၅၂
၁ ဝဵင်းၸိဢုၼ်ႇဢိူၺ်း။တိုၼ်ႇမႃးတႃႉ။တိုၼ်ႇမႃးလႄႈဢဝ်ႁႅင်းတႃႉ။ဝဵင်းယေႇရုသလႅမ်ႇဢၼ်ဝႃႈဝဵင်းဢၼ်မူတ်းၸၢင်ႇဢိူၺ်း။ ၼုင်ႈမႆႊၶူဝ်းၼုင်ႈမႂ်းဢၼ်ႁၢင်ႊလီၼၼ်ႉတႃႉ။ လွင်ႈမၼ်းၸမ်းၵမ်းလိုၼ်းၵေႃႉဢၼ်ဢမ်ႇၶၢမ်ႇတၢင်းဢၼ်ထိူဝ်ႁိမ်း ဢိၵ်ႇတင်းၵေႃႉဢၼ်ၵူဝ်ႈၵိူၵ်ႇၼၼ်ႉဢမ်ႇလႆႈၶဝ်ႈၵႃႈၼႂ်းမႂ်း။
၂ ဝဵင်းယေႇရုသလႅမ်ႇဢိူၺ်း။သၼ်ႇမုၼ်ႈလိၼ်ပႅတ်ႈသေၵႃႈတီႈမႂ်းလႄႈလုၵ်ႉသေလႄႈၼင်ႈယူႇတႃႉ။လုၵ်ႈယိင်းၸိဢုၼ်ႇ ဢၼ်လႆႈၶၢမ်ႇတၢင်းဢၼ်ၶျုၵ်ႈဝႆႉၼႆႉဢိူၺ်း။
၃ ပူတ်းထွတ်ႇၸိူၵ်ႈၶေႃးမႂ်းၼၼ်ႉပႅတ်ႈတႃႉ။ ထႃႇဝရႃႉၽြႃးမီးဢမိင်ႉဝႆႉၸမ်း၊-သူၼႆႉယင်းဢမ်ႇလႆႈၵႃတူဝ်ၶၼ်တူဝ်လႄႈ လႆႈၶၢမ်ႇတၢင်းဢၼ်ၶၢႆပႅတ်ႈလႄႈ ယင်းဢမ်ႇပၼ်ငိုၼ်းပၼ်တွင်းလႄႈတၵ်းလႆႈႁွတ်ႈထိုင် တၢင်းဢၼ်ထုတ်ႇဢဝ်ဢေႃႈ။
၄ ၸဝ်ႈထႃႇဝရႃႉၽြႃးမီးဢမိင်ႉဝႆႉၸမ်း၊-မိူဝ်ႈဢွၼ်တၢင်းၼၼ်ႉၵူၼ်းၵဝ်တင်းလၢႆဢွၼ်ၵၼ်လူင်းၵႂႃႇ ၵႃႈတီႈမိူင်းဢေႇၵႅပ်ႉတု ႁႂ်ႈလႆႈသွၼ်ႈပိူင်ႈၵႃႈတီႈၼၼ်ႉဢေႃႈ။လိုၼ်းၼၼ်ႉၵူၼ်းဢႃႇသုရိ တင်းလၢႆယင်းဢမ်ႇမီးလွင်ႈမၼ်းလႄႈၼိၵ်ႈၸၢၵ်ႈငႅၼ်းသေးၶဝ်ဢေႃႈ။
၅ ထႃႇဝရႃႉၽြႃးမီးဢမိင်ႉဝႆႉၸမ်း၊-ၵွပ်ႈပိူဝ်ႈဢၼ်ယင်းဢမ်ႇမီးလွင်ႈမၼ်းလႄႈၵူၼ်းတင်းလၢႆလႆႈၶၢမ်ႇတၢင်းဢၼ် သိမ်းဢဝ်လႄႈၵဝ်တၵ်းလႆႈႁဵတ်းၸိူဝ်ႉၼင်ႇႁိုဝ်ၵႃႈတီႈၶဝ်ၼႆႉ။ထႃႇဝရႃႉၽြႃးမီးဢမိင်ႉဝႆႉၸမ်း၊- ၶဝ်ၸိူဝ်းဢၼ်ဢုပ်ႉၵႃႈၼိူဝ်ၶဝ်ၼၼ်ႉဢုၼ်ဢဵၼ်မေႃးမေးလႄႈ ၼႃႇမႃႉၸိုဝ်သဵင်ၵဝ် လႆႈၶၢမ်ႇတၢင်းဢၼ်သေႉသွမ်းယူႇတင်းဝၼ်းတင်း ဝၼ်းဢေႃႈ။
၆ ပိူဝ်ႈၼႆလႄႈၵူၼ်းၵဝ်တင်းလၢႆတၵ်းႁူႉၼႃႇမႃႉၸိုဝ်သဵင်ၵဝ်လႄႈ ႁူႉလွင်ႈဢၼ်ၵဝ်ပဵၼ်ၵေႃႉဢၼ်ဝႆႉၵတိၼၼ်ႉၼႂ်းမိူဝ်ႉဝၼ်းၼၼ်ႉဢေႃႈ။
၇ တူၺ်းလူ။ ပဵၼ်ၵဝ်ဢေႃႈ။ တိၼ်ၵေႃႉဢၼ်လၢတ်ႈထိုင်သတၢင်းသိူဝ်းပျေႃႇလႄႈ မွၵ်ႇလၢတ်ႈတၢင်းဢၼ်ၼိမ်ဢၼ်လီဢၼ်လၢတ်ႈထိုင် သတၢင်းသိူဝ်းပျေႃႇၵတ်းယဵၼ်ၶျၢမ်းသႃႇ တၢင်းဢၼ်လီဢၼ်ငၢမ်းလႄႈမွၵ်ႇလၢတ်ႈတၢင်းဢၼ်ၵႄႇသႄႇၶျွတ်ႈဢဝ်ဢၼ်လၢတ်ႈတီႈဝဵင်းၸိဢုၼ်ႇလႄႈဝႃႈ၊-ၽြႃးပဵၼ်ၸဝ်ႈမႂ်းဢုပ်ႉပိူင်ႇၸၢမ်ႇၸႃးယူႇဢေႃႈ၊ ဝႃႈၼင်ႇၼႆၼၼ်ႉႁၢင်ႊလီၼႃႇလူင်လၢင်ၵႃႈၼိူဝ်လွႆတင်းလၢႆဢေႃႈ။
၈ ထွမ်ႇငိၼ်း သဵင်ၶၢဝ်ႇၸိူဝ်းဢၼ်ပႂ်ႉၵင်ႈမႂ်းၼၼ်ႉတႃႉ။ၶဝ်ၼၼ်ႉဢွၼ်ၵၼ်ၵိဝ်ႇသဵင်သေလႄႈ ႁွင်ႉသႅၼ်ႇၽွမ်ႉမိူဝ်ႈလဵဝ်ၵၼ်ဢေႃႈ။လွင်ႈမၼ်းၸမ်းၶဝ်ၼၼ်ႉမၢၵ်ႇတႃတေႃႇမၢၵ်ႇတႃ တၵ်းလႆႈႁၼ်ၼႂ်းမိူဝ်ႈဢၼ်ထႃႇဝရႃႉၽြႃးၶိုၼ်းမႃးၵႃႈတီႈဝဵင်းၸိဢုၼ်ႇၼၼ်ႉဢေႃႈ။
၉ တီႈဢၼ်ၵိူၼ်ႇပင်းလူႉလႅဝ် ၵႃႈတီႈဝဵင်းယေႇရုသလႅမ်ႇၶဝ်ဢိူၺ်း။ ၽွမ်ႉၵၼ်ႁဵတ်းၵႂၢမ်းသေလႄႈပၢဝ်ႇသေႃႇတႃႉ။ ထႃႇဝရႃႉၽြႃးႁႂ်ႈၸႂ်ၵူၼ်းမၼ်းၸဝ်ႈတင်းလၢႆသၢၵ်ႈသႃႇၶႅၼ်းမႃးယဝ်ႉ။မၼ်းၸဝ်ႈထုတ်ႇဢဝ်ဝဵင်း ယေႇရုသလႅမ်ႇယဝ်ႉ။
၁၀ ထႃႇဝရႃႉၽြႃးဝူတ်ႈၶႅၼ်မိုဝ်းမၼ်းၸဝ်ႈဢၼ်မူတ်းၸၢင်ႇၼၼ်ႉ ဢွၵ်ႇၼႄပျုႉသိုဝ်ႈၼႃႈတႂ်ႈတႃမဵဝ်းၵူၼ်းၵူႈၸိူဝ်ႉၵူႈမဵဝ်းယဝ်ႉလႄႈ တီႈသုတ်းလိၼ်မိူင်းၵႃႈမီး တၵ်းႁူႉႁၼ်ၵျေးၸူးတၢင်းဢၼ်ၵႄႇသႄႇၶျွတ်ႈဢဝ်ၽြႃးပဵၼ်ၸဝ်ႈႁဝ်းၼၼ်ႉဢေႃႈ။
၁၁ ဢွၵ်ႇတႃႉ။ဢွၵ်ႇတႃႉ။ ဢွၵ်ႇသေၵႃႈၼႂ်းတီႈၼၼ်ႉၵႂႃႇတႃႉ။ယႃႇပေဢဝ်မိုဝ်းတိူဝ်ႉလွင်ႈတၢင်းဢၼ်ဢမ်ႇမူတ်းသႂ်ၼၼ်ႉ။ဢွၵ်ႇသေၵႃႈၼႂ်းၵၢင်တီႈၼၼ်ႉၵႂႃႇတႃႉ။သူၸိူဝ်းဢၼ် ယိပ်းၵမ်ဢဝ်ၶိူင်ႈပိူင်ထႃႇဝရႃႉၽြႃးတင်း လၢႆၵႂႃႇၶဝ်ဢိူၺ်း။
၁၂ ဢွၼ်ၵၼ်မီးတၢင်းဢၼ်မူတ်းသႂ်တႃႉ။သူဢမ်ႇလႆႈဢွၵ်ႇၵႂႃႇၶၼ်ၶၼ်ၽႂ်းၽႂ်း။သူဢမ်ႇလႆႈဢွၵ်ႇပၢႆႈသေလႄႈၵႂႃႇ။ထႃႇဝရႃႉၽြႃးတၵ်းဢွၼ်ႁူဝ်သူၵႂႃႇလႄႈၽြႃးပဵၼ်ၸဝ်ႈမဵဝ်းဢိသရေႇလ တၵ်းပဵၼ်ဢၼ်ႁႄႉဢၼ်ၵင်ႈယူႇ ၵႃႈတီႈၽၢႆႇလင်သူဢေႃႈ။
တုၵ်ႉၶႃႉတၢင်းၽၢၼ်တင်းမူၼ်ႈၵုင်ႇၶႃႈၽြႃးပဵၼ်ၸဝ်ႈ
၁၃ တူၺ်းလူ။ ၶႃႈၵဝ်ၼၼ်ႉတၵ်းပွင်ႁဵတ်းဢမူႉလႄႈပေႉၼႅင်ႇဢေႃႈ။ မၼ်းတၵ်းႁွတ်ႈထိုင်တၢင်းဢၼ်ယုၵ်ႉၶိုၼ်ႈ၊တၢင်းဢၼ်ယွင်ႈယေႃးလႄႈ ပဵၼ်ဢၼ်ထွတ်ႈ ဢၼ်မျၢတ်ႈဢေႃႈ။
၁၄ ၸိူဝ်ႉၼင်ႇဢၼ်ၵူၼ်းၼမ်ၼႃႇဢၢမ်းၼႃႇယၢပ်ႇၸႂ်ယုင်ႈၸႂ် လူၺ်ႈလွင်ႈဢၼ်မၼ်းမီးတၢင်းဢၼ်ၼႃႈလူႉ ၸိူဝ်ႉၼင်ႇဢၼ်မၼ်းဢမ်ႇၸႂ်ႈၵူၼ်းဢိၵ်ႇတင်း တၢင်းဢၼ်ႁၢင်ႊၽၢင်မၼ်းလူႉၸိူဝ်ႉ ၼင်ႇမၼ်းဢမ်ႇၸႂ်ႈလုၵ်ႈၵူၼ်းၼၼ်ႉ၊
၁၅ မိူၼ်ၼင်ႇၼၼ်မၼ်းၽႅတ်းသႂ်ႇတီႈမဵဝ်းၵူၼ်းၼမ်ၼႃႇလႄႈ ၶုၼ်ႁေႃၶမ်းတၢင်းလၢႆတၵ်းလႆႈဢိုတ်းသူပ်းၶဝ်ယူႇၵႃႈတီႈၽၢႆႇၼႃႈမၼ်းၼၼ်ႉဢေႃႈ။ ၶဝ်တၵ်းလႆႈႁၼ်လွင်ႈတၢင်းဢၼ်ပိူၼ်ႈဢမ်ႇပႆႇတွၼ်ႉၼႄပျုႉၸိူဝ်းၼၼ်ႉလႄႈႁူႉၸႅင်ႈလွင်ႈတၢင်းဢၼ်ၶဝ်ဢမ်ႇယၢမ်ႈလႆႈငိၼ်းၸိူဝ်းၼၼ်ႉဢေႃႈ။