၃
တၢင်းဢၼ်ၸီႇယၢင်ႇၼိူဝ်ယေႇရုသလႅမ်ႇတင်းယုတ
၁ လွင်ႈမၼ်းၸမ်း ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးပႄႇၽဵဝ်ႈပႅတ်ႈ ဢၼ်ၵမ်ႉဢၼ်ထွၵ်ႈၵူႈၸိူဝ်ႉၵူႈပိူင်ဢၼ်ဝႃႈၶဝ်ႈမုၼ်းဢၼ်ၵမ်ႉဢၼ်ထွၵ်ႈၵႃႈမီး ဢိၵ်ႇတင်း ၼမ်ႉဢၼ်ၵမ်ႉဢၼ်ထွၵ်ႈၵႃႈမီး၊
၂ ၵေႃႉဢၼ်တၼ်းၶူဝ်းယႂ်ႇ၊ ၵေႃႉဢၼ်ၸၢင်ႊတိုၵ်းသိုၵ်း၊ၵူၼ်းလူင်ဢၼ်ၸီႇ ယၢင်ႇတြႃး၊
၃ ပရေႃးၽႅတ်ႈမေႃပေႇတၢင်ႇၵူၼ်းထဝ်ႈၵူၼ်းၵႄႇ၊ ပူဝ်ႇဢၼ်ဢုပ်ႉၵႃႈ ၼိူဝ်ၵူၼ်းႁႃႈသိပ်း၊ၶုၼ်ဢရႃႇသီႉမူးမၢတ်ႈၽွင်းမိူင်းဢၼ်တိူင်ႇပၢင်ႇ ၵေႃႉဢၼ်မီးတၢင်းၵတ်ႉတၢင်းၶၼ် မိုဝ်းတင်းၵေႃႉဢၼ်မီးတၢင်းၵတ်ႉတၢင်းၶၼ်သူပ်းၸိူဝ်းၼၼ်ႉသေၵႃႈတီႈ ဝဵင်းယေႇ ရုသလႅမ်ႇတင်းမိူင်းယုတယဝ်ႉ။
၄ ၵဝ်တၵ်းဢဝ်လုၵ်ႈဢွၼ်ႇၶၢၼ်းဝႆႉၼႂ်းဢရႃႇၶုၼ်ၶဝ်လႄႈ လုၵ်ႈဢွၼ်ႇဢၼ်ၵိၼ်ၼူမ်းတင်းလၢႆ တၵ်းလႆႈဢုပ်ႉပိူင်ႇၶဝ်ဢေႃႈ။
၅ ၵူၼ်းဝၢၼ်ႈၵူၼ်းမိူင်းတင်းလၢႆၵေႃႉၼိုင်ႈလႄႈၵေႃႉၼိုင်ႈ၊ၵူၼ်းႁိူၼ်းၸမ်ၵၼ် ၵေႃႉၼိုင်ႈလႄႈၵေႃႉၼိုင်ႈတၵ်းၼိၵ်ႈၸၢၵ်ႈငႅၼ်းသေးၵၼ်လႄႈလုၵ်ႈဢွၼ်ႇတၵ်းၸွၵ်ႈၵႃးၵူၼ်းထဝ်ႈၵူၼ်းၵႄႇလႄႈ ၵူၼ်းယုတ တၵ်းၸွၵ်ႇၵႃးၵူၼ်းမျၢတ်ႈဢေႃႈ။
၆ မိူဝ်ႈဢၼ်ၵူၼ်းတိုတ်ႉၸၼ်ဢဝ်ပီႈၼွင်ႉမၼ်း ၵႃႈၼႂ်းႁိူၼ်းပေႃႈမၼ်းလႄႈလၢတ်ႈဝႃႈ၊- မႂ်းယင်းမီးၶူဝ်းၼုင်ႈၶူဝ်းမႆႊယူႇဢေႃႈ။
၇ ႁဵတ်းၶုၼ်ၵႃႈၼိူဝ်ႁဝ်းၶႃႈသေၵမ်း။ႁႂ်ႈတၢင်းဢၼ်ႁဝ်းၶႃႈပင်းလူႉၼႆႉမီးတႂ်ႈမိုဝ်းမႂ်းသေၵမ်းဝႃႈၼင်ႇၼႆၸိုင်၊ၼႂ်းဝၼ်းၼၼ်ႉမၼ်းတၵ်းလၢတ်ႈလႅင်းလႅင်းလႄႈဝႃႈ၊-ၵဝ်ၼႆႉပဵၼ်ၵေႃႉဢၼ်မႄးၵုမ်းမႄးႁဵတ်းလႆႈဢမ်ႇၸႂ်ႈ။ၵႃႈတီႈႁိူၼ်းၵဝ်ၼၼ်ႉဢမ်ႇမီးၶဝ်ႈမုၼ်းဢမ်ႇမီးၶူဝ်းၼုင်ႈၶူဝ်းမႆႊ။သူဢမ်ႇလႆႈႁႂ်ႈၵဝ်ႁဵတ်းၶုၼ်ၵႃႈၼိူဝ် ၵူၼ်းဝၢၼ်ႈၵူၼ်းမိူင်း၊ဝႃႈၼင်ႇၼႆဢေႃႈ။
၈ ဝဵင်းယေႇရုသလႅမ်ႇလူမ်ႉပင်းယူႇ၊မိူင်းယုတသုမ်းၸွမ်းယူႇဢေႃႈ။လွင်ႈမၼ်းၸမ်း သူပ်းၶဝ်လိၼ်ႉၶဝ် ဢိၵ်ႇတင်းတၢင်းၵမ်တၢင်းၵျၢင်ႉၶဝ်ၼၼ်ႉဢမ်ႇမႅၼ်ႈၵၼ်တင်း ဢလူဝ်ႇထႃႇဝရႃႉၽြႃးထၼ်ႈပေႃးႁႂ်ႈၶတ်းၵၼ်တင်းမၢၵ်ႇတႃ မၼ်းၸဝ်ႈဢၼ်မူၼ်ႈၽုင်းယႂ်ႇၼၼ်ႉဢေႃႈ။
၉ တၢင်းဢၼ်ၶဝ်ဝၢႆႇၼႃႈဝၢႆႇတႃၼၼ်ႉ ၶၢမ်ႇသၢၵ်ႈသေႇယူႇၽၢႆႇၼိုင်ႈတင်းၶဝ်လႄႈ ၶဝ်ယင်းဢမ်ႇသိူင်ႇဢမ်ႇမႅပ်းတူႉၸရိူၵ်ႈၶဝ်ဝႆႉလႄႈ ပိုတ်ႇဢွၵ်ႇၽုၺ်ႇဢွၵ်ႇယူႇမိူၼ်ၸိူဝ်ႉၼင်ႇဝဵင်းသေႃးတုမ်ႇၼၼ်ႉဢေႃႈ။ ဝိၺိၺ်ႇၶဝ်ၼၼ်ႉမီးဢႃႉမၢင်ႇၵလႃႇဢေႃႈ။ လွင်ႈမၼ်းၸမ်းၶဝ်ဢဝ်တၢင်းဢၼ်ဢမ်ႇလီဢမ်ႇငၢမ်း တွပ်ႇတႅၼ်းပၼ် တီႈတူဝ်ၶဝ်ယဝ်ႉ။
၁၀ လၢတ်ႈလူၺ်ႈလွင်ႈၵေႃႉဢၼ်သိုဝ်ႈတေႃႇၼၼ်ႉလႄႈဝႃႈ၊-မၼ်းမီးမၢင်ႇၵလႃႇဢေႃႈ၊ဝႃႈၼင်ႇၼႆတႃႉ။ လွင်ႈမၼ်းၸမ်းမၼ်းတၵ်းလႆႈၸၢမ်ႇ ၸႃးဢၵျူဝ်းတၢင်းၵမ်တၢင်းၵျၢင်ႉမၼ်းဢေႃႈ။
၁၁ ၵေႃႉဢၼ်ဢမ်ႇတြႃးၼၼ်ႉမီးဢႃႉမၢင်ႇၵလႃႇဢေႃႈ။မၼ်းတၵ်းႁူပ်ႉထူပ်းဢမူႉဢၼ်ဢမ်ႇလီဢမ်ႇငၢမ်းဢေႃႈ။လွင်ႈမၼ်ၸမ်း ဢပျႅတ်ႈတၢင်းဢၼ်မိုဝ်းမၼ်းႁဵတ်းၼၼ်ႉတၵ််းလႆႈတွပ်ႇတႅၼ်းၶိုၼ်းတီႈမၼ်းဢေႃႈ။
၁၂ ၵူၼ်းၵဝ်တင်းလၢႆၸမ်း လုၵ်ႈဢွၼ်ႇဢွၼ်ၵၼ်ၼိၵ်ႈၸၢၵ်ႈငႅၼ်းသေးလႄႈ မေႈယိင်းဢွၼ်ၵၼ်ဢုပ်ႉပိူင်ႇဢေႃႈ။ၵူၼ်းၵဝ်တင်းလၢႆၶဝ်ဢိူၺ်း။ ၶဝ်ၸိူဝ်းဢၼ်ၼႄပျုႉသဵၼ်ႈတၢင်းတီႈသူၼၼ်ႉ ႁႂ်ႈသူၽိတ်းတၢင်းပိူင်ႈတၢင်းလႄႈ ယႃႉသဵၼ်ႈတၢင်းဢၼ်သူၸွမ်းၼၼ်ႉ ပႅတ်ႈဢေႃႈ။
၁၃ ထႃႇဝရႃႉၽြႃးလုၵ်ႉႁႂ်ႈလႆႈပႂ်ႉဢမူႉမၼ်းၸဝ်ႈလႄႈ ၸုၵ်းယူႇႁႂ်ႈလႆႈၸီႇယၢင်ႇတြႃးတီႈၵူၼ်းမၼ်း ၸဝ်ႈတင်းလၢႆဢေႃႈ။
၁၄ ထႃႇဝရႃႉၽြႃးတၵ်းႁဵတ်းဢမူႉတြႃးသႂ်ႇ တီႈၶဝ်ၸိူဝ်းဢၼ်ပဵၼ်ၵႄႇပဵၼ်ႁူဝ်ၼႂ်းၵူၼ်းမၼ်းတင်းလၢႆဢိၵ်ႇတင်း ၶုၼ်ၶဝ်တင်းလၢႆလႄႈဝႃႈၸမ်း၊-သူၵိ-ၼ်သူၼ်ဢူးယဵၼ်ႇၵဝ်ယဝ်ႉ။ၶွင်ၶူဝ်းဢၼ်သူႁိမ်ႁူင်ႇဢဝ် တီႈၶဝ်ၸိူဝ်းဢၼ်ယၢၵ်ႈဢၼ်ၽၢၼ် ၼၼ်ႉလႆႈသိမ်းဝႆႉမီးယူႇၵႃႈၼႂ်းႁိူၼ်းသူယဝ်ႉ။
၁၅ ၵွပ်ႈပိူဝ်ႈၸိူဝ်ႉၼင်ႇႁိုဝ်လႄႈ သူၼိၵ်ႈၸၢၵ်ႈငႅၼ်းသေးၵူၼ်းၵဝ်တင်းလၢႆလႄႈ ၶိုတ်ႈလႅဝ်ၼႃႈၶဝ်ၸိူဝ်းဢၼ်ယၢၵ်ႈဢၼ်ၽၢၼ်ၼၼ်ႉ၊ဝႃႈၼင်ႇၼႆလႄႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးမီးဢမိင်ႉဢေႃႈ။
၁၆ လၢႆးသမ်ႉထႃႇဝရႃႉၽြႃးမီးဢမိင်ႉဝႆႉၸမ်း၊-ၵွပ်ႈပိူဝ်ႈဢၼ်လုၵ်ႈယိင်းၸိဢုၼ်ႇတင်းလၢႆၸႂ်သုင်လႄႈ ယိုၼ်းၶေႃးယဵတ်ႇၶေႃးၶဝ်ယူႇ၊ လႆတႃၵႂႃႇၵႂႃႇၶိုၼ်းၶိုၼ်းယူႇ၊
၁၇ ၶွၼ်း ၶဝ်ႇမေႃးမေးၶိူင်ႈ ၶူၺ်ႇတိၼ်ဝႅၼ်တိၼ်ယူႇသေလႄႈၸင်ႇယၢင်ႈတိၼ်ၵႂႃႇတၢင်းထီႇထီႇၼၼ်ႉလႄႈ၊ ၸဝ်ႈၽြႃးတၵ်းႁႂ်ႈလုၵ်ႈယိင်းၸိဢုၼ်ႇ ၸိူဝ်းၼၼ်ႉပဵၼ်ႁူဝ် ပုတ်းႁူဝ်လိူမ်ႈပႅတ်ႈဢေႃႈ။
၁၈ ထႃႇဝရႃႉၽြႃးတၵ်းပႄႇၶူဝ်းၼုင်ႈၶဝ်ပႅတ်ႈသေလႄႈယႃႉသရေႇၶဝ်ဢေႃႈ။
၁၉ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ ၸဝ်ႈၽြႃးတၵ်းပႄႇၽဵဝ်ႈ တၢင်းဢၼ်ၶဝ်ႁၢင်ႈၶိူင်ႈႁၢင်ႊၽၢင်ဢၼ်ဝႃႈဝႅၼ် တိၼ်၊မွၵ်ႇႁူဝ်ၸႃႇ၊
၂၀ လၢဝ်ၶမ်း၊ မၢၵ်ႇတွင်ႇႁူ၊ဝႅၼ်မိုဝ်း၊ၽႃႈႁူမ်ႇၼႃႈ၊ မွၵ်ႇသရၽူႇ၊ၸိူၵ်ႈမၢႆသၢႆၶမ်း၊သၢႆဢႅဝ်၊ မူၵ်ႇယႃႈသုတ်ႇ၊
၂၁ ၸၢၵ်ႈၽွႆး၊မူင်းၵူၺ်း၊ ႁွႆႈၶူႈလင်၊သိူဝ်ႈၸႃႇၶမ်း၊ၽႃႈသူဝ်း၊သိူဝ်ႈယၢဝ်း၊ ထူင်ပႃး၊ၸမ်ႈ၊သိူဝ်ႈ တၢင်းၼႂ်း၊
၂၂ ၶဵၼ်းႁူဝ်၊ၽႃႈမႆႊၸိူဝ်းၼၼ်ႉ ပႅတ်ႈသေၵႃႈ တီႈၶဝ်ဢေႃႈ။
၂၃ ပုၼ်ႈတင်းတူဝ်ယဝ်ႉတင်းဢၼ်ႁွမ်ဢၼ်ႁူၺ်းၼၼ်ႉ တၵ်းလႆႈပဵၼ်တၢင်းဢၼ်တူႇဢၼ်ၼဝ်ႈ၊
၂၄ ပုၼ်ႈတင်းတူဝ်သၢႆဢႅဝ်ၼၼ်ႉ တၵ်းလႆႈပဵၼ်ၸိူၵ်ႈဢႅဝ်၊ပုၼ်ႈၶူၼ်ႁူဝ်ဢၼ်ၽၼ်ႈဢၼ်ၽိူဝ်ၼၼ်ႉ တၵ်းလႆႈပဵၼ်တၢင်းဢၼ်ႁူ ဝ်ပုတ်းႁူဝ်လိူမ်ႈ၊ပုၼ်ႈတင်းတူဝ်သၢႆႁတ်ႉဢူၵ်းၼၼ်ႉတၵ်းလႆႈပဵၼ်ၸိူၵ်ႈပေႃ၊ ပုၼ်ႈတင်းတူဝ်တၢင်းဢၼ်ႁၢင်ႊလီၽၢင်လီၼၼ်ႉ တၵ်းလႆႈပဵၼ် ႁူးလိၵ်ႈမၢႆဢေႃႈ။
၂၅ ၵူၼ်းမႂ်းတင်းလၢႆတၵ်းလႆႈတူၵ်းသုမ်းလူၺ်ႈလၢပ်ႇလူၺ်ႈလႅဝ်းလႄႈၵူၼ်းသိုၵ်းမႂ်းဢၼ်ႁႅင်းယႂ်ႇၼႃႇတင်းလၢႆ တၵ်းတူၵ်းသုမ်းလူၺ်ႈ တၢင်းဢၼ်တိုၵ်းသိုၵ်းတိုၵ်းသိူဝ်ဢေႃႈ။
၂၆ ၽၵ်းတူမၼ်းတင်းလၢႆတၵ်းလႆႈႁႆႈႁွင်ႉၶၢင်းၶီၶၢင်းၽၢၼ်လႄႈ မၼ်းတၵ်းလႆႈသိတ်ႇၵူၼ်းယဵၼ်ၵူၼ်းလႄႈ ၼင်ႈယူႇၵႃႈၼိူဝ်လိၼ်ဢေႃႈ။