တႃၶဝ်ၸိူဝ်းဢၼ်မႃႇၼႃႉယႂ်ႇၼၼ်ႉလႆႈၶၢမ်ႇ တၢင်းဢၼ်ၶျႃးတူၵ်းတီႈတႅမ်ႇဢေႃႈ။
၁၆ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး တၵ်းႁွတ်ႈထိုင်တၢင်းဢၼ်ယုၵ်ႉယွင်ႈ ၵွပ်ႈပိူဝ်ႈဢၼ်ၸီႇယၢင်ႇၸွမ်းၼင်ႇတြႃးၼၼ်ႉလႄႈၽြႃးပဵၼ်ၸဝ်ႈၸဝ်ႈဢၼ်မူတ်းၸၢင်ႇၼၼ်ႉတၵ်းမီးတၢင်းဢၼ်မူတ်းၸၢင်ႇ ၵွပ်ႈပိူဝ်ႈတၢင်း ဢၼ်သိုဝ်ႈတေႃႇၼၼ်ႉဢေႃႈ။
၁၇ မိူဝ်ႈၼၼ်ႉသူဝ်းဢွၼ်ႇတင်းလၢႆတၵ်းလႆႈလႄႇႁႃလႄႇၵိၼ်ၸွမ်း ၵႃႈၼင်ႇဢလူဝ်ႇၶဝ်မီးၼၼ်ႉလႄႈ ၶႅၵ်ႇတင်းလၢႆတၵ်းလႆႈၵိၼ်ၵႃႈတီႈဢၼ်ၽိတ်ႇဢၼ်ငႅဝ် ဢၼ်သထေးၶဝ်ယၢမ်ႈပိူင်ႇၸိူဝ်းၼၼ်ႉဢေႃႈ။
၁၈ ၶဝ်ၸိူဝ်းဢၼ်ဢဝ်သၢႆဢၼတ်ႉတႃႉတိုတ်ႉၸၼ်ဢဝ်တူႉၸရိူၵ်ႈလႄႈ ဢဝ်ၸိူဝ်ႉၼင်ႇဢၼ်ပဵၼ်ၸိူၵ်ႈလေႃႉၼၼ်ႉတိုတ်ႉၸၼ်ဢဝ်ဢပျႅတ်ႈၼၼ်ႉမီးဢႃႉမၢင်ႇၵ လႃႇဢေႃႈ။
၁၉ ၶဝ်ၼၼ်ႉၸင်ႇလၢတ်ႈလႄႈဝႃႈ၊-ႁႂ်ႈမၼ်းၸဝ်ႈၶတ်းၸႂ်ၶၼ်ၶၼ်ၽႂ်းၽႂ်းလႄႈ ႁိပ်ႈၼႅတ်ႈႁဵတ်းဢမူႉမၼ်းၸဝ်ႈႁႂ်ႈႁဝ်းလႆႈႁၼ်သေၵမ်းလူၺ်ႈ။ႁႂ်ႈတၢင်းၵျၢမ်ႇတၢင်းပွင်ၽြႃးဢၼ်မူတ်းၸၢင်ႇ မဵဝ်းဢိသရေႇလၼၼ်ႉ သုတ်ႉၸပ်းသုတ်ႉၸူးၵႃတီႈၸမ်လႄႈ တဵမ်ထူၼ်ႈႁႂ်ႈႁဝ်းလႆႈႁူႉလႆႈၸႅင်ႈသေၵမ်းလူၺ်ႈ၊ ဝႃႈၼင်ႇၼႆဢေႃႈ။
၂၀ ၶဝ်ၸိူဝ်းဢၼ်ၸၢင်ႊႁွင်ႉဝႃႈ ဢၼ်ဢမ်ႇလီပဵၼ်ဢၼ်လီ၊ဢၼ်လီပဵၼ် ဢၼ်ဢမ်ႇလီဝႃႈၼင်ႇၼႆ၊ၶဝ်ၸိူဝ်းဢၼ် ဢဝ်လပ်းသိင်ႇ ဝႆႉပုၼ်ႈတၢင်တူဝ်ဢၼ်လႅင်းလႄႈ ဢဝ်ဢၼ်လႅင်းဝႆႉပုၼ်ႈ တၢင်တူဝ်ဢၼ်လပ်းသိင်ႇ၊ၶဝ်ၸိူဝ်းဢၼ်ဢဝ်ဢၼ်ၶူမ်ဝႆႉ ပုၼ်ႈတၢင်တူဝ်ဢၼ်ဝၢၼ်လႄႈဢဝ်ဢၼ်ဝၢၼ်ဝႆႉပုၼ်ႈတၢင်တူဝ်ဢၼ်ၶူမ်ၼၼ်ႉၸိူဝ်းၼၼ်ႉမီးဢႃႉမၢင်ႇၵလႃႇဢေႃႈ။
၂၁ ၶဝ်ၸိူဝ်းဢၼ်ထၢင်ႇတူဝ်ၶဝ်မီးပိင်ႇၺႃႇလႄႈ မၢတ်ႈတူဝ်ၶဝ်တဵမ်ထူၼ်ႈဝႆႉတင်းသမ်ႇမႃႇသတိၼၼ်ႉ မီးဢႃႉမၢင်ႇၵလႃႇဢေႃႈ။
၂၂ ၶဝ်ၸိူဝ်းဢၼ်ၵိၼ်ၼမ်ႉၸပိတ်ႉ ၼမ်ၼႃႇလူင်လၢင်၊ၶဝ်ၸိူဝ်းဢၼ်ႁႅင်းယႂ်ႇၼႃႇ ၼႂ်းတၢင်းဢၼ်သူတ်ႉၵိၼ်ၼမ်ႉလဝ်ႈဢၼ်လေႃးၵၼ်တင်းယႃႈယႃ၊
၂၃ ၶဝ်ၸိူဝ်း ဢၼ် ယင်းဢမ်ႇပၼ်ဢပျႅတ်ႈ တီႈၵေႃႉဢၼ်ဢမ်ႇ
တြႃးၼၼ်ႉလႄႈ ပွႆႇလွတ်ႈႁႂ်ႈလႆႈၵိၼ်လၢၵ်ႈသွင်ႇလႄႈပႄႇပႅတ်ႈတၢင်းဢၼ်သိုဝ်ႈတေႃႇၼၼ်ႉ မီးဢႃႉမၢင်ႇၵလႃႇဢေႃႈ။
၂၄ ပိူဝ်ႈၼႆလႄႈမိူၼ်ၸိူဝ်ႉၼင်ႇဢၼ်လိၼႆ်ႉးႁုပ်ႉလႄႈ ၽိူင်းမိူၼ်ၸိူဝ်ႉၼင်ႇဢၼ်ယိူဝ်ႈႁဵဝ်ႇဝွပ်ႈဝႅပ်ႈၵႂႃႇၵႃႈၼႂ်းပိဝ်ၽႆးၼၼ်ႉႁၢၵ်ႈၶဝ်ၼၼ်ႉ တၵ်းပဵၼ်ၸိူဝ်ႉၼင်ႇ တၢင်းဢၼ်ၽင်ႉဢၼ်ဢူႉၼၼ်ႉလႄႈ မွၵ်ႇၶဝ်ၵေႃႈ တၵ်းပိဝ်ၶိုၼ်ႈၸိူဝ်ႉၼင်ႇၽူၼ်မွၵ်ႇၼၼ်ႉဢေႃႈ။လွင်ႈမၼ်းၸမ်း ၶဝ်ၸုၼ်ႉပႅတ်ႈတြႃးၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၼၼ်ႉယဝ်ႉ။ၶဝ်ႁဵတ်းဢမ်ႇပေႃးၼင်ႇႁိုဝ်တီႈ ပျႃႇတိၵ်ႈၽြႃးဢၼ်မူတ်းၸၢင်ႇမဵဝ်းဢိသရေႇလၼၼ်ႉဢေႃႈ။
၂၅ ပိူဝ်ႈၼႆလႄႈ ထႃႇဝရႃႉၽြႃးၸႂ်မႆႈၶႆႈၸႃႉတီႈၵူၼ်းမၼ်းၸဝ်ႈတင်းလၢႆလႄႈ ယဵတ်ႇမိုဝ်းမၼ်းၸဝ်ႈၽၢႆႇၼိုင်ႈတင်းၶဝ်သေလႄႈပၼ်တၢမ်ႇသေယဝ်ႉလွႆတင်းလၢႆသၼ်ႇဝႆလႄႈ တူဝ်တၢႆၶဝ်ၼၼ်ႉပဵၼ်ၸိူဝ်ႉၼင်ႇၶီႈၼင်ႇဢႃႇၵႃႈတႃႈၵႃႈတၢင်းၼၼ်ႉဢေႃႈ။ၼႂ်းဝႃႈၼၼ်သေၵေႃႈ တၢင်းၸႂ်မႆႈၶႆႈၸႃႉမၼ်းၸဝ်ႈၼၼ်ႉဢမ်ႇထၢတ်ႇဢမ်ႇယဵၼ်၊မိုဝ်းမၼ်းၸဝ်ႈၼၼ်ႉ ယင်းမီးတၢင်းဢၼ် ယဵတ်ႇယူႇဢေႃႈ။
၂၆ မၼ်းၸဝ်ႈတၵ်းပူၵ်းလၢမ်ႇပုၼ်ႈမဵဝ်းၵူၼ်းဢၼ်ယူႇတီႈၵႆတင်းလၢႆလႄႈ ႁဵတ်းသဵင်သီႉသီႉသေႃႉသေႃႉႁွင်ႉၸူဝ်းဢဝ်ၶဝ် ၵႃႈတီႈႁိမ်းလႅၼ်သုတ်းလိၼ်မိူင်းလႄႈ ၶဝ်ၼၼ်ႉတၵ်းဢွၼ်ၵၼ်မႃးၶၼ်ၶၼ် ၽႂ်းၽႂ်းဢေႃႈ။
၂၇ ၼႂ်းၶဝ်ၼၼ်ႉၵေႃႉၼိုင်ႈဢၼ်ႁိူဝ်ႉဢၼ်ၼူၼ်းၵေႃႉဢၼ်တိူဝ်ႉမႅၼ်ႈလႄႈ လူမ်ႉတၵ်းဢမ်ႇမီး။ၵေႃႉဢၼ်ငဝ်ၼွၼ်း၊ ၵေႃႉဢၼ်ၼွၼ်းလပ်းၵေႃႈတၵ်းဢမ်ႇ မီး။သၢႆဢႅဝ်ၶဝ်တၵ်းဢမ်ႇလိတ်ႈ။သၢႆၶႅပ်းတိၼ်ၶဝ်တၵ်းဢမ်ႇထွတ်ႇ။ပိုၼ်ၶဝ်ၸိူဝ်းၼၼ်ႉၽၢႆဢေႃႈ။
၂၈ ၵၢင်ႇၶဝ်ၵေႃႈမီးတၢင်းဢၼ်ဝူတ်ႈဝႆႉယဝ်ႉဢေႃႈ။ ၵိပ်ႇမႃႉၶဝ်ၼၼ်ႉ ပဵၼ်ၸိူဝ်ႉၼင်ႇ မၢၵ်ႇႁိၼ်ၽႆးလႄႈမၢၵ်ႇလေႃႉရထႃးၶဝ်ၵေႃႈ ပဵၼ်ၸိူဝ်ႉၼင်ႇလူမ်းၽိဝ်ႁုင်ဢေႃႈ။
၂၉ သဵင်ၶဝ်ၼၼ်ႉမိူၼ်ၸိူဝ်ႉၼင်ႇသဵင်သၢင်ႇသီႈႁွင်ႉလႄႈ ၶဝ်တၵ်းႁွင်ႉမိူၼ်ၸိူဝ်ႉၼင်ႇသၢင်ႇသီႈၼုမ်ႇဢေႃႈ။ၶဝ်တၵ်းႁွင်ႉသႅၼ်ႇယူႇတီႉဢဝ်တူဝ်ယူႇသေလႄႈ ဢဝ်ၵႂႃႇဢေႃႈ။တၵ်းဢမ်ႇမီး ၵေႃႉဢၼ်ၵႄႇသႄႇၼုၵ်ႈဢဝ်သေၵေႃႉ သေၵူၼ်း။
၃၀ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉၶဝ်ၼၼ်ႉတၵ်းဢွၼ်ၵၼ်မေႃး ႁိုင်းႁိုင်းႁၢင်းႁၢင်းယူႇၽၢႆႇၼိုင်ႈတင်းၶဝ်မိူၼ်ၸိူဝ်ႉၼင်ႇ သဵင်ၼမ်ႉသမ်ႇမုၵ်ႉတြႃႇၼၼ်ႉဢေႃႈ။ပေႃးလူတူၺ်းမိူင်းၼၼ်ႉၸိုင်မီးလပ်းသိင်ႇၽိတ်းၽိတ်းဢိၵ်ႇတင်း တုၵ်ႉၶႃႉတၢင်းၽၢၼ်ၵူၺ်းၵူၺ်းလႄႈ ဢၼ်လႅငႃ်းႉၵၢင်ႁၢဝ်လပ်းႁၢႆၵႂႃႇဢေႃႈ။