၅၃
၁ ၵႂၢမ်းသတၢင်းသဵင်ၶၢဝ်ႇ ဢၼ်ႁဝ်းႁေႃးလၢတ်ႈၼႆႉၸိုင်ၽူႈ လႂ်ယုမ်ႇ။ၶႅၼ်မိုဝ်းထႃႇဝရႃႉၽြႃးၼၼ်ႉၸိုင်ထၢင်ႇ သႃးတီႈၽူႈ လႂ်။
၂ ယႂ်ႇၽႄႈတူဝ်းတွၼ်းမႃးယူႇၵႃႈတီႈၽၢႆႇၼႃႈမၼ်းၸဝ်ႈလႄႈ မၼ်းၼၼ်ႉမိူၼ်ၸိူဝ်ႉၼင်ႇယွတ်ႈၼင်ႇၵူႇဢိၵ်ႇတင်းၸိူဝ်ႉၼင်ႇၵိင်ႇၶႃႊ ဢၼ်တႅၵ်ႇဢွၵ်ႇမႃးၵႃႈတီႈလိၼ် ဢၼ်ႁႅင်ႈဢၼ်ႁွင်ၼၼ်ႉဢေႃႈ။မၼ်းဢမ်ႇမီးႁၢင်ႊၽၢင် ဢၼ်လီဢၼ်ငၢမ်း ပုၼ်ႈဢၼ်ႁဝ်းလီဢဝ်ႁဵတ်းပမႃႇၼႃႉၼၼ်ႉ။ ဢမ်ႇတဵမ်ဝႆႉတင်းလၢၵ်ႈၶၼႃႇတႃႇဢၼ်ႁဝ်းလီႁၵ်ႉလီပႅင်း။မၼ်းလႆႈၶၢမ်ႇတၢင်းဢၼ်ႁဵတ်း ဢမ်ႇပေႃးၼင်ႇႁိုဝ်လႄႈ ပဵၼ်ၵေႃႉဢၼ်ၵူၼ်းတၢင်းလၢႆၸုၼ်ႉပႅတ်ႈဢေႃႈ။
၃ မၼ်းပဵၼ်ၵေႃႉဢၼ်တဵမ်ဝႆႉတင်းတၢင်းဢၼ်မႆႈၸႂ်ၶီၸႂ်၊ ၵေႃႉဢၼ်မိုတ်ႈၵိုဝ်းၵၼ်တင်း ဝူၺ်ႇတၼႃႇတၢင်းဢၼ်ၸဵပ်းဢၼ်သႅပ်ႇလႄႈမၼ်းပဵၼ်ၸိူဝ်ႉၼင်ႇ ၵေႃႉဢၼ်လႆႈၶၢမ်ႇ တၢင်းဢၼ်ၵူၼ်းတင်းလၢႆ ဝၢႆႇၼႃႈပႅတ်ႈၼၼ်ႉဢေႃႈ။ မၼ်းလႆႈၶၢမ်ႇတၢင်းဢၼ်ႁဵတ်းဢမ်ႇပေႃးၼင်ႇႁိုဝ်ယူႇလႄႈႁဝ်းဢမ်ႇရူဝ်ႇသေၵူဝ်ယမ် မၼ်း။
၄ ၵူၺ်းၵႃႈမၼ်းၼၼ်ႉႁၢပ်ႇပႃးဢဝ်တၢင်းပဵၼ်ႁဝ်းလႄႈပႃးဢဝ်ဝူၺ်ႇတၼႃႇႁဝ်းၵႂႃႇဢေႃႈ။ ႁဝ်းမၢတ်ႈမၼ်းပဵၼ် ၵေႃႉဢၼ်လႆႈၶၢမ်ႇတၢင်းဢၼ်မၼ်းၸဝ်ႈပၼ်တၢမ်ႇ၊ တၢင်းဢၼ်ၽြႃးပဵၼ်ၸဝ်ႈသင်ႇသွၼ်သုင်းမႃႉ၊ တၢင်းဢၼ်မၼ်းၸဝ်ႈၶျႃးတူၵ်းတီႈ တႅမ်ႇၼၼ်ႉယဝ်ႉ။
၅ မၼ်းၼၼ်ႉလႆႈၶၢမ်ႇတၢင်းဢၼ်တႅင်းသႂ်ႇၸဵပ်းသႅပ်ႇၼႃႇလူင်လၢင် ၵွပ်ႈပိူဝ်ႈဢပျႅတ်ႈတၢင်းဢၼ်ႁဝ်းပူၼ်ႉလိူဝ်ၸိူဝ်းၼၼ်ႉလႄႈ လႆႈၶၢမ်ႇတၢင်းဢၼ်ၼိၵ်ႈၶိုတ်ႈလႅဝ်ၵႂႃႇ ၵွပ်ႈပိူဝ်ႈဢပျႅတ်ႈတၢင်းဢၼ်ႁဝ်းၽိတ်းပိူင်ႈၼၼ်ႉဢေႃႈ။တၢင်းဢၼ်ၸၢင်ႊသင်ႇသွၼ်သုင်းမႃႉ ဢၼ်ႁႂ်ႈပဵၼ်ၵတ်းယဵၼ်ၶျၢမ်းသႃႇတၢင်းဢၼ်ၼိမ်ၸႂ်တီႈႁဝ်းၼၼ်ႉ ႁွတ်ႈထိုင်ၵႃႈၼိူဝ်မၼ်းလႄႈ ႁဝ်းမီးတၢင်းဢၼ်တၢင်းၸဵပ်းတၢင်းသႅပ်ႇႁၢႆၵႂႃႇၵွပ်ႈပိူဝ်ႈႁွႆးတၢမ်ႇ ဢၼ်မၼ်းလႆႈၶၢမ်ႇၸိူဝ်းၼၼ်ႉ ဢေႃႈ။
၆ ႁဝ်းၵႃႈမီးတင်းသဵင်ႈတင်းလူင်ၽိတ်းတၢင်းပိူင်ႈတၢင်းၵႂႃႇမိူၼ်ၸိူဝ်ႉၼင်ႇသူဝ်းၼၼ်ႉယူႇ၊ ဝႄႈပိူင်ႈငႅၵ်းၸွမ်းသဵၼ်ႈတၢင်းတူဝ်ၸဝ်ႈၵဝ်ႇၵႂႃႇ ႁင်းၽႂ်ႁင်းမၼ်းယူႇလႄႈထႃႇဝရႃႉၽြႃး ဢဝ်ဢပျႅတ်ႈႁဝ်းတင်းသဵင်ႈတင်း လူင်တၢင်ႇသႂ်ႇၵႃႈၼိူဝ်မၼ်းၼၼ်ႉဢေႃႈ။
၇ မၼ်းၼၼ်ႉလႆႈၶၢမ်ႇတၢင်းဢၼ်ၼိၵ်ႈၸၢၵ်ႈငႅၼ်းသေးဢိၵ်ႇတင်းတၢင်းဢၼ်ၶျႃးတႅမ်ႇလႄႈယင်းဢမ်ႇၽုၺ်ႇပိုတ်ႇသူပ်းမၼ်းလႄႈယူႇဢေႃႈ။ၸိူဝ်ႉၼင်ႇသူဝ်းဢွၼ်ႇ ဢၼ်လႆႈၶၢမ်ႇတၢင်းဢၼ်ဢဝ်ၵႂႃႇႁႂ်ႈလႆႈဢဝ်တၢႆဢိၵ်ႇတင်း ၸိူဝ်ႉၼင်ႇသူဝ်းဢၼ်ယင်းဢမ်ႇႁွင်ႉဢမ်ႇသႅၼ်ႇၵႃႈတီႈ ၽၢႆႇၼႃႈၵေႃႉဢၼ်ၵႅတ်းႁႆးၶူၼ်မၼ်းယူႇၼၼ်ႉလႄႈ မၼ်းၼၼ်ႉယင်းဢမ်ႇပိုတ်ႇ ပၢၵ်ႇလႄႈယူႇဢေႃႈ။
၈ ၵွပ်ႈပိူဝ်ႈတုၵ်ႉၶႃႉတၢင်းၽၢၼ်ဢိၵ်ႇတင်း တၢင်းဢၼ်ၸီႇယၢင်ႇတႅပ်းတတ်းၼၼ်ႉလႄႈမၼ်းလႆႈၶၢမ်ႇတၢင်းဢၼ်ဢဝ်ဢွၵ်ႇၵႂႃႇဢေႃႈ။ ၼႂ်းၸူဝ်ႈပၢၼ်မၼ်းၼၼ်ႉ ၽူႈ လႂ်ၶုၵ်းၸႂ်လႆႈၶႆႈၸႂ်လူၺ်ႈလွင်ႈဢၼ်မၼ်းလႆႈၶၢမ်ႇ တၢင်းဢၼ်ပႄႇၽဵဝ်ႈပႅတ်ႈသေၵႃႈၼႂ်းၶဝ်ၸိူဝ်းဢၼ်ဢသၢၵ်ႈလိပ်းယူႇၼၼ်ႉ။မၼ်းလႆႈၶၢမ်ႇ တၢင်းဢၼ်မၼ်းၸဝ်ႈပၼ်တၢမ်ႇၵွပ်ႈပိူဝ်ႈဢပျႅတ်ႈတၢင်းဢၼ်ၵူၼ်းၵဝ်တင်းလၢႆ ပူၼ်ႉလိူဝ်ၸိူဝ်းၼၼ်ႉဢေႃႈ။
၉ ပိၵ်ႉသမ်ႉမၼ်းဢမ်ႇႁဵတ်းဢႃႉထမ်ႇမႃႉလႄႈဢမ်ႇမီးမူႉသႃႇတီႈသူပ်းမၼ်းသေၵေႃႈ ၶဝ်ၸီႇယၢင်ႇႁႂ်ႈမၼ်းလႆႈၶၢမ်ႇ တၢင်းဢၼ်ၽင်လိၼ်လူၺ်ႈၵၼ်တင်းၶဝ်ၸိူဝ်းဢၼ် ႁၢႆႉဢၼ်မိူၵ်ႈဢိၵ်ႇတင်းလူၺ်ႈၵၼ်တင်းသထေးတင်းလၢႆ ၼႂ်းမိူဝ်ႈဢၼ်မၼ်းတၢႆၼၼ်ႉဢေႃႈ။
၁၀ ထႃႇဝရႃႉၽြႃးမီးဢလူဝ်ႇ ၶႂ်ႈၼိၵ်ႈၶိုတ်ႈမၼ်းလႅဝ်ၵႂႃႇလႄႈႁႂ်ႈမၼ်းၸဵပ်းသႅပ်ႇဢေႃႈ။ မၼ်းၼၼ်ႉဢဝ်ၸႂ်ဝိၺိၺ်ႇမၼ်း ႁဵတ်းတၢင်းပုၵ်ႉၸေႃႇယိၸ်ႉဢၼ်ၽေႇဢပျႅတ်ႈသေယဝ်ႉတၵ်းလႆႈႁၼ်မဵဝ်းၸိူဝ်ႉၶိူဝ်းမၼ်းလႄႈ ဢသၢၵ်ႈမၼ်းၵေႃႈတၵ်းယၢဝ်းယိုၼ်းဢေႃႈ။တၢင်းၵျၢမ်ႇတၢင်းပွင်ထႃႇဝရႃႉၽြႃးၵေႃႈ တၵ်းႁွတ်ႈ ထိုင်တၢင်းဢၼ်တဵမ်ၵႃႈတီႈမိူင်းမၼ်းဢေႃႈ။
၁၁ မၼ်းတၵ်းႁၼ်ဢၵျူဝ်းဝူၺ်ႇတၼႃႇဢၼ်ၸႂ်ဝိၺိၺ်ႇမၼ်းလႆႈၶၢမ်ႇၼၼ်ႉလႄႈၶိုတ်းၸႂ်ပဵင်းၸႂ်ဢေႃႈ။ၵွပ်ႈပိူဝ်ႈတၢင်းဢၼ် မိုတ်ႈၵိုဝ်းၵၼ်တင်းၶႃႈၵဝ်ဢၼ်သိုဝ်ႈတေႃႇၼၼ်ႉလႄႈ မၼ်းၼၼ်ႉတၵ်းႁႂ်ႈၵူၼ်းၼမ်ၼႃႇတႄႇယူႇၼႂ်းတၢင်းဢၼ်သိုဝ်ႈတေႃႇဢေႃႈ။
၁၂ မၼ်းလႆႈႁပ်ႉဢဝ်ဢပျႅတ်ႈၶဝ်ၵႂႃႇဢေႃႈ။ၵွပ်ႈပိူဝ်ႈဢၼ်မၼ်းဢဝ်ဢသၢၵ်ႈမၼ်း သွၼ်းလေႃႇတေႃႇထိုင်ႁွတ်ႈထၼ်ႈပေႃးတၢႆလႄႈ လႆႈၶၢမ်ႇတၢင်းဢၼ်ၼပ်ႉဢၢၼ်ႇၶဝ်ႈပႃးလူၺ်ႈၵၼ်တင်းၶဝ်ၸိူဝ်းဢၼ်ဢမ်ႇတြႃးၼၼ်ႉသေယဝ်ႉ ႁၢပ်ႇဢဝ်ဢပျႅတ်ႈၵူၼ်းၼမ်ၼႃႇၵႂႃႇလႄႈ တွင်းပၢၼ်ႇပုၼ်ႈၶဝ်ၸိူဝ်းဢၼ်ဢမ်ႇတြႃးၼၼ်ႉလႄႈ ၵဝ်တၵ်းၽေဢဝ်ပုၼ်ႈဢဝ်တႃႇဝႆႉပုၼ်ႈမၼ်းလူၺ်ႈၵၼ်တင်း ၵူၼ်းယႂ်ႇၵူၼ်းလူင်တင်းလၢႆဢေႃႈ။မၼ်းတၵ်းၽေဢဝ် ၶွင်ၶူဝ်းဢၼ်ႁိမ်ဢဝ်လႄႈ လႆႈၼၼ်ႉလူၺ်ႈၵၼ်တင်းၶဝ်ၸိူဝ်းဢၼ်ႁႅင်းယႂ်ႇၼႃႇၼၼ်ႉဢေႃႈ။