History (1861-2001) Bible Radio New Cushing Bible Medical & Dental Mission Training Culture Shan-Thailand Home

Isaiah 28

၂၈

တၢင်းၵိၼ်ႇလႃႇၼိူဝ်ၵူၼ်းမဵဝ်းဢေႇၽရိမ်ႇ
၁ သရၽူႇမႃႇၼႃႉ ၵူၼ်းမဵဝ်းဢေႇၽရိမ်ႇတင်းလၢႆဢၼ်ၵိၼ်လဝ်ႈပူၼ်ႉလိူၼ်၊ လူင်ႇမွၵ်ႇဢၼ်ၸၢင်ႊႁဵဝ်ႇၸၢင်ႊၸွပ်ႈ၊မူၼ်ႈ ၽုင်းသရေႇဢၼ်ႁၢင်ႈလီႁၢင်းငၢမ်းဢၼ်မီးၵႃႈတီႈႁူဝ်ပၢင်ႇႁူၺ်ႈ ဢၼ်တဵမ်ဝႆႉတင်းၶွၼ်ႇၼမ်ႉမၼ်းလိၼ် ဢၼ်ပဵၼ်တီႈယူႇၶဝ်ၸိူဝ်းဢၼ်မဝ်းလဝ်ႈလူၺ်ႈၼမ်ႉၸပိတ်ႉၼၼ်ႉမီးဢႃႉမၢင်ႇၵလႃႇဢေႃႈ။
၂ တူၺ်းလူ။ထႃႇဝရႃႉၽြႃးမီးၵေႃႉဢၼ်ႁႅင်းယႂ်ႇတၼ်းၶူဝ်းယႂ်ႇၼၼ်ႉလႄႈ မၼ်းတၵ်းဢဝ်တင်းမိုဝ်းၶျႃးတူၵ်းပႅတ်ႈလိၼ်မိူင်း မိူၼ်ၸိူဝ်ႉၼင်ႇၽူၼ်လူင်လူမ်းလူင်ဢၼ်ပႃးမၢၵ်ႇႁဵပ်းလႄႈယႃႉပႅတ်ႈ၊ ဢိၵ်ႇတင်းမိူၼ်ၸိူဝ်ႉၼင်ႇ ၼမ်ႉဢၼ်လုၵ်ႉႁႅင်းယႂ်ႇၼႃႇလူင်လၢင်လႄႈထူမ်ႈ ႁူမ်ႇၼၼ်ႉဢေႃႈ။
၃ သရၽူႇမႃႇၼႃႉၵူၼ်းမဵဝ်းဢေႇၽရိမ်ႇတင်းလၢႆ ဢၼ်ၵိၼ်လဝ်ႈပူၼ်ႉၸိူဝ်းၼၼ်ႉတၵ်းလႆႈ ၶၢမ်ႇတၢင်းဢၼ်တိၼ်ယဵပ်ႇတိၼ်ၶၢမ်ႈဢေႃႈ။
၄ လူင်ႇမွၵ်ႇမူၼ်ႈၽုင်းသရေႇမၼ်းဢၼ်ၸၢင်ႊႁဵဝ်ႇၸၢင်ႊၸွပ်ႈဢၼ်မီးၵႃႈတီႈႁူဝ်ပၢင်ႇႁူၺ်ႈ ဢၼ်တဵမ်ဝႆႉတင်းၶွၼ်ႇၼမ်ႉမၼ်းလိၼ်ၼၼ်ႉ တၵ်းပဵၼ်ၸိူဝ်ႉၼင်ႇမၢၵ်ႇဢၼ်မၢၵ်ႇဢွၼ်တၢင်း ၼႂ်းမိူဝ်ႈဢၼ်ၶိင်ႇႁႅင်ႈဢမ်ႇပႆႇတဵမ်ပႆႇၸေးၼၼ်ႉဢေႃႈ။ ၵေႃႉဢၼ်ႁၼ်မၢၵ်ႇၼၼ်ႉၸၢင်ႊဢဝ်ၵိၼ်ပႅတ်ႈ ၼႂ်းမိူဝ်ႈဢၼ်မၼ်းႁၼ်လႄႈ ယိပ်းၵမ်ယူႇၼၼ်ႉဢေႃႈ။
၅ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးတၵ်းပဵၼ်သရၽူႇ ဢၼ်မီးမူၼ်ႈမီးၽုင်း၊ၶဵၼ်းႁူဝ်ဢၼ်မီးသရေႇတီႈၵူၼ်းမၼ်းၸဝ်ႈ ဢၼ်ၵိုတ်းဢၼ်ၵျၢၼ်ႇဝႆႉၸိူဝ်း ၼၼ်ႉဢေႃႈ။
၆ မၼ်းတၵ်းပဵၼ်ၺၢၼ်ႇဢၼ်ၸၢင်ႊၸီႇယၢင်ႇတြႃးတီႈၵေႃႉဢၼ်ၸီႇယၢင်ႇတြႃးၼၼ်ႉ ဢိၵ်ႇတင်းႁႅင်းပလႃႉ တီႈၶဝ်ၸိူဝ်းဢၼ်လေႃႇသိုၵ်းၽၢင်ႈသိုၵ်းဝႅၼ်ၶိုၼ်ႈၵႂႃႇတေႃႇထိုင်ႁွတ်ႈ ၽၵ်းတူရၢၼ်ႇသူႇ ၸိူဝ်းၼၼ်ႉဢေႃႈ။
၇ ၼႂ်းဝႃႈၼၼ်သေၵေႃႈၶဝ်ၼၼ်ႉၽိတ်းပိူင်ႈၵွုႇၵွပ်ႈပိူဝ်ႈၼမ်ႉၸပိတ်ႉလႄႈ ပိူင်ႈတၢင်းၵႂႃႇၵွပ်ႈပိူဝ်ႈၼမ်ႉလဝ်ႈယဝ်ႉ။ ယိတ်ႉပရေႃးႁိၵ်ႈဢိၵ်ႇတင်းပရေႃးၽႅတ်ႈၸိူဝ်းၼၼ်ႉ ၽိတ်းပိူင်ႈၵွပ်ႈပိူဝ်ႈၼမ်ႉလဝ်ႈယဝ်ႉ။ၸူမ်းၵိၼ်လူၺ်ႈၼမ်ႉၸပိတ်ႉယဝ်ႉ။ပိူင်ႈတၢင်းၵႂႃႇၵွပ်ႈ ပိူဝ်ႈၼမ်ႉလဝ်ႈယဝ်ႉ။မီးတၢင်းဢၼ်ၽိတ်းပိူင်ႈၼႂ်းလွင်ႈတၢင်းဢၼ် ၶၢမ်ႇပျႃႇတိၵ်ႈၼၼ်ႉယူႇသေလႄႈမီးတၢင်းဢၼ်တိူဝ်ႉမႅၼ်ႈလႄႈ လူမ်ႉၼႂ်းတၢင်းဢၼ်ၸီႇ ယၢင်ႇတြႃးၼၼ်ႉဢေႃႈ။
၈ ၶူင်ႇတီႈၵိၼ်ၶဝ်ၵႃႈမီးၼၼ်ႉတဵမ်ဝႆႉတင်းတၢင်းဢၼ်ႁၢၵ်ႈဢွၵ်ႇ ဢိၵ်ႇတင်းတၢင်းဢၼ်ၵူဝ်ႈဢၼ်ၵိူၵ်ႇ တေႃႇထိုင်ႁွတ်ႈထၼ်ႈပေႃးဢမ်ႇ မီးတီႈဢၼ်ပဝ်ႇဢၼ်လၢပ်ႈဢေႃႈ။
၉ မၼ်းၸဝ်ႈသင်ႇသွၼ်ပၼ်ပိင်ႇၺႃႇတီႈၽူႈ လႂ်။မၼ်းတၵ်းႁႂ်ႈၽူႈ လႂ်ႁူႉၸႅင်ႈၵႂၢမ်းဢၼ်မၼ်းမွၵ်ႇလၢတ်ႈၼၼ်ႉ။ပဵၼ်ၶဝ်ၸိူဝ်းဢၼ်ၸႃႉၽၢတ်ႈၼူမ်း၊ ၶဝ်ၸိူဝ်းဢၼ်ၶိၼ်သေလႄႈၽၢတ်ႇၼူမ်းမေႈၼၼ်ႉႁိုဝ်။
၁၀ မီးပိင်းၺၢပ်ႈဢၼ်ၼိုင်ႈထၢပ်ႈထႅင်ႈၵႃႈၼိူဝ်ဢၼ်ၼိုင်ႈ၊ ပိင်းၺၢပ်ႈဢၼ်ၼိုင်ႈထၢပ်ႈထႅင်ႈၵႃႈၼိူဝ်ဢၼ်ၼိုင်ႈ ၊ ၼႄးဢၼ်ၼိုင်ႈထၢပ်ႈထႅင်ႈၵႃႈၼိူဝ်ဢၼ်ၼိုင်ႈ ၊ ၼႄးဢၼ်ၼိုင်ႈထၢပ်ႈထႅင်ႈၵႃႈၼိူဝ်ဢၼ်ၼိုင်ႈ ၵႃႈတီႈၼႆႉဢိတ်းၼိုင်ႈ ၵႃႈတီႈၼႆႉဢိတ်းၼိုင်ႈလူင်ပေႇ။
၁၁ မၼ်းၸဝ်ႈတၵ်းဢဝ်တင်းသူပ်း ဢၼ်လၢတ်ႈၵႂၢမ်းဢမ်ႇပီႇဢိၵ်ႇတင်းလိၼ်ႉဢၼ်ရိူင်းၼၼ်ႉမီးဢမိင်ႉတီႈၵူၼ်းမဵဝ်းၼႆႉဢေႃႈ။ပိၵ်ႉသမ်ႉမၼ်းၸဝ်ႈမီးဢမိင်ႉတီႈၶဝ်လႄႈဝႃႈ၊-ဢၼ်ၼႆႉၸမ်း ပဵၼ်တၢင်းဢၼ်ၼိမ်ဢၼ်လီဢေႃႈ။
၁၂ ႁႂ်ႈၵေႃႉဢၼ်ႁိူဝ်ႉၸႂ်ဢူၼ်ႈၸႂ်ၼၼ်ႉၼိမ်လီယူႇသေၵမ်းလူၺ်ႈ။ဢၼ်ၼႆႉၸမ်းပဵၼ်တၢင်းဢၼ်သၢၵ်ႈသႃႇယဝ်ႉ၊ ဝႃႈၼင်ႇၼႆ သေၵေႃႈၶဝ်ၼၼ်ႉဢမ်ႇထွမ်ႇဢမ်ႇဢဝ်။
၁၃ ပိူဝ်ႈၼႆလႄႈၼုၵ်ႈၵပၢတ်ႈထႃႇဝရႃႉၽြႃး တၵ်းလႆႈပဵၼ်ပိင်းၺၢပ်ႈဢၼ်ၼိုင်ႈထၢပ်ႈထႅင်ႈၵႃႈၼိူဝ်ဢၼ်ၼိုင်ႈ၊ ပိင်းၺၢပ်ႈဢၼ်ၼိုင်ႈထၢပ်ႈထႅင်ႈၵႃႈၼိူဝ်ဢၼ်ၼိုင်ႈ ၼႄးဢၼ်ၼိုင်ႈထၢပ်ႈထႅင်ႈၵႃႈၼိူဝ်ဢၼ်ၼိုင်ႈ၊ ၼႄးဢၼ်ၼိုင်ႈထၢပ်ႈထႅင်ႈၵႃႈၼိူဝ်ဢၼ်ၼိုင်ႈ ၵႃႈတီႈၼႆႉဢိတ်းၼိုင်ႈၵႃႈတီႈၼႆႉဢိတ်းၼိုင်ႈ တီႈၶဝ်ႁႂ်ႈၶဝ်လႆႈၵႂႃႇလႄႈႁွတ်ႈထိုင်တၢင်းဢၼ်သုတ်ႉၶိုၼ်းယိုတ်းၶိုၼ်း၊ တၢင်းဢၼ်ႁၵ်းႁိၵ်းလူႉလႅဝ်၊ တၢင်းဢၼ်ထုၵ်ႇၶဵၼ်းမႅၼ်ႈတၢင်း ဢၼ်တီႉလႆႈဢေႃႈ။
၁၄ ပိူဝ်ႈၼႆလႄႈၵူၼ်းဢၼ်ၸၢင်ႊလႃႇၸၢင်ႊလင်လႄႈ ပဵၼ်ၵႄႇပဵၼ်ႁူဝ်ၵႃႈၼႂ်းၵူၼ်းဝဵင်းယေႇရုသလႅမ်ႇၶဝ်ဢိူၺ်း။ ဢွၼ်ၵၼ်ထွမ်ႇဢဝ် ၼုၵ်ႈၵပၢတ်ႈထႃႇဝရႃႉၽြႃးတႃႉ။
၁၅ ၵွပ်ႈပိူဝ်ႈဢၼ်သူၸၢင်ႊလၢတ်ႈလႄႈဝႃႈ၊-ႁဝ်းႁဵတ်းမိၵ်ႈသႁႃႇယႃႉတၢင်းဢၼ်ထုၵ်ႇၵၼ်တင်းၶုၼ်တင်းလၢႆယဝ်ႉ။ႁဵတ်းမိုတ်ႈႁဵတ်းၵိုဝ်းၵၼ်တင်းမိူင်းမရၼႃႉယဝ်ႉ။မိူဝ်ႈဢၼ်ၽေးဢၼ်ထူမ်ႈႁူမ်ႇထိုင် ၵႃႈတီႈဢၼ်ႁဝ်းမီးၼၼ်ႉႁဝ်းသွၼ်ႈပိုင်ႈတီႈမူႉသႃႇယူႇလႄႈ တဵတ်ႇမႅပ်းယူႇၵႃႈတႂ်ႈတၢင်းဢၼ်ပႅတ်ႉလႅၼ်ၼၼ်ႉယဝ်ႉ၊ဝႃႈၼင်ႇၼႆ လႄႈၸဝ်ႈထႃႇဝရႃႉၽြႃးလၢတ်ႈလႄႈဝႃႈ၊-
၁၆ ၵဝ်ဢဝ်မၢၵ်ႇႁိၼ်ငဝ်ႈႁၢၵ်ႈ ဢၼ်ၸၢမ်းတူၺ်းဢၼ်ဝႃႈမၢၵ်ႇႁိၼ်ငဝ်ႈႁၢၵ်ႈၸဵင်ႇတိူၵ်ႈမျၢတ်ႈ ဢၼ်မၼ်ႈၶိုင်ႇထၼ်ႈပေႃးဢမ်ႇၶွၼ်းၼိုင်လႆႈၼၼ်ႉၶျႃးဝႆႉၵႃႈၼိူဝ်လွႆၸိဢုၼ်ႇဢေႃႈ။ၵေႃႉဢၼ်ဢိင်ပိုင်ႈယူႇၼၼ်ႉၸမ်းတၵ်း ဢမ်ႇမီးလွင်ႈဢၼ်ၶုၼ်ႇပၢႆႈလႅၼ်ႈပၢႆႈ။
၁၇ ၵဝ်တၵ်းဢဝ်တၢင်းဢၼ်တႅပ်းတတ်းတြႃးႁဵတ်းမၢႆမီႈ၊ တၵ်းဢဝ်တၢင်းဢၼ် ၸီႇယၢင်ႇသိုဝ်ႈသိုဝ်ႈတေႃႇတေႃႇႁဵတ်းၵၢင်မဵဝ်းဢေႃႈ။ မၢၵ်ႇႁဵပ်းတၵ်းတူၵ်းလႄႈယႃႉၽဵဝ်ႈပႅတ်ႈတီႈဢၼ်သွၼ်ႈပိုင်ႈမူႉသႃႇၼၼ်ႉလႄႈ ၼမ်ႉတၵ်း ထူမ်ႈႁူမ်ႇတီႈဢၼ်တဵတ်ႇမႅပ်းယူႇၼၼ်ႉဢေႃႈ။
၁၈ မိၵ်ႉသႁႃႇယႃႉ ဢၼ်သူႁဵတ်းလူၺ်ႈၵၼ်တင်းၶုၼ်တင်းလၢႆၼၼ်ႉတၵ်းလူႉလႄႈတၢင်းဢၼ်သူႁဵတ်းမိုတ်ႈၵၼ်တင်းမိူင်းမရၼႃႉၼၼ်ႉ ဢမ်ႇလႆႈတူၵ်းတီႈတူၵ်းလႅၼ်။ယၢမ်းမိူဝ်ႈဢၼ်ၽေးဢၼ်သုမ်ႇႁူမ်ႇၼၼ်ႉ သုတ်ႉမႃးၼၼ်ႉၸိုင် သူတၵ်းလႆႈၶၢမ်ႇတၢင်းဢၼ်မၼ်းယဵပ်ႇ ၶၢမ်ႈၵႂႃႇဢေႃႈ။
၁၉ ၶိင်ႇမိူဝ်ႈၵႃႈဢၼ်မၼ်းသုတ်ႉၸမ်မႃးၼၼ်ႉမၼ်းတၵ်းပႃးဢဝ်သူၵႂႃႇဢေႃႈ။ၵွပ်ႈပိူဝ်ႈဢၼ်သုတ်ႉၸမ်မႃးယူႇ ၵူႈၼႂ်းၸႅၼ်ႇတမ်းၵၼ်ၵူႈဝၼ်းၵူႈၶိုၼ်းယူႇ တႃႇသေႇဢမ်ႇထၢတ်ႇၼၼ်ႉလႄႈ တၢင်းဢၼ်ႁူႉဢၼ်ၸႅင်ႈ သတၢင်းသဵင်ၶၢဝ်ၼၼ်ႉတၵ်းမီး လွင်ႈဢၼ်လီတူၵ်းၸႂ်ၵူၺ်းဢေႃႈ။
၂၀ ၵူႇတီႈၼွၼ်းပွတ်းထၼ်ႈပေႃးဢမ်ႇပေႃးယဵတ်ႇတူဝ်ယဵတ်ႇၶိင်းလႄႈၽႃႈဝႆၵႅပ်ႈထၼ်ႈပေႃး ဢမ်ႇပေႃးႁူမ်ႇပေႃးမႆႊဢေႃႈ။
၂၁ ထႃႇဝရႃႉၽြႃး တၵ်းလုၵ်ႉၸိူဝ်ႉၼင်ႇဢၼ်ႁဵတ်းၵႃႈၼိူဝ်လွႆပေႇရၸိမ်ႇၼၼ်ႉလႄႈ တၵ်းၸႂ်မႆႈၶႆႈၸႃႉၸိူဝ်ႉၼင်ႇဢၼ်ပဵၼ်ၵႃႈတီႈၼႂ်းပၢင်ႇႁူၺ်ႈ ၵိပွင်ႇ ၼၼ်ႉႁႂ်ႈလႆႈႁဵတ်းဢမူႉၸဝ်ႈဢၼ်ဝႃႈ ဢမူႉၸဝ်ႈဢၼ်လၢၵ်ႇလၢႆးၼၼ်ႉဢိၵ်ႇတင်းႁႂ်ႈလႆႈၵွႆ တၢင်းႁဵတ်းၸဝ်ႈဢၼ်ဝႃႈတၢင်း ႁဵတ်းၸဝ်ႈဢၼ်ယၢမ်ႈႁဵတ်းယူႇသေႇသေႇဢမ်ႇ ၸႂ်ႈၼၼ်ႉဢေႃႈ။
၂၂ မိူဝ်ႈလဵဝ်ၼႆႉလွင်ႈၼင်ႇႁိုဝ်တၢင်းဢၼ်မတ်ႉဢၼ်ၽုၵ်ႇသူၸိူဝ်းၼၼ်ႉတၵ်းဢမ်ႇလႆႈပဵၼ်ဢၼ်ယိင်ႈၶႅၼ်းၼႃႇၶိုၵ်ႉၼႃႇၸိုင် ယႃႇပေဢွၼ်ၵၼ်ႁဵတ်းတၢင်းဢၼ်လႃႇဢၼ်လင်။ ၵဝ်လႆႈငိၼ်းတီႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး လွင်ႈတၢင်းဢၼ်ပႄႇၽဵဝ်ႈပႅတ်ႈဢၼ်ၸီႇယၢင်ႇဝႆႉၸွတ်ႇတူဝ်ႈ ၵႃႈၼိူဝ်မိူင်းၸဝ်ႈတင်းမိူင်းၼၼ်ႉယဝ်ႉ။
၂၃ သူဢွၼ်ၵၼ်ဝၢႆႇႁူတေႃႇလႄႈ ထွမ်ႇငိၼ်းသဵင်ၵဝ်တႃႉ။
၂၄ ဢွၼ်ၵၼ်ႁႄႈႁူသူၸူးလႄႈ ထွမ်ႇငိၼ်းၵႂၢမ်းၵဝ်တႃႉ။ၵေႃႉဢၼ်ႁဵတ်းၼႃးၼၼ်ႉ ၸၢင်ႊထႆၼႃးယူႇၵူႈဝၼ်းဢမ်ႇထၢတ်ႇႁႂ်ႈလႆႈဝၢၼ်ႇၸိူဝ်ႉဝၢၼ်ႇၽၼ်းႁိုဝ်။မၼ်းၸင်ႇယူင်းလိၼ်လႄႈ တွႆႇၵွၼ်ႈလိၼ်လႅဝ်ယူႇသေႇသေႇႁိုဝ်။မၼ်းႁႂ်ႈၼႃႈၼႃးၽဵင်ႇၵၼ်ပဵင်းၵၼ်သေယဝ်ႉဢဝ်ၸိူဝ်ႉၽၼ်းၸမူတ်ႉဝၢၼ်ႇလႄႈ ဢဝ်ၸိူဝ်ႉၽၼ်း ၸီႇယႃႇၸၢတ်ႇပိုၼ်ဢမ်ႇၸႂ်ႈႁိုဝ်။
၂၅ မၼ်းၽုၵ်ႇၸိူဝ်ႉၽၼ်းၶဝ်ႈၵျုင်ႇသႂ်ႇပဵၼ်ထႅဝ်ပဵၼ်ထႅဝ် ဢိၵ်ႇတင်းၸိူဝ်ႉၽၼ်းၶဝ်ႈမူႉယေႃး ၼႂ်းတီႈဢၼ်မၼ်းၶၼ်ႈဝႆႉၼၼ်ႉတင်းၶဝ်ႈပိူၵ်ႇ ၵႃႈတီႈႁိမ်းႁွမ်းလဵပ်ႈႁွပ်ႈမၼ်း ဢမ်ႇၸႂ်ႈႁိုဝ်။
၂၆ လွင်ႈမၼ်းၸမ်းၽြႃးပဵၼ်ၸဝ်ႈမၼ်းလၢတ်ႈၼႄပၼ်ဢၼ်မၢၼ်ႇဢၼ်မႅၼ်ႈတီႈမၼ်းလႄႈ သင်ႇ သွၼ်ႇပၼ်မၼ်းဢေႃႈ။
၂၇ လွင်ႈမၼ်းၸမ်းဢမ်ႇၸၢင်ႊဢဝ်ၽႅၼ်ႇပဵၼ်းၼူတ်ႈမဵတ်ႉၸမူတ်ႉလႄႈ ဢမ်ႇၸၢင်ႊဢဝ်မၢၵ်ႇလေႃႉၵိင်ႈၵႃႈၼိူဝ်မဵတ်ႉၸီႇယႃႇ။ ၸင်ႇဢဝ်ၶွၼ်ႉၵူမ်ပေႃးၽတ်ႉမဵတ်ႉၸမူတ်ႉလႄႈ ၸင်ႇဢဝ်ၶွၼ်ႉႁဵဝ်း ပေႃႉၽတ်ႉမဵတ်ႉၸီႇယႃႇဢေႃႈ။
၂၈ မဵတ်ႉၶဝ်ႈၵျုင်ႇၸမ်းၸင်ႇၼူတ်ႈဢဝ်ဢေႃႈ။ၵူၺ်းၵႃႈမၼ်းၸင်ႇပေႃႉၽတ်ႉယူႇတႃႇသေႇဢမ်ႇၸႂ်ႈ။ပိၵ်ႉသမ်ႉမၢၵ်ႇလေႃႉမၼ်းဢိၵ်ႇတင်းမႃႉမၼ်းႁဵတ်းႁႂ်ႈမၢၵ်ႇမိူဝ်ၵႂႃႇသေၵေႃႈ ဢမ်ႇပဵၼ်ဢၼ် ၼူတ်ႈဢၼ်ပေႃႉ။
၂၉ ဢၼ်ၼႆႉၸမ်းပဵၼ်မႃးတီႈၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးဢၼ်ပၼ်တၢင်းၵျၢမ်ႇတၢင်းပွင်ဢၼ်လီဢၢမ်းၼႃႇ ဢၼ်မီးၺၢၼ်ႇဢၼ်ယႂ်ႇမျၢတ်ႈၼႃႇၼၼ်ႉဢေႃႈ။

ထမ်ႇမႃႉၵျၢမ်းၵဝ်ႇ

ၵျၢမ်းငဝ်ႈၵမ်ႇၽႃႇ
ၵျၢမ်းဢၼ်ဢွၵ်ႇၵႂႃႇ
ၵျၢမ်းဢၼ်ႁဵတ်းဝၢတ်ႈ
ၵျၢမ်းဢၼ်ယူႇၼႂ်းထိူၼ်ႇ  
ၵျၢမ်းဢၼ်ႁေႃးတြႃး
လိၵ်ႈမၢတ်ႈလွင်ႈယေႃးသု
လိၵ်ႈမၢတ်ႈလွင်ႈၵူၼ်းလူင်ဢၼ်ၸီႇယၢင်ႇတြႃး
ဝုတ်ႉထုရုထ
ထမ်ႇမႃႉရႃႇၸဝၢင်ႇၽိုၼ်ပထမ
ထမ်ႇမႃႉရႃႇၸဝၢင်ႇၽိုၼ်တုတိယ
ထမ်ႇမႃႉရႃႇၸဝၢင်ႇၽိုၼ်တတိယ
ထမ်ႇမႃႉရႃႇၸဝၢင်ႇၽိုၼ်ၸတုၵ်ႉထ
ရႃႇၸဝၢင်ႇၶျူၵ်ႉၽိုၼ်ပထမ
ရႃႇၸဝၢင်ႇၶျူၵ်ႉၽိုၼ်တုတိယ
လိၵ်ႈမၢတ်ႈလွင်ႈဢေႇၸရ
လိၵ်ႈမၢတ်ႈလွင်ႈၼေႇႁမိ
ဝုတ်ႉထုဢေးသတႃႇ
ဝုတ်ႉထုယေႃႇၽ
ၵျၢမ်းသႃႇလၢမ်ႇ
ၵျၢမ်းလိၵ်ႈသုၵ်ႉတၢမ်ႇ
ၵျၢမ်းလိၵ်ႈတေႇသၼႃႇ
လိၵ်ႈႁဵတ်းၵႂၢမ်းသေႃးလမုၼ်ႇ
ၵျၢမ်းဢၼႃႇၵၢတ်ႈတိဢိသႃႇယ
ၵျၢမ်းဢၼႃႇၵၢတ်ႈတိယေႇရမိ
တၢင်းဢၼ်ယေႇရမိပွင်ႉၶင်းပွင်ႉဝႃႈ
ၵျၢမ်းဢၼႃႇၵၢတ်ႈတိယေႇၸၵျေႇလ
ၵျၢမ်းဢၼႃႇၵၢတ်ႈတိတၢၼ်ႇယေႇလ
ၵျၢမ်းဢၼႃႇၵၢတ်ႈတိႁူဝ်ႇသေႇ
ၵျၢမ်းဢၼႃႇၵၢတ်ႈတိယုဝ်းဢေႇလ
ၵျၢမ်းဢၼႃႇၵၢတ်ႈတိဢႃႇမုတ်ႉ
ပျႃႇတိၵ်ႉယူႇပႃႇရုင်ႇဢေႃႇပတိ 
ဝုတ်ႉထုယုဝ်းၼ
ၵျၢမ်းဢၼႃႇၵၢတ်ႈတိမိၶႃႇ
ၵျၢမ်းဢၼႃႇၵၢတ်ႈတိၼႃႇႁူမ်ႇ
ၵျၢမ်းဢၼႃႇၵၢတ်ႈတိႁပၵ်ႉၵုၵ်ႉ
ၵျၢမ်းဢၼႃႇၵၢတ်ႈတိၸေႇပၼိ
ၵျၢမ်းဢၼႃႇၵၢတ်ႈတိႁၵ်ႉၵေး
ၵျၢမ်းဢၼႃႇၵၢတ်ႈတိၸႃႇၶရိ
ၵျၢမ်းဢၼႃႇၵၢတ်ႈတိမႃႇလၶိ
ထမ်ႇမႃႉၵျၢမ်းမႂ်ႇ

ၶၢဝ်ႇငၢဝ်းသတၢင်းသိူဝ်းပျေႃႇမၢတ်ႈထႄႇ
ၶၢဝ်ႇငၢဝ်းသတၢင်းသိူဝ်းပျေႃႇမႃႇၵု
ၶၢဝ်ႇငၢဝ်းသတၢင်းသိူဝ်းပျေႃႇလုၵႃႇ
ၶၢဝ်ႇငၢဝ်းသတၢင်းသိူဝ်းပျေႃႇယုဝ်းႁၢၼ်ႇ
ဝုတ်ႉထုတမၢၼ်ႇၸဝ်ႈ
လိၵ်ႈဢေႃးဝႃႇတႃႉရူဝ်းမ
လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်ပထမ
လိၵ်ႈဢေႃးဝႃႇတႃႉၵေႃးရဵၼ်ႇထုၽိုၼ်တုတိယ
လိၵ်ႈဢေႃးဝႃႇတႃႉၵလႃႇတိ
လိၵ်ႈဢေႃးဝႃႇတႃႉဢေးၽႅတ်ႈ
လိၵ်ႈဢေႃးဝႃႇတႃႉၽိလိပ်ႉပိ
လိၵ်ႈဢေႃးဝႃႇတႃႉၵေႃးလေႃးသႄး
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်ပထမ
လိၵ်ႈဢေႃးဝႃႇတႃႉထိၵ်ႈသႃႇလေႃးၼိၵ်ႈၽိုၼ်တုတိယ
လိၵ်ႈဢေႃးဝႃႇတႃႉတိမေႃးသေႇၽိုၼ်ပထမ
လိၵ်ႈဢေႃးဝႃႇတႃႉတိမေႃးသေႇၽိုၼ်တုတိယ
လိၵ်ႈဢေႃးဝႃႇတႃႉတိတု
လိၵ်ႈဢေႃးဝႃႇတႃႉၽိလေႇမုၼ်ႇ
လိၵ်ႈဢေႃးဝႃႇတႃႉႁေႇပြႄး
လိၵ်ႈဢေႃးဝႃႇတႃႉယႃႇၵုပ်ႉ
လိၵ်ႈဢေႃးဝႃႇတႃႉပေႇတရုၽိုၼ်ပထမ
လိၵ်ႈဢေႃးဝႃႇတႃႉပေႇတရုၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်ပထမ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တုတိယ
လိၵ်ႈဢေႃးဝႃႇတႃႉယုဝ်းႁၢၼ်ႇၽိုၼ်တတိယ
လိၵ်ႈဢေႃးဝႃႇတႃႉယုတ
ၵျၢမ်းပျႃႇတိၵ်ႈ