၄၄
ဢိသရေႇလပဵၼ်ၸၢဝ်းၶိူဝ်းဢၼ်လႆႈၶၢမ်တၢင်းဢၼ်လိူၵ်ႈၵဵပ်း
၁ မိူဝ်ႈလဵဝ်ၼႆႉၸမ်း ယႃႇၵုပ်ႉဢၼ်ပဵၼ်ၶႃႈၵဝ်၊ဢိသရေႇလ ဢၼ်ၵဝ်လိူၵ်ႈၵဵပ်းဢဝ်ၼႆႉဢိူၺ်း။ထွမ်ႇငိၼ်းတႃႉ။
၂ ထႃႇဝရႃႉၽြႃးဢၼ်ႁဵတ်းပဵၼ်မႂ်း၊ ၸဝ်ႈဢၼ်ပွင်မႄးမႂ်းၸဵမ်မိူဝ်ႈၼႂ်းတွင်ႉမေႈမႂ်းလႄႈ ၵမ်းလိုၼ်းတၵ်းၸွႆႈထႅမ်မႃႉၸႃႉမႂ်းယူႇၼၼ်ႉမီးဢမိင်ႉဝႆႉၸမ်း၊-ယႃႇၵုပ်ႉဢၼ်ပဵၼ်ၶႃႈၵဝ် ယေႇသုရုၼ်ႇ ဢၼ်ၵဝ်လိူၵ်ႈၵဵပ်း ဢဝ်ၼႆႉဢိူၺ်း။
၃ ယႃႇပေမႆႈၸႂ်ၶီၸႂ်။လွင်ႈမၼ်းၸမ်းၵဝ်တၵ်းဢဝ်ၼမ်ႉသွၼ်းလေႃႇၵႃႈၼိူဝ်ၵေႃႉဢၼ်ယၢၵ်ႈၼမ်ႉၼၼ်ႉလႄႈတၵ်းႁႂ်ႈၼမ်ႉထူမ်ႈႁူမ်ႇလိၼ်ဢၼ်ႁႅင်ႈဢၼ်ႁွင်ၼၼ်ႉဢေႃႈ။ၵဝ်တၵ်းဢဝ်ဝိၺိၺ်ႇၵဝ်သွၼ်းလေႃႇၵႃႈၼိူဝ်မဵဝ်းမႂ်း ဢိၵ်ႇတင်းဢဝ်တၢင်းလီမၢင်ႇၵလႃႇ သွၼ်းလေႃႇၵႃႈၼိူဝ်ႈၸိူဝ်ႉၶိူဝ်းမႂ်းဢေႃႈ။
၄ ၶဝ်ၵေႃႈ တၵ်းဢွၵ်ႇပဵၼ်မႃးၵႃႈၼႂ်းၵႄႈတူၼ်ႈယိူဝ်ႈတူၼ်ႈယႃႈ မိူၼ်ၸိူဝ်ႉၼင်ႇတူၼ်ႈမူဝ်းမၶတီႈႁိမ်းၼမ်ႉႁွင်ႊၼမ်ႉၵႄးၼၼ်ႉဢေႃႈ။ၵေႃႉၼိုင်ႈတၵ်းလၢတ်ႈလႄႈဝႃႈၵဝ်ပဵၼ်ၵူၼ်းထႃႇဝရႃႉၽြႃးဢေႃႈ၊ ဝႃႈၼင်ႇၼႆလႄႈၵေႃႉၼိုင်ႈတၵ်းဢဝ်ၸိုဝ်ႈဢဝ်သဵင် ယႃႇၵုပ်ႉႉ ႁွင်ႉ တူဝ်ၸဝ်ႈၵဝ်ႇဢေႃႈ။
၅ ၵေႃႉၼိုင်ႈတၵ်းဢဝ်တူဝ်လိၵ်ႈဢၼ်ဝႃႈၵူၼ်းထႃႇဝရႃႉၽြႃးဢေႃႈ ဝႃႈၼင်ႇၼႆၼၼ်ႉသမ်ႉသႂ်ႇၵႃႈတီႈမိုဝ်းမၼ်းလႄႈဢဝ်ၸိုဝ်ဢဝ်သဵင်ဢိသရေႇလ ႁွင်ႉႁိၵ်ႈတူဝ်မၼ်းဢေႃႈ။
ပဵၼ်ၽြႃးဢမ်ႇၸႂ်ႈပဵၼ်ရူၵ်ႉထု
၆ ထႃႇဝရႃႉၽြႃး၊ ၶုၼ်ႁေႃၶမ်းမဵဝ်းဢိသရေႇလ ၸဝ်ႈဢၼ်ထုတ်ႇ ဢဝ်မဵဝ်းဢိသရေႇလ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃးၼၼ်ႉမီးဢမိင်ႉဝႆႉၸမ်း၊-ၵဝ်ၼႆႉပဵၼ်ၵေႃႉဢၼ်ဢွၼ်တၢင်းသုတ်း၊ ၵေႃႉဢၼ်လိုၼ်းလင်သုတ်းဢေႃႈ။ၼွၵ်ႈသေၵဝ်ၼႆႉဢမ်ႇမီးၽြႃးတၢင်ႇသူႇ တၢင်ႇပႃး။
၇ ၸႃႉၸဵမ်မိူဝ်ႈဢၼ်ၵဝ်ၶၢၼ်းဝႆႉမဵဝ်းၵူၼ်းမိူဝ်ႈၵွၼ်ႇဢွၼ်ၼႆႉၼၼ်ႉလႄႈ ၽူႈ လႂ်တၵ်းႁွင်ႉသေႃႇလႄႈဢဝ်ဢွၵ်ႇၼႄပျုႉသေလႄႈ ၸီႇယၢင်ႇလွင်ႈတၢင်းၼႆႉတီႈၵဝ်မိူၼ်ၸိူဝ်ႉၼင်ႇၵဝ်ၼႆႉလႆႈ။ႁႂ်ႈဢွၼ်ၵၼ်ဢဝ်လွင်ႈတၢင်းဢၼ်ယင်းတိုၵ်ႉပဵၼ်ယူႇဢိၵ်ႇတင်း လွင်ႈတၢင်းဢၼ်တၵ်းပဵၼ်မႃးၸိူဝ်းၼၼ်ႉ ဢွၵ်ႇၼႄပျုႉတီႈၶဝ် သေၵမ်းလူၺ်ႈ။
၈ ယႃႇပေမႆႈၸႂ်ၶီၸႂ်။ယႃႇပေၵူဝ်ပေႁႄ။ၵဝ်မွၵ်ႇလၢတ်ႈၼႄပျုႉတီႈမႂ်း မိူဝ်ႈၵွၼ်ႇဢွၼ်ၼႆႉၼၼ်ႉဢမ်ႇၸႂ်ႈႁိုဝ်။သူပဵၼ်သၢၵ်ႈသေႇၵဝ်ဢေႃႈ။ၼွၵ်ႈသေၵဝ်ၼႆႉယင်းမီးၽြႃးတၢင်ႇသူႇတၢင်ႇပႃးလူးၵွၼ်ႇႁိုဝ်။ၼွၵ်ႈသေၵဝ်ၼႆႉဢမ်ႇမီးမၢၵ်ႇႁိၼ်မၢၵ်ႇၽႃတၢင်ႇဢၼ်။ၵဝ်ဢမ်ႇႁူႉဢၼ်ႁၼ်သေဢၼ်။
၉ ၶဝ်ၸိူဝ်းဢၼ်ႁဵတ်း ရုၵ်ႉထူႉသၢင်းထူႉတင်းသဵင်ႈတင်းလူင် ပဵၼ်ဢၼ်လၢႆလၢႆဢမ်ႇပွင်ႇလွင်ႈၵႃႈသင်လႄႈလွင်ႈတၢင်းဢၼ်ထုၵ်ႇၸႂ်ၵျိူၵ်ႈၸႂ်ၶဝ်ၼၼ်ႉ ဢမ်ႇပၼ်ဢၵျူဝ်းလႆႈ။သၢၵ်ႈသေႇၶဝ်တင်းလၢႆၼၼ်ႉလွင်ႈၼင်ႇႁိုဝ်တၵ်းလီဢူၵ်းလီဢၢႆၸိုင် တၵ်းဢမ်ႇၸၢင်ႊႁူႉၸၢင်ႊ ႁၼ်။
၁၀ ၵေႃႉဢၼ်ႁဵတ်းပဵၼ်ၽြႃး၊ၵေႃႉဢၼ်လေႃႇႁဵတ်းသွၼ်းႁဵတ်းရုၵ်ႉထူႉသၢင်းထူႉ ဢၼ်ဢမ်ႇပၼ်ဢၵျူဝ်းလႆႈၼၼ်ႉၸမ်း၊ပဵၼ်ၽူႈ လႂ်။
၁၁ တူၺ်းလူ။ၶဝ်ၸိူဝ်းဢၼ်ႁဵတ်းၵေႃႉသေႈ လူၺ်ႈၵၼ်တင်းၵေႃႉၼၼ်ႉၵႃႈမီးၼၼ်ႉတၵ်းဢွၼ်ၵၼ်ဢူၵ်းဢၢႆဢေႃႈ။ၶဝ်ၸိူဝ်းဢၼ်ႁဵတ်းပဵၼ်ၼၼ်ႉပဵၼ်ၵူၼ်းၵူၺ်းဢေႃႈ။ၶဝ်ၵႃႈမီးၼၼ်ႉတၵ်းလႆႈၸူႉၵၼ်တုမ်ၵၼ်လႄႈလုၵ်ႉၸုၵ်းယူႇဢေႃႈ။တၵ်းလႆႈတူၵ်းသႂ်ႇလႄႈ မီးတၢင်းဢၼ်ဢူၵ်းဢၢႆၸွမ်းၵမ်း လဵဝ်ၵၼ်ဢေႃႈ။
၁၂ ၸၢင်ႊလဵၵ်းႁဵတ်းပဵၼ်တႃမၢတ်ႇလႄႈၸင်ႇဢဝ်ၽင်သႂ်ႇၵႃႈၼႂ်းထၢၼ်ႇၽႆးသေယဝ်ႉ ဢၼ်ၶွၼ်ႉလဵၵ်းထုပ်ႉပေႃႉလႄႈ ဢဝ်ႁႅင်းၶႅၼ်မိုဝ်းဢွၵ်ႇႁဵတ်းဢေႃႈ။မၼ်းတွင်ႉမႆႈၶႆႈၵိၼ်လႄႈႁႅင်းဢူၼ်ႈၵႂႃႇဢေႃႈ။
၁၃ မၼ်းဢမ်ႇလႆႈၵိၼ်ၼမ်ႉလႄႈႁိူဝ်ႉၼူၼ်းဢေႃႈ။လၢၵ်ႈသမႃးၸင်ႇဢဝ်မၢႆမီႈၽႅတ်းယူႇ၊ ဢဝ်လဵၵ်းၸီးမၢတ်ႈမၢႆလႄႈ ဢဝ်သိဝ်ႇတင်းလၢႆတွင်ႈႁဵတ်းသေလႄႈ ဢဝ်လဵၵ်းဢၼ်တႅၵ်ႈမၼ်းတႅမ်ႈမၢႆဝႆႉသေလႄႈ တွင်ႈႁဵတ်းႁႂ်ႈမႅၼ်ႈၵၼ်တင်းႁၢင်ႈၽၢင်ၵူၼ်း ထၼ်ႈပေႃးႁႂ်ႈပႃးသရေႇၵူၼ်းႁႂ်ႈလႆႈမီးယူႇၵႃႈၼႂ်းႁိူၼ်းဢေႃႈ။
၁၄ မၼ်းတႅပ်းၽၼ်းတူၼ်ႈဢႃႇရိတ်ႉ တင်းလၢႆလႄႈလိူၵ်ႈၵဵပ်းဢဝ်တူၼ်ႈၵုပရ တင်းတူၼ်ႈမႆႉၼိမ်သေလႄႈၸင်ႇလုမ်းလႃးႁႂ်ႈယႂ်ႇမႃးလီလီငၢမ်းငၢမ်း ၵႃႈၼႂ်းပႃႇတူၼ်ႈၵႃႈၼႂ်းထိူၼ်ႇၼႂ်းၶိူဝ်းၸိူဝ်းၼၼ်ႉပုၼ်ႈမၼ်းဢေႃႈ။မၼ်းၽုၵ်ႇတူၼ်ႈမႆႉပႅၵ်ႇသေလႄႈ ၼမ်ႉၽူၼ်ၵေႃႈၸင်ႇ လဵင်ႉဝႆႉဢေႃႈ။
၁၅ ပဵၼ်ပုၼ်ႈၽိုၼ်းဢၼ်ၵူၼ်းတၵ်းဢဝ်သႂ်ႇၽႆးတၢမႆ်းဢေႃႈ။ မၼ်းၸင်ႇဢဝ်ၵမ်ႈၽွင်ႈႁဵတ်းၽႆးဢွမ်ႇဢေႃႈ။လၢႆးသမ်ႉၸင်ႇဢဝ်ၵမ်ႈၽွင်ႈသေလႄႈၼိုင်ႈၶဝ်ႈမုၼ်းဢေႃႈ။လၢႆးသမ်ႉၸင်ႇဢဝ်ႁဵတ်းၽြႃးသေလႄႈၵူဝ်းၵႂၢႆႇဢေႃႈ။ ၸၢင်ႊဢဝ်တွင်ႈႁဵတ်းရုၵ်ႉထူႉ သေလႄႈၶုပ်ႉမူပ်ႇၵႃႈတီႈၽၢႆႇၼႃႈမၼ်းဢေႃႈ။
၁၆ မၼ်းၸင်ႇဢဝ်မႆႉၼၼ်ႉပွတ်းၼိုင်ႈသႂ်ႇၽႆးလႄႈ ဢဝ်ပွတ်းၼိုင်ႈႁုင်ၼိူဝ်ႉၵိၼ်ဢေႃႈ။မၼ်းၸင်ႇဢဝ်ပိင်ႈဢၼ်ၽဝ်သေလႄႈၵိၼ်ႁႂ်ႈဢိမ်ႇႁႂ်ႈတဵမ်ဢေႃႈ။ လၢႆးသမ်ႉမၼ်းၸင်ႇဢွမႆ်ႇးၼၼ်ႉလႄႈလၢတ်ႈလႄႈဝႃႈ၊-ဢိူဝ်ႈ၊ၵဝ်ဢုၼ်ႇယဝ်ႉ။လႆႈထူပႆ်းးယဝ်ႉ၊ဝႃႈၼင်ႇၼႆဢေႃႈ။
၁၇ ပွတ်းၼိုင်ႈ ဢၼ်ၵိုတ်းဢၼ်ၵျၢၼ်ႇၼၼ်ႉၸိုင် မၼ်းၸင်ႇဢဝ်ႁဵတ်းၽြႃး ဢၼ်ဝႃႈရုၵ်ႉထူႉၼၼ်ႉဢေႃႈ။မၼ်းၸၢင်ႊၶုပ်ႉမူပ်ႇသေလႄႈ ၵူဝ်းၵႂၢႆႇၵႃႈတီႈၽၢႆႇၼႃႈမၼ်းၼၼ်ႉလႄႈၸင်ႇသူးတွင်းလႄႈဝႃႈ၊-ၸဝ်ႈႁဝ်းပဵၼ်ၽြႃးၵဝ်ၶႃႈတီႈၶႃႈဢေႃႈ။ၶႅၼ်းတေႃႈၵႄႇသႄႇၶျွတ်ႈဢဝ်ၶႃႈၸဝ်ႈသေၵမ်းတီႈၶႃႈ၊ ဝႃႈၼင်ႇၼႆဢေႃႈ။
၁၈ ၶဝ်ၸိူဝ်ႉၼင်ႇၼၼ်ၼၼ်ႉဢမ်ႇမီးပိင်ႇၺႃႇ။ ဢမ်ႇမီးၺၢၼ်ႇ။မၼ်းၸဝ်ႈဢိုတ်းဝႆႉႁူမ်ႇဝႆႉတႃႇၶဝ်ႁႂ်ႈၶဝ်ထၼ်ႈပေႃးဢမ်ႁၼ်လႆႈဢိၵ်ႇတင်း ႁူဝ်ၸႂ်ၶဝ်ႁႂ်ႈၶဝ်ထၼ်ႈ ပေႃးဢမ်ႇႁူႉလႆႈၸႅင်ႈလႆႈဢေႃႈ။
၁၉ ဢမ်ႇမီးၵေႃႉဢၼ်ၶုၵ်းၸႂ်လႆႈၶႆႈၸႂ်ထူပ်းၵႃႈၼႂ်းႁူဝ်ၸႂ်မၼ်းလႄႈ မီးၺၢၼ်ႇမီးပိင်ႇၺႃႇလႄႈဝႃႈ၊-ၵဝ်လႆႈဢဝ်ပွတ်းၼိုင်ႈသႂ်ႇၽႆးယဝ်ႉ။ ၵဝ်လႆႈဢဝ်ၶဝ်ႈမုၼ်းၽဝ်ၵႃႈၼိူဝ်ထၢၼ်ႇၽႆးၼၼ်ႉယဝ်ႉ။ ၵဝ်လႆႈဢဝ်ၼိူဝ်ႉပိင်ႈႁၢင်းသေလႄႈၵိၼ်ယဝ်ႉ။ပွတ်းဢၼ်ယင်းၵိုတ်းယင်းၵျၢၼ်ႇဝႆႉၼၼ်ႉၸိုင်ၵဝ်တၵ်းလႆႈႁႂ်ႈပဵၼ်တီႈ ဢၼ်လီႁင်ႈဢဵတ်ႇသဵတ်ႇႁိုဝ်။ၵဝ်တၵ်းလႆႈၶုပ်ႉမူပ်ႇ ၵႃႈတီႈၽၢႆႇၼႃႈတုမ်မႆႉႁိုဝ်၊ ဝႃႈၼင်ႇၼႆၼၼ်ႉသေၵေႃႉသေၵူၼ်းလႃးလႃးလူင်ပေႇ။
၂၀ မၼ်းၼၼ်ႉၸင်ႇဢဝ်တဝ်မုၵ်ႈၽႆးၵိၼ်ဢေႃႈ။ ႁူဝ်ၸႂ်မၼ်း ဢၼ်လႆႈၶၢမ်ႇ တၢင်းဢၼ်ပႅတ်ႉဢၼ်လႅၼ်ၼၼ်ႉ ႁႂ်ႈမၼ်းၽိတ်းတၢင်းပိူင်ႈတၢင်းၵႂႃႇထၼ်ႈပေႃးမၼ်း ဢမ်ႇၵႄႇသႄႇၶျွတ်ႈဢဝ်ဝိၺိၺ်ႇမၼ်းလႆႈလႄႈလၢတ်ႈဝႃႈ၊-ၵႃႈၼႂ်းမိုဝ်းၶွၼ်ၶႂႃၵဝ်ၼႆႉပႃးမိၵ်ႉသႃႇတိၵ်ႉထိႁိုဝ်ဝႃႈၼင်ႇၼႆၼၼ်ႉလႆႈလူင်ပေႇ။
၂၁ မဵဝ်းယႃႇၵုပ်ႉဢိူၺ်း။ၶုၵ်းၸႂ်လႆႈၶႆႈၸႂ်ထူပ်းလွင်ႈတၢင်းၸိူဝ်းၼႆႉတႃႉ။မဵဝ်းဢိသရေႇလဢိူၺ်း။မႂ်းပဵၼ်ၶႃႈၵဝ်ဢေႃႈ။ၵဝ်ႁဵတ်းပၼ်မႂ်းလႄႈမႂ်းပဵၼ်ၶႃႈၵဝ်ဢေႃႈ။
၂၂ မဵဝ်းဢိသရေႇလဢိူၺ်း။ၵဝ်ဢမ်ႇလူင်ဢမ်ႇလိုမ်းမႂ်း။ၵဝ်ထူမွတ်ႇတူႉၸရိူၵ်ႈမႂ်းၸိူဝ်းၼၼ်ႉပႅတ်ႈ မိူၼ်ၸိူဝ်ႉၼင်ႇမုၵ်ႉၽႃႈၽူၼ် ဢိၵ်ႇတင်း ဢပျႅတ်ႈမႂ်းၸိူဝ်းၼၼ်ႉပႅတ်ႈမိူၼ်ၸိူဝ်ႉၼင်ႇၶႅပ်းၽႃႈၽူၼ်ယဝ်ႉ။ၶိုၼ်းမႃးၸူးတီႈ ၵဝ်တႃႉ။
၂၃ ၵဝ်ထုတ်ႇဢဝ်မႂ်းယဝ်ႉ။ ၾႃႉၵၢင်ႁၢဝ်ဢိူၺ်း။ႁဵတ်းၵႂၢမ်းတႃႉ။ထႃႇဝရႃႉၽြႃးႁဵတ်းဝႆႉယဝ်ႉယဝ်ႉ။ၵႃႈတီႈတႂ်ႈလိၼ်မိူင်းၶဝ်ဢွၼ်ၵၼ်ႁွင်ႉသႅၼ်ႇတႃႉ။လွႆတင်းလၢႆဢိၵ်ႇတင်းထိူၼ်ႇတင်းတူၼ်ႈမႆႉ ၵႃႈဢၼ်မီးၵႃႈၼႂ်းမၼ်းၶဝ်ဢိူၺ်း။ဢွၼ်ၵၼ်ၵိဝ်သဵင်ဢၼ်ဢိုၼ်းၵတ်းဢိုၼ်းယဵၼ်ၼၼ်ႉတႃႉ။ထႃႇဝရႃႉၽြႃးထုတ်ႇဢဝ်မဵဝ်းယႃႇၵုပ်ႉယဝ်ႉ။မၼ်းၸဝ်ႈတၵ်းႁႂ်ႈမူၼ်ႈၽုင်းမၼ်းၸဝ်ႈထၢင်ႇသႃးၵွပ်ႈပိူဝ်ႈမဵဝ်းဢိသရေႇလဢေႃႈ။
တေလႆႈယူႇသဝ်းၼႂ်းဝဵင်းယေႇရုသလႅမ်ႇ
၂၄ ထႃႇဝရႃႉၽြႃး ဢၼ်ထုတ်ႇဢဝ်မႂ်းလႄႈ ပွင်မႄးမႂ်းၸဵမ်မိူဝ်ႈၼႂ်းတွင်ႉမေႈမႂ်းၼၼ်ႉမီးဢမိင်ႉဝႆႉၸမ်း၊- ၵဝ်ပဵၼ်ထႃႇဝရႃႉၽြႃးဢၼ်ႁဵတ်းလွင်ႈတၢင်း ၵူႈၸိူဝ်ႉၵူႈပိူင်ဝႆႉ၊ဢၼ်သူႇလဵဝ်ပႃး လဵဝ်ၵူၺ်းၶဵင်ႈမုင်ႇၾႃႉၵၢင်ႁၢဝ်ဝႆႉ၊ဢၼ်ယင်းမီးၵေႃႉမီးသေႈလႄႈ ဢဝ်လိၼ်မိူင်းသိူဝ်ႇ လိူၼ်ႈဝႆႉ၊
၂၅ ဢၼ်ဢဝ်ပုၵ်ႉပႃႉၼီႈမိၵ်ႈမိၵ်ႉသႃႇသြႃႇတင်းလၢႆၼၼ်ႉႁၢႆပႅတ်ႈလႄႈ ႁႂ်ႈၸဝ်ႈပေႇတၢင်ႇလႆႈယွင်ႇမႃႈဢၼ်ႁႂ်ႈၵူၼ်းဢၼ်မီးပိင်ႇၺႃႇတင်းလၢႆ ဝၢႆႇၶိုၼ်းလႄႈ ႁႂ်ႈပိင်ႇၺႃႇၶဝ်မိူၵ်ႈၵႂႃႇ၊ ဢၼ်ႁႂ်ႈၵႂၢမ်းၶႃႈတူဝ်ၸဝ်ႈၵဝ်ႇတႄႇယူႇလႄႈႁဵတ်းၸွမ်းၵႃႈၼင်ႇဢၼ်တမၢၼ်ႇတူဝ်ၸဝ်ႈၵဝ်တင်းလၢႆႁေႃးလၢတ်ႈ၊ ဢၼ်လၢတ်ႈလူၺ်ႈလွင်ႈဝဵင်းယေႇရုသလႅမ်ႇလႄႈဝႃႈ၊-
၂၆ မၼ်းတၵ်းပဵၼ်တီႈယူႇၵူၼ်းဢေႃႈ ဝႃႈၼင်ႇၼႆလႄႈလၢတ်ႈလူၺ်ႈလွင်ႈဝဵင်းယုတတင်းလၢႆလႄႈဝႃႈ၊-ၶဝ်တၵ်းလႆႈမီးတၢင်းဢၼ်တႄႇႁဵတ်းယူႇဢေႃႈ။ၵဝ်တၵ်းၵုမ်းတၵ်းမႄး တီႈဢၼ်ၵိူၼ်ႇဢၼ်လူႉ ၸိူဝ်းၼၼ်ႉဢေႃႈ၊ဝႃႈၼင်ႇၼႆ၊ ဢၼ်လၢတ်ႈတီႈပၢင်ႇလၢႆႇလႄႈ ဝႃႈ၊-
၂၇ ႁႂ်ႈၼမ်ႉသဵင်ႈမူတ်းသေ။ၵဝ်တၵ်းႁႂ်ႈၼမ်ႉႁွင်ႊၼမ်ႉၵႄးမႂ်း မိူၼ်ၸိူဝ်ႉၼင်ႇယူတ်းႁႅင်ႈဢေႃႈ၊ဝႃႈၼင်ႇၼႆ၊ဢၼ်လၢတ်ႈလူၺ်ႈလွင်ႈၶုၼ်ၵုရုလႄႈဝႃႈ၊ မၼ်းပဵၼ်ၵူၼ်းလဵင်ႉသူဝ်းထိင်းသူဝ်းၵဝ်လႄႈ တၵ်းႁႂ်ႈဢလူဝ်ၵဝ်
၂၈ ၵႃႈမီးတဵမ်ဝႆႉယူသေလႄႈၸီႇယၢင်ႇလူၺ်ႈလွင်ႈ ဝဵင်းယေႇရုသလႅမ်ႇလႄႈဝႃႈ မၼ်းတၵ်းလႆႈမီးတၢင်းဢၼ်တႄႇႁဵတ်းဢေႃႈ၊ဝႃႈၼင်ႇၼႆလႄႈလၢတ်ႈတီႈပိၵ်ႉမၢၼ်ႇၸဝ်ႈလႄႈဝႃႈ၊ ငဝ်ႈႁၢၵ်ႈတိူၵ်ႈမႂ်းတၵ်းလႆႈမီးတၢင်းဢၼ်ၶျႃးဝႆႉဢေႃႈ၊ဝႃႈၼင်ႇၼႆၼၼ်ႉဢေႃႈ။