၂၅
ယွင်ႈယေႃးၽြႃးပဵၼ်ၸဝ်ႈ
၁ ထႃႇဝရႃႉၽြႃးတီႈၶႃႈ။ၸဝ်ႈႁဝ်းပဵၼ်ၽြႃးပဵၼ်ၸဝ်ႈၵဝ်ၶႃႈတီႈၶႃႈဢေႃႈ။ၶႃႈၸဝ်ႈတၵ်းယုၵ်ႉၸဝ်ႈႁဝ်းဝႆႉလႄႈ ယွင်ႈယေႃးၼႃႇမႃႉၸိုဝ်သဵင်ၸဝ်ႈႁဝ်းတီႈၶႃႈဢေႃႈ။ၸဝ်ႈႁဝ်းႁဵတ်းလွင်ႈတၢင်းဢၼ်လီဢၢမ်းဢၼ်ဝႃႈ တၢင်းၵျၢမ်ႇတၢင်းပွင်ၸဝ်ႈႁဝ်းဢၼ်မီးၸဵမ်မိူဝ်ႈၵွၼ်ႇဢွၼ်ၼႆႉၼၼ်ႉလႄႈဢမ်ႇၶၢႆႉဢမ်ႇပုတ်ႈ၊ မၼ်ႈ ၶိူင်ႇယူႇလူၺ်ႈသႅတ်ႉၸႃႇတီႈၶႃႈဢေႃႈ။
၂ ၸဝ်ႈႁဝ်းၸီႇယၢင်ႇႁႂ်ႈဝဵင်းပဵၼ်ၵွင်ၽုၼ်ႇၵွင်လိၼ် ႁႂ်ႈဝဵင်းဢၼ်မၼ်ႈၶိူင်ႇၼၼ်ႉ ပဵၼ်တီႈဢၼ်ၵိူၼ်ႇပင်းလူႉလႅဝ်ႁႂ်ႈႁေႃၶမ်းတီႈယူႇၵူၼ်းတင်းဝၢၼ်ႈတင်းမိူင်းၸိူဝ်းၼၼ်ႉ ဢမ်ႇပဵၼ်ၶူးပဵၼ်လမ်းဝဵင်းလႄႈၵမ်းလိုၼ်းဢမ်ႇလႆႈမီး တၢင်းဢၼ်တႄႇဢၼ်ႁဵတ်းတီႈၶႃႈယဝ်ႉ။
၃ ပိူဝ်ႈၼႆလႄႈမဵဝ်းၵူၼ်းဢၼ်ႁႅင်းယႂ်ႇၼႃႇၼၼ်ႉ တၵ်းယွင်ႈယေႃးၸဝ်ႈႁဝ်းလႄႈ ဝဵင်းတီႈယူႇမဵဝ်းၵူၼ်းဢၼ်လီၵူဝ်လီႁႄၼႃႇၸိူဝ်းၼၼ်ႉ တၵ်းၵူဝ်ႁႄၸဝ်ႈႁဝ်းတီႈၶႃႈဢေႃႈ။
၄ ၸဝ်ႈႁဝ်း ပဵၼ်တီႈဢၼ်သွၼ်ႈပိုင်ႈပုၼ်ႈၶဝ်ၸိူဝ်းဢၼ်ၽၢၼ်ဢၼ်ၵႅၼ်း၊ တီႈဢၼ်သွၼ်ႈပိုင်ႈပုၼ်ႈၶဝ်ၸိူဝ်းဢၼ်ၸုတ်ႈဢၼ်လုတ်ႈ ၼႂ်းၶိင်ႇမိူဝ်ႈဢၼ်ၽေးႁွတ်ႈထိုင်ၼၼ်ႉ၊တီႈဢၼ်ႁႄႉၵင်ႈၽူၼ်လူင်လူမ်းလူင်၊ ႁူမ်ႈၵွင်ႉငဝ်းဢၼ်လပ်ႉလွတ်ႈဢၼ်မႆႈဢၼ်ႁွၼ်ႉ သၢႆဢရွင်ႇငဝ်းဝၼ်းၼႂ်းမိူဝ်ႈဢၼ် တေႃးသႃႉတၢင်းၸႂ်မႆႈၶဝ်ၸိူဝ်းဢၼ်လီၵူဝ်လီႁႄၼၼ်ႉဢ ွၵ်ႇမႃးမိူၼ်ၸိူဝ်ႉၼင်ႇၽူၼ်လူင်လူမ်းလူင် ဢၼ်ပတ်ႉထူဝ်းသႂ်ႇတီႈၽႃၼၼ်ႉတီႈ ၶႃႈဢေႃႈ။
၅ ၸဝ်ႈႁဝ်းတၵ်းႁႂ်ႈသဵင်ၵူၼ်းဝၢၼ်ႈၵူၼ်းမိူင်းတင်းလၢႆတဵတ်ႇၵႂႃႇယဵၼ်ၵႂႃႇ မိူၼ်ၸိူဝ်ႉၼင်ႇဢၢႆလႅတ်ႇၵႃႈတီႈဢၼ်ႁႅင်ႈဢၼ်ႁွင်ၼၼ်ႉလႄႈ သဵင်ႁဵတ်းၵႂၢမ်းၶဝ်ၸိူဝ်းဢၼ်လီၵူဝ်လီႁႄၼၼ်ႉ တၵ်းႁၢႆလၢႆၵႂႃႇၸိူဝ်ႉၼင်ႇဢၢႆလႅတ်ႇႁၢႆၵႂႃႇ ၵွပ်ႈပိူဝ်ႈဢၼ်ၽႃႈၽူၼ်ဢၼ်ၼႃတၼ်ၼႃႇၼၼ်ႉတီႈၶႃႈဢေႃႈ။
၆ ၸဝ်ႈပူဝ်ႇပႃႇၵၢင်ႁၢဝ်ထႃႇဝရႃႉၽြႃး တၵ်းၸီႇယၢင်ႇသၢင်ႈႁဵတ်းပွႆးတၢင်းၵိၼ်တၢင်းၶူပ်းဢၼ်မၼ်းလီၼႃ၊ပွႆးၼမ်ႉၸပိတ်ႉဢၼ်ၼွၼ်းႁူၼ်းယဝ်ႉ ဢၼ်ဝႃႈပွႆးဢၼ်မီးတၢင်းၵိၼ်တၢင်းၶူပ်းဢၼ်မၼ်းလီၼႃႇသတ်ႉတဵမ်ဝႆႉတင်း ဢွၵ်းလုပ်ႇမၼ်းလုပ်ႇၼၼ်ႉ ဢိၵ်ႇတင်းၼမ်ႉၸပိတ်ႉ ဢၼ်ၸႅတ်ႈသလေီလီငၢမ်းငၢမ်းယဝ်ႉၼၼ်ႉ ပုၼ်ႈမဵဝ်းၵူၼ်းတင်းသဵင်ႈတင်းလူင်ၵႃႈၼိူဝ် လွႆၼႆႉဢေႃႈ။
၇ မၼ်းၸဝ်ႈတၵ်းပႄႇၽဵဝ်ႈပႅတ်ႈသေၵုးၼိူဝ်လွႆႈၽႃႈၽူၼ်ၼႃ ဢၼ်ႁူမ်ႇမဵဝ်းၵူၼ်းတင်းသဵင်ႈတင်းလူင်ဢိၵ်ႇတင်း ၽႃႈမႆႈဢၼ်ႁူမ်ႇသုမ်ႇၵူၼ်းၵူႈၸိူဝ်ႉၵူႈမဵဝ်းၼၼ်ႉဢေႃႈ။
၈ မၼ်းၸဝ်းတၵ်းႁႂ်ႈတၢင်းတၢႆသုမ်းၸွမ်းပႅတ်ႈသေလႄႈ ၸဝ်ႈထႃႇဝရႃႉၽြႃးတၵ်းၸဵတ်ႉၼမ်ႉတႃပႅတ်ႈသေ ၵႃႈတီႈၼႃႈတင်းသဵင်ႈတင်းလူင်ဢေႃႈ။တၢင်းဢၼ်ၵူၼ်းမၼ်းၸဝ်ႈတင်းလၢႆလႆႈၶၢမ်ႇတၢင်းဢၼ်သေႉသွမ်းၼၼ်ႉၵေႃႈ မၼ်းၸဝ်ႈပႄႇမူတ်းပႅတ်ႈသေ ၵႃႈၼိူဝ်လိၼ်မိူင်းၵူႈတီႈၵူႈလႅၼ်ဢေႃႈဝႃႈၼင်ႇၼႆလႄႈ ထႃႇဝရႃႉၽြႃးမီးဢမိင်ႉၸိူဝ်ႉၼင်ႇၼၼ်ဢေႃႈ။
၉ ၼႂ်းမိူဝ်ႉဝၼ်းၶိင်ႇၵႃႇလႃႉၼၼ်ႉၶဝ်တၵ်းဢွၼ်ၵၼ်လၢတ်ႈလႄႈဝႃႈ၊-တူၺ်းလူ။ၸဝ်ႈၼႆႉၸမ်းပဵၼ်ၽြႃးပဵၼ်ၸဝ်ႈႁဝ်းဢၼ်ႁဝ်းမုင်ႈမွင်းယူႇၼၼ်ႉယဝ်ႉ။မၼ်းၸဝ်ႈတၵ်းၵႄႇသႄႇၶျွတ်ႈဢဝ်ႁဝ်းဢေႃႈ။ ၸဝ်ႈၼႆႉၸမ်း ပဵၼ်ထႃႇဝရႃႉၽြႃးဢၼ်ႁဝ်းမုင်ႈမွင်းယူႇၼၼ်ႉယဝ်ႉ။ ႁဝ်းတၵ်းဢွၼ်ၵၼ်ၸူမ်းသိူဝ်းလႄႈသႂၢင်ႇၸႂ်ၼႂ်းၵျေးၸူးတၢင်းဢၼ် မၼ်းၸဝ်ႈၵႄႇသႄႇၶျွတ်ႈဢဝ် ၼၼ်ႉဢေႃႈ၊ဝႃႈၼင်ႇၼႆဢေႃႈ။
၁၀ လွင်ႈမၼ်းၸမ်းမိုဝ်းထႃႇဝရႃႉၽြႃးတၵ်းတႄႇယူႇၼိမ်ယူႇ ၵႃႈၼိူဝ်လွႆၼႆႉလႄႈ မိူင်းမေႃႇၽ တၵ်းလႆႈၶၢမ်ႇတၢင်းဢၼ်မၼ်းၸဝ်ႈတဵၵ်းယဵပ်ႇသႂ်ႇၵႃႈၼႂ်း တီႈယူႇမၼ်းမိူၼ်ၸိူဝ်ႉၼင်ႇဢၼ်ၽိူင်းလႆႈၶၢမ်ႇတၢင်းဢၼ်ယဵပ်ႇသႂ်ႇ ၵႃႈၼႂ်းၼမ်ႉ ၼႂ်းၶီႈဝူဝ်းၼၼ်ႉဢေႃႈ။
၁၁ မၼ်းတၵ်းယဵတ်ႇမိုဝ်းဢႃႈမိုဝ်းၵႃႈၼႂ်းၵၢင်ၼမ်ႉၵၢင်ၵူမ်ႇၼၼ်ႉ မိူၼ်ၸိူဝ်ႉၼင်ႇၵေႃႉဢၼ်လုၺ်းၼမ်ႉယဵတ်ႇမိုဝ်းဢႃႈမိုဝ်းႁႂ်ႈလႆႈ လုၺ်းၼမ်ႉလႄႈၶျႃးမႃႇၼႃႉဢိၵ်ႇတင်းတၢင်းၵတ်ႉတၢင်းၶၼ်မၼ်း တူၵ်းပႅတ်ႈဢေႃႈ။
၁၂ မၼ်းၸဝ်ႈတၵ်းၵိူၼ်ႇယႃႉၶျုးတူၵ်းထဵင်လၢင်းပၢႆလမ်းဝဵင်းပႅတ်ႈလႄႈ ႁဵတ်းႁႂ်ႈတဵမ်တေႃႇထိုင်ႁွတ်ႈလိၼ်ဢၼ်ဝႃႈမုၼ်ႈလိၼ်ဢေႃႈ။